رواية امتلاك الفصل الثالث 3 - بقلم اسراء السيد

إزاي تاخدني على القسم؟ أنا عملت إيه؟ قالت كلامها بتحدي وغضب. أما هو فرد عليها باستفزاز: تعدي على مواطن وإصابته بالعديد من الإصابات. شهقت بصدمة وبصتله بزهول: تعدي على إيه يا عنيا؟ وكملت بسخرية: وبعدين المواطن ده كان بيجاهد في سبيل الله مثلاً؟ بصلها بغضب وقرب منها وقال بشر: أنتي قولتي نعم يا أي؟ بصتله ببراءة وقالت بصوت طفولي: عنيّ. للمرة الألف، حركت صوته قلبه من مكانه بصوتها تلك.

أما علي، في هرب منها وأمر سليم ياخدها على القسم. ولأن القسم قريب منهم، فخدوها. فضلت واقفة بزهق، والأصوات جمبها خنقتها. لأول مرة تدخل قسم، ولأول مرة تتحط في موقف زي ده. قالت في سرها: غلطتي إني ضربته قدام القسم. ماهو كل مرة بضرب وبتعدي، المرادي آخرتها قسم. ياربي بقى! سليم قرب من مكانها وقال بمرح: ماهو أنتي مكنش لازم برضه توقفي مع الراجل كده. ضحكت بصوت عالي ومش واخدة بالها من نظرات علي اللي هتحرقها. وقالت لسليم بمرح:

والله أنا كل مرة بضرب بعيد عن القسم، المرادي بقى تقريبًا قرصت ودنه. سليم بضحك على كلامها قال بهدوء: أنتي اسمك إيه؟ بمرح: قمر يا برنس. سليم بتشنج: بقي العقيد سليم الأسواني يتقاله يا برنس؟ وبعدين أنتي بتعكسيني ولا ده اسمك؟ قمر بخوف وتراجع، حطت إيديها على راسها: حقك. فوق فوق فوق راسي. والله معرف إنك عقيد. وبعدين قمر ده اسمي.

قمر خدها احمرت واتكسفت وبتلف، لقت علي واقف بيراقبهم من بعيد وهو حاطت أيده في جيبه. استغربت نظراته، واستغربت أكتر لما لقيته بيشاور أنها تقرب. قمر راحته ودخلت المكتب وهي دخلت وراه. راح ناحية الكرسي وقعد. جت تقعد قالها باستفزاز: حد سمحلك تقعدي؟ اتحرجت وقامت بغضب طفولي. كتم صوت ضحكته على حركاتها وقام وقف قدامها، وقرب منها خطوتين و…