رواية امتلكني القمر الفصل الحادي عشر 11 - بقلم يارا عبد العزيز

قمر بصدمة: فهد! سها: جوزك؟ قمر وهي لسه في صدمتها: ايوا. فهد بجدية وهو بيبص على قمر: يا ريت كلنا نركز في المحاضرة عشان مضطرش إني اطلع أي بيتكلم برا. قمر بصتله بغيظ. فهد بابتسامة: نكمل محاضرتنا. بعد مرور ساعتين. فهد بجدية: المحاضرة انتهت، حد عنده أي سؤال؟ فهد: تمام، تقدروا تتفضلوا. تالين: قمر قوي ياااه لو ربنا يجعله من نصيبي. : بنات الدفعة كلها هتموت عليه. سها وهي بتمسك إيد قمر: اهدى.

تالين: بقولك أنا هروح أسأله على حاجة في المحاضرة واهو بالمرة أفتح كلام معاه. قمر بعصبية: احترمي نفسك. ببرود: وانتي مالك؟ انتي بتدخلي ليه؟ قمر وهي بتقول وبتشدها من شعرها وبعصبية: انتي زودتيها قوي بجد. فهد جرى عندهم وقتها. فهد بعصبية وهو بيشد قمر: إيه اللي بيحصل هنا؟ : بتضربني يا دكتور، أنا لازم هقدم فيكي بلاغ للعميد. فهد: تعالوا ورايا على مكتبي انتوا الاتنين. في مكتب فهد. فهد وهو بيبص لقمر: ضربتيها ليه؟

قمر بغيظ: هي اللي غلطت فيا. فهد وهو بيبص للبنت: أنا بعتذر منك وياريت منكبرش الموضوع أكتر من كدا يا بشمهندسة. بتوهان فيه: عشان حضرتك بس يا دكتور. قمر بعصبية: والله العظيم أجيب اتنين ليمون ولا المأذون. : يا ريت. قمر كانت لسه هتضربها بس فهد قام وقف قصدها. فهد وهو بيبص للبنت: تقدري تتفضلي. خرجت وقمر كانت لسه جاية تمشي بس فهد مسك إيدها وحاوط بإيده خصرها وشبه كانت في حضنه. قمر بعصبية: ابعد والله أصوت وألم عليك الناس.

فهد بابتسامة: بجد؟ طب اعمليها كدا يلا أنا عايزهم كلهم يدخلوا يشوفونا كدا. قمر بغيظ: أنت بارد. فهد بحنية وهو بيدفن راسه في رقبتها: بتعملي مشاكل من أول يوم ليكي، مش هتبطلي حركات العيال الصغيرة بتاعتك دي بقى؟ طب أنا جوزك واستحملك الناس ذنبهم إيه؟ قمر بتوهان في حنيته: هي اللي مستفزة. فهد وهو بيبصلها: عملتلك إيه؟ قمر: ملكش دعوة وابعد عني بقى، أنت أصلاً موقفتش جانبي ورحت اعتذرت منها.

فهد: أنتي اللي ضربتيها يا قمر، كنتي عايزني أضربها معاكي يعني؟ قمر بدموع: أنا مش عايزة منك حاجة وابعد بقى بجد. فهد وهو بيسيبها: خلاص متعيطيش. قمر وقتها مشيت وسيبته. سها: هاا عملتي إيه؟ قمر بعصبية: خلاص الموضوع خلص. سها: طب الحمد لله، طب متعصبة ليه دلوقتي؟ قمر: تعالي نقعد أنا بجد محتاجة أتكلم معاكي. سها: أشطا تعالي. سها: هاا يا ستي إيه اللي حصل بقى؟ قمر حكت لسها كل اللي حصل. سها بعصبية: هو بجد فيه بني آدم كدا؟

قمر: أنا بجد بكرهه. سها: بس أنتي برضه غلطتي، أنا من الأول وأنا بقولك بلاش موضوع المنوم دا. قمر: ماشي يا ستي أنا غلطت بس دا مش مبرر للي عمله. سها: بس هو بيحاول يصلح غلطه أهو يا قمر وبعدين أنتي بتحبيه. قمر: حتى لو بحبه كرامتي فوق كل حاجة. سها: طب ناويين تعملوا إيه؟ قمر: في إيه؟ سها: موضوع الوصية يا قمر. قمر: أنا محتاجة وقت، مش عشان أسامحه لأني استحالة أسامحه، بس محتاجة شوية وقت عشان أسمحله يقرب مني.

سها: فاهمكي بس فيه هو وعمته والمحامي والوصية كل دا. قمر: اقفلي على الموضوع دا أنا مش عايزة أتكلم فيه. سها: ماشي المهم أنتي عاملة إيه دلوقتي؟ قمر: بقيت أحسن والدكتورة قالت إني بقيت كويسة عشان كدا خرجوني من المستشفى. سها: طب الحمد لله ربنا يهونها عليكي. قمر: يا رب. قمر وسها كانوا واقفين ومستنيين تاكسي. فهد: تعالوا هوصلكوا. قمر وهي مش بتبصله: لا شكراً، هناخد تاكسي. فهد بعصبية: اركبي يا قمر.

قمر: تعال اضربني ما هو بقى عادي عندك. سها: خلاص يا قمر احنا في الشارع، تعال نركب وفيها إيه يعني. قمر: أنا مش عايزة أركب معاه. فهد وهو بيبص على تالين اللي خارجة وبخبث: تمام هوصل تالين. قمر بعصبية: هو إيه اللي توصل علبة التونة دي؟ فهد بخبث: أعمل إيه ما هي مراتي مش عايزاني أوصلها فدور برا بقى. قمر بعصبية وهي بتدخل العربية وبتعقد ورا: اركبي يا سها. سها بضحك: هههههه حاضر. سها: أيوا هنا شكراً يا دكتور. فهد: العفو. فهد وهو

بيبص على قمر في المرايا: ما تيجي تقعدي جنبي قدام دا أنا حتى زي جوزك برضه. قمر: سوق وأنت ساكت يا أسطا. فهد: يا أسطا إحنا فينا من كدا؟ تمام يا هانم. فهد: يلا انزلي وأنا هروح الشركة. قمر وهي بتنزل: أنا مقولتلكش أنت رايح فين. في مكتب فهد. عمر: هاا إيه رأيك؟ فهد: مبدئياً كدا فيه كام واحد فيهم كويس بس سابهملي وأنا هختار الأنسب. عمر: تمام، أنت مالك كدا من ساعة ما رجعت من باريس وأنت متضايق. فهد: لا مفيش أنا كويس.

عمر: عليا برضه؟ على العموم أنا موجود في أي وقت لو عايز تحكي. فهد بابتسامة: عارف من غير ما تقول. فهد: ادخل. سارة: عايزاك. عمر: طب أستأذن أنا بقى. فهد: اتفضل. سارة راحت عنده وكانت لسه هتقرب بس فهد بعد. فهد: سارة لو سمحتي. سارة بعصبية: هو فيه إيه؟ من ساعة ما رجعت من السفر وأنت متغير معايا، حصل إيه؟ فهد: محصلش حاجة وياريت صوتك ميعلاش تاني. سارة وهي بتحط إيدها على خده: مالك يا حبيبي أنت كويس؟

فهد بتنهيدة: أنا عايز أتكلم معاكي في موضوع مهم. سارة: قول أنا سامعاك.