رواية امتلكني القمر الفصل الثاني عشر 12 - بقلم يارا عبد العزيز

فهد كان لسه هيتكلم بس الباب خبط. فهد: ادخل. قمر دخلت ولاقت سارة واقفة جنب فهد. سارة: أنتي إزاي دخلتي كدا؟ مش المفروض السكرتيرة تيجي تستأذن إذا كنتي تدخلي ولا لأ؟ قمر وهي بتقعد وببرود على عكس النار اللي جواها: يوه بقى، أنا بجد مبحبش أعيد كلامي مرتين، بس يلا التكرار بيعلم الأغبياء. بصي بقى يا حلوة، أول حاجة أنا ملاقتش السكرتيرة برا، تاني حاجة والله الشركة دي أنا ليا نصها يعني أدخل أي مكان من غير ما أستأذن عادي. سارة

بدلع وهي بتقرب من فهد: عارفة لو كانت السكرتيرة موجودة برا كانت استحالة تدخلك لأنها عارفة إني لما بكون مع فهد لازم نبقى لوحدنا. فهد بعصبية: سااااارة! سارة: إيه؟ هي مش دي الحقيقة؟ أنا همشي وهبقى أجيلك تاني. فهد: والله. قمر بمقاطعة وهي بتروح عنده وبعصبية: والله المرة الجاية أنا هقتلك بنت عمتك دي بإيدي. فهد شدها وقعدها على رجله: طب اهدي هي والله اللي قربت كدا. قمر: وأنت بقى عيل صغير كل أما واحدة هتقرب منك هتسبها؟

وكملت بدموع: وبعدين بتقعدوا لوحدكوا في الأوضة بتعملوا إيه يعني؟ لاحظ إنها مش مراتك وإن اللي أنتوا بتعملوه دا حرام. فهد وهو بيمسح دموعها وبحنية: والله ما بنعمل حاجة. أنتي وبس اللي مراتي، يعني أنتي اللي تكوني موجودة معايا وبس. متعيطيش بقى. قمر: طب سيبني كدا وخليني أقوم. فهد وهو بيمسك إيدها: خليكي كدا. قمر: على فكرة أنا المفروض مخصماك، مسامحتكش أنا. فهد ضحك وقتها ضحكة رجولية بصوت عالي وبينت وسامته اللي قمر تاهت فيها.

فهد قرب عليها وغمض عينه وباسها من خدها، وكان لسه هيقرب من شفايفها. قمر: فهد! فهد بتوهان: عيون فهد. قمر بعدت بس فهد كان لسه ماسك فيها. قمر: والله لو قربت مني هعيط. مش كل شوية تستغل إني بح... قمر حطت إيديها الاتنين على بوقها بصدمة من اللي كانت هتقوله. فهد وهو بيشيل إيدها وبحب: إنك إيه يا قمر؟ قولي أنا سامعك. قمر بدموع: كفاية عليا كدا بقى. فهد وهو بيمسح دموعها: والله ما بقدر أشوفهم. تيجي ننسى اللي حصل ونبدأ من جديد؟

قمر: مش هعرف أنسى، مش هعرف. وسيبني أقوم بقى. فهد: أنتي عارفة إنك شبه المغناطيس اللي بيسحبني ومش بعرف أبعد عنه. قمر بتوهان وابتسامة: بجد؟ فهد بابتسامة: بجد. هاا كنتي جاية ليه؟ قمر بعصبية: قول بقى إنك مش عايزني أجي عشان تقعد مع حبيبتك لوحدكوا. فهد: يا بنتي أنتي ليه دايماً بتفهمي غلط أوي كدا؟ وبعدين هي أصلاً مش حبيبتي. قمر: إزاي يعني؟ فهد: أهو كدا. فاكرة أما قولتي سارة مجرد تعود؟ كان معاكي حق.

قمر بفرحة: يهمني أصلاً حبيبتك ولا مش حبيبتك. فهد: هههههه ما هو واضح أهو. قمر: على العموم أنا جيت عشان نسيت شنطتي في عربيتك وهي فيها فوني وأنا مبقدرش أقعد من غير فوني خمس دقايق على بعض. فهد: فونك برضوا اللي مبتقدريش تقعدي من غيره؟ قمر: أيوا. هو أنت رجلك موجعتكش؟ سيبني بقى. فهد: يا ستي أنا مرتاح كدا، هي رجلي كانت اشتكتلك؟ قمر وهي بتمد إيدها: طب يلا. فهد بفرحة: يلا إيه؟ نخرج مع بعض؟ أشطا موافق. قمر: إيه يا عم فيه إيه؟

هات مفتاح عربيتك عشان آخد الشنطة وأمشي. فهد: طب ما تقعدي معايا لحد أما أروح. شايفة التلاجة اللي هناك دي؟ قمر وهي بتبص عليها: آه. فهد: مليانة شوكولاتات كتير أوي. اقعدي معايا وهديهملك كلهم وهجبلك عصير الفراولة اللي بتحبيه وهطلب أكل ونتغدى. قمر بفرحة وطفولة: إيه دا بجد؟ أنا هروح آخدهم كلهم وأمشي. فهد: اسمعي مني عشان ميسيحوش في الطريق وتكليهم وهم ساقعين. قمر: ماشي هقعد آكلهم بس مش هتكلم معاك عشان أنا لسه مخصماك.

فهد بفرحة شديدة إنها هتقعد معاه: أشطا. قمر: سيبني بقى. فهد سابها وقمر راحت عند التلاجة. قمر بطفولة: واو كتير أوي أنا هاكلهم كلهم ماشي؟ فهد: آه طبعاً كلهم بتوعك. قمر قعدت على الكنبة وهي بتاكل: فين العصير؟ فهد: هطلبهولك فوراً. فهد وهو بيبصلها بحب وبيضحك على شكلها راح عندها. فهد برغبة وهو بيبلع ريقه: فيه شوكولاتة جنب شفايفك. قمر: فين؟ فهد قرب منها وغمض عيونها وقبلها، وقمر غمضت عينها وتاهت معاه.

فهد بعد عنها أما حس بحاجتها للتنفس. قمر بعصبية: أنا هقوم أمشي. فهد وهو بيشدها وبيقعدها في حضنه: تعالي بس كنت بشيلهالك. قمر: لا أنا عايزة أروح مش هينفع أبقى معاك. فهد بترجي: خلاص مش هعمل حاجة تاني، خليكي قاعدة بقى. فهد وهو بيقوم: بصي هروح أقعد على المكتب أهو، خليكي قاعدة بقى. قمر بعصبية: ماشي بس والله لو قربت مني تاني أنا هقوم أمشي. فهد: تمام. الباب خبط. : العصير يا فندم. فهد: تمام، وديه عند الهانم.

قمر: شكراً يا عمو تسلم. : العفو يا بنتي. فهد بغيرة: خلاص أمشي أنت. فهد بغيرة: خدي العصير وأنتي ساكتة، متتكلميش مع حد. قمر: وأنت مالك؟ فهد بعصبية شديدة: قمرررررررررر متتتتتتتتتتعنديش واللي أقوله يتنفذ. قمر بخوف: حاضر. في المساء. فهد: أنا عندي اجتماع دلوقتي هيقعد ساعتين، هخلصه ونروح. قمر: ساعتين؟ أنا كدا هزهق من القعدة لوحدي، أنا هروح. فهد وهو بيروح عندها وبيحصرها بإيده: تروحي إيه؟ أنتي عارفة الساعة كام؟

الساعة بقت 11 أكيد مش هتلاقي تاكسي دلوقتي. قمر: خلاص ابعت السواق يوصلني. فهد بعصبية: يا بنتي متعصبنيش عليكي واسمعي الكلام، نفسي في مرة أقول كلمة وتسمعيها من غير ما تجادلي. قمر: تمام. فهد بتحذير: لو جيت ملاقتكيش متبقيش تزعلي من تصرفي. قمر بخوف: تمام. فهد خرج. بعد مرور ساعة. قمر وهي

بتقرأ كتاب من مكتبة فهد: يوه بقى أنا زهقت، أنا هقوم ألف شوية في الشركة وأرجع هنا تاني. لسه فاضل ساعة عبال ما الاجتماع يخلص، هقوم ألف شوية عبال ما يخلص. قمر طلعت بالأسنسير لكل الأدوار ووصلت للدور الأخير. قمر: دا إيه الدور اللي مفيهوش حد خالص دا؟ لاقت أوضة منورة فدخلت فيها. سارة كانت معدية ولاقتها جوا الأوضة قفلت الباب وطفّت النور من برا. قمر بخوف شديد: هو النور قطع ولا إيه؟ قمر وهي بتخبط على

الباب وبعياط وخوف شديد: افتحولي! سارة من برا بصوت منخفض: أنا هوريكي تخلي فهد يتعصب عليا إزاي يا ست قمر. ومشيت. قمر بعياط وخوف وبصوت عالي وهي بتخبط على الباب: افتحولي! حد يفتحلي! مش قادرة آخد نفسي!