رواية امتلكني السلطان الفصل السادس 6 - بقلم دنيا ثروت

زهره بفرح في تفكيرها: لاقيتها. لبست واتشيكت وراحت ربطت الملايات مع بعض ورمتهم من الشباك واتسللت لتحت وهي لابسه شيك. وفجأه وهي بتنزل اتزحلقت وكانت هتقع وتنكسر، بس فجأه إيد من حديد مسكتها. زهره وهي مغمضه عينيها: أنا مت خلاص صح؟ سلطان: لا للأسف. زهره بشهقه نطت علطول من إيده: إيه ده أنت بتعمل إيه هنا؟ سلطان بخبث: أنتي اللي بتعملي إيه هنا؟ زهره بارتباك: أنا... أنا... سلطان: مالك ارتبكتي كده ليه؟ زهره بتحاول

تبقي ثابتة في كلامها: ولا حاجة، بس أنت قفلت عليا من الطبيعي إن أعمل كده. بعدين أنت مش عايزني أنزل ليه؟ سلطان: ببساطة لحم مراتي مش للبيع، يعني أكيد لو نزلتي هترقصي والغريب هيتفرج قبل القريب. زهره: على فكرة دي عيلتك... وبعدين مين قال لك إن هرقص؟ سلطان بدأ يقرب منها لحد لما لزقت على الحيطة: وأنا مش هوري الحلاوة دي لحد. وبدأ يقرب جنب شفايفها ويتكلم: بسرعة اطلعي على فوق بدل ماأعمل حاجة متعجبكيش.

زهره ارتعبت منه وطلعت على طول. خلصوا اليوم وهو رقص تحت عشان كان بيغيظها، وكان شايف إنها بتبص عليه من فوق وطلع ليها بعد ماخلص. سلطان دخل ولاقاها بنفس الهدوم. قرب منها وقالها: إيه مقلعتيش ليه؟ زهره بارتباك: عادي نسيت. وجاي تمشي مسك إيديها وشدها ليه وحاوط خصرها. ورفعت راسها ليه: نسيتي... طب إيه الحاجة اللي خلتك تنسي؟ قوليلي كده. زهره وهي بتصب عرق: مفيش... ممكن تسيبني. وكانت بتحاول تفك إيده. وبعد معاناة قدر يفك إيديه.

سلطان بضحكة رجولية: مسيرك تجيلي ياسلطانتي. زهره خلصت لبس ونامت على السرير وهو عناد وحضنها وهو نايم. وجه الصباح الجميل. زهره صحيت الأول ودخلت أخدت شاور وخرجت لاقيته لسه نايم. راحت خبطت على وشه برقة: سلطان... ممكن تصحي. سلطان شدتها على طول لحضنه: أنا صاحي أصلاً. زهره بكسوف: طب ممكن تسيبني أقوم. سلطان بضحك وبيزيح شعرها الحرير: مالك كده... هتروحي مني ولا... إيه... ده إحنا لسه معملناش حاجة. زهره باستغراب: يعني إيه؟

سلطان: لا ده أنتِ عايزة كورس... يلا قومي جهزيلي هدومي. وراحت جهزت ليه هدومه ولبسوا هما الاتنين ونزلوا. وهما قاعدين على السفرة طبعاً سلطان قعد جنب زهره بس هي بردو بتحاول تتجنبه. عبد العزيز بصوت رجولي: بكرة هتتجوز أميرة وهتطلعوا شهر عسل مع بعض. سلطان بعصبية: لا يابوي... زهره بدموع وحرقة من جواها.