رواية امتلكني السلطان الفصل الثاني عشر 12 - بقلم دنيا ثروت

سلطان وصل مسجد الحسين. دخل المسجد وكان الأذان بيؤذن، فضل يدعي من جوه قلبه وهو بيردد ورا المؤذن وبيعيط بحرقة، كل الناس استغربت جداً إن ممكن راجل يعيط، ولكن الحب يفعل أكثر من ذلك. والإمام بدأ يصلي بيهم صلاة العصر. وهو بدأ يصلي، طبعاً، وكان بيعيط في كل سجدة وبانهيار، وبعد ما خلصوا، في ناس مشيت وفي ناس فضلت. سلطان سند راسه على الحيطة وبدأ يدعي بانهيار وهو في قمة الندم. في الوقت ده الشيخ قرب ليه. "مالك يبني بتعيط ليه كدا؟

سلطان بيحاول يبقى لوحده في همومه. "الحمد لله مفيش حاجة." الشيخ إسماعيل. "الموضوع حب صح." سلطان. "يعني إيه؟ الشيخ إسماعيل قعد على الأرض قدامه. "الحب يا ابني هو اللي يعمل كدا في الإنسان، هو اللي ممكن ياخد روحه وهو ماشي، هو اللي ممكن يدمر الإنسان كلياً، هو اللي أنا شايفه في عينك دلوقتي." سلطان ببكاء. "بتروح مني.. أنا غبييي.. عيشتها عذاب مكنش لازم تعيشه." الشيخ باستغراب. "ضربتها؟ سلطان. "لا أبداً."

الشيخ إسماعيل بكل تأكيد. "يبقى حرقت قلبها... سلطان. "آه آه، ويا ريتني ما عملت كدا.. أنا كنت غبي، ظلمتها وهتروح مني." الشيخ إسماعيل. "بص يا ابني، هنا أنت بتيجي تصلي وتدعي، وممكن تدعي في أي مكان، بس ده بيفرق، في ناس بترتاح هنا أوي وتدعي بكل راحة، بس اللي أنا عارفه إنك بتدعي من قلبك وده يكفي، أنا مش عارف هي هتروح منك إزاي ومش عايزة أدخل في خصوصياتك، بس هقولك حاجة، لو رجعتلك.. حافظ عليها، لأن الحب نادر الأيام دي."

ومشي الشيخ، وسلطان فضل يدعي ببكاء لحد ما صلى العشاء ومشي، راح المستشفى، دخل عليها وهي على نفس الحال. مسك إيديها. "قومي بقا ياسلطانتي.. أنا فاكر إنك قولتيلي إن القدر هو اللي هيكرر، بس لو كرر بعدك عني.. يبقى مش عدل." ونزل بيعيط على الأرض وماسك إيديها. "مش عدل، مش عدل يازهرة... اااااااااه." وفجأة جهاز القلب بدأ يعمل صوت والدكاترة جت حوالين زهرة، وسلطان بعد وهو مش قادر. الدكتور. "شد حيلك.. البقاء لله."

والممرضة غطت وشها. سلطان وقع على الأرض وهو بصدمة وذهول.