رواية امتلكني السلطان الفصل الحادي عشر 11 - بقلم دنيا ثروت

سلطان بصريخ بص لزهره اللي في إيديه: زهرهههههه. سلطان إيديه كانت غرقانة دم. سلطان بصريخ جامد وجنون وماسك وشها: زهره زهره ماتسبنيش زهرهههههه. لكن لا حياة لمن تنادي. نفسها بدأ يقل شوية شوية والرعب بدأ يتملك سلطان. وفجأة الشرطة جت ومراد شد مروة من مدير العصابة والشرطة حاصرت المكان وأخدت العصابة. وفي نفس الوقت سلطان شال زهره وجري بيها للمستشفى برجله، لأن المستشفى قريبة من البيت ولو ركب العربية هياخد وقت كبير.

ودخلها المستشفى وأخدوها منه ودخلوها العمليات. مراد شد إيد أميرة وقال للمأذون: يلا. المأذون: بس يابيه. أميرة بعياط بتحاول تفك إيديه: لا أنا مش موافقة.. سيبني. مراد وهو بيجز على سنانه وبيقول في ودنها: امضي بسكات أحسن ماموت حبيب القلب. أميرة في سرها: يعني أدفع وأظبط العصابة وفي الآخر كله يتدمر. مراد وهو بيمسك إيديها بقوة أكتر: امضييي. أميرة مضت وظلت تبكي على كل مخططاتها. ومراد

طلعها فوق وزقها على الأرض: هو انتي بقا اللي خططتي لكل ده صح؟ انطقي. أميرة بخوف: لا لا مش أنا. مراد: اممم هنعرف. وشدها من إيديها لأوضة ضلمة. فتح النور لاقت قالب من التلج. مراد وهو بيرميها عليه: هتنامي هنا للوقت اللي أحدده. أميرة: لا لا لا. مراد: بصي فوق كدا.. فيه كاميرا يعني هبقى مراقباكِ ولو لقيتك قمتي من عليه هتشوفي الويل. وإياكِ تفكري تقولي لعيلتك الحلوة على حاجة. وقفل باب الأوضة وراح أوضته يراقبها بالكاميرا.

مراد في سره: ده أنا هخلي أيامك أسود من سواد الفحم. وبعد 5 ساعات في العملية. الدكتور خرج وبيقول بتعب: الحمد لله عدينا مرحلة الخطر. سلطان أول ما سمع كدا بكى وركع شاكراً للأرض ورجع للدكتورة تاني: هتفوق امتى؟ الدكتور: بصراحة. سلطان: بصراحة إيه؟ الدكتور: الإصابة كانت شديدة.. إحنا عدينا مرحلة الخطر لكن منعرفش هي هتصحى امتى، كله في علم الغيب. سلطان: يعني إيه؟ الدكتور: زي ما قولتلك.. عن إذنك.

الدكتور مشي وسلطان وقع على الأرض كأنه قلب مكسور. وفاء: أهدي يابني.. أهدي.. أول ماتتنقل للأوضة.. أخرج لها. وخرجت زهره لأوضة عادية. وسلطان راح ليها. ماسك إيديها وبيتكلم معاها بحرقة: أنا.. أنا آسف يازهره عذبتك معايا ومحستش بيكي غير متأخر. كنت عارف إن بحب أميرة بس مكنتش أعرف إن ده كان إعجاب وإن أنا حبيتك من أول نظرة. حبيتك من أول كلمة معاكي، حبيتك من أول خناقة بينا.. إنتي سحرتيني.

يلا بقا قومي ياسلطانة قلبي.. صدقيني أوعدك أنا مش هعمل حاجة تضايقك وياستي لو على أميرة مش هشوفها وهاخدك بعيد بس متسبنيش. وفضل ماسك إيديها ووقع على الأرض وهو منهار. ونام على إيديها للصبح. وفاء وهي بطبطب عليه: سلطان قوم.. سلطان. سلطان قام على صوتها بخضة: زهره. زهره. وفاء بدموع وبطمانينة: هي بخير يابني.. إنت قوم روح البيت عشان تغير. سلطان راح البيت وغير وبص في المراية: أنا مستحيل أسيبك يازهره مستحيل.

أنا لازم أعمل حاجة عشاننا إحنا الاتنين لازم. ونزل جري بسرعة وساق العربية بسرعة كبيرة ووصل لمكان.