رواية امتلكني صعيدي الفصل السادس 6 - بقلم ندا سامي

رؤي أول لما شافت ساهر ومامته سكتت وابتسمت من بين دموعها وقالت: "زين زين أنت انقذتهم من تحت إيديهم أنا أنا مش عارفة أقولك إيه" وقعدت تعيط تاني. زين وهو مش فاهم هي عايزة إيه وبتعيط ليه تاني. زين بنفاذ صبر: "بتعيطي تاني ليه دلوقتي؟ أنتِ مش مبسوطة إني جبتهم ليكي تاني؟ رؤي بعياط: "لأ طبعاً مبسوطة أوي" زين: "امال بتعيطي ليه دلوقتي يا بنت الناس؟ رؤي: "عشان مبسوطة" زين فضل يضحك ودي كانت أول مرة زين يضحك فيها. رؤي كان

تايهة في ضحكة زين وقالت: "الله! أنت ضحكتك جميلة أوي و…" وهنا أدركت رؤي اللي بتقوله. رؤي: "قصدي يعني إن يعني…" زين: "إنك إيه؟ رؤي: "إني يعني بص أنت بتضحك عليا ليه دلوقتي؟ محدش قالك وأنت صغير إن مينفعش تضحك على حد ها ها" وشاورت رؤي بأصابعها في وجه زين تعني التحذير. زين: "لأ محدش قالي ويلا عشان نركب العربية عشان مرجعش في كلامي" رؤي بفرحة: "إيه ده؟ هما هييجوا معانا؟ زين: "آه هييجوا معانا" رؤي بطفولة: "هيييييييييه"

ساهر ومامته ركبوا عربية تانية وزين ركب العربية مع رؤي وساق. بعد مرور ساعة. رؤي بزهق: "إيه ده؟ هنوصل إمتى؟ أنا زهقت" زين: "زهقتي من إيه؟ إحنا لسه قدامنا بدري عشان نوصل" رؤي: "والله! ما تسوق أسرع شوية يعني مش هيحصل حاجة" زين: "والله لو مش عاجبك ممكن تيجي تسوقي انتي" رؤي: "والله لو كنت بعرف أسوق مكنتش خليت حضرتك تقولي أصلاً" زين: "صبرني يارب عشان متعملش حاجة أندم عليها بعدين"

رؤي خافت من عصبية زين وقررت تسكت لحد ما توصل بالسلامة. زين حس إنه اتعصب عليها وكان عايز يعتذر بس كبريائه منعه وقرر يسكت. رؤي اتكمشت على نفسها وقررت تسكت وتبص ناحية الشباك. رؤي بعد شوية راحت في النوم. زين بص عليها لقاها نايمة زي الأطفال وملامحها بريئة وجميلة فابتسم تلقائي وجاب غطا خفيف عشان الحر وحطه على رؤي وابتسم تاني. زين لنفسه: "إيه ده يا زين اللي أنت بتعمله ده؟ أنت اتجننت ولا إيه؟

أنت جاي هنا تجيب بنت عمك وبس مفيش أي حاجة تانية ولا أي شعور ناحيتها فهمت يا زين" زين بص قدامه وكمل سواقة. وبعد ساعتين الليل جه ورؤي صحيت. رؤي خافت تقول لزين إحنا هنوصل إمتى فقررت تسكت. زين حس بخوفها وقال: "إحنا قربنا نوصل، نص ساعة بالكتير ونكون عند والدتك، وأه نسيت مدي إيدك في الكرسي اللي ورا هتلاقي أكل عشان لو جعانة" رؤي بكسوف: "ها لأ مش جعانة خالص" زين بمكر: "متأكدة؟ رؤي:

"ها اااه اااه طبعاً متأكدة أنا هخبي عليك ليه يعني لو جعانة كنت قولتلك" زين: "تمام اللي انتي عايزاه" وقفت العربية. زين: "أنا نازل أجيب قهوة، هتحتاجي حاجة؟ رؤي: "لأ شكراً جداً" زين بص لها ومتكلمش وقفل باب العربية كويس عشان محدش يأذيه. رؤي: "أول لما لقت زين مشي مدت إيدها بسرعة وخدت الأكل وقعدت تاكل وكانت جعانة جداً لأن بقالها كتير مأكلتش." زين جاب القهوة ورايح العربية و……