رواية امتلكت قلب الريان الفصل الثاني 2 - بقلم نورة عبد الرحمن

ريان بتعملي إيه؟ راية: بسم الله الرحمن الرحيم، خوّضتني يا بيه. هو انت مش كنت خارج؟ ريان: بسألك بتعملي إيه. راية: برتبها حضرتك، الأنسة طلبت مني أعمل كده. ريان بشك: واللي يرتب الأوضة يفتح الدرج كده؟ راية بدموع: لااا يا بيه، أنا بس شفت ساعت حضرتك وشكلها غالية، عشان كده قلت أخبيها في الدرج. لكن مكنش العشم والله كده. ريان بانفعال: عشم إيه؟ انتي هتصاحبيني يا بنت؟ راية: لا مؤاخذة يا بيه، لكن الظلم يوجع قوي.

ريان: اطلعي من أوضتي ومتدخليهاش تاني وأنا مش موجود. راية: حاضر. ريان: استني هنا. راية: أيوا يا بيه. ريان: متفكريش إني سبتك هنا ونسيت اللي عملتيه. أنا سبتك عشان أمي أصرت إنك تفضلي. لو عليا كنت مشيتك، متسوقيش فيها، فهماني؟ راية: كثر خيرك يا بيه. ريان بتحذير: وحسبي عينك اللي حصل امبارح يتكرر، وأسمعك تتكلمي بأي حاجة تحصل في البيت ده، فاهمة؟

راية: خلاص يا بيه، والله حفظت الدرس. مش هتكلم، إن شاء الله أشوفك نايم معاياها في سرير واحد. ريان بصدمة: إيه الكلام ده؟ امشي. يا بنت من هنا، امشي. ربنا يصبرني يا رب. راية: مالك متعصب كده ليه؟ ريان بانفعال: امشي من وشي بقولك. راية: حاضر، حاضر، ماشية أهو. هو كل حاجة متعجبش؟ اتكلمنا مش عاجبك، سكتنا مش عاجبك. والله الراجل اللي هيتحرق يا بعيد زي ما بتحرق دمي كل ما أشوفك. ريان: سمعتك، وحسابك تقل معايا.

تهرب إلى المطبخ بسرعة. *** سيف: مين العسل دي؟ ريان: الشغالة الجديدة، وخف عنها شوية، انت هتأكلها بعينيك. ريان: راية تعالي هنا. راية: حاضر يا بيه. ريان: شوفي سيف بيه يشرب إيه. سيف: قهوة يا عسل. راية: مين اللي عسل؟ سيف: انت يا جميل. راية: ربنا يكرم أصلك، والله مفيش عسل هنا إلا انت. تحب تشرب إيه يا بيه؟ سيف بغزل: اعملي قهوة من غير سكر، كفاية انتي اللي تعمليها.

راية: يا خرااابي على الكلام الحلو. هما دول اللي يعرفوا يتكلموا، مش زي ناس. ريان: اخلصي اعمليلنا قهوة، وانت بطل كلامك ده. سيف: ليه؟ دي البنت بجد زي العسل، انت مش شايف. ريان: لا مش شايف. خلينا نخلص أم الشغل ده عشان هسافر يومين. سيف: آه طبعاً يا سيدي، ومين زيك هتغرق بالعسل يومين وتسبلنا هم ما يتلم. ريان: اخلص يا سيف، هي مش ناقصة حسد. راية بابتسامة: القهوة يا بيه. سيف: تسلم إيدك. انتي اسمك إيه؟

راية: اسمي راية، جاية من البلد وب... ريان بملل: خلاص خلاص، انتي هتفضلي ترغي كتير؟ امشي خلينا نشوف شغلنا. سيف بحرج: ريان... ريان: إيه؟ انت مش جاي عشان تشتغل؟ أسرعت راية بحرج إلى المطبخ. سيف: انت كسفت البنت، وشكلها غلبانة جداً. ريان بسخرية: لا، وانت حنين يا عيني. شيل البنت من نفوخك يا سيف. سيف: لا بقى، انت اللي مش طبيعي النهارده، مالك؟ ريان: ماليش، خلينا نخلص الشغل. سيف: ريان، اتكلم وقولي مالك. ريان: قولتلك مفيش. ***

مساءً في مكتب ريان. ريان بحدة: انتي بتعملي إيه هنا؟ راية: بسم الله، انت إزاي دخلت هنا زي القاضي المستعجل كده؟ مش كنت مسافر؟ ريان: بتعملي إيه بالمكتب بتاعي؟ راية: إني بدور على رواية حلوة بتتقرا. ريان بسخرية: رواية؟ هو اللي زيك يقرأ روايات؟ راية: ربنا يسامحك يا بيه. ريان: تعالي هنا، رايحة فين؟ راية: هروح أوضتي. ريان: لا والله. بعد ما قلبتي المكتب كده هتروحي عادي؟ راية: هرتبه. حضرتك عايز حاجة تانية؟ ريان: أيوا.

راية: اتفضل. ريان: إيه الجمال ده. راية بصدمة: إيه؟ ريان: تصدقي النهارده شايفك حلوة أوي، غير كل يوم. راية بارتباك.