رواية اميرة الليل الفصل الخامس والعشرون 25 - بقلم دنيا قدري

زياد: آه صح، أنا عرفت مين اللي كان باعت مي عشان تسرق ورق من الشركة. ليل: مين؟ زياد: مرات أبويا. ليل قعد تاني وقال: عادي، وإيه الجديد؟ زياد: هي اللي بعتها وعايزة تخرب الشركة من أول ما عرفت إني شريك فيها. وخلي بالك، ممكن تكون زارعة جواسيس تانيين فيه. ليل: ما تقلقش، بكرة بليل بعد ما كل الموظفين يمشوا، هاركب كاميرات صغيرة جداً ما حدش يشوفها ومايكات في كل مكان. زياد: كده كويس جداً، بس خليهم في وقت متأخر شوية.

ليل: تمام، أنا همشي أنا بقى عشان أعدي آخد ورق صفقة الرامي من الشركة، هشتغل عليه شوية. زياد: طيب، في اجتماعين كمان هتلغيهم ولا هتروح؟ ليل: اجتماع ٨ بليل هروحه. التاني هلغيه عشان عايز أروح أرتاح شوية. واعمل حسابك أنت كمان هتكون حاضر الاجتماع ده. زياد: إن شاء الله هكون موجود. ليل: إن شاء الله. هتعدي عليا في البيت ولا أعدي أنا عليك؟ زياد: لا لا، ابقى عدي أنت. ليل فهم زياد: تمام، ماشي، هبقى أعدي عليك. وسابه ومشي.

ليل متجه للشركة. عند زين وشهد. شهد: آهه، خلاص قربنا نوصل، بس طلب. إيه اللي أنت جبته ده؟ زين: ده طلب كده، كنت متفق عليه. وبعد مرور وقت، وقف زين أمام العمارة اللي بتسكن فيها منه وقال: يلا يا شهد، انزلي يلا واطلعي على طول. شهد: تمام، ماشي. ونزلت شهد وطلعت بسرعة على فوق عند منه. كان ليل مازال أمام المنزل. اتصل زين على والده. زين: أيوا يا بابا، أنا دلوقتي وصلت شهد وواقف قدام العمارة بتاعة منه.

رعد: وأنا جاي في السكة أهه، وهكلم ليل يقابلنا على هنا. زين: تمام، يابا. أنا في انتظار حضرتك. وأغلق الهاتف مع والده. رعد وهو يتحدث مع ليل. رعد: أيوا يا ليل، يابني أنت فين كده؟ ليل: أنا قدامي نص ساعة وأوصل البيت. رعد: لا، ما تجيش على البيت، أنا عايزك تقابلني على بيت منه اللي بتشتغل عندك في الشركة. ليل: ليه، في حاجة ولا إيه؟ رعد: لا ما فيش حاجة، إحنا رايحين نخطبها لزين. ليل: تمام، ماشي. أنا قربت على المكان.

رعد: تمام، ماشي. أول ما توصل هتلاقي زين هناك. ليل: تمام، يابا. أول ما أوصل هأتصل على حضرتك. رعد: تمام، يابني. عقبال ما أفرحك بيك أنت كمان. ليل: إن شاء الله يا بابا. وبعد مرور بعض الوقت، اجتمع الجميع أمام العمارة اللي فيها بيت منه. رعد: يلا بينا يا ولاد. زين: دقيقة يابا، بس هجيب الورد من شنطة العربية. ليل بهزار: آه يا واد يا رومانسي أنت. يلا يا عم، اطلع قدام. وطلعوا كلهم.

وزين واقف على باب الشقة الخاصة بـ منه. وقام رن الجرس. شهد لـ منه: أنتي مستنية حد ولا إيه؟ منه: لا، بس ممكن تكون مرات البواب جاية تاخد فلوس الصيانة. شهد: طيب، روحي افتحي لها. منه: حاضر. وذهبت منه لفتح الباب، وكل تفكيرها إن اللي بيطرق الباب هي زوجة البواب. وكانت منه ترتدي بيجامة هالو كيتي وعاملة شعرها كحكة فوضوية للأعلى. وذهبت وعندما فتحت الباب، لقت زين في وشها. منه بخضة: يلهوي!

وأغلق الباب في وجهه وذهبت إلى الداخل جري. شهد: في إيه يا بت بتجري كده ليه؟ منه: الحقي، ده زين اللي على الباب. شهد: وإنتي قفلتي في وشه الباب؟ منه: أيوا، إنتي مش شايفة منظري عامل إزاي؟ شهد: طيب، ادخلي وأنا هتصرف معاه، عشان أنا قلت له ما يجيش. منه: لا، هو مش لوحده، فيه حد معاه، بس أنا ما أخدتش بالي مين. شهد: طيب، روحي وأنا هروح أشوف مين معاه. وذهبت شهد لفتح الباب، ووجدت إن والدها وزين وليل الثلاثة على الباب.

قالت شهد: إيه ده، دا العيلة كلها هنا. اتفضلوا، اتفضلوا. وأخذت زين من يده على جنب. شهد: هو إيه ده؟ وكلكوا جايين ليه؟ زين: إيه يا بنتي، الورد والبدلة دول مش واكلين معاكي ولا إيه؟ جاي أتجوز. شهد: زين، ما تهزرش، وما قلتليش ليه قبل ما تيجي؟ زين: جيت أعملها مفاجأة. شهد: يعني كان حلو منظرها كده وهي بتفتح الباب؟ ولا حلو منظركم لما قفلت الباب في وشكم؟ زين: الصراحة، كانت قمر. مع إن قفلها للباب أحرجنا.

شهد: كانت فاكرة إن مرات البواب هي اللي على الباب. قاطعهم صوت ليل: إيه؟ هتفضلوا تحكوا كده بعيد؟ زين: جاي أهه، أسيبك أنا يا شهوتي بقى. شهد: ماشي يا زين، روح لحد ما أدخل لها أنا. زين: ماشي يا شهود، يلا روحي بقى. وذهبت شهد إلى الغرفة الخاصة بـ منه. منه: عملتي إيه؟ شهد: لا يا أختي، دا جاي ومعاه بابا وليلى. منه: ليه طيب؟ شهد: إنتي بقرة يابنتي، جاي ومعاه بابا وليل يبقوا جايين ليه يتغدوا معانا؟ منه: آه، عادي يا بنتي.

شهد: منه، إنتي هتشليني قريب. جاي هو وبابا وزين جاي يخطبك يا غبية. منه: إنتي بتتكلمي جد؟ شهد: أيوا يا أختي، يلا اجهزي بقى. منه: وإنتي طبعاً متفقة معاهم؟ شهد: منه، إنتي هتشليني قريب. جاي هو وبابا وزين جاي يخطبك يا غبية. منه: إنتي بتتكلمي جد؟ شهد: أيوا يا أختي، يلا اجهزي بقى. منه: وإنتي طبعاً متفقة معاهم؟ شهد: لا، بس تعالي شوفي معايا هلبس إيه. منه: مش إنتي لسه شاريه فستان جديد؟ البسيه. شهد: إنتي صح، أنا هلبسه وأجهز.

منه: تمام، ماشي. وأنا هروح أعمل لهم قهوة. منه: تمام، ماشي. وخرجت شهد وذهبت إليهم. شهد: أعمل لكم قهوة يا جماعة. زين: قهوة إيه بقى؟ اعملي شربات. شهد: زين، بطل هزار. هعمل قهوة. رعد: ماشي يا بنتي، اعملي قهوة. شهد: حبيبي أنت يا بابا. هروح أنا بقى أعمل القهوة.