رواية اميرة الرعد الفصل الثلاثون 30 - بقلم ندى الشرقاوي

وصلت أميرة الحفلة هي وجنة ونزلت من العربية بمرافقة الحرس، وهي في قمة الثقة والكبرياء، لأن الوقت الحالي يريد قوة، فهي أميرة المنشاوي اسم لا يستهين به أي أحد. وبدأت الصحافة تصورها هي وجنة. أحد الصحفيين: هل مستر رعد ما زال في غيبوبة؟ أميرة: السؤال دا هجاوب عليه في الحفلة، أكيد حضرتك هتكون جوه اسمع الإجابة بقى. أحد الصحفيين: هو فعلاً حضرتك خلفتي من رعد المنشاوي؟ أميرة: أمال كان عندي انتفاخ؟

أفسح الحرس الطريق لأميرة ودخلوا، واستقبلهم الجميع أحسن استقبال. أكرم: أهلًا بسنيوريتا... أميرة: أنا ولا جنة؟ أكرم: جنة طبعًا. تعلقت جنة برقبته وشالها. جنة: حلو فستاني؟ أكرم: قمر يا روحي. ياسمين: أميرة داخلة زي الأميرات. أميرة: قلبي طبعًا، تاج في القصر. ياسمين: آه بصي بصي مرام جاية إزاي. دخلت مرام ويوسف، ومرام تعبث مثل الأطفال. مرام: شفت يا يوسف هما شكلهم حلو إزاي وأنا شبه البطيخة.

يوسف بقلة حيلة: يا حبيبتي أنتِ حامل والله، وهما كانوا زيك بالضبط، وبعدين أنتِ جميلة أوي، حتى اسألي جنة. جنة: آه يا طنط أنتِ جميلة خالص. مرام بفرحة مثل الأطفال: بجد؟ جنة: آه يالّا هاتي النونو بقى علشان بقى عندنا بيبيات كتير أوي. في القصر. يوسف: قريب يا روحي. أميرة: بابا هيجي أمتى؟ أكرم: المفروض يكون وصل. **: مدام أميرة. أميرة بابتسامة مصطنعة: مستر معتصم أهلًا بيك. معتصم

بإعجاب من جمالها وفستانها: أهلًا بيكي، أحب أقول لحضرتك إنك جميلة أوي. أكرم: وإيه تاني يا حنين؟ معتصم: لا يا أكرم أنا بأعبر عن إعجابي بس مش بأعاكس. جنة بصوت واطي ليوسف: مين عمو الرخم دا؟ يوسف: بس عيب يا جنة، بس أنتِ عندك حق برضه. أميرة: شكر لذوقك. معتصم لـ جنة: مين القمرة دي؟ جنة: جنة رعد المنشاوي. معتصم: بجد أنتِ عندك بنت كبيرة كده؟ أميرة: آه عندي أربع أطفال، عن إذنك بقى الحفلة هتبدأ، يالّا يا جماعة. الباقي: يالّا.

معتصم بصدمة: دي عندها أربعة، ليه دي ما كملتش الـ 22 سنة؟ بدأت الحفلة، كل الناس حاضرة وكبار رجال الأعمال، وسليم المنشاوي جاء وحضر. سيدة: طبعًا كلنا عارفين إن شركة المنشاوي حققت رقم كبير آخر فترة، وكمان من غير رعد المنشاوي، واشتغلت على مشاريع كتير، والفضل يرجع لمدام أميرة أصغر سيدة أعمال في الشرق الأوسط، وشركة المنشاوي بقت من الشركات العالمية، والحفلة دي لتكريم أصغر سيدة أعمال وهي أميرة المنشاوي.

صفق الجميع بفرحة لأميرة، وأميرة كانت فرحانة بالنجاح اللي حققته، وأحمد كان فرحان لبنته باللي وصلت له. طلعت أميرة وهي فرحانة. أميرة: طبعًا أنا مبسوطة بلقب أصغر سيدة أعمال، أنا اتغيرت في الفترة الأخيرة وأنا فرحانة بالتغيير دا، بس أنا مش سيدة أعمال أنا طالبة في كلية طب، آه ما تستغربوش أنا طالبة بس ما يضرش إني هأفضل في الشركة، وشكرًا إني اتعرفت عليكم، والفضل يرجع لأكرم المنشاوي هو كان شايل الشركة برضه هو وأستاذ يوسف.

وأنا كده خلصت ومستعدة لأي سؤال. الصحفي: أستاذة أميرة حضرتك نفيتي إن رعد المنشاوي في غيبوبة، طيب إزاي هو فين؟ أميرة: مين قال إن رعد في غيبوبة؟ الأخبار دي كاذبة. استغربت العيلة وبالأخص سليم. الصحفي: فين رعد المنشاوي طيب؟ أميرة: ليه؟ السيدة: بأعتذر عن قطع الحديث بس بنحب نقدم اللقب لأصغر سيدة أعمال. أميرة: ميرسي، أنا مش هستلمه، شخص تاني اللي هيستلمه.

فجأة انطفأت الأنوار وفتحت، ودخل رعد وهو في قمة الوسامة، دخل بثقة واستغرب الحضور جدًا، إزاي بدأت الكاميرات تصور والصحافة والعائلة في حالة ذهول. طلع رعد لأميرة واحتضنها أمام الجميع. أميرة: أهو رعد المنشاوي، مين بقى اللي قال في غيبوبة؟ رعد كان مسافر بره مصر للاستراحة والاستمتاع بعيد عن الشغل، وطبعًا الحادثة اللي حصلت كان لازم يفصل عن كل حاجة شوية، وأنا بنفسي كنت بأسافر بره مصر. بصلها رعد بذهول من كلامها. وجاءت كلمة رعد.

رعد: مش عارف أقول إيه بجد، بس أنا عاوز أشكر أميرة على كل اللي عملته بجد، وإنها أحسن زوجة في العالم، وربنا يقدرني وأسعدها، وبأبارك لها على لقب أصغر سيدة أعمال، وشكرًا جدًا. ومسك إيد أميرة ونزلوا. جريت جنة عليهم وشالها رعد، وبدأت الكاميرات تصور. سليم: رعد. رعد جرى: بابا. واحتضنه بشوق كبير أوي واشتياق. سليم: حمد الله على السلامة يا رعد. رعد وهو يقبل يداه: الله يسلمك يا بوي. أكرم: حمد الله على السلامة يا صاحبي.

رعد وهو يحتضنه: الله يسلمك وهأنفخك علشان بتقول لأميرة يا ميرو. أكرم: طيب سلام أنا بقى. رعد: تعالى يا خواف. يوسف: وحشتني أوي. رعد: وأنا كمان يا جو. ياسمين بدموع: رعد. رعد وهو يحتضنها بشوق ولهفة: يا سمنتي القمر اللي جابت أجمل تاج على الأرض. ياسمين: وحشتني أوي. رعد: وأنتِ كمان يا قلب أخوكي. أكرم بغيرة: كفاية يا حنين. رعد برفع حاجب: عاجبك ولا مش عاجبك؟ أكرم: عاجبني يا ريس. أميرة بعبث: طب إيه أنا مش هأتحضن؟

رعد بضحك: لا إزاي؟ ساب ياسمين وراح لأميرة وشالها وفضل يلف بيها. أميرة: خلاص خلاص هأقع. رعد: تفتكري وأنتِ معايا ينفع تقعي؟ أميرة بابتسامة وبتبص في عينه: لا. أحمد: حمد الله على السلامة يا رعد. رعد: الله يسلمك يا عمي. وفاء: حبيبي حمد الله على السلامة. رعد: الله يسلمك يا فوفه يا قمر أنتِ. أحمد: أنت بتعاكس مراتي؟ رعد: آه. أحمد: طيب. ضحك الجميع عليهم. رعد: طب يالّا نطلع على القصر علشان الناس بدأت تبص علينا. الباقي: يالّا.

طلعوا من الحفلة وبدأوا يتحركوا. السواق: اتفضلي يا فندم. أميرة: لا اتفضل أنت، وادته المفاتيح. وأدتها لرعد. رعد: إيه؟ أميرة: يالّا. خد رعد المفتاح وجنة وأميرة ركبوا. أميرة: رجوعك فرحني يا رعدي. رعد وهو يقبل يدها: دايمًا فرحانة يا أميرتي. جنة: يا نوووحي. رعد بغيظ: بس يا بت ما روحتيش مع أكرم ليه؟ جنة بعدم فهم: ما عرفش أكرم قالي روحي معاهم محرم، هو يعني إيه محرم؟ رعد بغيظ: ماشي يا أكرم يا ابن سامية. واستمر في السواقة.

رعد: أميرة إيه العربيات السودة دي كلها؟ أميرة: الحراسة يا حبي. رعد: كل دا يا أميرة؟ أميرة: عادي بينفعوا، نفعوني وقت ضرب النار وفردوس معايا. رعد: طيب يا روحي. أميرة: إيه رأيك نطلع كلنا سفرية حلوة؟ رعد: فكرة أنا وأنتِ والولاد. أميرة: والعيلة كلها. رعد: موافق يا قلبي، تحبي نروح فندق شرم الشيخ؟ أميرة باستغراب: فين دا؟ رعد: ألطم يا أميرة، أنتِ ما تعرفيش أنتِ عندك إيه؟ أميرة: يا عم وأنا مالي؟

رعد: يا عم، أمال بابي راحت فين؟ جنة بتحذير: بااابي. رعد بخوف مصطنع: يا روح بابي. أميرة بضحك: هههههه يا روح بابي، يالّا بقى علشان لوكه وحشني. رعد بغيرة: نعم يا عينيا؟ أميرة: إيه؟ وإيناس ودوسة. رعد: وإيه يا أختي وإيه؟ أميرة: في إيه؟ رعد: لما نوصل بس. بعد مرور الوقت وصل رعد وأميرة القصر، وكانوا الجميع وصلوا. ونزلوا أنس ومالك وفردوس وتاج تحت. رعد: منورين يا جماعة.

أكرم: نورك يا غالي، بس قولي مراتك خبتك فين، إحنا قلبنا كل مصر كلها. أميرة: عاوز تعرف كان فين؟ أكرم: أكيد. أميرة بضحك: كان هنا في القصر، إيه رأيك؟ أكرم ويوسف: 🤪🤨🙄😳😲 يوسف: أيوه برضه ما فهمتش كان فين. أميرة: كان في القصر هنا، وكان في دكتور من بره مصر متابع حالته، وأهو وصل. أميرة: مرحبًا دكتور جان هل سوف تغادر الآن؟ جان: أجل سوف نغادر الآن. أميرة: حسنًا. رعد: أشكرك دكتور جان.

جان: لا يوجد شكر، هذا شغلي والمجهود لمدام أميرة. رعد: مدام رعد المنشاوي وليست أميرة. جان بعدم فهم: حسنًا. والجميع ضحك عليه، مشي جان والفريق بتاعه. رعد بهدوء: أمي فين؟ يوسف: في المطبخ وما تعرفش إنك فوقت أصلًا. رعد: حلو معايا يا رجالة. أكرم ويوسف: معاك يا ريس. مشي رعد براحة ومعاه يوسف وأكرم، دخل أكرم. أكرم بتمثيل: ياااه أنتِ بتعملي ملوخية، كان رعد بيحبها أوي. هدى بهدوء عند ذكر اسم رعد: ربنا يرجعه بالسلامة.

يوسف ورعد: يااااارب. هدى: هو في إيه؟ أنا سمعت صوت ولا بيتهيأ لي؟ رعد: بيتهيأ لك يا هدى. هدى: آه ما..... إيه؟ رعد: وحشتني يا أمي. هدى وبصت لرعد، هل حقيقة أم أنه تخيل مثل كل ليلة؟ هدى بدموع تنزل بغزارة بدون كلام. قرب رعد وخدها في حضنه، قد إيه كانت وحشاه، هدى مسكت فيه جامد. هدى بدموع: وحشتني يا ابن قلبي. رعد: وأنتِ كمان يا ست الكل. هدى وهي بتلمسه في وشه: أنت..... أنت كويس؟ في حاجة وجعاك؟ طمني عليك.

رعد وهو يقبل يديها: بخير والله، بخير. أهو واقف قدامك زي الحصان. أكرم بفك الجو وتغيير الموضوع: ما كفاية محن بقى! يوسف: معرفش إيه النكد والمحن اللي داخلين على بعض دول. رعد: هجيبكوا انتوا الاتنين من التيشيرت وأرميكوا بره. يوسف: طب ياللا نطلع بكرامتنا أحسن. أكرم: بقول كده. طلعوا. أكرم: الحق يا عمي، مراتك بتتحضن جوه. سليم بصدمة: إزاي؟ يوسف بلا مبالاة: ابنك متبت فيها جوه، الحقها بقى، مش عارف إيه العيلة. سليم بغيرة: ررررعد!

رعد من جوه: حبيبي يا حج. أميرة: رعدي! رعد: طب عن إذنك يا أمي، أميرة بتنادي. ضحك عليه الجميع وطلعوا قعدوا بره. صوت تكسير الكاسات والزجاج. المجهول: إزاي رعد ظهر فجأة وكان فين؟ المجهول: منعرفش يا فندم، ده اللي حصل فجأة. دخل الحفلة فجأة، أميرة الوحيدة اللي ما كانتش مصدومة. المجهول بصوت عال: أميرة أميرة أميرة! طالعة في البخت في إيه؟ المجهول: هأقولك.....................

المجهول: رعد في المنشاوي ممكن يطير راسنا، ولا أميرة دي بقت جبروت. المجهول: هو ده اللي هيحصل. المجهول: حاضر، إحنا مراقبين العيلة كلها. المجهول: تمام. في القصر. رعد شايل فردوس وحاضنها ومبتسم. أكرم: إيه يا عم أنت، سايب العيال الغلابة وماسك في فردوس؟ رعد: دي روحي، وريني تاج يا أكرم. أكرم: لا يا عم، أنت معاك واحدة وأنا معايا واحدة. رعد: هات يا رخ*م. أكرم شال تاج واداها لرعد: خد حتة بنتي، عاوزها معاك 3.

رعد: ربنا يحميكي يا تاج، قمر. أميرة: أنتُ ناس مختلفة أوي. سليم: ليه؟ أميرة باستغراب: أنا أعرف إن أهل الصعيد بيزعلوا من خلفة البنات، ورعد وأكرم فرحانين أكتر من الولاد. سليم: عشان الناس اللي بيزعلوا من خلفة البنات دي ناس جاهلة معندهمش دين. ده الرسول صلى الله عليه وسلم قال: (استوصوا بالنساء خيراً) الجميع: عليه أفضل الصلاة والسلام على رسول الله.

سليم: لما رعد اتولد أنا كنت فرحان إن اسم العيلة هيفضل موجود، وكنت فرحان أول حفيد في عيلة المنشاوي. وبعده جه أكرم بقت العيلة فيها صبيان بس. جت ياسمين نورت حياتي كلها. البنت يعني حنية، البنت حاجة تانية غير الولد. وبس يا ستي. أميرة بابتسامة: ربنا يبارك فيهم. سليم: ويبارك في عيالك يا ميرو. رعد: أحم! إيه يا حج؟ ملاحظ إن ميرو بقى على لسانكوا كتير. مرام: ميرو وأميرتي وحبيبتي بقوا كتير أوي.

رعد بغضب: طب أسمع حد بيقول كده غيري. يوسف: عيب يا كبير، أنا معرفهاش أصلاً. أميرة: المهم. ياسمين: المهم قولي. رعد: عاوزين نروح الفندق اللي في شرم كمان أسبوع. جني: أيوة بقى، هو ده الكلام. رعد: أنا قولت الكبار، الصغيرين لا. جني: نننعم يا مامي. أميرة: نعم يا روحي. جني: إيه الكلام ده؟ أميرة: والله يا جنتي أنا مليش دعوة. جني: لا والنبي كنتي واقفة مع الحرس وبتقوليلهم هموتكوا لو حد دخل، ودلوقتي ملكيش دعوة!

رعد بضحك: خلاص خلاص، أصل إحنا هنطلع عشانك، موافقين ولا أطلع أنا؟ أكرم: أكيد موافق، على حسابك صح؟ يوسف: آه أكيد، على حسابك يبقى طالع. سليم: وأنا طالع على حسابك. رعد: وأنا طالع بس على حساب أميرة. أميرة: نعم! ليه؟ ده أنا معيش جنيه. رعد: كدااااابة! أنا عارف الصفقة الأخيرة أنتي خدتي كام. أميرة بضحك: اللي بأخده بيتحول على البنك في حسابك. رعد: حلو يبقى الجمعة الجاية طالعين شرم. جني: هي هي هي هي!

سمعوا صوت بكاء مالك، قامت أميرة بسرعة وشالته وفضلت تسكت فيه. أميرة: إيه يا روحي؟ لوكة حبيبي قلب مامي. رعد بغيرة، فهو يستغرب غيرته يغير من ابنه: بوسيه أحسن يا أميرة. ضحكوا عليه وعلى غيرته. هدى: إيه يا رعد؟ ده ابنك. رعد بغيظ: ما هو المصيبة، والواد حلو أوي. أما بصي الهادي ده، وبيشاور على أنس نايم في حاله. أما التاني عاوز يفضل في حضن أمه، بس ده بعده. جنة: بابي. رعد: عيونه. جني: ممكن أجي أقعد جنبك أنت وفردوس؟

رعد بابتسامة: جنتي تقعد في أي مكان، ونام فردوس. وشال جنة وقعدها في حضنه. رعد: جنتي تؤمر. أكرم: طيب نستأذن بقى. رعد: على فين؟ لسه بدري. أكرم: لا معلش كفاية كده، محتاج أنام. أنت هتنزل الشركة بكرة ولا إيه؟ رعد: لا أنا مش هنزل غير بعد ما نرجع من شرم، عاوز آخد إجازة شوية. يوسف بغيظ: أنت واخد إجازة أكتر من 6 شهور يا مفتري. رعد: عادي، كله فدايا وراحتي أهم. سليم: يعني أميرة اللي هتنزل؟

رعد: لا انسوا إن أميرة تنزل. أميرة هتفكر في الجامعة وبس، كفاية كده ولا إيه؟ أميرة: هو يعني يعني. رعد: يعني إيه؟ وضحكي كده. أميرة: أنا حابة أشتغل في الشركة. رعد: نننعم! والجامعة؟ أميرة بطيبة ودلع: ما يا حبيبي أنا هأروح الجامعة بس مليش دعوة، عاوزة أنزل الشغل. رعد: طب يومين في الأسبوع. أميرة: ماشي موافقة. يوسف: طيب ياللا وإحنا كمان. رعد: ليه؟ يوسف: معلش عشان مرام تستريح وكده. أميرة: كله ماشي ليه؟

سليم: هو أحمد مشي ليه ما قعدش؟ أميرة: ماما تعبت شوية وروحوا. هدى: ألف سلامة. واستأذن الجميع وغادروا القصر. أميرة: أمل...... أمل! أمل: أيوة يا فندم. أميرة: ممكن تاخذي الولاد تنيميهم في السرير عشانهم ناموا. أمل: حاضر، وجنة؟ أميرة: لا جنة أنا هدخلها الأوضة بتاعتها. أمل: تمام. طلعت أميرة الجناح. رعد: حلو الجناح ده يا أميرة، حاسه مختلف. أميرة: حلو عشان عيونك شايفاه يا روحي.

رعد: حبيبتي، بأقولك أنتي مش شايفة إن الجامعة والشغل كتير؟ أميرة: لا حلو، وأنا لو تعبت هأسيب الشغل. رعد: ماشي براحتك. أميرة: هأغير بسرعة وأجي لأني عاوزة أنام. رعد: تمام. غيرت أميرة ولبست بيجامة جميلة عليها ميكي ماوس وطلعت. رعد: طفلة، طفلة يعني. أميرة: طفلة رعد وبس. رعد: طبعاً أميرة، أنتي ليه سميتي القصر بقصر الرعد؟ أميرة: معرفش، هو الاسم جه كده. رعد: طب ممكن أميرتي تيجي عشان أحضنها وأنام لأني هاموت وأنام.

أميرة مسرعة: بعد الشر، وطلعت على السرير وشدها رعد وحضنها وقبل رأسها وناموا. بعد مرور أسبوع في يوم السفر. صحت أميرة بنشاط ودخلت لبست لبس التمرين وطلعت دخلت غرفة التمرين. وبدأت تتمرن على المشاية وهي بتسمع موسيقى هادية وبتتمرن بسرعة عالية. وفضلت ربع ساعة. صحى رعد من النوم ملقاش أميرة استغرب، غير ملابسه وطلع. رعد لإحد الخادمات: أميرة فين؟ الخادمة: أميرة هانم في غرفة التمرين. رعد باستغراب: تمرين؟

الخادمة: آه يا فندم، جنب جناح جنة. مشي رعد وصل الغرفة وفتح الباب وكانت أميرة بتتمرن بشراسة. رعد مستغرب حياتها الجديدة. رعد: أميرة! أميرة مش سامعة من المزيكا العالية. رعد قرب: أميرة أميرة! ولسه بيمسك ذراعها كانت أميرة أسرع منه وقعته على الأرض. أميرة: رعد! رعد بوجع: كتر خيرك لسه فاكرة. أميرة مدت إيديها ليه: طب قوم. شدها رعد وقعت جنبه وقام اعتلاها (فوقها) رعد: بقيتي جامدة ويتخاف منك يا أميرتي. أميرة: وده حلو ولا وحش؟

رعد: حلو عشان تكوني قوية ومش مستنية حد يحميكي. أميرة وهي بتنهج من كتر التمرين: هنسافر امتى؟ رعد وهو بيبصلها من فوق لتحت بخبث: والله المفروض نلبس دلوقتي، بس أنا باقول إن الطقم اللي أنتي لابساه ده حلو، وإيه وأنا عاوزك تفضلي بيه ولا إيه رأيك؟ أميرة بحركة سريعة قامت من تحته: لا أنا باقول نلبس أحسن. وجريت على الجناح. رعد بيجري وراها: خدي هنا يا بت! وبدأوا يجهزوا. أميرة لبست بنطلون أسود وتيشيرت بنفس اللون وجاكيت نبيتي.

ورعد لبس بنطلون أسود وتيشيرت نبيتي وكان ينسق ملابسه مع أميرة. أميرة: لا أنت حلو أوي، ما تنزلش. رعد: حلو يبقى ما ننزلش، ياللا. أميرة: أنت لما صدقت، ياللا. نزلت أميرة ورعد وكانت جنة لابسة شورت جينز وتيشيرت يصل لأعلى بطنها. جنة: أنا قمر صح؟ رعد: أنتي حورية من الجنة. أميرة: طيب ياللا بقى عشان أكرم ويوسف وبابا سليم بره. رعد: طيب ياللا عقبال ما أجيب الولاد وأحطهم في العربية. أميرة: تمام. كل حاجة جهزت وهيبدأوا يتحركوا.

أكرم كان لابس شورت وقميص أبيض، وياسمين فستان باللون الأزرق وطرحة باللون الأبيض. ومرام فستان موف، ويوسف بنطلون جينز وتيشيرت. وجه سليم وهدى. رعد: ياللا هنتحرك. أميرة وأكرم ويوسف: تمام. كل واحد ركب عربيته واتحركوا والحرس وراهم طبعاً، وفي طريقهم لشرم الشيخ في عربية رعد مشغل أغنية "عارفة أحلى حاجة فيكي إيه". رعد بابتسامة وماسك إيد أميرة: نامي يا أميرتي لو عاوزة. أميرة: لا هأفضل صاحية وهألعب أنا وجنة. رعد: تمام.

أميرة: بس وطي شوية صغيرين عشان مالك نايم. رعد: مالك طلعلي في البخت ولا إيه؟ أميرة: إشمعنا مالك؟ ما عندك فردوس وأنس. رعد: رخامة بقى. وكملوا طريقهم إلى شرم. وبعد مرور عدة ساعات وصلوا إلى الفندق. وكان الطريق معاهم حلو ويوم جميل ونزلوا استراحات سوا وقضوا وقت حلو. هل السعادة هتفضل موجودة دايماً ولا القدر ليه رأي آخر؟