رواية اميرة الرعد الفصل التاسع والعشرون 29 - بقلم ندى الشرقاوي

أميرة: أنتووا! يوسف: شوفتوا بقى أنا مش ندل زيكوا وجيت. أكرم: عرفت منين؟ مرام: من الحرس اللي على الفيلا والخدم. هدى: ادخلوا يا ولاد. دخلوا، وكان جو جميل وأُسري، وبعد مرور وقت. جنة: ياله بقى يا مامي. أميرة: ياله يا جنتي. أميرة: نستأذن احنا. سليم: أوصلكوا. أميرة: تسلم يا بابا، معانا العربية. نزلت أميرة هي وجنة، واتحركوا إلى القصر، ودخلت عند رعد وكان بدأ التمارين.

بعد مرور شهر، كان رعد في حالة تحسن ومع التمارين بدأ يقف على رجله ويتحرك بس على خفيف، وأميرة بتساعده في كل حاجة وفي الشغل بيقعدوا سوا، ورعد فرحان بقعدته في البيت لسبب واحد إنه على طول مع ولاده، وبيقول يمكن ربنا عمل كده علشان يقعد فترة مع ولاده وأميرة تكون قوية شوية. أميرة: رعد، رعد. رعد بنوم: إيه يا ميرو؟ أميرة: حبيبي أنا هنزل الشركة حالاً. قام رعد بسرعة من النوم يشوفها لابسة إيه.

رعد: طيب يا حلوة، غيري اللي أنتِ لابساه وتعالي تاني. أميرة بزعل طفولي: ليه بقى إن شاء الله؟ شدها رعد وقعدها على رجله ودفن راسه في عنقها يقبلها قبلات متفرقة في عنقها ويستنشق رائحتها التي مثل الفراولة أو التوت. رعد وما زال على وضعه: علشان أميرتي مش بتسمع الكلام، مش قولت بلاش الفساتين القصيرة دي، يعني مستحمل شعرك بالعافية وبقول مش هضغط عليها، بس كده نووو. أميرة بتوتر: ط... طب خلاص... هغير.

رعد بغبث: ليه يا روحي كده، مالك متوترة كأنك في امتحان؟ أميرة: لا الجو حر فجأة كده. رعد: اممم، طب ياله يا ميرو يا قمر، غيري الفستان بس ما أجي أغيره ليكي أنا، وأنهى كلامه بغمزة. أميرة بخجل من وقاحته: لا أنا هغير. دخلت أميرة وغيرت ملابسها ولبست بنطلون باللون الأسود وجاكت بنفس اللون وتيشرت أبيض وشوز بنفس اللون وبعض الإكسسوار. طلعت أميرة من غرفة الملابس بعد ما أتمت لبسها.

رعد: أيوه كده، إيه الجمال ده، شعرك الحلو الأحمر ده مشفهوش مفرود، ياله لميه يا قمر. أميرة: أووف حاضر. لمت أميرة شعرها بشكل جميل. أميرة: حاجة تانية؟ رعد: آه يا روحي، ممكن تجيبي التيشرت الأبيض من جوه علشان أغير ده. أميرة باستغراب: طب ما أنت حركة رجلك بقت كويسة لحد ما يعني تقدر تدخل تغير جوه. رعد بتعب وألم مصطنع: معلش رجلي شادة شوية. دخلت أميرة وجابت التيشرت الأبيض وطلعت، كان رعد تخلص من التيشرت اللي كان لابسه.

أميرة بخجل: اتفضل. رعد: أنتِ لسه بتتكسفي، ده أنتِ عندك أربع عيال. أميرة بطفولية: والله همشي. رعد مسرعًا أمسكها من خصرها: تمشي تروحي فين، هو دخول الحمام زي طلوعه ولا إيه؟ وبعدين ينفع كده مش تلبسيني التيشرت ده، حتى الممرضة الأجنبية المزة دي بتقولي إني حلو. أميرة: نننننننعم يا عمري؟ رعد بمسكنة: آه والله، وكمل ببراءة، أكدب عليكي يعني؟ أميرة بعصبية: طب البس علشان مش أجيبلك الممرضة من شعرها. رعد: لا اهدي الله يخليكي.

أميرة: طب البس البس. لبس رعد التيشرت. رعد: عندك اجتماع النهاردة؟ أميرة: آه هنسلم مشروع مستر معتصم. رعد: ياااه، راجل غتت. أميرة: وأنت الصادق، أول يوم أروح الشركة كان موجود وبيزعق وأنا اتنرفزت عليه. رعد بصدمة: بجد؟ أميرة: آه وخلصنا المشروع في شهر. رعد: شهر يا مفترية؟ أميرة: طبعًا. رعد: إزاي الموظفين خلصوا في الفترة القصيرة دي؟ أميرة: زودنا ساعات العمل وزودت المرتب. رعد: اممم، فهمت، هتسلمي المشروع النهاردة؟

أميرة: آه، واعمل حسابك هتظهر. قريب. رعد: إزاي؟ أميرة: يعني رعد المنشاوي هيرجع تاني. رعد: والمجهول؟ أميرة: هيظهر لما أنت تظهر. رعد: إيه اللي مخليكي متأكدة؟ أميرة: لأنه بيدور عليك في كل حتة. رعد: دماغك هتودينا لفين؟ أميرة: كل خير يا رعدي. رعد: ماشي يا أميرتي، هظهر أمتى؟ أميرة: في الحفلة. رعد: حفلة إيه؟ أميرة: حفلة للشركة الأم بسبب إنها نفذت أكتر من مشروع في فترة قصيرة جدًا. رعد: ماشي يا أميرتي، يالا اطلعي على الشركة.

أميرة: أشطا، وجنة هتروح Nursery النهاردة. رعد: طب ما تجيبي الولاد هنا. أميرة بابتسامة: مينفعش يا روحي أنقلهم، وفي خدم ومربي في القصر، افرض حد فيهم عيط ومحدش في الجناح، بكرة أنت اقعد معاهم براحتك لإن الحفلة بكرة. رعد: طيب يا أميرتي. ودعته أميرة ونزلت أخذت جنة، وفي طريقها توصلها وبعدين ترجع على الشركة. عند جنة وأميرة: أميرة: جنتي مش عاوزة مشاكل في Class. جنة: ماشي يا مامي، بس أنتي وعدتيني تاخديني الـ Party صح؟

أميرة وهي تقبل وجنتها: آه يا روحي. جنة: ماشي أنا هنزل بقى. أميرة: ماشي يا جنتي، استني هنزل معاكي. نزلوا. المديرة: أهلًا يا فندم، نورتي. أميرة: نور حضرتك، يا ريت حد يخلي باله من جنة، ولو حصل أي حاجة بلغيني، ومعلش في حرس على الـ Class بتاع جنة. المديرة: عادي يا فندم ولا يهمك. أميرة وهي تلبس نظارتها: تمام أوي، أستأذن أنا. طلعت أميرة واتجهت إلى الشركة. بعد مرور الوقت، وصلت أميرة ونزلت واتجهت لغرفة الاجتماعات.

أميرة: أنا جيت. أكرم: نورتي البيت. أميرة: ظريف. يوسف: تعالي يا ميرو. أميرة بتبص في ساعتها: هو مش المفروض إن مستر معتصم يكون موجود، إيه التأخير ده؟ أكرم: طب ما أنتي جاية متأخر. أميرة: كنت بودي جنة وجيت. أكرم: آه أشطا، اقعدي بقى لحد ما يجي، إحنا بنفطر، تفطري؟ أميرة: بتفطروا إيه؟ أكرم: جايبين سندويتشات جبنة ولانشون وكده. أميرة: أشطا أنا ما فطرتش أصلًا. يوسف: مش ناوية تقولي رعد فين بقى؟ أميرة: قريب، قريب خالص.

أميرة: وليه ما تقوليش هجبلكوا رعد بنفسه. يوسف: مش فاهم أنتي بتتكلمي بالألغاز ليه؟ أميرة: هفهمك. لكن قاطعتهم السكرتيرة: معتصم بيه وصل يا فندم. أميرة: خليه يتفضل. دخل معتصم. أميرة: حضرتك إحنا بنبدأ الاجتماع الساعة 8 ونص، الساعة 9. معتصم: الطريق كان مزدحم. أميرة: اتفضل يا فندم. أميرة: المشروع خلص والحمد لله كامل، وده اليوم اللي حددناه من شهر، أنا عند وعدي وسلمت المشروع. معتصم بانبهار من أميرة ودقة عملها: برافو.

أميرة: أنا مش جاوبت على سؤال علشان تقولي برافو، المشروع جاهز وبكرة حفلة الشركة الأم. معتصم: أيوه جاي بإذن الله، ممكن حضرتك تقبلي عزومتي على العشا؟ أكرم: الله ما طولك يا روح. يوسف: هو أنت جاي تتعاقد مع شركة مين لو سمحت؟ معتصم: المنشاوي. أميرة: أنا مش بأقبل عزومة حد معلش، أنا ست متجوزة ومش فاضية للحاجات دي، الاجتماع خلص عن إذنك.

معتصم في سره: حلوة أوي، عليها جسم ولا عيون ولا شعرها الأحمر ده، دي بتاعت رعد، لا لازم آخدها منه. وانتهى الاجتماع. أميرة: عليا النعمة راجل رخم. أكرم: لو رعد كان هنا كان زمان معتصم بيقابل رب كريم. أميرة: الحفلة بكرة، ياسمين هتيجي ولا إيه؟ أكرم: معرفش علشان تاج. أميرة: يعني أنا عندي أربعة وراحة، بص هات تاج القصر مع الولاد وخلاص. يوسف: أنا عندي مشكلة. أميرة: إيه هي؟

يوسف: مرام كل لما تيجي تخرج ولا تلبس تعيط وتقول اللبس مش حلو وإنها وحشة وإنا هتتجوز علينا. أكرم بضحك: هههههههه كان مالنا ومال الجواز. أميرة: أنا بقى عندي 3، واحد يبطل عياط، التانية تشتغل، واحدة تخلص تحس إنهم وردية شغل. يوسف: الله يكون في عونك. أميرة: المهم الحفلة الساعة 8 وإحنا هنكون هناك الساعة 7 ونص. يوسف: أيوه فاهم. أكرم: تمام. أكرم: مين اللي هيقول الكلمة نيابة عن الشركة الأم؟

أميرة: الكلمة ليا والجايزة سيبها لوقتها. يوسف باستغراب: إزاي ما اللي بيتكلم هو اللي بيستلم؟ أميرة: مفاجأة يا جووو. أكرم: ربنا يستر. أميرة: كل واحد على مكتبه، يالا يا حلوين. أكرم: أنتي بتكلمي ابن أختك؟ يوسف: ولا تكوني بتكلمي أنس؟ أميرة: لا طبعًا أنس أحلى. أكرم: أنا ماشي، هي مرارة واحدة. يوسف: خدني معاك دي هرمونات مرام هتظهر كمان شوية لما ترن عليا تقولي نفسي في معجون أسنان. أميرة: هي حصلت؟

يوسف: دي قومّتني من على السرير إمبارح الساعة 3 بليل علشان عاوزة تاكل مانجو، ولما جبتها قالتلي ما عادش ليا نفس عاوزة فراولة، جبت الفراولة لقيتها نامت. أميرة: الله يكون في العون. أكرم: أنا بقى الحمد لله مراتي ولدت وفلستني، فلوسي خلصانة على الأكل. أميرة: يالا أنا هروح المكتب. دخلت أميرة المكتب. أميرة: ألو لو سمحت مستر رعد المنشاوي كان بيتعامل معاكوا. الموظف: أيوه يا فندم، رعد بيه بيتعامل معانا بقاله 5 سنوات.

أميرة: أنا مدام رعد المنشاوي، وعاوزة بدلة من الماركة اللي رعد بياخدها، اللون أسود، وأكيد عند حضرتك المقاسات. الموظف: أيوه يا فندم. أميرة: تمام، البدلة بكرة تكون جاهزة الساعة 3 العصر. الموظف: تمام يا فندم. قفلت أميرة وعملت مكالمة تانية. أميرة: ألو لو سمحت الفستان باسم أميرة المنشاوي جاهز؟ الموظفة: آه يا فندم تقدري تستلمي. أميرة: تمام. قفلت أميرة وبدأت تراجع ورق الشغل. أميرة بعد وقت لقت اتصال من جان.

أميرة مسرعة: مرحبًا دكتور جان، رعد بخير؟ ماذا حدث؟ رعد بضحك: اهدي اهدي، أنا كويس حبيت أطمن عليكي. أميرة براحة: رعد. رعد: عيونه، معلش أنا كان قصدي أطمن عليكي لإن فوني راح في الحادثة. أميرة: ماشي يا حبيبي، البدلة بتاعت بكرة أنا طلبتها. رعد: أمممم، وطلبتي منين؟ أميرة: من نفس المكان اللي أنت بتجيب منه، اللي البدل بتيجي من باريس. رعد: وفستانك؟ أميرة بخبث: ماله؟ رعد: الفستان عامل إزاي؟ أميرة: هتنبهر.

رعد: عملك مفاجأة النهاردة. أميرة: بجد إيه هي؟ رعد: لما تيجي يا أميرتي. أميرة: طيب يا رعدي. عدى اليوم في تجهيز الحفلة المنتظرة وكان يوم متعب وأميرة كانت مرهقة وروحت. *** في فيلا أكرم: ياسمين بدموع: طب أعملك إيه؟ أكرم: إيه يا روحي مالك؟ ياسمين: تاج مش عاوزة تسكت، عمالة تعيط وأنا مش عارفة أعمل إيه، وعاوزة أنام. أكرم: هاتيها يا روحي. شالها أكرم وفضل يتمشى بيها شوية لحد ما نامت من كتر البكاء. أكرم نيمها في سريرها.

أكرم شال ياسمين وحطها على السرير. أكرم: نامي يا روحي. ياسمين بنوم: وتاج؟ أكرم: أنا صاحي، نامي أنتي شوية، تعالي وحضنها وظل يلعب في شعرها لحد ما نامت. أكرم: ربنا يخليكي ليا يا روحي، وطبع قبلة رقيقة بجانب شفتيها. وعدلها على السرير وقام يغير ملابسه لملابس مريحة. *** في فيلا يوسف: يوسف: إيه يا مرامي مالك؟ مرام بزعل طفولي: الفستان ضيق خالص خالص.

يوسف: بقى القمر ده زعلان علشان كده، قومي البسي أي حاجة وتعالي ننزل المول ونشتري لبس لحبيبتي، يالا. مرام: بجد؟ يوسف: آه يا روحي، يالا. قامت مرام غيرت ولبست علشان ينزلوا، ونزلوا وبعد لف طويل جابوا لبس لمرام وبعض ملابس البيبي ورجعوا على الفيلا. *** وفاء: إحنا بقالنا كتير ما روحناش لأميرة، إيه رأيك بكرة نروح الحفلة ونكون جنبها. أحمد: أنا موافق. وفاء: ماشي وأنا هكلمها أقولها. *** في القصر:

دخلت أميرة القصر وكانت جنة جت من الحضانة ونامت علشان صاحية بدري. أميرة: عيالي الحلوين اللي كل يوم بيكبروا، عارفة إني مقصرة معاكوا والله، بس وعد بابي يرجع الشغل وكل حاجة ترجع زي ما كانت. ابتسم أنس. أميرة: أيوه أنت يا واد يا قمر أنت، أنا هجري بقى أشوف أبوكوا عاوز إيه هو. طلعت أميرة من الجناح. ودخلت جناح رعد بس كان شغال إضاءة هادية. وفي ورد وشموع وفستان على السرير وجنبه ورقة فتحتها.

حبيبتي أميرة أميرتي، عارفة إنك تعبتي علشاني أوي وبشكرك إنك فضلتي جنبي لحد ما رجعت تاني، ادخلي البسي الفستان واطلعي وبلاش خدودك اللي بقت شبه الطماطم دي من كتر البص على الفستان، يالا يا قلبي أنتي. أميرة كانت في قمة الانبساط وأخذت الفستان ودخلت تغيره، وغيرت بالفعل وكان فستان عاري جدًا يصل لأعلى الركبة بمراحل وشفاف وأضافت بعض مساحيق التجميل البسيطة ولبست خلخال. وطلعت كان رعد واقف في منتصف الجناح.

أميرة شافته واقف على رجله جريت عليه بسرعة وحضنته جامد. أميرة: رعد. رعد: عيونه وقلبه وروحه وعقله يا أميرتي، كان نفسي أوي أول ما أفوق أقف وأشيلك وأحضنك. شالها رعد وفضل يلف بيها وهي فرحانة أوي وبتضحك من قلبها. وكان رعد لابس شورت يصل لركبته باللون الأبيض وتيشرت أبيض. رعد: تسمحيلي بالرقصة دي؟ أميرة: طبعًا، وبدأوا يرقصوا سوا. وكان جو جميل قد إيه في سعادة لما يكونوا شخصين بيحبوا بعض ومتمسكين ببعض.

أميرة بترقص مع رعد ورأسها على صدره لقصرها. ورعد حاضنها زي الطفلة. طلعها رعد من حضنه وهي بتبص له بعيون بريئة وجميلة، وبص لها قد إيه جميلة والفستان كانت فيه في قمة الأنوثة والجمال والإثارة، نزل رعد رأسه لعنقها وقبّلها قبلات متفرقة وأميرة مغمضة عيونها وظل يطبع علامة ملكيته عليها يثبت لنفسه وللعالم إن أميرة ملك له فقط. رفع رعد رأسه وبص لها وظل يتفحصها بعيونه، دخلت أميرة جوه حضنه تحمي نفسها من نظراته.

ضحك رعد عليها خائفة من نظراته وتتخبأ في حضنه. رعد: أميرتي. أميرة: أممم. رعد: بصيلي. رفعت أميرة نظرها وتقابلت عيونهم وكانوا يقولوا أجمل الكلام بلغة العيون قد إيه اشتاقوا لبعض والقدر جمعهم تاني. طبع رعد قبلة رقيقة بجانب شفتيها. جت أميرة تبعد لكن رعد ثبتها بيديه. رعد بتوهان: انسى كل حاجة عشتيها، عيشي معايا النهاردة كأنك مولودة، انسى وخليكي مع رعدك حبيبك. وشالها ومشي بيها للسرير وهو سامع صوت الخلخال كأنه أوتار على قلبه.

ونزلها على السرير وتخلص من تيشرته وقريب وسكتت شهرزاد بالكلام الغير مباح وذهبوا إلى عالمهم الخاص لا يوجد سوا أميرة ورعد فقط. *** في الصباح في يوم جديد، يوم مليء بالسعادة والفرح. صحيت أميرة من النوم وعلى وجهها ابتسامة جذابة، وبصت لرعد قد إيه هو بيعاملها كأنها زجاج يخاف من كسره أو لؤلؤة يخفيها عن جميع العالم. رعد: حبيبتي بتفكر في إيه؟ أميرة بخجل: ما فيش، صباح الفل والياسمين.

رعد وهو بياخدها في حضنه: صباح الجمال على عيونك الحلوين. أميرة: ملاحظ إني ما روحتش الشركة؟ رعد: عادي كله يروح مقابل سعادتي أنا وأنتي، مش أنتي مبسوطة يا قلبي؟ أميرة: أكيد يا روحي. رعد: تعرفي أنتي كنتي وحشاني أوي أوي، بتوحشيني وأنتي في حضني. أميرة: ربنا يخليك ليا يا حبيبي. رعد: ويخليكي يا روحي. أميرة: أنا عاوزة أنام شوية كمان علشان الحفلة لسه. رعد: نامي يا قلبي.

غفلت أميرة في النوم وبعد مرور 4 ساعات صحيت أميرة علشان تجهز. أميرة: رعد اصحى. رعد: إيه يا ميرو؟ أميرة: يالا يا روحي، البدلة جت. قام رعد بسرعة وقال: نهار أبوكي أسود، أنتي طلعتي بره الجناح كده؟ أميرة: لا لبست روب. رعد: وطلعتي روحي فين؟ أميرة: ما فيش حد، روحت الجناح التاني. رعد بعصبية: الهدوم دي يا هانم ما تطلعيش بيها بره الجناح، سامعة؟ أميرة بدموع: فاهمة. زعل رعد من نفسه علشان زعلها وقام شالها

قعدها على رجله وقالها: يا حبيبتي أنا بغير، افرض حد من الخدم شافك. أميرة: كلهم ستات. رعد: ولو يا روحي، معلش لما تطلعي بره الجناح تكوني لابسة كويس، ممكن؟ أميرة: ممكن، قوم بقى شوف البدلة. قام رعد وشاف البدلة. رعد بابتسامة: لا ذوقك روعة، طب إيه مش هشوف فستانك؟ أميرة: هلبس حالًا هتشوفه. رعد: طب إيه مش عاوزة مساعدة، أرفع سوستة، ألبسك حاجة يعني؟ أميرة: أنا مش عارفة أنت من ساعة ما فقت وقلة الأدب متوفرة كده ليه؟

رعد بغمزة: يعوض اللي فات يا أميرتي. أميرة: أنا داخلة ألبس. دخلت أميرة علشان تجهز وخدت شاور منعش وطلعت ولبست فستان باللون النبيتي ضيق من فوق وواسع من تحت وجزمة ذات كعب عالي باللون الأسود وحطت ميكب بسيط ولبست بعض الإكسسوار وعملت شعرها بشكل جميل جدًا وكانت كما يقال حورية. طلعت أميرة وكان رعد لابس بدلة باللون الأسود وقميص بنفس اللون وكان رائع هو الآخر. رعد بتوهان وسرحان من جمالها: أنتي هتروحي كده؟ تقدمت منه أميرة

ووقفت قدامه وقالت بدلع: آه، عندك مانع يا روحي، إيه رأيك في الفستان، جميل صح؟ رعد بتوهان: أوي أوي، بلاش تروحي خالص اعتذري. أميرة بضحكة رنانة: لا لازم أروح. رعد: طب أنا هظهر أمتى؟ أميرة: بعد ما أقول الكلمة أنت هتظهر يا روحي، يعني أنت مش هتنزل معايا، أنت هتيجي لوحدك من طريق تاني بالحرس اللي جابك من المستشفى. رعد بغيظ: يعني كمان مش هروح معاكي؟ أميرة: النهاردة هتكون معايا في كل معاكي. دق دق دق. أميرة: مين؟

جنة: أنا يا مامي. أميرة: دي جنة تلاقيها لبست. رعد: هي هتيجي؟ أميرة: طبعًا دي الملكة بتاعتي. فتحت أميرة الباب وكانت جنة لابسة فستان يليق على بشرتها البيضاء ولابسة فستان جميل باللون اللبني الفاتح أوي ويوجد بعض الورد وشوز باللون الفضي. رعد: يا خرااابي ولا أنتي ولا بنتك رايحين. جنة: ليه بقى إن شاء الله؟ رعد: علشان حلاوتكوا دي. جنة بغرور: عارفة أني حلوة، مامي حلو الفستان؟ أميرة: قمر يا روحي. جنة: حلو يا بابي؟

رعد بابتسامة: ربنا يحميكي يا جنتي، قمر. أميرة: يالا يا جنتي إحنا هنروح وبابي هيجي. جنة جريت على رعد وشالها وقبلته على خده. جنة: هستناك، مش تعمل زي وإحنا عند جدة وما جيت. رعد ابتسم: هاجي يا جنتي. أميرة ابتسمت وقالت: إحنا هنمشي وأنت هتطلع مع الحرس من الباب الخلفي. رعد: ماشي يا أميرتي. تحركوا جميعًا وفي طريقهم إلى الحفلة.