رواية اميرة الرعد الفصل الرابع والعشرون 24 - بقلم ندى الشرقاوي

هات يارعد. ابتسم رعد وقال: أميرتي، أنا ليا أعداء كتير، لازم أطمن عليكي، علشان كده بعلمك كل ده، فهماني ياقلبي. أميرة هزت راسها بنعم ودخلت جوه حضنه. استقبلها رعد بترحاب وضمها بتملك، كأنه يريد أن يدخلها جوه نفسه ليخبيها من عيون الناس. رعد بيرجع خصلات شعرها: أميرتي، مش ناويه تتحجبي؟ أنا مش عاوز تتحجبي غصب، بس الشعر الحلو ده محدش يشوفه غيري أنا بس. أميرة: قريب يارعد. رعد: ماشي ياعيون رعد. بعد خمس دقايق. رعد:

أميرتي، انتي نمتي ولا إيه؟ ياله علشان الطريق. أميرة بغضب طفولي: تؤتؤ، خليني في حضنك. رعد بابتسامة علي طفلته: ياروحي انتي، لما أجي نامي في حضني لحد ما تزهقي. أميرة: حد بردوا يزهق من الأمان بتاعي. رعد: يعني أنا الأمان بتاعي. أميرة: انت الأمان والحب وكل حاجة في حياتي. رعد بضحك: طب إيه، هنفضل واقفين؟ تعالي نقعد، فاضل ربع ساعة، سيبك من اللي بره. أميرة صقفت باديها زي الأطفال: آه، تعال نقعد. قعد رعد علي الأريكة (الكنبة)

وأميرة قاعدة على رجله ودخلت في حضنه زي البيبي. رعد: تعرفي، مكنتش أتخيل أبداً إن يكون عندي بيت وأسرة وأحب، آخر تفكيري الحب، بس انتي غيرتي حياتي. أميرة الطفلة 19 سنة، غيرت رعد المنشاوي اللي يتهزله أكبر راجل فيكي يامصر. أميرة تلعب في زراير قميصه: والتغيير ده عاجبك ولا لأ. رعد: عاجبني ياروحي، تحبي أثبتلك. وفي أقل من دقيقة كان رعد يعتليها ويقرب منها. رعد: انتي عاوزة إثبات كتير، وأنا راجل حقاني. وبيقرب يقبلها. .....

اخلص يا عم، رموا عاوزين نمشي. رعد بغيظ: والله انت عينك عليا، قومي ياختي قومي، والله أنا حظي نحس، حتى البوسة. أميرة: رعد. رعد: الطم ولا أجيب لطامة. طلع رعد وأميرة بره. أكرم: تحب حضرتك تطلع تريح في الجناح يافندم. رعد قرب من أميرة وحط إيده على خصرها بتملك وقال: ياريت. يوسف: ياله يا أكرم، مش ناقصاه محنة. أميرة بضحك: ياله يا شباب. ياسمين لرعد: باي يا بيبي. رعد: بيبي في عينك. مرام: لا لا، انتوا عيلة غريبة. جنه:

ولسه ياما هتشوفي. رعد: محدش هيجيب أجلي غير اللمضة دي. جنه: ماشي ماشي. بدءوا بالتحرك وودع رعد أميرة وجنه، وبدأوا طرقهم إلى الصعيد. في الطريق. أميرة بتفكير في صمت: ياترى في إيه، وإيه اللي هيحصل، وليه رعد مديني سلاح، ياترى مخبي إيه يارعد يا منشاوي. ياسمين: إيه يا ميرو، اللي واخد عقلك. أميرة بابتسامة: مفيش يا ياس. جنه: كرومتي. أكرم: عيونه. جنه: شغل أغاني. أكرم بضحك على الصغيرة: تؤمري، عاوزة إيه سنيوريتا. جنه:

مصاحبش الفرافير. أميرة: ياشيخة انطقيها عدل الأول. جنه بغضب طفولي: انتي بتتريقي عليا. أميرة بضحك: لا ياروحي. أكرم شغل الأغنية. أكرم بصوت عالي: مصاحبش الفرافير حتى لو راكبين فيراري، أنا صاحب التقدير حتى لو هركب أتاري. جنه: أتاري الدنيا اتاري مش حلوة زي اللي في بالي. ياسمين: لا لا، فصلت، انتي جايبة أكتر أغنية اللي حروفها طايرة من عندك. جنه: مامي. أميرة: نعم يا عيون ماما. جنه: يا سو رخمة. أميرة:

مش قولنا عيب، مش في حد بيشتم اللي أكبر منه، يبقى نقول إيه. جنه: Sorry. ياسمين: ياروح عمتوا، انتي تعملي اللي انتي عاوزاه. تيجي ناكل شوكولاتة، أنا جبت من ورا رعد. جنه: جدعة يا سو. كملوا الطريق بين كلام جنه ومزح أكرم وياسمين، وأميرة فرحانة إن ربنا عوضها عيلة جميلة. عند يوسف ومرام. يوسف بيسوق وأميرة نايمة في حضنه. يوسف: تعرفي يامرام. مرام: اممم. يوسف: أنا بحبك أوي ومبسوط إن هيكون ليا بيبي منك. مرام بحب:

ديما مبسوط ياروح قلبي. يوسف: لو بنت هتسميها إيه. مرام: خديجة، نفسي أوي في خديجة. يوسف بابتسامة: ولو ولد. مرام: عمر. يوسف: حلوين والله، تيجي أو ييجي على خير. مرام: على خير إن شاء الله. بعد مرور عدة ساعات. وصلوا الصعيد وكانوا الجميع في استقبالهم. سليم: يامرحب يامرحب، نورتوا. أميرة سلمت عليه وقبلت يداه: نورك يا بابا. سليم: كيفك يامرت الغالي وكيفه حفيدي. أميرة وأديها على بطنها: بخير. ثلومي ثلومي. سليم ضحك بصوت

عالي على دلعه من الصغيرة: قلب سلومك. جنه تجري تحضنه: وحشتني كتير كتير. سليم: انتي أكتر ياعيوني. أكرم: سليم المنشاوي بقى سلومي. سليم بغضب مصتنع: بس ياواد، جنه بس اللي تقول اللي عاوزه. ياسمين: الله الله يا سي بابا، وياسمين مالها بقى، أنا بنتك والله. جنه: كلكم عليا ولا إيه، بس لما رعدي ييجي. أميرة: بس يابت، ده رعدي أنا بس. سهدي: إيه كفاياكوا عاد، كلكم على البت الغلبانة إياك. جنه نزلت من حضن سليم جريت على هدي.

جنه بزعل طفولي: شفتي يا هدهودي. هدي بضحك: شوفت ياعيون هدهودي. يوسف: يا كلب البحر، أنا هجيب الشنط لوحدي. أكرم: وأنا مالي يا لمبي. سليم: أمال الغفير فين يا ولدي. أكرم: راح يجيب شوكولاتة لجنه. يوسف بغيظ: شوكولاتة ولا إنت وزعته. مرام: السلام عليكم. هدي بحنية وطيبة: وعليكم السلام يا حبيبتي، اتفضلي. دخلوا وقعدوا وسليم سأل على رعد وأميرة، قالت هييجي بكره الصبح. سامية: منورين والله. أميرة من غير ما تبص: نورك يا مرات عمي.

أكرم: نورك يا أم سليم. سليم: ياله الغدا جاهز. سامية: كيفك يا مرات ابني. ياسمين بابتسامة: بخير يا حماتي. سامية بابتسامة مصطنعة: جنه حبيبتي، مش هتسلمي على تيتا. جنه: إزيك يا تيتة. سامية: بخير يا حبيبتي. هدي: ياله الغدا. أميرة: بهانة بهانة. بهانة: أيوه يا ست هانم، امريني. أميرة بابتسامة: الأمر لله وحده، وأنا اسمي أميرة، ميرو، أي حاجة، بس أنا مش هانم، ممكن بقا تجيبيلي الشنطة الصغيرة اللي طلعت جناح رعد. بهانة بابتسامة:

من عيوني يا ست البنات. أميرة بابتسامة: تسلمي. أميرة: جنتي ياله علشان نتغدا. جنه: ياله يا مامي. أكرم: ياله يا قلبي، الغدا. ياسمين: ياله. مرام: ممكن أغسل إيدي بس الأول. يوسف: تعالي. عند رعد. رعد بعصبية: إيه اللي بيحصل هنا، قلبتوا الشركة لكافيه، كل واحد على شغله، اتفضلوا. الموظفين فروا إلى شغلهم. رعد: هاتي زفت ورق المزاد بتاع بكرة. السكرتيرة: حاضر يافندم.

دخل المكتب وقلع الجاكت بتاع البدلة وفك نص زراير القميص، وقعد على الكرسي، ومسك الفون ورن على أميرة. أميرة: الووو. رعد: وحشتيني يا أميرتي. أميرة استأذنت وقامت طلعت بره. أميرة: وانت كمان يا رعدي، مال صوتك ياحبيبي. رعد: مفيش ياروحي، حبيت أكلمك لأنك وحشتني. أميرة: حبيبي، انت وحشتني كتير كتير. رعد: جنه عاملة إيه، وأبويا وأمي. أميرة: كويسين ياروحي، هتيجي إمتى. رعد: بكره الصبح إن شاء الله. أميرة: انت في الفيلا ولا الشركة.

رعد: لا، أنا في الشركة. أميرة: ماشي ياروحي، هترجع الفيلا وتكلمني تاني صح. رعد: صح ياروحي، لما تطلعوا الجناح كلمني فيديو. أميرة: ماشي يا رعدي. قفل أميرة مع رعد، دخلت على صوت صراخ جنه. أميرة: في إيه، في إيه. هدي: اهدي يابنتي، انتي حامل. جنه بتعيط أكتر. أميرة نزلت لمستوى جنه وقالت: بس ياروحي، بتعيطي ليه. سليم: جنتي بتعيط ليه.

أميرة شافت جنه مستمرة في العياط، شالتها مع إنه غلط عليها وطلعت سلم السرايا وهيا شايلاها ودخلت الجناح. يوسف: إيه اللي حصل. أكرم: أنا كنت في الحمام، طلعت على صراخ جنه. ياسمين: ثواني وأميرة هتعرف إيه اللي حصل. في الجناح. أميرة: جنتي، بقينا لوحدنا اهو، ينفع أعرف سنيوريتا مالها. جنه بعياط: يامي. أميرة: تعالي حبيبة مامي، قعدت على السرير وقعدت جنه في حضنها. أميرة: قولي ياروحي. جنه:

يامي، تيتا سامية بتقول إنك مش مامي، وإنك وحشة، وإن أنا ليا مامي تانية بس هي مشيت وسابت جنه لوحدها، وإنك مش بتحبيني، ولما أكبر هتخدي بابي مني وتسبوني لوحدي. أميرة اتعصبت واتنرفزت، إزاي تقول لطفلة كلام زي ده. أميرة حبت تهدي نفسها: بصي يا جنى، تيتا معاها حق. بدأت جنه تعيط تاني. أميرة: جنه، اهدي بس، هقولك على حكاية جميلة خالص خالص. جنه سكتت. أميرة:

بصي، بابي اتجوز مي، ومي جابت جنه، بس راحت عند ربنا، وفضلت جنه، وجت بعد كده أميرة لجنه، يعني يا جنى، انتي ليكي اتنين مامي، يبقى تكوني فرحانة، ليكي مامي في الجنة، الجنة مكان جميل خالص، وليكي مامي معاكي، وبابي هيفضل معانا، أنا مش وحشة، أنا بحب جنه خالص خالص، وكمان هجيب بيبي لجنه. جنه بدأت تقتنع. جنه ببراءة: يعني أنا عندي اتنين مامي. أميرة:

آه ياروحي مامي، تعالي بقا ننزل ونلعب في الحديقة اللي تحت، حلوة خالص، وجدو جاب مرجيحة جميلة لجنه. جنه بفرح: هيهيهي، ياله يا مامي، ونسيت الحوار أصلًا. نزلت أميرة وفي إيديها جنه. سليم: خير، إيه اللي حصل. أكرم: إيه يا أميرة، كانت مالها. يوسف: قولي يا أميرة، أحسن جوزك ييجي يموتنا. أميرة لجنه: روحي يا جوجو، العبي بره، بس مش تبعدي ياروحي. جنه: حاضر يا مامي. طلعت جنه. أميرة بهدوء مصتنع: مرات عمي. بصولها باستغراب.

أميرة نادت تاني وتالت. أميرة بصوت عالي: مرااااااات عمي. طلعت سامية من المطبخ وتصنعت الغباء. سامية: خير إن شاء الله. أميرة: أنا قولتلك مليون مرة، ملكيش دعوة ببنتي، سامعة. سامية: خبر إيه عاد، بنتك بنتك، في إيه. أميرة: أيوه بنتي، ملكيش دعوة، شامية هانم، راحت تقول لجنه الطفلة اللي مكملتش أربع سنين، أميرك مش أمك، وإنها ليها أم تانية سابتها ومشيت، وكمان إن بكرة، لما جنه تكبر، هاخد رعد ونسيب جنه. سامية بتردد: إيه، أنا...

أنا مقولتش حاجة عاد. أميرة: بحذرك لعاشر مرة، ملكيش دعوة بجنه، علشان منقلبش في دفاتر قديمة، يا أم مي، صح ولا إيه. سامية: إيه كلامك الماسخ ده، هتخدي على حتة عيلة صغيرة. أميرة بصرامة وشده: قولت اللي عندي وحذرتك، وقالت لسليم: آسفة يا بابا، إن صوتي عليك، بس بنتي خط أحمر. سليم: معاكي حق يا بنتي، ستمية، ملكيش دعوة بجنه تاني. سامية بخبث: حاضر يا ولد عمي. ومشيت. أكرم: حق عليا يا أميرة، معلش. أميرة: ولا يهمك يا بيه. أكرم بضحك:

بيه إيه يا بت، ده أنا قد جوزك، كبرتني. أميرة بضحك: الاحترام واجب. أكرم: لا والنبي. يوسف: بلا نيلة عليكوا انتوا الاتنين، رعد جاي إمتى. أميرة: بكرة الضهر بإذن الله، هيكون في الصعيد. مرام بصوت واطي ليوسف: عاوزة أنام. يوسف: بس كده، من عيوني. وقال لسليم: عمي، ممكن بس حد يطلعنا الأوضة. سليم: طبعاً، اتفضل يا بني. طلع يوسف ومرام. في أوضة يوسف ومرام.

دخلت مرام الحمام، غيرت ملابسها لفستان قصير جدا شفاف باللون اللبني، وكانت مثل الحورية، وأطلقت صراح لشعرها، ولبست جزاء ذات كعب عالي، ووضعت بعض المساحيق التجميل البسيطة، وطلعت. انصدم يوسف من هيئتها، يالله كم جميلة، إنها تشبه الحورية بهذا الفستان الذي جعلها في قمة أنوثتها. ظل يوسف تائه وسرحان من جمالها. تقدمت منه وقالت برقة: يوسفي. يوسف: هااا. مرام: يا يوسف. يوسف: ها. مرام: حبيبي فوق.

يوسف رجع لطبعته وشدها من خصرها، قربها ليه، واختلطت أنفاسهم، ويوسف نفسه عالي. يوسف بلع ريقه بصعوبة: إيه الجمال ده. مرام بتحاول تبعد: دا جمالك ياروحي. يوسف: انتي قد اللي بتعمليه. مرام رفعت يداها ولفتها حولين عنقه، وقالت برقة: ماله ياروحي، دا حتى الفستان جميل، ولا إيه. يوسف: فستان إيه، دا حاجة ولا في الخيال. مرام بدلع: أنا قولت إن الحاجات دي بيلبسوها بره البيت عادي، وأنا مختمرة، فقولت ألبسها لجوزي حبيبي. يوسف:

يا زين ما عملتي والله. وغمزلها: طب إيه. مرام: إيه. يوسف بيفك زراير القميص: حالا هعرف. واستوب. سكتت شهرزاد بكلام الغير مباح. أميرة: جنتي، ياله علشان هنتكلم بابي. جنه: آه، ياله ياله. أميرة: ياله ياروحي. أميرة: ماما، أنا هطلع، ماشي. هدي: روحي يا حبيبتي، انتي تعبتي من الطريق. طلعت أميرة وجنه، وغيرت أميرة ملابسها ولبست تيشرت من ملابس رعد، وكان كبير عليها، فا رعد بالنسبة لأميرة ضخم. ابتسمت أميرة على منظرها. جنه بضحك:

ههههههه، بتاع بابي. أميرة بطفولية: آه، تلبسي واحد انتي كمان. جنه صقفت باديها: آه آه. لبستها أميرة تيشرت، وراحت عملت أميرة شعرها على كعكة مرتفعة، وطلعت على السرير هيا وجنه، ورنت على رعد. رعد أول ما شافهم، فضل يضحك: إيه اللي انتوا عاملينوا ده. أميرة: وحشتنا، قولنا نعمل كده. رعد: انتوا أكتر والله. جنه: وحشتني يارعدي. رعد: انتي أكتر ياعيون رعدك. جنه: هتيجي بكرة صح. رعد بابتسامة: آه ياروحي، من جوه. جنه: ماشي، هستناك. رعد:

ماشي يا جنتي، نامي بقا علشان تصحي بدري، علشان البنوته الشطورة تنام بدري. جنه: حاضر يا بابي. حضنه أميرة ونامت. أميرة: وحشتني يارعدي. رعد: وانتي كمان ياروحي. أميرة: مش هعرف أنام. رعد بقلق: ليه ياقلبي. أميرة: علشان مش هنام في حضنك. رعد: حقك عليا ياقلبي، بكرة إن شاء الله هكون عندك، قوليلي بقا إيه اللي حصل في يومك. أميرة حكتله كل حاجة حصلت وموقف سامية وجنه. رعد: معرفش، هي عايزة مننا إيه. أميرة: خلاص بقا، اهو موقف وعدى.

رعد: وريني بقا انتي لابسة إيه. أميرة ورته التيشيرت اللي لابساها وشكله كان عليها يضحك. رعد بخبث: لا ياروحي، دا أنا هديكي قمصاني وتشرتاتي كلها تلبسيها. أميرة بضحك: هههههه. رعد: جنه نامت. أميرة قلبت الكاميرا على جنه، وكانت نامت في حضن أميرة، وكان شكلها جميل خالص وبريء. رعد بغيره: هي لازم تكون في حضنك أوي يعني. أميرة بضحك: انت بتغير من جنه يارعد. رعد: أنا غيران من التيشيرت بتاعي إنه قريب منك وأنا لا. أميرة: رعد:

اضحكي ياختي. أميرة: هتنام إمتى. رعد: المفروض دلوقتي علشان أصحى بدري. أميرة: طيب ياله يا حبيبي، اقفل ونام، وبكرة لما تتحرك كلمني. رعد: ماشي يا أميرتي، باي. قفلوا وكل واحد نام وهو بيفكر في التاني. في صباح يوم جديد. صحت أميرة بنشاط ولبست فستان طويل وواسع وشوز أبيض، وعملت شعرها على هايه كعكة ولبست كاب. أميرة: جنتي، ياله اصحي. جنه: خمسة خمسة. أميرة بضحك: رعد مخلطش لما قال تربيتي. جنه: خمسة يا ميرو. أميرة:

خلاص، أنا هنزل وأقابل رعدي لوحدي. جنه قامت بسرعة: أسفة، ياله لبسيني. قامت أميرة ولبست جنه تيشرت وبنطلون ونزلوا تحت. أميرة: صباح الخير. الجميع: صباح النور. أكرم: رعد اتحرك ولا لسه. أميرة: هرن عليه حالا. رنت أميرة على رعد. رعد بنوم: الووو. أميرة: صباح الفل يارعدي. رعد: صباح الجمال يا أميرتي. أميرة: هتتحرك إمتى. رعد: هقوم حالا. أميرة: ماشي، هستناك. رعد: ماشي، باي يا أميرتي. قفلت. أميرة: هيتحرك كمان نص ساعة. سليم:

يوصل بالسلامة، اقعدي افزري يابنتي. قعدت وكملوا فطار. عند رعد. قام خد شاور وصلي فرضه واتجه لغرفة الملابس ولبس تيشرت أسود وشورت أبيض وكوتشي أبيض، ونزل فطر، وأخد مفتاح العربية وقال للسواق إنه هو اللي هيسوق ويروح. رعد ركب وطريقه إلى الصعيد. أحمد: كلهم في الصعيد. وفاء: آه، أميرة قالتلي إنهم هيقعدوا أسبوع في الصعيد. أحمد: ربنا يسعدهم أكتر وأكتر. وفاء: يارب. أميرة: رعد اتحرك، تعالوا نقعد بره شوية بدل قعدة السرايا. أكرم:

ياله. مرام: ياله. يوسف: ياله. طلعت ياسمين وهيا بتاكل من المطبخ. ياسمين: رايحين فين. جنه: خليكي انتي مش بتعملي حاجة غير أكل أكل. ياسمين: الله يبارك، حتة الأكل، ياله هاجي معاكم. بهانة، طلعي الكيكة من الفرن وهاتيها بره. بهانة: حاضر يا ست البنات. أكرم: تعالي ياحبيبتي، انتي قربتي تفرقعي مع كتر الأكل. ياسمين: قصدك إني بقيت تخينة. أكرم: لا ياروحي، دي أميرة اللي تخنت. أميرة: ماشي يا أكرم، لما رعد ييجي.

طلعوا بره وقعدوا يتكلموا ويهزروا ويلعبوا، وعدى الوقت بسرعة، وكان فاضل ساعة ورعد يوصل. دخلوا السرايا وهيا بيضحكوا. أميرة بضحك: لا، مش قادرة. ياسمين: آه، حاسة إني هولد من كتر الضحك. أكرم: بلا خيبة، انتي لسه مدخلتيش الشهر الخامس حتى. مرام: يبقى أنا اللي هولد. يوسف: كان على عيني، انتي لسه في أول شهر. أميرة: ماهيه يا جدعان، الله يخليكوا. جابت أحد الخادمات مايه لأميرة وقعدوا وشغلوا التلفزيون، وجت قناة أخبار. الصحفي:

خبر جديد في صفحة الحوادث، انقلاب سيارة رجل الأعمال المشهور (رعد سليم المنشاوي) ، وهنا في مكان الحادث، وصور للعربية رعد وهيا مولعة ومش باين فيها حاجة. وقعت كوباية المايه من إيد أميرة، اتكسرت أكتر من 100 حتة. يتبع الجزء الثاني من رواية أميرة الرعد.