رواية اميرة الرعد الفصل الخامس والعشرون 25 - بقلم ندى الشرقاوي

تقف في مكان مظلم في شرفة الجناح، تفكر في الماضي، فالحياة انقلبت من سعادة وفرح لظلام وحزن. تدعي أن يكون كابوسًا وليس حقيقيًا، فإن أميرة المرحة اختفت وظهرت أميرة جديدة، فرعد في غيبوبة أربعة شهور لحد الآن. **Back** يوم الحادث: أميرة: ررررررررعد! بدأ الصراخ بصوت عالٍ من الجميع وأميرة أغمي عليها، وجنى من كثرة الصراخ خافت وبدأت تعيط. يوسف: أميرررررره! أخذوا أميرة على المستشفى. بعد ساعة فاقت أميرة. أميرة: رررررررعد!

جرى عليها يوسف وحضنها: اهدي يا أميرة. أميرة بصراخ وبكاء: محدش يقولي اهدي، أنا عاوزة ررررعد، عاوزة جوزي يا ررررعد! جاءت الدكتورة. يوسف بعصبية: انتي هتتفرجي عليا؟ اديها مهدئ. الدكتورة: غلط المهدئ يا فندم، دي حامل. أميرة بدموع: عاوزة رعد يا يوسف، قلبي بيوجعني يا يوسف، رعد مش كويس، أنا عاوزة رعد، هو... هو قال هيجي الصعيد... اه هو كدب عليا... بس أنا مسامحاه بس وديني لرعد... هو بخير صح؟ قولي يا يوووووسف.

يوسف حاضنها ودموعه بتنزل. دخلت هدى بسرعة. هدى: أميرة! أميرة نزلت من على السرير جري على هدى وحضنتها. أميرة ببكاء: ماما فين رعد؟ أنا عايزة رعد يا ماما ردي عليا. هدى ببكاء: اااه يا ابني. يوسف: أميرة اهدي وأنا هوصلك لرعد. سمعت أميرة الجملة وتوقفت عن البكاء. أميرة: طب ياللا بسرعة وشيلوا البتاع اللي في إيدي دي، أنا مش تعبانة. يوسف: تعالي بس ماما هدى تغيرلك هدوم المستشفى، وأنا هستنى بره وبلاش عياط علشان خاطر رعد.

طلع يوسف وساب أميرة وهدى. هدى: ابني هيروح مني يا أميرة، رعد هيروح مني. أميرة هزت رأسها بنفي: لا لا رعد هيكون كويس، ياللا بقى علشان نروحله. هدى بهدوء: أنا أمه وقلبي بيتقطع عليه، بس هقولك كلمة واحدة: أوعي تضعفي، رعد ليه أعداء، أنتي عايشة في وسط ديابة، أميرة المنشاوي لازم تكون قوية وليكي اسم، أنتي شايلة حفيد سليم المنشاوي، لازم تكوني قوية وأجدعها راجل في البلد يبقى تحت رجليكي سامعة؟ أميرة وكتمت دموعها: سامعة.

قامت أميرة غيرت ودموعها نازلة بغزارة في صمت وقلبها وجعها على حبيبها. ونزلت وهي راكبة العربية ودموعها بتنزل وشريط ذكرياتها مع رعد من أول ما اتجوزوا بيمر قدامها، ونفسها يكون كابوس وتصحى منه تلاقي رعد جنبها. وبعد مرور الوقت وصلت أميرة المستشفى، وكل ما تقدم خطوة للدخول ترجع لورا تاني، مش عايزة تقرب، خايفة من الاقتراب. لأول مرة تخاف من الاقتراب من حبيبها، بس ليست قادرة أن تشوفه في هذا المكان.

دخلوا الممر شافوا أكرم قاعد وحاطط أيديه على وشه. وياسمين ماسكة المصحف وقاعدة. جريت أميرة على أكرم. أميرة: رعد فين يا أكرم؟ رعد فين؟ أكرم: جوه يا أميرة، ادعيله. أميرة بصت على غرفة العمليات وسكتت، وسليم واقف حاسس إنه هيقع، الحمل كبير عليه. وهدى واقفة قلبها بيدق جامد خايفة على ابنها أوي وبتحاول تداري دموعها. بعد ربع ساعة طلع الدكتور. أميرة قامت تجري: دكتور، رعد رعد كويس صح؟

الدكتور صعب عليه حال أميرة وقال سريعًا: المريض نزف دم كتير وجالنا متأخر ولازم نقل دم، والمريض فصيلة دمه نادرة جدًا جدًا يعني واحد من مليون بيكون عنده الفصيلة دي وهي _AB. أكرم: هقلب مصر كلها. أميرة: أنا أنا نفس الفصيلة، أنا ياللا يا دكتور. الدكتور فرح بس بعد كده قال بحزن: آسف حضرتك حامل مانقدرش نسحب منك دم. أميرة بجنون: ازااااي؟ أنتوا بتستهبلوا؟ أنا قولت أنا هديله، سامع؟

يروح الحمل مش عايزاه بس خد الدم مني يا دكتور والنبي. الدكتور: آسف ماقدرش. يوسف وأكرم جريوا علشان يجيبوا الدم. وسليم مسك أميرة جامد. سليم: يا أميرة ماينفعش افهمي بقى، أنتي حامل وغلط عليكوا. أميرة انهارت قواها ووقعت في الأرض: مش عايزة الحمل، أنا عايزة رعد. ياسمين بتبص على أميرة وقاعدة مش قادرة تتكلم، خايفة إنها تخسر أخوها، رعد مش أخوها وبس، ده أبوها وصاحبها وكل حاجة ليها في الدنيا. بعد ساعة. وصل أكرم.

أكرم بفرحة: لقيت الدم، لقيت. فرحوا كلهم، ده الأمل الوحيد بعد ربنا. لكن طلع الدكتور وقال بأسف: آسف المريض دخل في غيبوبة. سليم بعصبية: يعني إيه؟ وأنت لازمتك إيه واقف جوه بتعمل إيه؟ كيف دخل بغيبوبة؟ ده أنا أقفللكوا المستشفى دي. الدكتور بيحاول يخلص نفسه من سليم: يا سليم بيه دي حاجة بإيد ربنا ويا عالم هيفوق أمتى، ادعوله. تم نقل رعد لغرفة تانية مجهزة. سليم للممرضة: ينفع حد يدخل يشوفه؟ الممرضة: فرد واحد بس يا فندم.

أميرة: ادخلي يا ماما. بصت هدى لأميرة لأنها كانت متوقعة إنها تقول إنها اللي تدخل مش تقول هدى. هدى: قومي يا بنتي ادخلي لجوزك. أميرة هزت رأسها بنفي: لا اتفضلي أنتي. هدى ابتسمت ابتسامة صغيرة وقالت: قومي يا ميرو ياللا علشان تطمني على رعد، ياللا. قامت أميرة ودخلت وهي بترتجف وفتحت الباب ودخلت. ورعد نايم على السرير وجسمه عليه الأجهزة والأكسجين. مسكت إيده جامد كأنها بتاخد قوتها منه، حتى وهو تعبان حاسة إنه قوتها وأمان ليها.

أميرة بابتسامة: كده يا رعد مش عايز تكون معايا؟ بتهرب من الواقع ليه يا حبيبي؟ ما تفضل معايا، أنت كنت عايز تعرف نوع البيبي إيه؟ ياللا اصحى بقى علشان نشوف البيبي، وكمان أنت قولت عايز بنت صح؟ بس أنا عايزة ولد علشان أفضل شايفاك قدامي، أنت كنت حاسس صح؟ علشان كده كنت بتأمنّا كويس، ياللا يا حبيبي خليك قوي علشان ترجع لينا تاني، أنت هتفضل معانا على طول، طب لما أرجع لجنى أقولها إيه؟ بابي فين؟ وهي صحيت فرحانة إنك جاي.

أنت عارف أنا كنت حاسة إن في حاجة هتحصل لما حلمت إنك بتبعد وأنا أقرب وأنت تبعد عني، كنت الحلم اتحقق يا رعد بس أنا لازم أنهي الحلم ده. وكملت بقوة: وهاخد حقك وهعمل المستحيل علشان اسم رعد المنشاوي يفضل محفوظ، وكملت ببكاء: وحشتني يا حبيبي،

وحطت رأسها على صدره وقالت: حضنك وحشني يا رعد، يومين مش قادرة على فراقك، مش هقدر أبعد عنك، أنا هفضل معاك على طول وهاجي هنا كتير وهجيبلك جنى، وأنت كن قوي يا بابي علشان أجيبللك بيبي حلو شبهك كده. دخلت الممرضة: يا مدام ماينفعش كده! كده غلط على المريض، كفاية كده اتفضلي. أميرة بصت ليها: حاضر هطلع دقيقة. قبلت يد رعد وخده قبلات رقيقة وأيديها على خده وعيونه. وطلعت.

والعيلة اطمنت على رعد، وكل يوم أميرة تروح لرعد المستشفى تحكي كل اللي حصل في يومها وتروح تاني. وفي يوم بعد 3 شهور من الحادث ورعد لسه في غيبوبة. جنى: مامي هو بابي مش هيصحى بقى؟ أميرة: شوية وهيصحى بس هو سامعك، قوليله كل اللي أنتي عايزاه. جنى: ماشي، طب ممكن تطلعيني جنبه على السرير بليز؟ أميرة: حاضر يا روحي.

أميرة في شهورها الأخيرة وبطنها كبرت وماراحتش حتة تعرف جنس المولود، وكانت بتتعب وبرده مش عايزة تكشف ولا تروح للدكتورة. شالتها وقعدتها جنب رعد على السرير. جنى نامت جنبه وبدأت تكلمه وتقوله: بابي أنت هتصحى أمتى؟ أنت عارف أنا ماعدتش بقول الكلام غلط والحروف اتعدلت خالص، أنت وحشتني أوي على فكرة، وأنا كمان ماما بتوديني الـ Nursery (حضّانة)

وحفظت الحروف بس بشوف كل صحابي بيدوا مع البابي بتاعهم، أنت هتصحى أمتى يا رعدي وتيجي معايا بقى؟ أميرة تعبت من كلام جنى وقالت: ياللا يا جنى بقى علشان بابي يرتاح وإحنا نروح لأن مامي تعبت شوية. جنى: ماشي يا مامي. جنى لرعد: باي يا رعدي، هاجيلك تاني، آه ماعدتش باكل شوكليت كتير علشان سناني وعلشان أنت ما تزعلش مني، بس وعد لما تصحى هناكل سوا، وقبلت خده ونزلت من على السرير. وأميرة قربت عليه وقالت: مع السلامة يا ابن قلبي.

أميرة بتفتكر كل حاجة حصلت في الحادثة وأمرت أميرة بنقلها من الفيلا لقصر وسمته قصر الرعد. القصر من جوه. وواجهت صعوبات مع العيلة بسبب نقلها وأنهم اقترحوا عليها تفضل في الصعيد لكن هي رفضت. ونقل سليم وهدى حياتهم إلى القاهرة واستقروا في فيلا رعد القديمة ليكونوا جنب أميرة ورعد. والمفروض إن أميرة هتولد في الأسبوع ده وهي رافضة إنها تروح لدكتورة تحدد يوم الولادة. فاقت أميرة من التفكير في الماضي على صوت جنى. جنى: مامي.

أميرة: نعم يا روحي. جنى: سلومي ونانا وكرومتي وجو وياسو ومرمر تحت. أميرة: طيب يا روحي انزلي أنتي وأنا هاجي على طول، وبالراحة علشان ما تقعيش يا قلبي. جنى: حاضر. دخلت أميرة أخدت شاور وطلعت لبست فستان واسع لظروف الحمل وصندل خفيف وبرفان الخاص برعد وده طبعًا بتبعت تجيبه من لندن. ونزلت. أميرة: السلام عليكم. الجميع: وعليكم السلام. أكرم: إيه يا أميرة مش ناوية تروحي للدكتورة؟ أميرة ببرود: لا يا أكرم مش ناوية.

هدى: يا حبيبتي إحنا عايزين مصلحتك، أنتي بطنك كبيرة أوفر، في حاجة أكيد. أميرة: معلش يا ماما خلوني على راحتي. سليم: أميرة أنا سايبك تعملي كل حاجة براحتك وبرده مش عارف أنتي بتعملي كده ليه ولا بتفكري في إيه، وأوعي تقوليلي الانتقام. أميرة بشر: آه الانتقام وهنتقم. سليم بعصبية: تنتقمي من مين بالضبط؟ أميرة: من اللي خلى جوزي يعمل حادثة. سليم: وهو فين ده؟ أميرة: هيظهر قريب.

ياسمين: طب ليه نقلتي في القصر ما كنتي فضلتِ في الفيلا ومعانا؟ أميرة: أنا مرتاحة كده يا أبيه. يوسف: عيونه. أميرة: أنا هنزل الشركة كمان أسبوع. أكرم: تنزلي تعملي إيه؟ أميرة: هنزل أدير شغل جوزي، رعد عاملي توكيل بكل حاجة وهرجع شركة المنشاوي تاني. سليم بحزن عليها: يا بنتي أنتي كده شايلة فوق طاقتك، كتير عليكي. أميرة بابتسامة: ما تخافش يا بابا إن شاء الله خير. حست أميرة بألم. أميرة: آآآه! هدى: أميرة مالك؟

أميرة بصراخ أكثر: آآآآآآه! مرام: أميرة شكلها بتولد، ياللا بسرعة. أميرة: آآآآآآآه رررررررعد! شالها يوسف وجرى بيها للمستشفى اللي فيها رعد. والكل اتحرك على المستشفى والحرس وراهم، وده طبعًا حرس أميرة الخاص بيها، هي غيرت طقم الحراسة كله بعد دخول رعد في غيبوبة. وصلوا المستشفى ودخلت أميرة العمليات. في غرفة العمليات. أميرة بعصبية وصراخ: مش هولد! مش هولد! الدكتورة: ياللا يا فندم والله أنتي على آخر حاجة. أميرة: ررررررررعد!

الدكتورة: يا فندم كده الجنين ممكن يتخنق ولا قدر الله يموت. أميرة بدأت تستحمل والحمد لله ولدت على خير لكن صرخت مرة ثانية. الدكتورة بعصبية: محدش بلغني إن حضرتك حامل في توأم! أميرة بصراخ: تصدقي بالله ولا أنا! أميرة: آآآآآه! ولدت أميرة على خير. طلعت الدكتورة من العمليات بإرهاق. الدكتورة: إزاي ما تبلغوش إن المدام حامل في توأم؟ كنت ولدتها قيصري بدل طبيعي، تعب ليها. الجميع: تواااام! الدكتورة: هو كل واحد يستغرب؟

ياسمين: معلش يا دكتورة أصل أميرة كانت رافضة الكشف. الدكتورة: طيب المدام اتنقلت لغرفة تانية والأطفال الممرضة هتجيبهم. يوسف: طب هو جنس الأطفال إيه؟ الدكتورة: ولدين وبنت. الجميع بصدمة: 3! الدكتورة مشيت. سليم: أميرة جابت 3. هدى: أميرة الكيوت كانت حامل في 3! مرام مسكت في يوسف جامد وقالت: يوسف أنا خايفة دي كانت بتصرخ جامد. يوسف حاول يهديها: لسه بدري على ولادتك يا قلبي وما تخافيش إن شاء الله خير.

أكرم: كانت بتاكل نص أكلك يا ياسمين وأنتي عمالة تاكلي وفي الآخر ما حصلتيش اتنين. ياسمين وأيديها على بطنها: ليه يا أخويا؟ ده أنا هاجيب بنوتة إيه عسل. جنى: أنتوا هتفضلوا تتكلموا كتير؟ ياللا عايزة أشوف مامي. أكرم بغيظ: بس يا لمضة. نص ساعة ودخلوا الأوضة اللي فيها أميرة. أميرة بتعب وتوهان: ابني. أكرم: ابنك إيه بقى؟ قولي أبنائي. أميرة لسه تحت تأثير المخدر: رعد... يا رعد ياللا اصحى هنروح نشوف جنس المولود سوا...

لو ما صحتش مش رايحة. بصّولها بحزن. شويه شويه بدأت أميرة تفوق. أميرة: البيبي! هدى لسه هتتكلم، دخلت الممرضات، كل ممرضة شايلة طفل. أميرة بصدمة: مين دول؟ يوسف: أحفاد المنشاوي وأبناء رعد المنشاوي. وأكملت جنة بغرور: وأخوات جنة المنشاوي. أميرة بصت لأبنائها بفرحة، فهم مثل الملائكة، بنوته جميلة أوي تشبه أميرة، وطفلان بملامح بريئة وجميلة. اتمنت إن رعد يكون جمبها. سليم: ها يا ست البنات هتسمّي إيه؟

أميرة: جنة هتسمّي البنوته، إيه رأيك يا جنّتي؟ جنة بسعادة: بجد يا مامي؟ أميرة: آه يا روحي، يا الله تعالي شوفيها وسمّيها. جِريت جنة وشالها يوسف، وشافت البنوته وقالت: جنة: فردوس. أميرة: فردوس؟ اشمعنى يا جنة؟ جنة: علشان نكون جنة الفردوس. أكرم: لا عجبتيني. مرام: دماغ متكلفة. ياسمين: والولادين؟ أميرة بتفكير: كانت المفروض رعد هيسمّيهم. هدى: ربنا يشفيه ويرجعه لينا بالسلامة. أميرة: أنس ومالك. مرام: حلوين أوي.

أكرم: أنس رعد سليم المنشاوي ومالك رعد سليم المنشاوي وفردوس سليم المنشاوي. أميرة: يوسف، عايزة أروح لرعد. يوسف: يا أميرة، أنتي لسه طالعة من ولادة، طب استني لبكره. أميرة: دلوقتي لو سمحت يا بابا، خليه يوديني. سليم: ...... قاطعهم صوت الباب. دخل أحمد ووفاء سريعًا. أحمد: أميرة أنتي كويسة؟ أميرة: كويسة يا بابي. وفاء: حبيبتي، محدش عرفنا، احنا كنا جايين بالصدفة على القصر، الحرس قالنا.

أميرة: معلش، كلهم هنا ومحدش افتكرها، مش هتشوفوا عيالي؟ أحمد باستغراب: عيالك؟ أميرة: والله عيالي، إيه كمية الصدمات دي؟ وفاء: ما شاء الله، الله أكبر، ربنا يبارك. وقبّلتهم. أحمد: سميتي إيه يا أميرة؟ أميرة: أنس ومالك وفردوس. جنة: مامي، يا الله نروح لبابي. أميرة لسليم: هااا هتوديني؟ سليم بابتسامة: وهو أنا عندي أغلى منك؟ تعالي يا حبيبتي. ابتسمت أميرة على حنيته. أخدوا أميرة والأطفال لغرفة رعد وقفلوا الباب.

أميرة: رعدي، أنا ولدت 3 أطفال، شوفت أنت قولت عايز أطفال كتير تملى الفيلا، أنا جبت 3، العيلة اللي كانت مكونة من 3 أفراد بقينا 6 يا رعدي، أنا سميت أنس ومالك وفردوس، جنة هيا اللي سمّت فردوس علشان يكونوا جنة الفردوس. رعد، أنا نقلت في القصر الجديد وسميته قصر الرعد. وعاملا لك مفاجأة تانية، استنى بقى. قرّبت أنس من رعد ومالك وفردوس كانوا كلهم جمب رعد. ونادت على يوسف. يوسف: خلصتي يا أميرة؟ أميرة: هات الفون يا يوسف.

يوسف باستغراب: الفون؟ أميرة: آه. أداها الفون وصورت الأطفال وهما جمب رعد. جنة: وأنا يا مامي؟ أميرة: اقفي جمب بابي يا جنة. جنة وقفت وأميرة التقطت صور كتيرة. أميرة: هنيجي تاني يا رعدي. يوسف: يا الله. أميرة: يا الله. دخلت الممرضات شالوا الأطفال. عدى أسبوع وطلعت أميرة من المستشفى وبدأت تتعب من الحمل اللي عليها، أصرت هدى إنها تقعد معاها لكن أميرة رفضت. وجابت مربية تساعدها. في يوم جديد.

صِحيت أميرة من نومها، دخلت خدت شاور ولبست ترنج وقعدت تتأمل في الأطفال. أميرة: شكلكوا حلو أوي، بقى أنا عندي الأطفال الحلوة دي؟ كان نفسي رعد يكون معانا، قريب بإذن الله. إيه رأيكوا تنزلوا ونفطر تحت؟ جنة صحيت من النوم: مامي، أنتي صحيتي؟ أميرة: آه يا عيون مامي. بدأت أميرة تجهّزهم ونزلت أميرة بفردوس والمربية نزلت بأنس ومالك. وقعدتهم في العربية بتاعتهم وقاعدة تفطر. أميرة للمربية: أنتي واقفة ليه؟

المربية: أمال أعمل إيه يا هانم؟ أميرة: اقعدي افطري. المربية: إزاي؟ أميرة: اقعدي يا بنتي في إيه، وبعدين أنا أميرة عادي، وبعدين هتسيبيني قاعدة على سفرة فيها 40 كرسي وأنتي واقفة؟ اقعدي افطري. قعدت المربية واسمها أمل. جنة: يا مامي أنا مش طايلة حاجة ومش شايفة، إيه الكراسي الطويلة دي؟ أميرة ضحكت: تعالي اقعدي على رجلي يا جنّتي. قعدت جنة على رجل أميرة وبدأت تاكل. 🌷🌷🌷🌷🌷🌷🌷🌷🌷🌷🌷🌷🌷🌷 المجهول: يعني إيه رعد اختفى من المستشفى؟

المجهول: آه والله يا باشا، ده ما عادش ليه وجود. المجهول: إزاي يا أغبية أنتوا مراقبين المستشفى ليل نهار، إيه اللي حصل؟ المجهول: ما نعرفش يا باشا، رعد المنشاوي ملوش وجود دلوقتي. المجهول: اقفل يا زفت واقلب الدنيا على رعد المنشاوي، اقلب مصر كلها وراقب مراته. المجهول: مراته عليها حراسة ولا رئيس الجمهورية. المجهول: اتصرف اعمل أي حاجة. المجهول: حاضر يا باشا. 🌷🌷🌷🌷🌷🌷🌷🌷🌷🌷🌷🌷🌷🌹 أميرة: كله تمام؟ الحرس: آه يا فندم.

أميرة: لو عرفت إن حد عرف حتى لو مين هدفنكم. الحرس: خالص يا فندم، محدش يعرف خالص. أميرة: في سلاح عايزة أرخصه في أقرب وقت. الحرس: أي وقت يا فندم، احنا موجودين. أميرة: عايزة أربعة على البوابة الخلفية. وتزود الحراسة أكتر، مش عايزة نملة تعدي وتدخل القصر. الحرس: تمام يا فندم. أميرة: جنة وهي رايحة الـ Nursery عايزة عربيتين معاها وحرس يفضل هناك لحد ما تخلص، وأنا اللي هوديها بنفسي. الحرس: حاضر يا فندم، حاجة تانية؟

أميرة: اتفضل أنت على شغلك. بعد نص ساعة. دخل أكرم ويوسف. أكرم: فين رعد يا أميرة؟ أميرة بصت لهم ببرود: ليه؟ يوسف: من أمتى وأنتي عندك كمية البرود دي؟ أميرة: من ساعة ما عرفت إن جوزي دخل واحد يديله حقنة سامة، والباشا والباشا نايمين على نفسهم. أكرم: حقنة سامة إيه؟ أميرة: بعده دخل حد علشان يديله حقنة، تقدروا تقولوا لي كنتوا فين ولا الحمير اللي شغالة معاكوا فين؟ أنا غيرت طقم الحراسة اللي كان في المستشفى.

أكرم: طب هو فين دلوقتي؟ أميرة: ما يخصش أي حد. يوسف: أمال يخص مين؟ أميرة: يخصني أنا وبس. أكرم بعصبية: أميرة، ررررعد فين؟ أميرة: ....