رواية اميرة الرعد الفصل الثاني والعشرون 22 - بقلم ندى الشرقاوي

عدا أيام جميلة عليهم، يوسف ومرام في شهر العسل، وأحمد لسه مسامحش وفاء. في يوم جديد، يوم كشف أميرة وياسمين. أكرم: ياله يا روحي، رعد وصل. نزلت ياسمين من العربية. أميرة بابتسامة هادئة: عاملة إيه؟ ياسمين: الحمد لله يا روحي، وانتي؟ أميرة: بخير الحمد لله. رعد: ياله علشان نطلع. طلعوا للدكتورة، لكن استغربوا إن مفيش حد موجود. أميرة بصت لياسمين باستغراب، وبصوا لأكرم ورعد. رعد ببرود: خير، عاوزين إيه؟

ياسمين تتجه لأكرم: فين الناس يا أكرم؟ أكرم بخوف مصطنع: أصل يا حبيبتي أنا قلت تيجوا لوحدكوا. أميرة بعبث: ليه كده يا رعد؟ افرض إن في حد تعبان. رعد وهو يحتضنها ويده على بطنها: متخافيش يا روحي، ياله بقا. أكرم: إحنا هندخل الأول. رعد: أنا مراتي حامل، الأولوية. دخل الأول أميرة. الدكتورة: اتفضلوا، أمال فين المدام يا رعد بيه؟ وبتبص لرعد بحب واغراء. رعد: احممم. وبيشاور على أميرة: المدام. الدكتورة بصدمة: دي مراتك؟ دي صغيرة أوي.

أميرة: هو أنتي هتفتحي محقق؟ الدكتورة: أفندم. أميرة: أنا المدام، ممكن نخلص بقا. الدكتورة بغيظ من جمالها: اتفضلي. بدأت الدكتورة تكشف على أميرة، وكان رعد فرحان أوي بإحساس إنه سامع نبضات قلب بنته أو ابنه. رعد بفرحة: نعرف ولد ولا بنت إمتى يا دكتورة؟ الدكتورة: لسه شوية، المدام لسه في نص الشهر الثالث، على الشهر الخامس أو في نصه هنعرف إن شاء الله. أميرة بصوت واطي: ده لو كملنا معاكي أصلا. ضحك رعد على كلام أميرة.

طلعوا من عند الدكتورة ودخلوا ياسمين وأكرم. الدكتورة: اتفضلي يا فندم. كشفت على ياسمين، وياسمين في الشهر الأول لسه، وأعطتها فيتامينات. عند رعد وأميرة. أميرة: رعد، أنا مش هكمل مع الدكتورة دي. رعد بخبث: ليه يا روحي؟ مالها دي؟ شاطرة جدا. أميرة: هو كده، مش هكمل. رعد شدها قعدها على رجله: يسلملي الغيور. أميرة بخجل: أنا مش بغير، وبعدين أنا في العيادة، نزلني لحد يدخل. رعد بيقرب منها بتملك: أنتي عارفة أنا مش بيهمني حد.

وداس على عنقها يستنشق راحتها الورد. أكرم: خف شوية يا عم الحبيب. رعد ومازال على وضعه: امشي يا أكرم بدل ما أقوملك. أكرم: عيب عليك، البت شبه الطماطم. رعد بعد عن أميرة وقام. أكرم بخوف: أنا عاوز أشوف ابني الله يخليك. أميرة وياسمين في صوت واحد: أنا عاوزة أغير الدكتورة دي. رعد: ليه يا روحي؟ هيا الدكتورة مالها؟ أكرم باستغراب: مالها؟ أميرة: كده، عاوزة دكتورة تانية، وياسمين معايا صح؟ ياسمين: آه. رعد بقلة حيلة: حاضر.

أكرم: ماشي. *** المجهول: أنا هنزل مصر بعد يومين علشان أنفذ. المجهول: لا، انزل. ماشي، بس تصبر شوية لحد ما أقولك. المجهول: حاضر. المجهول: عاوز رعد يدمر نفسيا، عاوز ميسواش حاجة في السوق، كل حاجة تكون ليا. المجهول: طب ومراته؟ المجهول بسخرية: مراته اللي بتخاف من خيالها. *** عند يوسف ومرام. صحت مرام على همسات يوسف ويده على خدها. مرام: صباح الفل. يوسف: صباح الجمال على عيونك. مرام: هنروح الشركة النهارده. يوسف بتردد: مرام.

مرام: نعم يا روحي. يوسف: هو أنا لو قولتلك تسيبي الشغل هتسبيه؟ مرام بستغراب: ليه؟ يوسف: عادي يعني، مش عاوزك تشتغلي. مرام بابتسامة: موافقة. يوسف بفرحة: بجد؟ مرام: آه، بس ممكن بعد شهر أو شهرين لما الصفقة تخلص. يوسف: ماشي، موافق. ياله نلبس وننزل. مرام لبست فستان باللون الـ pink وخمار أبيض، ويوسف بنطلون أسود وقميص أبيض. ويوسف مسك إيد مرام ونزلوا من العمارة. وبعد مرور الوقت، وصلوا للشركة ودخلوا.

حلا بدلع: مستر يوسف، ألف مبروك. يوسف بقرف: الله يبارك فيكي. ودخل المكتب وقفل الباب. الموظفين بيتكلموا. موظفة: محدش شاف مراته؟ حلا بغيظ: الصورة اللي نزلتها الصحافة كانت العروسة بظهرها ومشها مش باين. موظفة: طب متعرفوش من عيلة مين؟ موظفة أخرى: شكلها كده من نفس الطبقة المخملية. حلا: معتقدش. جت مرام. مرام: السلام عليكم. الموظفة: عليكم السلام ورحمة الله. أي، محدش شافك؟ مرام بمزح: معلش بقا، كنت بتجوز.

حلا بقرف: هو حد بص لك بالخيمة اللي أنتي لابساها دي؟ مرام: آه، شوفتي بقا؟ بص لي وحبني. حلا: ومين بقا إن شاء الله؟ مرام بصوت عالي: يوووسف! بصولها الموظفين بصدمة، وطلع يوسف من مكتبه. يوسف ويتجه لمرام: إيه يا روحي، في حاجة؟ مرام: لا يا روحي، أصلا آنسة ولا مدام حلا بتقولي مين اللي بص لك وإنتي لابسة خيمة كده؟ ها، إيه رأيك؟ جوزي يكون يوسف السويدي؟ يوسف يوجه كلامه لحلا: معلش، أنا باخد حاجة غالية مش رخيصة، بتفرض نفسها عليا.

ومسك إيد مرام وقال: مرام بتكون مرات يوسف السويدي، وحلا سكرتيرة رعد بيه، بتكون مرفوضة. حلا بصدمة: °°°°°°°° يوسف: اتفضلي، استلمي بقيت حسابك من الحسابات، ومش عاوز أشوف وشك هنا تاني. لسه حلا هتتكلم. يوسف بصرامة: ولا كلمة، برااااا. كل واحد على شغله. وخد مرام ودخل المكتب. *** رعد: يابنتي رجلك على الفرامل. أميرة: يا رعد، أنا معرفش انت بتعلمني كل ده ليه. رعد: ياله يا حبيبتي، علشان لو اتعلمتي بسرعة هجبلك عربية.

أميرة بعبث: طب ما في عربية بسواق. رعد وهو يرجع خصلات شعرها: لا، مش عاوزك تعتمدي على حد. أميرة: حاضر، ياله نكمل. رعد: ياله. R بترجعك لورا، أما D طول ما أنتي ماشية، أول ما تدوري العربية، رجعلك على الفرامل، وتشيلي رجلك وحدة وحدة، وتظبطي المرايات، وإنتي بترجعي تشوفي في حد وراكي ولا لأ. أميرة بصدمة: إيه كل ده؟ رعد: ياله يا أميرتي، وحدة وحدة. بدأت أميرة تسوق ورعد بيعملها وحدة وحدة. رعد: يا أميرة، لفي براحة.

أميرة وهي بتبصله: آهو يا رعد. رعد بصراخ: بصي قدامك، هتموتينا. أميرة: حاضر، حاضر. رعد: بصي، دوسي بنزين جامد. أميرة بعملية: آهو. رعد: دوسي. أميرة: آهو يا رعد، العربية ماشية سريع. رعد: دوسي. أميرة: آهو، وبدأت أدوس بسرعة عالية جدا. رعد: وقفي. أميرة: وحدة وحدة. رعد: كده حلو أوي، طول ما المسافة قدامك، توقفي براحتك، مش مرة واحدة. أميرة بتعب: لا، كفاية كده. رعد بحب ويقبل يداها: كفاية، ياله انزلي، وأنا هكمل.

كمل رعد سواقة، وصلوا البيت. أحمد: حمدلله على السلامة. أنا جيت، ماشوفتش غير جنة. رعد: كنا عند الدكتورة، والله يا عمي. أحمد: وقالت لي؟ أميرة: الحمد لله. بصوا لجنى اللي مكشرة وغضبانه. رعد بهمس لأميرة: هو في إيه؟ أميرة: سيبناها وقت كتير. جنة بغضب: انتوا قولتوا وقت صغير علشان (علشان) النونو، وياثمينة (ياسمين) وياكرم (ياسمين وأكرم) جم من بدري، كنتوا فين؟ رعد: إيه البيت الغربية دي؟ طلع أكرم

من المطبخ وفي يده تفاحة: آه صحيح، كنتوا فين؟ رعد: اله واحد ومراته، إنتوا مالكوا؟ فين مراتك؟ أكرم: بتاكل في المطبخ. رعد: إنتوا احتليتوا بيتي. أميرة: طيب ياله يا جنتي علشان تاكلي. جنة: ماشي يا مامي، بابي، أنا لسه (لسه) هعرف انتوا كنتوا فين. رعد: صبرني يارب. اتفضل يا عمي، نتكلم في المكتب. دخل رعد وأحمد المكتب. رعد: وبعدين يا عمي؟ أحمد: بعدين إيه؟ مش فاهم. رعد: يا عمي، ارجع لوفاء هانم. أحمد: لا يا رعد، أنا معنتش عاوزها.

رعد: يا عمي، ربنا غفور رحيم، وبعدين كل إنسان بيغلط، وحماتي عرفت غلطها، وأميرة سامحتها، سامحها يا عمي واكتب عليها. أحمد: مش قادر أنسى يا رعد، دي خاينة. رعد: عارف، بس أكيد لسه في مشاعر نحيتك ليها، صح؟ أحمد: مش عارف يا رعد. رعد: أنا بقا عارف. تعال معايا. أحمد: أجي فين؟ رعد: تعال بس. خد رعد أحمد وطلعوا بره الفيلا، وراح جاب وفاء. أحمد: أنا عاوز أعرف، أنت بتعمل إيه؟ رعد: دقيقة وتعرف. وقف قدام مكتب ونزلوا.

وفاء: في إيه يا رعد؟ رعد: كل خير. ودخلوا. رعد: اتفضل يا شيخنا، اكتب الكتاب. وفاء وأحمد بصدمة: إيييييه! رعد: ياله يا شيخنا. أحمد: إيه المهزلة اللي بتحصل دي؟ رعد: هتتجوز ها، ولا في حد تاني يتجوزها؟ أحمد: اكتب يا شيخنا. ضحك رعد على كلامه، وتم كتب كتاب أحمد على وفاء من جديد، وخدها أحمد لبداية حياة جديدة بدون مشاكل. *** أميرة بضحك: لا، مش قادرة بجد، ده اللي حصل. رعد: آه والله، وقفت قدام المأذون وكتب الكتاب في وقتها.

أميرة: ههههه، متخيلة منظرهم. رعد يدخلها في حضنه، يده على بطنها التي بدأت في أن تظهر: حبيبتي، عاملة إيه؟ أميرة بحب: بخير طول ما أنت بخير. رعد: وبنوتي حبيبتي. أميرة بعبث: تؤتؤ، أنا بس اللي بنوتك. رعد بضحك بصوت عالي: بتغيري من بنتك. أميرة: اهرعد: هاتي يابت الكتاب علشان نقرا الرسالة الجديدة. أميرة: ياله. قعدت أميرة في حضن رعد وبدأوا في القراءة. أول: بحبك.

هل تتذكر شعورك هذا اليوم، اليوم الذي قلت فيه أول كلمة بحبك، الذي سمعت فيها أول بحبك، الحب ليس شيئاً سهلاً، لا يمكن تعويضه، لا يمكن تكراره، فما شعورك الآن، بعد أن خسرت أول حب، بعد أن طردت أول مشاعر عاشت بداخلك، هل ستتمكن من أن تحب مجدداً، أن تقول كلمة أحبك مجدداً، من الأكيد أنك ستحب وستقول، ولكن ليس بمشاعر الماضي، لن تفرح كفرحة أمس. رعد بعشق: وحشتيني يا أميرتي. أميرة تضع يدها على عنقه: أنت أكتر يا رعد.

رعد بيقرب منها أكتر ويقبل كل إنش في وجهها، دفن رأسه في عنقها، يقبلها قبلة متفرقة، ويضع علامة ملكيته، وأميرة تائهة في همساته، وقرب أكتر، وبين كل قبلة وقبلة يقول: بحبك. وسكتت شهراً زاد بكلام الغير مباح، وذهبوا إلى عالمهم الخاص، عالم العشاق، لا يوجد سوا رعد وأميرة فقط في هذا العالم المختلف. *** عند أحمد ووفاء. وفاء: سامحني يا أحمد. أحمد: ليه يا وفاء؟ وصلنا لكده؟ وفاء ببكاء: سامحني. أحمد: مسامحاك. وفاء: بجد يا أحمد؟

أحمد وهو يزيل دموعها: بجد يا عيون أحمد. *** في منتصف الليل. قامت أميرة من النوم مفزوعة. أميرة: ررررعد! رعد قام من النوم بسرعة: إيه؟ في إيه؟ حضنته أميرة بسرعة وحضنته جامد، تخشى أن تفتقده. أميرة ببكاء: كابوس، كابوس وحش أوي. رعد: معلش يا حبيبتي، استغفري ربنا، بجاحه، هجبلك ميه. أميرة بخوف ومسكة في رقبته: لا، متسبنيش. رعد: ياروحى، المايه هنا، إيه؟ متخافيش.

جاب رعد ميه لأميرة وشربت، وبدأت تهدأ ونامت، ورعد بدأ يقرأ لها بعض الآيات القرآنية وناموا. *** أكرم: يابنتي حرام عليكي، مانجة إيه اللي الساعة 3 الفجر؟ وعلى فكرة، أنتي لسه في أول شهور الحمل، مفيش وحم. ياسمين: والله تجبلي مانجة حالا. أكرم: يا ياسمين، حرام عليكي، عاوز أنام، عندي شغل بكرة. ياسمين: عاوزة مانجة. أكرم يمسح وشه بغضب: حاضر. غير ملابسه ونزل يجيب مانجة. ولف كتير علشان يلاقي حد فاتح وجاب مانجة. أكرم: اتفضلي.

ياسمين بفرح: الله، جبت مانجة وجايه تاكل على السرير. أكرم: لا كدة كتير، والله ما في مانجة تتأكل هنا، بره يا ياسمين، عاوز أنام. ياسمين بعبث: أنت رخم. وطلعت بره الجناح. أكرم: كان مالي ومال الجواز. وكمل نوم. بعد عشر دقائق، دخلت ياسمين الجناح. ياسمين: أكرم... أكرم... إكرومتي. أكرم بنوم: نعم. ياسمين: عاوزة أنام. أكرم: نامي. طلعت ياسمين على السرير وبدأت تدخل بين إيد أكرم لحد ما بقت في حضنه، ابتسم أكرم وقبل رأسها.

أكرم: نامي يا حبيبتي. ياسمين: حاضر يا روحي. تاني يوم على الفطار. رعد: أنتي كويسة يا أميرتي؟ أميرة بتوهان: آه، كويس. رعد: طب افطري كويس، علشان أنتي ضعيفة أوي. أميرة: حاضر. جنة: بابي. رعد: عيونه. جنة: عاوزة الوح الملاهي (أروح) رعد: عيوني لجنتي، يوم الجمعة هنروح. رعد: أنا هروح الشركة. أميرة: وأنا هروح الكلية. وجهت كلامها لجنى: جنتي هنقعد مع الدادة لحد ما أنا أجي ونلعب سوا، ماشي؟ جنة: ماشي يا مامي. في الشركة.

أكرم بصوت عالي: لا يا رعد، مش هتتدخل الصفقة دي. رعد: هدخل، هتمنعني ولا إيه؟ يوسف: إيه ده؟ أتهبلت؟ حرام عليك، أنت عندك بيت وابنك لسه مجاش على وش الدنيا. رعد ببرود: هدخل الصفقة دي وهكسبها. يوسف: الصفقة دي، أنت لو خسرتها، هتنزل من سابع سماء لسابع أرض. أكرم: وأنا بقولك، مش هتدخل. رعد: وانت مالك؟ أكرم لكمه بالبوكس في وشه: لا مالي، ومش هتدخل، إحنا التلاتة لازم نوافق على الصفقة، نسيت إننا شركاء.

رعد: الصفقة دي ياقاتل يا مقتول. وسابهم ومشي. المجهول: نفذ بعد 15 يوم بالظبط. المجهول: حاضر. تكملة الفصل الثالث والعشرون. رجع رعد الفيلا وهو متعصب ومخنوق وبيكسر في كل حاجة. إحساس صعب لما تكون شايل حمل كبير ومحدش حاسس بيك. رعد: يااااااار. دخلت جنة وهي خايفة. جنة بخوف وتردد: بااا... رفع رعد راسه وبصلها وقالها: تعالي يا جنة. هزت جنة رأسها بـ لارعد: تعالي يا جنتي، متخافيش.

تقدمت جنة خطوة خطوة وقعدت جمب رعد، شالها رعد وقعدها على رجله. رعد يحضنها: مالك حبيبة بابي؟ جنة ببراءة: زعلان ليه يا بابي؟ رعد ابتسم: ولا حاجة يا روحي. جنة حطت إيديها على صدره: أمال هنا في صوت عالي ليه؟ رعد: دي دقات قلبي يا روحي. جنة: بس دي عالية أوي يا بابي. رعد: معلش، شوية وهتهدي. تعالي نعمل سندوتش نوتيلا لجنتي علشان عملك مفاجأة. جنة بفرح: مفاجأة إيه يا بابي؟ رعد: هنروح عند نانا وجدو سليم.

جنة بفرحة: الله، هنروح إمتى؟ رعد: لما نشوف الدكتورة هتسمح أمامي بالسفر ولا لا. جنة: اممممم، وهيا فين مامي؟ رعد: مامي في الجامعة يا روحي، شوية وهتيجي. جنة: ماشي. شالها رعد ونزل ودخل المطبخ وأمر الخدم بالانصراف، واستغربوا أوي إن رعد في المطبخ. رعد بتفكير: فين النوتيلا اللي بتكلوها من ورايا؟ جنة ببراءة: إحنا يابابي، دي مامي غلبانة. رعد بغيظ: آه، عارفها أنا، حافظها.

جنة: طيب، افتح الحتة دي كده، هتلاقي شوكولاتة كتير، هات النوتيلا بس. راح رعد وعمل اللي قالت عليه، بس اتصدم باللي شافه، كمية شوكولاتة كتير أوي من جميع أنواع الشوكولاتة. رعد بصدمة: إيه ده كله؟ جبتوه إمتى؟ ولا بتاكلوا إمتى؟ جنة بصوت واطي: بس بس، ده الكنز بتاعنا. رعد: جبتوه منين؟ جنة: مامي بتوقف عمو السواق (السواق) عند السوبر (السوبر) ماركت وتجيب وتيجي، ورفعت إيديها باستسلام، بس أنا مليش (مليش) دعوة.

رعد بشفقة مصطنعة: يابريئة إنتي. جنة: ياله بقا، اعملي أكل. رعد: حاضر يا لمظة. وبدأ رعد في تحضير السندوتش وجهزه وقدمهولها. دخلت أميرة فجأة. أميرة: إيه ده؟ إيه ده؟ بتعملوا إيه؟ مسكها رعد من البلوزة بتاعتها كـ الحرامي. رعد: بقا أنا تستغفليني؟ أميرة تحاول الهروب: أهدي بس يا رعدي، أنا عملت إيه؟ بت يا جنة، أنتي فتنتي عليا؟ جنة ببراءة: أنا يامامي؟ ده بابي اللي شافهم. أميرة بتوعد: ماشي يا جنة.

رعد: تعالي هنا، أنتي بتجيبي كل ده إزاي؟ إحنا مش قولنا غلط، وإنتي يا كبيرة المفروض تمنعيها من الشوكولاتة الكتير، تقومي تاكلي معاها. أميرة: اسمعني يا بابي. رعد: بابي مين؟ ده أنتي اللي بابي، حان وقت العقاب. جنة: بابي، تعال نزلني بس علشان أقف مع مامي. أميرة بابتسامة: حبيبة مامي والله. شالها رعد ونزلها. جنة وهي بتجري: مع السلامة بقا يا ميرو. أميرة: آه يابت... رعد بتكملة: بنت إيه؟ بنت إيه؟ أميرة: بنت رعد حبيبي. رعد: ماشي.

وشالها على إيده وطلع بيها للجناح. ونزلها في الجناح. رعد: ياله يا قلبي، غيري هدومك وتعالي، وأنا أعاقبك. دخلت أميرة غرفة الملابس وهي خايفة من العقاب، وغيرت ولبست قميص قطني مريح يصل لفوق الركبة، قصير جدا، وخلخال في رجلها، وأزالت ربطة الشعر (التوكة) وتحرر شعرها الأحمر الناري على ظهرها، وطلعت. التفت رعد لصوت الخلخال كأنه صوت نغمة موسيقية. أعجب جداً بهيئتها، وتقدمت خطوة خطوة، أشار لها تتقدم له وأن تجلس على رجله.

خلجت خجل شديد من طلبه، لاكن نفذت ولفت يداها حول عنقه، استنشق راحتها الساحرة. دفن رعد رأسها في عنقها، يطبع علامات ملكيته، وقبلها على خدها الذي أصبح باللون الأحمر. أميرة: العقاب. رعد وهو مستمر في أفعاله: ما أنا بعاقبك أهو. أدخل يده في خصلات شعرها، يقربها إليه أكثر وأكثر، وذهبوا في بحر عشقهم. *** أكرم: غبي، وهيضيع كل حاجة. يوسف: خلاص يا أكرم، أهدي بقا. أكرم بعصبية: داخل الصفقة مع أكبر مافيا وعاوزني أهدي؟

يوسف: طب هنعمل إيه؟ رعد هيعمل اللي في دماغه. أكرم: هيموته لو منسحبش. يوسف: والعمل؟ أكرم بتفكير: مش همضي على العقد. يوسف: أنت كده بتزود المشاكل. أكرم: لا، لازم نوقفه. يوسف: خلاص، نتكلم معاه بهدوء. أكرم: ماشي، هكلم ياسمين ونروح عنده الفيلا. يوسف: ماشي، وأنا هاخد مرام. *** في الصعيد. سليم: بس دي الأصول ياواد عمي، ولا إيه عاد؟ أحد الرجال: كلامك على راسي يا سليم بيه، بس كتير إنه ياخد نص المحصول.

سليم بابتسامة: أنت يا راجل يا طيب، غلط فيه الأول، يبقي (يبقي) تتحمل النتيجة (النتيجة) ، ولا إيه؟ الرجل بقلة حيلة: ماشي يا سليم بيه، نص المحصول، موافق (موافق) *** بعد مرور وقت، أميرة وهي في حضن رعد. رعد بابتسامة ويده تمشي على ظهرها العاري: أميرتي، بتفكر في إيه؟ أميرة: أميرتي هتفكر في إيه غير فيك؟ رعد: أميرتي المفروض عندها تدريب، صح؟ ولا بتهرب؟ أميرة بغضب طفولي: أنا معرفش ضرب النار ده، تتعلم منه إيه.

رعد: محدش عارف الحياة مخبية إيه يا أميرتي، صح ولا أنا غلطان؟ أميرة: طب ما أنت موجود، والحرس موجود، غير إن معايا حرس خصوصي، إيه لزمته ضرب النار؟ رعد: والملاكمة؟ أميرة: نننننعم؟ رعد: إيه ده؟ أنتي قلبتي ليه؟ أميرة: ملاكمة إيه يا رعد؟ رعد ببراءة: إيه يا روحي؟ هو أنا غلطان علشان عاوزك تكوني قوية؟ أميرة بقلة حيلة: ماشي يا رعد. رعد: شطورة، فين بوسة بابي بقا؟ أميرة بصت له: تؤتؤ، مفيش. رعد: ليه يا روحي؟

قربت منه أميرة وطبعت قبلة على خده. رعد: بتبوسي ابن اختي. أميرة ببراءة مصطنعة: الله، أمال أنت عاوز إيه يا بابي؟ رعد: ما علينا، عاوزك في كلمة مهمة أوي. أميرة نايمة على صدره: قول يا روحي. رعد: أميرة، يوم ما رحمة ماتت، سابت جواب، بس الجواب كان فيه... أميرة بانتباه: كان فيه إيه؟ رعد بتردد: كان فيه بتقول إنها هي قتلت مي بمساعدة... أميرة: قول بقا، هو تشويق على الفاضي. رعد بسرعة: بمساعدة سامية، مرات عمي. أميرة: .......