رواية اميرة الرعد الفصل الأول 1 - بقلم ندى الشرقاوي

تقف في مكان مظلم في شرفة الجناح تفكر في الماضي. فالحياة انقلبت من سعادة وفرح إلى ظلام وحزن. تدعي أن يكون كابوسًا وليس حقيقيًا، فإن أميرة المرحة اختفت وظهرت أميرة جديدة. فرعد في غيبوبة منذ 4 شهور حتى الآن. يوم الحادث. أميرة: رررررررعد. بدأ الصراخ بصوت عالٍ من الجميع، وأميرة أغمي عليها. وجنة من كثر الصراخ خافت وبدأت تعيط. يوسف: أميررررررها. خذوا أميرة على المستشفى. بعد ساعة، فاقت أميرة. أميرة: رررررررعد.

جرى عليها يوسف وحضنها. يوسف: اهدى يا أميرة. أميرة بصراخ وبكاء: محدش يقولي اهدى، أنا عاوزة ررررعد، عاوزة جوزي يارررررعد. جاءت الدكتورة. يوسف بعصبية: أنتي هتتفرجي عليا؟ اديها مهدئ. الدكتورة: غلط المهدئ يافندم، دي حامل. أميرة بدموع: عاوزة رعد، يايوسف قلبي بيوجعني يايوسف. رعد مش كويس. أنا عاوزة رعد. هو... هو قال هيجي الصعيد... آه. هو كدب عليا... بس أنا مسامحاه. بس وديني لرعد... هو بخير صح؟ قولي يايوووووسف.

يوسف حاضنها ودموعه بتنزل. دخلت هدى بسرعة. هدى: أميرة. أميرة نزلت من على السرير جري على هدى وحضنتها. أميرة ببكاء: ماما فين رعد؟ أنا عاوزة رعد ياماما. ردي عليا. هدى ببكاء: اااه يابني. يوسف: أميرة اهدى، وأنا هوصلك لرعد. سمعت أميرة الجملة وتوقفت عن البكاء. أميرة: طب ياله بسرعة وشيلوا البتاع اللي في أيدي دي، أنا مش تعبانة. يوسف: تعالي بس ماما هدى تغيرلك هدوم المستشفى وأنا هستنى بره، وبلاش عياط علشان خاطر رعد.

طلع يوسف وساب أميرة وهدى. هدى: ابني هيروح مني ياأميرة. رعد هيروح مني. أميرة هزت راسها بنفي. أميرة: لا لا، رعد هيكون كويس. ياله بقى علشان نروحله. هدى بهدوء: أنا أمه وقلبي بيتقطع عليه،

بس هقولك كلمة واحدة: أوعي تضعفي. رعد ليه أعداء، أنتي عايشة في وسط ديابة. أميرة المنشاوي لازم تكوني قوية. ابني لما علمك الدفاع عن النفس كان عاوزك تكوني قوية وليكي اسم. أنتي شايلة حفيد سليم المنشاوي، لازم تكوني قوية وأجدعها راجل في البلد يبقى تحت رجليكي، سامعة؟ أميرة وكتمت دموعها: سامعة. قامت أميرة غيرت ودموعها نازلة بغزارة في صمت وقلبها وجعها على حبيبها.

نزلت وهي راكبة العربية ودموعها بتنزل. وشريط ذكرياتها مع رعد من أول ما اتجوزوا بيمر قدامها. ونفسها يكون كابوس وتصحى منه تلاقي رعد جنبها. وبعد مرور الوقت، وصلت أميرة المستشفى. وكل ما تقدم خطوة للدخول ترجع لورا تاني. مش عاوزة تقرب، خايفة من الاقتراب. لأول مرة تخاف من الاقتراب من حبيبها، بس ليست قادرة أن تشوفه في هذا المكان. دخلوا الممر. شافوا أكرم قاعد وحاطط إيديه على وشه. وياسمين ماسكة المصحف وقاعدة.

جريت أميرة على أكرم. أميرة: رعد فين يا أكرم؟ رعد فين؟ أكرم: جوه يا أميرة، ادعيله. أميرة بصت على غرفة العمليات وسكتت. وسليم واقف حاسس أنه هيقع، الحمل كبير عليه. وهدى واقفة قلبها بيدق جامد، خايفة على ابنها أوي وبتحاول تداري دموعه. بعد ربع ساعة، طلع الدكتور. أميرة قامت تجري: دكتور، رعد، رعد كويس صح؟ الدكتور صعب

عليه حال أميرة وقال سريعا: المريض بخير. دم كتير وجالنا متأخر ولازم ننقل دم. والمريض فصيلة دمه نادرة جدا جدا، يعني واحد من مليون بيكون عنده الفصيلة دي، وهي AB. أكرم: هقلب مصر كلها. أميرة: أنا، أنا نفس الفصيلة، أنا ياله يا دكتور. الدكتور فرح، بس بعد كده قال بحزن: آسف، حضرتك حامل، ما نقدرش نسحب منك دم. أميرة بجنون: إززززاي؟ انتوا بتستهبلوا؟ أنا قولت أنا هديله. سامع؟ يروح الحمل مش عاوزاه، بس خد الدم مني يادكتور والنبي.

الدكتور: آسف، مقدرش. يوسف وأكرم جريوا علشان يجيبوا الدم. وسليم مسك أميرة جامد. سليم: يا أميرة مينفعش، افهمي بقى، أنتي حامل وغلط عليكي. أميرة انهارت. قوتها وقعت في الأرض. أميرة: مش عاوزة الحمل، أنا عاوزة رعد. ياسمين بتبص على أميرة وقاعدة مش قادرة تتكلم، خايفة إنها تخسر أخوها. رعد مش أخوها وبس، دا أبوها وصاحبها وكل حاجة ليها في الدنيا. بعد ساعة. وصل أكرم. أكرم بفرحة: لقيت الدم، لقيت.

فرحوا كلهم، دا الأمل الوحيد بعد ربنا. لكن طلع الدكتور وقال بأسف: آسف، المريض دخل في غيبوبة. سليم بعصبية: يعني إيه؟ وأنت لازمتك إيه واقف جوه بتعمل إيه؟ كيف دخل بغيبوبة؟ دا أنا هقفلكم المستشفى دي. الدكتور بيحاول يخلص نفسه من سليم: ياسليم بيه، دي حاجة بأيد ربنا، ويا عالم هيفوق إمتى. ادعوله. تم نقل رعد لغرفة تانية مجهزة. سليم: الممرضة. الممرضة: ينفع حد يدخل يشوفه؟ الممرضة: فرض واحد بس يافندم. أميرة: ادخلي يا ماما.

بصت هدى لأميرة لأنها كانت متوقعة إنها تقول إنها اللي تدخل. هدى: قومي يابنتي ادخلي لجوزك. أميرة هزت راسها بنفي: لا، اتفضلي أنتي. هدى ابتسمت ابتسامة صغيرة وقالت: قومي ياميرو ياله علشان تطمني على رعد، ياله. قامت أميرة ودخلت وهي بترتجف. وفتحت الباب ودخلت. ورعد نايم على السرير وجسمه عليه الأجهزة والأكسجين. مسكت إيده جامد كأنها بتاخد قوتها منه. حتى وهو تعبان، حاسة إنه قوتها وأمان ليها. أميرة بابتسامة: كده يارعد؟

مش عاوز تكون معايا؟ بتهرب من الواقع ليه يا حبيبي؟ ما تفضل معايا. أنت كنت عاوز تعرف نوع البيبي إيه؟ ياله اصحى بقى علشان نشوف البيبي. وكمان أنت قولت عاوز بنت صح؟ بس أنا عاوزة ولد علشان أفضل شايفاك قدامي. أنت كنت حاسس صح؟ علشان كده كنت بتأمنها كويس. ياله يا حبيبي خليك قوي علشان ترجع لينا تاني. أنت هتفضل معانا على طول. طب لما أرجع لجنى أقولها إيه؟ بابي فين؟

وهيا صحت فرحانة إنك جاي. أنت عارف أنا كنت حاسة إن في حاجة هتحصل لما حلمت إنك بتبعد وأنا أقرب وأنت تبعد عني. كنت الحلم اتحقق يارعد، بس أنا لازم أنهي الحلم ده. وكملت بقوة: وهاخد حقك وهعمل المستحيل علشان اسم رعد المنشاوي يفضل محفوظ. وكملت ببكاء: وحشتني ياحبيبي.

وحطت راسها على صدره وقالت: حضنك وحشني يارعد. يومين مش قادرة على فراقك، مش هقدر أبعد عنك. أنا هفضل معاك على طول وهجي هنا كتير وهجيبلك جنى. وأنت كون قوي يا بابي علشان أجيبلك بيبي حلو شبهك كده. دخلت الممرضة: يا مدام مينفعش كده، كده غلط على المريض. كفاية كده، اتفضلي. أميرة بصت ليها: حاضر، هطلع دقيقة. قبلت يد رعد وخده، قبلات رقيقة وأيديها على خده وعيونه. وطلعت.

والعيلة اطمنت على رعد. وكل يوم أميرة تروح لرعد المستشفى تحكي كل اللي حصل في يومها وتروح تاني. وفي يوم بعد 3 شهور من الحادث ورعد لسه في غيبوبة. جنى: مامي، هو بابي مش هيصحى بقى؟ أميرة: شوية وهيقوم. بس هو سامعك، قوليله كل اللي انتي عاوزاه. جنى: ماشي، طب ممكن تطلعيني جنبه على السرير بليز؟ أميرة: حاضر ياروحي.

أميرة في شهورها الأخيرة وبطنها كبرت. ولم ترح أي حته تعرف جنس المولود. وكانت بتتعب وبرضه مش عاوزة تكشف ولا تروح للدكتورة. شالتها، قعدتها جنبه على السرير. جنى نامت جنبه وبدأت تكلمه وتقوله: بابي، أنت هتصحى إمتى؟ أنت عارف أنا معنتش بقول الكلام غلط والحروف اتعدلت خالص. أنت وحشتني أوي على فكرة. وأنا كمان ماما بتوديني الـ Nursery (حضانه)

وحفظت الحروف. بس بشوف كل صحابي بيدوا مع البابي بتاعهم. أنت هتصحى إمتى يارعد وتيجي معايا بقى؟ أميرة تعبت من كلام جنى وقالت: ياله يا جنى بقى علشان بابي يرتاح واحنا نروح، لأن مامي تعبت شوية. جنى: ماشي يا مامي. جنى لرعد: باي يارعدي، هجيلك تاني. آه، معنتش باكل شوكولاتة كتير علشان سناني وعشان أنت متزعلش مني. بس وعد، لما تصحى هناكل سوا. وقبلت خده ونزلت من على السرير. وأميرة قربت عليه وقالت: مع السلامة يابن قلبي.

أميرة بتفتكر كل حاجة حصلت في الحادثة. وأمرت أميرة نقلها من الفيلا لقصر وسمته قصر الرعد. القصر من جوه. واجهت صعوبات مع العيلة بسبب نقلها. وأنهم اقترحوا عليها تفضل في الصعيد، لاكن هي رفضت. ونقل سليم وهدى حياتهم للقاهرة واستقروا في فيلا رعد القديمة ليكونوا جنب أميرة ورعد. والمفروض أن أميرة هتولد في الأسبوع ده، وهيا رافضة إنها تروح لدكتورة تحدد يوم الولادة. فاقت أميرة من التفكير في الماضي على صوت جنى. جنى: مامي.

أميرة: نعم ياروحي؟ جنى: سلومي ونانا وكرومتي وجو وياسو ومرمر تحت. أميرة: طيب ياروحي، اتفضلي أنتِ وأنا هاجي على طول. وبراحة علشان مش تقعي يا قلبي. جنى: حاضر. دخلت أميرة، خدت شاور وطلعت. لبست فستان واسع لظروف الحمل وصندل خفيف وبرفان الخاص برعد. وده طبعًا بتتبعت تجيبه من لندن. ونزلت. أميرة: السلام عليكم. الجميع: وعليكم السلام. أكرم: إيه يا أميرة؟ مش ناوي تروحي للدكتورة؟ أميرة ببرود: لا يا أكرم، مش ناوي.

هدى: يا حبيبتي، إحنا عاوزين مصلحتك. أنتي بطنك كبيرة أوي، في حاجة أكيد. أميرة: معلش يا ماما، خلوني على راحتي. سليم: أميرة، أنا سايبك تعملي كل حاجة براحتك. وبرضه مش عارف إني بتعملي كده ليه ولا بتفكري في إيه. وأوعي تقوليلي الانتقام. أميرة بشر: آه، الانتقام. سليم بعصبية: تنتقمي من مين بالظبط؟ أميرة: من اللي خلى جوزي يعمل حادثة. سليم: وهو فين دا؟ أميرة: هيظهر قريب. ياسمين: طب ليه نقلتي في القصر؟

ما كنتي فضلتِ في الفيلا ومعانا. أميرة: أنا مرتاحة كده. أبيه يوسف: عيونه. أميرة: أنا هنزل الشركة كمان أسبوع. أكرم: تنزلي تعملي إيه؟ أميرة: هنزل أدير شغل جوزي. رعد عاملي توكيل بكل حاجة. وهرجع شركة المنشاوي تاني. سليم بحزن عليها: يا بنتي، أنتي كده شايلة فوق طاقتك كتير عليكي. أميرة بابتسامة: متخافش يا بابا، إن شاء الله خير. حست أميرة بألم. أميرة: آآآه. هدى: أميرة، مالك؟ أميرة بصراخ أكتر: آآآآاااااااه.

مرام: أميرة شكلها بتولد، ياله بسرعة. أميرة: آآآآاااااااه، رررررررعد. شالها يوسف وجرى بيها للمستشفى اللي فيها رعد. وكله اتحرك على المستشفى والحرس وراهم. وده طبعًا حرس أميرة الخاص بيها. فا غير طقم الحراسة كله بعد دخول رعد في غيبوبة. وصلوا المستشفى ودخلت أميرة العمليات. في غرفة العمليات. أميرة بعصبية وصراخ: مش هولد، مش هولد. الدكتورة: ياله يا فندم، والله أنتي على آخر حاجة. أميرة: ررررررررعد.

الدكتورة: يا فندم، كده الجنين ممكن يتخنق، ولا قدر الله يموت. أميرة بدأت تستحمل. والحمد لله ولدت على خير. لكن صرخت مرة ثانية. الدكتورة بعصبية: محدش بلغني إن حضرتك حامل في توأم. أميرة بصراخ: تصدقي بالله؟ ولا أنا. أميرة: آآآآاااااااه. ولدت أميرة على خير. طلعت الدكتورة من العمليات بإرهاق. الدكتورة: إزاي ما بلغوش إن المدام حامل في توأم؟ كنت ولدتها قيصري بدل طبيعي، تعب ليها. الجميع: توووووووأم؟ الدكتورة: هو كل واحد يستغرب؟

ياسمين: معلش يا دكتورة، أصل أميرة كانت رافضة الكشف. الدكتورة: طيب، المدام اتنقلت لغرفة تانية. والأطفال الممرضة هتجيبهم. يوسف: طب هو جنس الأطفال إيه؟ الدكتورة: ولدين وبنت. الجميع بصدمة: 3؟ الدكتورة مشيت. سليم: أميرة جابت 3؟ هدى: أميرة الكيوت كانت حامل في 3. مرام مسكت في يوسف جامد وقالت: يوسف، أنا خايفة. دي كانت بتصرخ جامد. يوسف حاول يهديها: لسه بدري على ولادتك يا قلبي، ومتخافيش، إن شاء الله خير.

أكرم: كانت بتاكل نص أكلك يا ياسمين، وأنتي عمالة تاكلي وفي الآخر محصلتيش اتنين. ياسمين وأيديها على بطنها: ليه يا أخويا؟ دا أنا هجيب بنوتة أي عسل. جنى: انتوا هتفضلوا تتكلموا كتير؟ ياله عايزة أشوف مامي. أكرم بغيظ: بس يالمظة. نص ساعة ودخلوا الأوضة اللي فيها أميرة. أميرة بتعب وتوهان: ابني. أكرم: ابنك إيه بقى؟ قولي أبنائي. أميرة لسه تحت تأثير المخدر: رعد....... يارعد، ياله اصحى هنروح نشوف جنس المولود سوا....

لو مصحيتش مش راحة. بصولها بحزن. شويه شويه بدأت أميرة تفوق. أميرة: البيبي. هدى لسه هتتكلم. دخلت الممرضات. كل ممرضة شايلة طفل. أميرة بصدمة: مين دول؟ يوسف: أحفاد المنشاوي وأبناء رعد المنشاوي. وأكملت جنى بغرور: وأخوات جنة المنشاوي. أميرة بصت لأبنائها بفرحة. فهم مثل الملائكة. بنوتة جميلة أوي تشبه أميرة، وطفلان بملامح بريئة وجميلة. تمنت أن رعد يكون جنبها. سليم: ها يا ست البنات، هتسمي إيه؟ أميرة: جنى هتسمي البنوته إيه؟

رايك يا جنتي؟ جنى بسعادة: بجد يامامي؟ أميرة: آه ياروحي. ياله تعالي شوفيها وسميها. جريت جنى وشالها يوسف وشافت البنوته وقالت: فردوس. أميرة: فردوس؟ اشمعنا يا جنى؟ جنى: علشان نكون جنة الفردوس. أكرم: لا عجبتيني. مرام: دماغ متكلفة. ياسمين: الولدين. أميرة بتفكير: كانت المفروض رعد هيسميهم. هدى: ربنا يشفيه ويرجعه لينا بالسلامة. أميرة: أنس ومالك. مرام: حلوين أوي.

أكرم: أنس رعد سليم المنشاوي ومالك رعد سليم المنشاوي، وفردوس سليم المنشاوي. أميرة: يوسف، عاوزة أروح لرعد. يوسف: يا أميرة، أنتي لسه طالعة من ولادة. طب استني لبكرة. أميرة: دلوقتي لو سمحت يا بابا، خليه يوديني. سليم: ...... قاطعهم صوت الباب. دخل أحمد وفاء سريعا. أحمد: أميرة، أنتي كويسة؟ أميرة: كويسة يا بابي. وفاء: حبيبتي، محدش عرفنا. إحنا كنا جايين بالصدفة على القصر. الحرس قالنا.

أميرة: معلش، كلهم هنا ومحدش افتكرها. مش هتشوفوا عيالي. أحمد باستغراب: عيالك؟ أميرة: والله عيالي. إيه كمية الصدمات دي؟ وفاء: ما شاء الله، الله أكبر. ربنا يبارك. وقبلتهم. أحمد: سميتي إيه يا أميرة؟ أميرة: أنس ومالك وفردوس. جنى: مامي، ياله نروح لبابي. أميرة لسليم: هااا؟ هتوديني؟ سليم بابتسامة: وهو أنا عندي أغلى منك. تعالي ياحبيبتي. ابتسمت أميرة على حنيته. أخذوا أميرة والأطفال لغرفة رعد وقفلوا الباب.

أميرة: رعدي، أنا ولدت 3 أطفال. شوفت أنت قولت عاوز أطفال كتير تملأ الفيلا. أنا جبت 3. العيلة اللي كانت مكونة من 3 أفراد، بقينا 6. يارعدي، أنا سميت أنس ومالك وفردوس. جنى هي اللي سمت فردوس علشان يكونوا جنة الفردوس. رعد، أنا نقلت في القصر الجديد وسميته قصر الرعد. وعملتلك مفاجأة تانية. استنى بقى. قربت أنس من رعد ومالك وفردوس كانوا كلهم جنبه رعد. ونادت على يوسف. يوسف: خلصتي يا أميرة؟ أميرة: هات الفون يايوسف.

يوسف باستغراب: الفون؟ أميرة: آه. أداها الفون وصورت الأطفال وهم جنب رعد. جنى: وأنا يامامي؟ أميرة: اقفي جنب بابي يا جنى. جنى وقفت وأميرة التقطت صور كثيرة. أميرة: هنيجي تاني يارعدي. يوسف: ياله. أميرة: ياله. دخلت الممرضات شالوا الأطفال. عدا أسبوع وطلعت أميرة من المستشفى وبدأت تتعب من الحمل اللي عليها. أصرت هدى إنها تقعد معاها، لاكن أميرة رفضت. وجابت مربية تساعدها. في يوم جديد.

صحت أميرة من نومها. دخلت خدت شاور ولبست ترنج وقعدت تتأمل في الأطفال. أميرة: شكلكم حلو أوي. بقى أنا عندي الأطفال الحلوة دي. كان نفسي رعد يكون معانا قريب. بإذن الله. إيه رأيكم تنزلوا ونفطر تحت؟ جنى صحت من النوم: مامي، أنتي صحيتي؟ أميرة: آه ياعيون مامتي. بدأت أميرة تجهزهم. ونزلت أميرة بفردوس والمربية نزلت بأنس ومالك. وقعدتهم في العربية بتاعتهم وقعدت تفطر. أميرة للمربية: أنتي واقفة ليه؟ المربية: آمال أعمل إيه ياهانم.

أميرة: اقعدي افطري. المربية: إزاي؟ أميرة: اقعدي يا بنتي في إيه. وبعدين أنا أميرة عادي. وبعدين هتسبيني قاعدة على سفرة فيها 40 كرسي وأنتي واقفة؟ اقعدي افطري. قعدت المربية واسمها أمل. جنى: يا مامي، أنا مش طايلة حاجة ومش شايفة أي الكراسي الطويلة دي. أميرة ضحكت: تعالي اقعدي على رجلي يا جنى. قعدت جنى على رجل أميرة. بدأت تاكل. *** المجهول: يعني إيه رعد اختفى من المستشفى؟ المجهول: آه والله ياباشا، دا معتش له وجود.

المجهول: إزاي يا أغبياء؟ أنتوا مراقبين المستشفى ليل نهار. إيه اللي حصل؟ المجهول: ما نعرفش ياباشا، رعد المنشاوي ملوش وجود دلوقتي. المجهول: اقفل يازفت واقلب الدنيا على رعد المنشاوي. اقلب مصر كلها وراقب مراته. المجهول: مراته عليها حراسة ولا رئيس الجمهورية. المجهول: اتصرف، اعمل أي حاجة. المجهول: حاضر ياباشا. *** أميرة: كله تمام. الحرس: آه يافندم. أميرة: لو عرفت إن حد عرف، حتى لو مين، هدفنكوا.

الحرس: خالص يافندم، محدش يعرف خالص. أميرة: في سلاح عاوز أرخصه في أقرب وقت. الحرس: أي وقت يافندم، إحنا موجودين. أميرة: عاوزة أربعة على البوابة الخلفية. وتزود الحراسة أكتر. مش عاوزة نملة تعدي وتدخل القصر. الحرس: تمام يافندم. أميرة: جنى وهي رايحة الـ Nursery، عاوز عربيتين معاها وحرس يفضل هناك لحد ما تخلص. وأنا اللي هوديها بنفسي. الحرس: حاضر يافندم. حاجة تانية؟ أميرة: اتفضل أنت على شغلك. بعد نص ساعة. دخل أكرم ويوسف.

أكرم: فين رعد يا أميرة؟ أميرة بصت لهم ببرود: ليه؟ يوسف: من إمتى وأنتي عندك كمية البرود دي؟ أميرة: من ساعة ما عرفت إن جوزي دخل واحد يديله حقنة سامة. والباشا والباشا نايمين على نفسهم. أكرم: حقنة سامة إيه؟ أميرة: بعده دخل حد علشان يديله حقنة. تقدروا تقولولي كنتوا فين؟ ولا الحمير اللي شغالة معاكوا فين؟ أنا غيرت طقم الحراسة اللي كان في المستشفى. أكرم: طب هو فين دلوقتي؟ أميرة: ميخصش أي حد. يوسف: أمال يخص مين؟

أميرة: يخصني أنا وبس. أكرم بعصبية: أميرة، ررررعد فين؟ أميرة: ......