رواية اميرة الرعد الفصل الثاني 2 - بقلم ندى الشرقاوي

أكرم بعصبية: أميرة! رعد في؟ أميرة: قعدت وكملت فطار. اتفضلوا افطروا معانا. يوسف: إيه كمية البرود دي؟ أميرة للمربية: أمل، خدي جنه وفردوس وأنس ومالك واطلعي الجناح. أمل: حاضر يا فندم. طلعت أمل واستعانت باتنين من الخدم علشان الأطفال. أميرة: عاوزين تعرفوا مكان رعد؟ أكرم ويوسف: يا ريت. أميرة: رعد معايا ومش هيظهر. محدش هيعرف هو فين غير لما يفوق من الغيبوبة ويقدر إنه يظهر تاني. غير كده رعد مش هيظهر.

يوسف: أميرة، انتي بتستهبلي؟ ده في غيبوبة يعني مش عارفين هيصحى إمتى. أميرة: اللي عندي يا يوسف. وأنا مبقتش أخاف غير على عيالي وجوزي اللي مليش غيره. فا سبونا نعيش براحتنا. أكرم مقدر اللي هي فيه وقال: ماشي يا أميرة. رعد معاكي، إحنا حابين نطمن. وابقي طمنينا، إحنا عارفين إنك مش هتأذيه. أميرة بشبه ابتسامة: أذي؟ روحي. يوسف: نستأذن إحنا. أميرة: شرفتوا يا أبيه. طلعوا بره. أكرم: صعبة عليا. يوسف: وأنا كمان. بس اللي بتعمله غلط.

أميرة معاها أربع أطفال، كتير إنها تشيل المسؤولية بدري. دي مكملتش 21 سنة حتى. غير رعد، تقدر تقولي خدته من المستشفى ودته فين؟ ولا هي هتعمل إيه؟ ولا بتفكر في إيه؟ أكرم: معرفش. حتى بتبعد عن العيلة وعن كل الناس. حتى الضحك مفيش ضحك. يوسف: ربنا يهديها. أكرم: يا رب. بس عمي لما يروح المستشفى هقوله إيه؟ مرات ابنك خدت ابنك من المستشفى. يوسف: معرفش. ياله نروح الشركة. عند أميرة، دخلت وطلعت الجناح.

أميرة لأمل: أمل، خليكي مع الولاد شوية. متسبيهمش لو سمحت. تفضلي في الجناح. أمل: حاضر يا فندم. جنه: مامي، هتروحي فين؟ أميرة: مش هروح يا جنتي، بس هعمل حاجة للشغل وهاجي. علشان عملالك مفاجأة كبيرة خالص. جنه: بجد يا مامي؟ أميرة: بجد يا روح مامي. طلعت أميرة ودخلت جناح تاني بعيد عن القصر أصلاً، بس جوه القصر. لكن محدش يعرف عنه حاجة. دخلت. كان رعد نايم على السرير الملكي. ابتسمت ابتسامة جذابة وجريت قعدت قدامه وبدأت تكلمه.

أميرة: أميرة تعبت يا رعد. أميرة تعبت من أولها يا حبيبي. كل الدنيا عليا. معايا أربع أطفال غير الشغل اللي هنزله والجامعة. أنا تعبت. أنا مش قد الثقة والحمل الكبير ده. انت شلت كتير أوي ومحدش حس بيك. انت وحشتني أوي. وحضنك وحشني أوي. حضنك الحاجة الوحيدة اللي اشتقتله كتير يا رعد. بس أنا دلوقتي هدخل جوه حضنك. قامت أميرة دخلت غرفة الملابس. لبست قميص أبيض من قمصان رعد وخلخال.

وأطلقت سراح شعرها الأحمر الناري وبعض المساحيق التجميل. وكانت في قمة الأنوثة والجمال والإثارة. وطلعت على السرير وقربت من رعد وشالت دراعه ودخلت جوه حضنه ومسكت في التيشيرت بتاعه جامد. كانت بنت محتاجة لحضن أبوها. كأنها محتاجة لملجأ ليها. كأنها واقفة على منحدر جبلي مستنية المنقذ بتاعها. أميرة نامت في حضن رعد وأحلى إحساس جميل كانت محرومة منه. فضلت نايمة ومش حاسة بالوقت. لكن فاقت على رنة الفون. أميرة بنوم: رعد، اقفل الفون.

أميرة: يا رعد، اقفل. عاوزة أنااااام. أميرة: أوووف. لكن قامت مرة واحدة وافتكرت إن رعد مش هيصحى أصلاً. أميرة بصت بحزن وافتكرت إن كل ده بتكلم نفسها. لكن ابتسمت وقالت: مش ناوي تصحى بقا؟ ولا عجبك العالم التاني؟ أوعى تكون متجوز ومش معرفني. أنا هروح الشركة دلوقتي. أنا مروحتش بقالي 4 شهور ونص. قبلته قبلة رقيقة على لحيته التي كبرت بمرور الوقت. وقامت دخلت غرفة الملابس. غيرت قميص رعد إلى بنطلون أسود وجاكت أسود وحذاء بنفس اللون.

وكان ذو كعب عالي. وكان يوجد بعض اللون الذهبي على هيئة ورق شجر. ورفعت شعرها لأعلى وحطت ماسك للشعر (توكة) وطلعت من غرفة الملابس. أميرة: بابي، أنا هروح وهرجع تاني على هنا. باااااي. كانت بتكلم رعد كأنه شايفها وسامعها. طلعت أميرة ودخلت الجناح. أميرة: أنس ومالك ناموا؟ أمل: آه يا فندم. أميرة: طيب، هاتي فردوس ولبسي جنه. أمل: حاضر. خدت أميرة فردوس وأمل خدت جنه تلبسها.

أميرة لفردوس: حبيبة مامي، تعرفي بابي كان نفسه يشوفك أول واحد. وكان نفسه يشوفك وانتي بتكبري في بطني شوية شوية. بس انتي قمورة خالص خالص. حاسة إنك هتخدي رعد مني بجمالك ده. عيون زرق وبيضا وخدود مقلبظة كده. أكلك. هروح أنا وجنه مشوار صغنون خالص وهرجع أوديكي لبابي من غير ما حد يعرف. خلاص. بعد ربع ساعة، دخلت أمل وجنه. جنه: مامي، إيه رأيك؟ أميرة: قمر يا عيوني مامي. ياله تعالي معايا بقا. أمل: هو أنا ممكن أسألك سؤال؟

أميرة بابتسامة: اتفضلي. أمل: هو حضرتك لسه والده من أسبوع، إزاي هتخرجي وكمان شايلة حمل كبير؟ أميرة: أقولك إيه بس. تحسي إني معنتش بحس بوجع. بس أنا عاوزة أرجع اسم جوزي تاني. هتقوليلي معاه شركاء؟ هقولك أنا عاوزة أدير الشغل وأعرف مين ورا الحادثة. أما بقا عيالي، فا محدش يعرف يدخل القصر. حتى لو نملة. ولو دخل مش هيعرف يخرج على رجليه سليم. علشان هخلص عليه في وقتها من غير ما يطلع عليه صبح. حتى. أمل: انتي هتخوفيني منك ليه؟

أميرة: كنتي تعالي شوفييني من سنة. كنت بخاف من الصوت العالي. كنت بخاف من أي حاجة. أقل حاجة بتخوفني. بس الزمن بيعلم. سلام بقا علشان مش عاوزة أتأخر. أمل بابتسامة: في رعاية الله. مسكت أميرة بإيد جنه ونزلوا وطلعوا بره. جنه: مامي، هنروح فين؟ أميرة: هنروح الشركة بتاعة بابي. جنه: وبابي هيكون هناك؟ أميرة بابتسامة: لا يا روحي. بس أوعدك هخليكي تشوفي بابي النهارده. بس متقوليش لحد. جنه: promise. أميرة: promise.

أميرة نادت على رئيس الحرس. أميرة: جهز العربيات، هنطلع على الشركة الأم. جمال رئيس الحرس: حاضر يا فندم. أميرة: مش عاوزة سواق، أنا هطلع بعربيتي. جمال: حاضر يا فندم. اتفضلي، هطلع العربية حالا. طلع جمال العربية وركبت أميرة وجنه جنبها. وعملت لجنه حزام الأمان. وطلعت أميرة ووراها جيش من عربيات الحراسة. وقفت أمام الشركة الأم، وهي الشركة الأولى لرعد للمباني. نزلت أميرة بثقة وراسها مرفوعة. وراحت فتحت الباب لجنه.

أميرة لجنه: ياله سنيوريتا. جنه: ياله يا أميرتي. ضحكت أميرة على لقبها من جنه. دخلت أميرة واتفاجأ الجميع بدخولها وسط الحرس. لكن أمر الحرس إنهم يفضلوا وهيا هتكمل. لاكن سمعت كلام من الموظفين. الموظفة: عندها قوة يا أختي، لسه والده 3 عيال ونزلت بعد أسبوع. وإحنا الوحدة بتقعد على السرير بالأسبوعين. موظفة تانية: أكيد يا أختي، وهيا دي بتشوف تعب دي؟ عندهم فلوس زي الرز. أميرة بصوت جهوري: فيه إيه؟ كل واحدة ووحدة على شغله.

مش فاتحينها كافيه ولا سوق للكلام. اتفضلوا ياااااله. والتفتت للموظفين وشاورت على البنتين وقالت: أميرة: انتوا الاتنين مخصوم 10 أيام. الموظفة: ليه إن شاء الله؟ أميرة: إحنا في سوق ولا إيه؟ الموظفة التانية: آسفين يا فندم. أميرة: علشان تتكلموا تاني واعرفوا بتكلموا مين. وكلمة تانية هيكون رفد. سامعين؟ الموظفين: سامعين يا فندم. جنه: مامي. أميرة: قلبها. جنه: ياله بقا رجلي وجعتني. أميرة: حالا يا جنتي.

استغرب الجميع أن أميرة غيرت طريقتها في دقيقة. كملت أميرة وجنه. وقبل ما تدخل المكتب سمعت صوت عالي في غرفة الاجتماعات. أميرة السكرتيرة الجديدة، لأن حلا مشيت ومرام سابت الشغل. أميرة السكرتيرة: فيه إيه؟ السكرتيرة: ولا حاجة يا فندم. حضرتك عندك معاد مع أكرم بيه. أميرة: انتي هنا من امتى؟ السكرتيرة: بقالي 3 شهور. ليه خير؟ فيه حاجة؟ أميرة: أنا أميرة المنشاوي، مرات رعد. السكرتيرة: آسفة يا فندم، مكنتش أعرف.

أميرة: ولا يهمك يا قمر. ممكن تاخدي جنه تدخليها المكتب بتاع رعد؟ وأنا هدخل غرفة الاجتماعات. السكرتيرة: حاضر يا فندم. فتحت أميرة باب الغرفة ودخلت فجأة. أكرم ويوسف وسليم: أميرررره! أميرة بعصبية: صوت حضرتك عالي ليه؟ إحنا مش في مدرسة، إحنا في شركة محترمة. معتصم بعصبية: انتي مين؟ وإزاي تدخلي كده؟ وأنا أعلّي صوتي براحتي؟ مكنش غير الأطفال اللي يتكلموا. يوسف: مكنش يومك يا غالي. أكرم: المشروع باظ.

أميرة: أنا أدخل زي ما أنا عاوزة وأعلى صوتي براحتي. والطفل اللي قدامك بتكون مرات رعد المنشاوي. معتصم بسخرية: وإنتي عاوزة إيه يعني؟ أميرة: مشروع حضرتك مرفوض. معتصم بعصبية: نعم! إنتي إزاي ترفضي المشروع؟ إنتي متعرفيش أنا مين؟ أنا... أميرة: انت اللي متعرفش بتتعامل مع مين. لما تعرف تعال اتعامل معانا. وأنا بقولك شركات المنشاوي مش هتتعامل معاكم. معتصم: معتش غير الحريم تتكلم معاها في الرجالة.

أميرة: وراك 3 رجالة لو سبتهم عليك هياكلوك. وعندك بره 50 راجل لو سألتهم انتوا تبع مين هيقولولك أميرة المنشاوي. يبقى تقعد عدل وتقول طلبك بالذوق وإحنا هننفذ. غير كده تاخد مشروعك وتتفضل. حس معتصم بقوة أميرة. وإن لو مشروعه اترفض من شركات المنشاوي بالذات مش هيتقبل تاني. معتصم: نقعد نتفاهم. أميرة بابتسامة: اتفضل. يوسف غمز لأميرة: يا جامد. قام سليم علشان أميرة تقعد مكان رعد. أميرة: اتفضل مكانك يا بابا.

أنا عاجبني المكان جنب چو. ولا مش عاجبك يا أبيه؟ يوسف: عاجبني يا روحي، اقعدي. قعدت أميرة. أميرة: اتفضل. معتصم: أنا مقدم على المشروع بقالي كتير. ولسه لحد دلوقتي متعملش فيه أي حاجة. أميرة: حضرتك عارف ظروف الشركة. وأكيد الشباب عرفوك وقالوا لحضرتك إن الشركة اتقفلت شهر ونص. وكانوا الموظفين بياخدوا المرتب بدون شغل. فا أكيد وقفنا كل المشاريع. حضرتك المفروض المشروع تستلمه إمتى؟ معتصم: بعد شهر. أميرة: المشروع لو سمحت.

خدت أميرة المشروع من معتصم وقالت: اتشرفنا يا فندم. المشروع هيكون جاهز بعد 30 يوم. معتصم: إزاي؟ لسه مبدأتوش. أميرة بنفاذ صبر وصوت واطي: اللهم ما طولك يا روح. وكملت: يافندم، انت خدت كلمة بعد شهر استلم المشروع. معتصم: ماشي. وجه يسلم عليها. مد أكرم إيده وسلم بدل أميرة وقال: معلش يا معتصم بيه، مبتسلمش. صعايدة بقا. معتصم: ولا يهمك، باي. مشي معتصم. أميرة: أوووف، إيه الخنقة دي؟ ربنا يكون في عونك يا رعد. عامل إيه يا بابا؟

سليم: بخير يا بنتي. بس زعلان منك. أميرة مسرعة: ليه؟ سليم: بتتصرفي من غير ما تقولي لحد. وطلعتي رعد من المستشفى. إيه الكبير مات؟ أميرة مسرعة: لا يا بابا، مش قصدي. أنا آسفة. بس أنا جوزي حياته في خطر ولازم أحميه. سليم فاهمها وقال: ماشي يا أميرة. ومش هسألك عن مكان رعد علشان هو في أمان معاكي. أميرة: حبيبي. يوسف: بس إيه الدخلة دي؟ ولا رئيس الجمهورية معدي. أميرة بغرور مصطنع: هو أنا أي حد يابني؟ أكرم: تباً لتواضعك يا شيخة.

أميرة: بس بس يا خرااابي. سليم: إيه يا أميرة؟ أميرة: نسيت أقولك إنك قمر في البدلة. بس قمرين في الجلابية. سليم بضحك: حرام عليكي، خصمتيني. أميرة: جنه. أكرم: مالها؟ أميرة: في المكتب هتنفخني. ياله. طلعوا من غرفة الاجتماعات ودخلوا المكتب. جنه: لسه بدري يا هانم. أميرة: بدري من عمرك سنيوريتا. شويه جدو سليم هنا اهو. جنه جريت عليه: سلومي. سليم: قلبه. جنه: هتيجي عندنا النهارده؟ سليم: آه يا روحي. أميرة: سوري يعني، في سؤال.

هيا ليه مرات عمو مش شفتها من يوم الحادثة؟ أكرم: علشان مش عاوزين مشاكل. إنتي فيكي اللي مكفيكي. وأنا عارف أمي. أميرة: أبيه، ممكن سؤال؟ يوسف: قولي يا ميرو. أميرة: ممكن مرام تنزل الشغل فترة بس؟ ولو علشان الحمل مش هتشتغل كتير. بس علشان نخلص المشروع. يوسف بابتسامة: حاضر يا أميرتي. أكرم: فيه بقا شوية ورق عاوزة أمضتك، بما إنك معاكي توكيل من رعد، صح؟ أميرة: صح. أكرم: هجيب الورق وأجي. يوسف: وأنا هروح المكتب.

سليم: وأنا هاخد جنه وهروح على الفيلا، بعد إذن أميرة طبعاً. أميرة: براحتك يا بابا. جنه: انتي بتوزعيني يا ميرو؟ أميرة بضحك: بس يالمظة. جنه: ماشي يا ميرو، يا به، يا سلومي. طلعوا وفضلت أميرة لوحدها في المكتب. وافتكرت مشهد ليها هي ورعد. Back رعد بضحك: اقعدي عدل، قعدة كده ليه؟ أميرة: ماله يعني؟ هتفرق قعدة المكتب من قعدة الكرسي. وبعدين بقراها كتير في الروايات، قولت أجرب.

رعد ضحك على طفولتها: ماشي يا ميرو، بس أقولك في مكان تاني أحلى من المكتب وبرده بيحصل في الروايات. أميرة بانتباه: إيه؟ شدها رعد على رجليه وأحاط بيديه خصرها بتملك وقال: إيه رأيك بقا في المكان ده؟ أميرة يتلاعب في القميص بتاعه: والمكان ده بتاع مين بقا؟ ولا بتاع الكل؟ رعد بيقرب أكتر: والله هو لحد الآن لاتنين بس. وممكن بعد كده يكون لـ 3 أو 5 أو 6. أميرة برفع حاجب: إيه؟ هو تعدد؟ ولا هتتجوز عليا؟ رعد بضحك: لا، إنتي وجنه.

وبعدين ولادنا. أميرة: أنا بس، وبعدين ولادنا مين؟ هو أنا أرنبة هتجيب كل ده؟ رعد: علشان أكون عادل، أنا عاوز أربعة منك وجنه يبقوا خمسة. أميرة نزلت من على رجله وجريت في المكتب: لا، أنا مش أرنبة، أنا... رعد بيجري وراها: خدي يابت، لو حد دخل علينا دلوقتي يقول إيه هبّتي؟ هتروح. أميرة: والله اطلع أجري بره وشوف بقا شكل الموظفين وهما بيضحكوا عليك يا رعود. رعد: يابنتي، اقفي بقا، معتش فيا حيل أجري. أميرة: أيوه اعترف، انت عجزت.

رعد: أنا عجزت، ماشي. وفي دقيقة كانت أميرة تجري لرعد، وقعوا على الكنبة. أميرة: رعد، قوم. رعد: لا، هنا عاجبني أوي. وقبل خدها. أميرة: يارعد، قوم، حد يدخل علينا. رعد ويقبل خدها التاني: عادي، مراتي وأنا حر. أميرة بتوتر: يارعد. رعد قرب من شفايفها ولسه هيقبلها، سمع صوت الباب. أميرة: يا خرااابي. رعد: والله ما أنا قايم. أميرة: يارعد، اللي بره هيفتح ويدخل. رعد: طب هقوم، بس بينا حساب تاني يا جميل. أميرة: ماشي. Fact فاقت

أميرة على خبط الباب وقالت: ادخل. دخل أكرم وقال: إيه يا بنتي؟ بقالى كتير بخبط. أميرة: معلش يا أكرم، سرحت شوية. أكرم بتفهم: ولا يهمك. الورق اهو، اقريه براحتك وامضي. أميرة: حاضر. بدأت أميرة تقرأ الورق ومضت عليه. وسلمت الورق لأكرم وقالت إنهم كلهم هيتجمعوا على العشا عندها في البيت. طلعت أميرة من الشركة وركبت عربيتها واتجهت إلى القصر. وعند وصولها فتحت أبواب القصر ودخلت أميرة وطلعت غيرت ملابسها لفستان مريح وشوز خفيف.

ودخلت الجناح. أمل: حمد الله على السلامة يا فندم. أميرة: الله يسلمك. امل: امال جنه فين؟ أميرة: جنه في الفيلا مع جدها وهييجوا بليل كلهم. أمل: ماشي يا فندم. أميرة: ماشي، أنا هقعد مع الأولاد وانتي روحي. أمل: ok. طلعت أمل وفضلت أميرة. أميرة: يا عيال يا ولاد رعد، هو انتوا مش بتعيطوا ليه؟ انتوا ساكتين على طول. وانت ياض يابو عيون خضر. عندي واحدة عيون زرق وواحد عيون خضر. وانت يا مالك شبه رعد، عيونك زيتوني. انتوا مزز أوي.

نهار أبيض، أنا بكلم نفسي. حل الليل وجت العيلة كلها اتجمعت عند أميرة في القصر. أميرة: لا بجد حلوة القعدة دي. وانتي يا ياسمين لسه بتاكلي. ياسمين: فكرتيني، أنا سبت عندي من أسبوع شوكولاتة. هيا فين؟ أميرة: عاوزة الحق ولا ابن عمك؟ ياسمين بخبث: الحق. أميرة: شفتي، مش أنا لوحدي. هدي: بس كفاية، سيبوها تاكل. ياسمين: خلاص، نفسي اتسدت. مرام: طب هاتي بقا، أنا جعانة. جنه: بااااس، عرفت هناكل إيه. ياسمين: إيه يا قلب عمتك؟ إنتي.

جنه: بيتزا وكمان من المطعم. وعلى حساب مامي. كلهم ضحكوا عليها. أميرة: جاية عليا بخسارة. جنه: الفلوس فين يا ميرو؟ أميرة: انتي الوحيدة اللي عرفة الفلوس فين. جنه: أقولهم فين؟ يوسف: فين يا جنه. جنه: لا، عيب وحرام. أكرم: هجبلك بوكس لعب وشوكولاتة. جنه: هيا عاينه شوية في البدلة بتاعة بابي فلوس عادية. وفي بقا بتاعة كده زي الكارت. بس في منها كتير في الخزنة اللي جوه. أميرة: عوضي عليا يارب. بنتي باعتني علشان بوكس.

ياسمين: هتجيبي بيتزا ولا لا؟ أميرة: هجيب حد يطلب عقبال ما أعمل مكالمة. ♥️♥️♥️♥️♥️♥️♥️♥️♥️♥️♥️♥️ طلعت أميرة تعمل مكالمة. الحوار مترجم. أميرة: أهلاً دكتور. جان: مرحبا أميرة هانم. أميرة: متى تصل إلى مصر؟ أريدك ضروري. جان: قريباً سأصل إلى مصر وأعالج رعد بيه. أميرة: إنه موضوع لا يجب على أي أحد أن يعرفه يا سيد جان. ونبه على جميع الممرضين أن رعد المنشاوي ليس له مكان. وإذا أحد عرف سوف أقطع رأسكم جميعاً. جان بخوف: أمرك سيدتي.

أميرة: حسناً، سوف أغلق في ظرف يومين تكون في مصر دكتور جان. جان: أمرك سيدتي. أميرة: حسناً، سوف أغلق في ظرف يومين تكون في مصر دكتور جان. جان: أمرك سيدتي. دخلت أميرة جوه. أكرم: مكالمة شغل؟ أميرة: احم، لا. يوسف: إشطا، البيتزا في الطريق. إيدك على الفلوس. أميرة: كام؟ يوسف: 1000 جنيه بس. وبالمشروبات الـ 1100. أميرة: ليه؟ طلبوا إيه؟ يوسف: ياسمين لوحدها بـ 300 جنيه. أميرة: ماشي، بالهنا. قضوا يوم جميل واتعشوا وهزروا.

ودا كان اليوم الوحيد اللي أميرة بتتعامل فيه عادي. خلص اليوم وطلعت أميرة علشان تحكي لرعد كل حاجة عن يومها. أميرة لرعد: رعدي، أنا روحت الشركة وجيت. قعدت أكلمك مع أنس ومالك وفردوس. وكمان ماما وبابا ومرام ويوسف وأكرم وياسمين جم هنا وقضينا يوم حلو. عارفه إنك زعلان علشان مش قلت لهم إنك في القصر، بس دا لمصلحة الكل والله. طلعت جنبه ونامت جنبه وقالت: عارف أنا كل يوم بحمد ربنا إنك معايا. نفسي تضمني زي زمان يا رعد.

نفسي أدخل في حضنك تقولي مش هطلعك منه. بحبك أوي، لا بعشقك، بقيت إدمان ليا. حست أميرة بحاجة غريبة واستغربت. لاكن انصدمت. أميرة بصدمة: ...