رواية اميرة الرعد الفصل السابع 7 - بقلم ندى الشرقاوي

وصلت عائلة المنشاوي إلى الفندق. نزلت أميرة وجنة، ونزل رعد سريعًا حمل أنس ومالك. أميرة حملت فردوس، وأكرم حمل تاج. الجميع وصل. نظرت أميرة بانبهار من جمال الفندق الذي يأخذ القلوب والعقول. كان هناك خبر بأن رعد سيزور الفندق، وكان في طاقم كامل من العمال الأجانب لاستقبالهم بالترحيب. المدير: أهلاً يا فندم، اتفضل. رعد: أهلاً بك. الغرف جاهزة؟ المدير:

آه يا فندم. اتفضلوا في الاستقبال، أو لو تحب تطلع على الجناح على طول، مفيش مانع. رعد (لهم) تحبوا إيه؟ أكرم: نطلع أحسن، لآني تعبت من السواقة. يوسف: آه يا ريت، علشان مرام تعبت. رعد: تمام، اتفضلوا. المدير: اتفضلوا يا فندم، والشنط هتطلع على الغرف حالًا. رعد: تمام. ركبوا المصعد وطلعوا. رعد: إحنا الغرف جنب بعض علشان لو حصل حاجة. سليم: تمام. تحب ناخد أنس أو مالك يفضلوا معانا علشان هيكونوا كتير عليك؟ رعد (بابتسامة)

لا تمام، أنا أصلاً جبت واحدة تفضل معاهم. أخذ رعد وبدأ يفتح الباب، بس فتح بصعوبة بسبب شيله لأطفاله. كل واحد دخل غرفته، بس رعد كان جناح لأنهم كانوا كتير. أميرة: حلو قوي الفندق ده يا رعد. رعد (بابتسامة) عجبك؟ أميرة: يجنن، ما شاء الله. جنة (وهي نائمة) مامي عاوزه أنام. أميرة: حاضر، دقيقة هحط فردوس وألبسك البيجامة بتاعتك وتنامي يا جنة. جنة: تمام. رعد: واهو أستاذ أنس نايم كالعادة. أميرة: غيبوبة نوم، معرفش طالع كده لمين. رعد

(بسخرية) آه والله، متعرفيش طالع لمين. أميرة (ببراءة كالعادة) آه والله. 🤷‍♀️ رعد: طب وأخو مالك اللي مش ناوي ينام بقى؟ أميرة (بثقة) مابينامش غير في حضني. رعد (بصوت عالي) يبقى مش هينام النهارده يا أختي. أميرة: تؤ تؤ، هينام، هاتيه بقى. رعد: علشان نكون على نور، هدخل آخد شاور، تطلع يكون نام. أميرة (بضحك) حاضر. أميرة غيرت ملابس جنة ونامتها، وشالت مالك. أميرة (بضحك) والله يا ابني أنا خايفة عليك من أبوك ده لما تكبر. رعد

(من الداخل) متحضنينيش أوي يا أميرة. أميرة (وهي تقبل مالك) حاضر يا روحي، بيني وبينه مترين. ضحك رعد على مزح صغيرته. أكرم: أحلى حاجة حصلت السنة دي إننا جينا هنا. ياسمين (وهي تحضنه من الخلف) عندك حق. أكرم: تعرفي أنا زعلان منك أوي. ياسمين (باستغراب) ليه؟ أكرم: مكنتش عاوز أقول بس بجد، انتي من ساعة الولادة وانتي مش مهتمة بيا خالص. قولت إنك لسه صغيرة وشايلة حمل كبير، بس أنا... ياسمين (بتفهم)

أنا فاهماك وعارفة إني مقصرة معاك والله، بس أنا خايفة أقصر مع تاج. أكرم (يقبل يداها) ومين قال إنك مقصرة؟ ما أنا جايب واحدة تساعدك، صح؟ غير الخدم اللي في الفيلا. طب أميرة وأصغر منك ومعاها 3 أطفال، ربنا يبارك. ياسمين (دخلت جوه حضنه) طب خلاص، أنا آسفة. أنا عرفت غلطي. أكرم (بزعل) أنا مش بقول كده علشان تتأسفي، انتي عارفة إني مش بحب إنك تتأسفي. إحنا بنتكلم عادي، صح؟ ياسمين (تقبل خده) فهمت يا عمري.

طلع رعد ومنشفة حول خصره ومنشفة تانية ينشف شعره من قطرات الماء. أميرة كانت بتظبط ملابسها وأحست بقطرات ماء على أيديها. بصت لقت رعد واقف قدامها. أميرة (بارتباك وخجل من هيئته) انت... انت... في... رعد (وهو يقرب أكثر) إيه يا أميرتي، في إيه؟ أميرة: لا، أصل انت يعني... رعد: إيه يا ميرو، متوترة ومرتبكة وخدودك قلبت على فراولة كده ليه؟ أميرة (حطت أيديها على خدودها) آه... خدودي. رعد (وهو يلمس على خدها التاني)

وبقت سخنة كده، والواحد بقى عاوز ياكلك كده. أميرة: أنا... أنا عاوزة آخد شاور. فسح رعد لها الطريق وقال: اتفضلي يا عمري، عقبال ما البس. أميرة: أوكي. دخلت أميرة الحمام. أميرة: إيه ده؟ أنا سخنت؟ لا واحمريت؟ ما هو إزاي برضه يطلع كده؟ إيه يا أميرة، انتي هبلة؟ ده جوزك. رعد (من الخارج) أميرة، متتكلميش في الحمام يا ماما، هتتلبسي. أميرة: يامااااامي.

أخدت أميرة شاور ولبست بيجامة جميلة عبارة عن شورت قصير جدًا وتيشرت بحمالات رفيعة، وشعرها على هيئة كعكة. وطلعت، كان رعد جالس على السرير عاري الصدر، يرتدي بنطلون فقط، وتظهر عضلاته السداسية بمنظرها الجذاب، ونايم على السرير ينظر إلى هاتفه بملل. أميرة: انت منمتش يا روحي؟ رعد (بخبث) لا، أصل أنا بنام زي ما مالك بينام، ابني بقى وشبه بعض. أميرة: آآآه، قولتلي. قام رعد من على السرير وتوجه إليها، وحضنتها من الخلف. رعد:

إيه رأيك نطلع نقعد بره شوية وكده كده كلهم ناموا؟ نطلب حاجة ونقعد، الجو جميل. أميرة (بفرحة) فكرة جميلة أوي، ياله نطلع. وجت تمشي، مسكها رعد من البيجامة. رعد: انتي هتطلعي كده؟ أميرة: فيها إيه يعني؟ ما فيش حد جنبنا. رعد: هتلبسي حاجة عدلة ولا تقعدي على السرير؟ اختاري. أميرة: هدخل ألبس حاجة يا ظالم. رعد (بضحك) روحي يا قلب الظالم. دخلت أميرة ولبست روب طويل على البيجامة اللي كانت لابساها، وطلعت. أميرة: هااا، كده كويس؟ رعد:

آه كويس يا أختي، ادخلي. دخلت أميرة، وكانت عبارة عن بلكونة صغيرة وفيها مكان يقعدوا فيه، مطلة على البحر. رعد: تعالي يا أميرتي. قعد رعد وقعد أميرة في حضنه وقفل إيده عليها. رعد (بحب) نفسي نفضل كده بعيد عن الدوشة وبعيد عن كل حاجة. تعرفي بحمد ربنا إنك دخلتي حياتي. لو مش كنتي في حياتي كان إيه اللي هيحصل؟ كنت هفضل أنا وجنة لوحدنا. أميرة: بس أنا دلوقتي معاك، وبقينا عائلة جميلة أوي أوي.

نظر إليها رعد بعشق، فهو يعشق كل تفصيلة بها. عيونها الزرقاء التي يسرح فيهم مثل البحر، وشعرها الأحمر الناري، وشفتها مثل الكرز. رعد: نفسك في إيه يا أميرتي نعمله واحنا هنا؟ أميرة (بتفكير) وهتنفذ؟ رعد: عمري ما أرفض طلب ليكي. أميرة: نفسي في غزل البنات.... وأجري على البحر.... وأدخل الصحرا. رعد (وهو يضحك على تفكيرها الطفولي) وإيه تاني؟ قولي. أميرة: وأروح الملاهي. رعد (ويقبل يداها) بس كده، من عيوني. الباب خبط. رعد:

خليكي هنا، وأنا جاي. أميرة: تمام. طلع رعد ولبس تيشرت وفتح الباب وأخذ المشروبات ودخل. رعد (بابتسامة) آهو يا ستي، الشوكولاتة بتاعتك. أميرة (بابتسامة) حبيبي. ومدت أيديها وأخذته. قعد رعد وفضلوا باصين للسماء. أميرة (باستعطاف وبراءة) رعد، ممكن شوية من القهوة بتاعتك؟ رعد (بصرامة) لا. أميرة: حبه صغننين خالص خالص. رعد: برضه لا، القهوة غلط عليكي. احمدي ربنا على الشوكولاتة بدل ما كنت هجيب لك عصير وخلاص. أميرة: ظالم، ظالم. ضحك

رعد على منظرها وقال بخبث: تمام، بس هاخد مقابل. أميرة: موافقة، موافقة. أخذت أميرة القهوة من يد رعد وأخذت أقل كمية من القهوة. رعد: كفاية عليكي كده. أميرة: هو أنا لحقت؟ ماشي يا رعد. رعد: بس يا طفلة. أميرة: أنا معايا أربع أطفال، وتقولي طفلة؟ انت اللي عجزت. رعد: نعم؟ عجزت؟ مين ده؟ أنا مصر كلها بتجري ورايا. أنا 32 سنة يا ماما. بس بس، أنا رعد المنشاوي. أميرة: مصر كلها إيه؟ محدش يعرفك في مصر غيري. بس بس. رعد: طب إيه؟

مش أخذتي القهوة؟ فين المقابل؟ أميرة (باستعباط) مقابل إيه؟ رعد: هعرفك أنا دلوقتي. وشالها. أميرة: انت بتعمل إيه؟ نزلني، عاوزة أشرب ميه. رعد: بس بس، اسكتي. لما آخد المقابل. أميرة: هصوت وألم عليك الفندق كله. رعد: صوتي؟ متعرفيش إن الجناح بتاعي عازل للصوت. أكمل رعد طريقه إلى السرير ونزلها وقرب منها. أميرة: يارعد. قبلها على خدها. أميرة: رعد. قبلها مرة ثانية، ولمس بأنامله شفتيها التي مثل الفراولة الطازجة. رعد (بعشق)

نعم يا روح قلب رعد. وبيقرب، سمع صوت بكاء مالك. رعد (بغيظ) يا ابن الـ... رعد: منك لله يا أكرم، منك لله. عينك في كل حاجة. أميرة: طب عاوزه أقوم. رعد (قام) قومي يا أختي، قومي. قامت أميرة وشالت مالك وبدأت تهديه، ورجع نام تاني. رجعت أميرة لرعد. أميرة (بين النوم) ياله، تصبح على خير بقى، عاوزة أنام. رعد (بابتسامة) طب تعالي نامي، علشان بكرة ننزل الـ pool. أميرة: تمام. نام رعد وأميرة. بعد خمس دقائق. أميرة (وهي تقلب على السرير)

رعد. رعد: إيه يا ميرو؟ أميرة: عاوزة أنام. رعد: طب ما تنامي. أميرة: ما أنا مش بنام كده. رعد (بضحك) أمال عاوزة تنامي فين؟ أميرة (وأشارت عليه) رعد فتح لها دراعه، دخلت أميرة جوه حضنه زي البيبي الصغير، وناموا. إحساس حلو إنك تكون قريب من شخص وحاسس معاه بالأمان، ومتاكد إن مهما يحصل هو المكان الأمان ليك، وعمره ما هيغزلك أو يتخلي عنك. 🌷🌷🌷🌷🌷🌷🌷🌷🌷🌷🌷🌷🌷🌷

في صباح يوم جديد، تشرق الشمس على صوت زقزقة العصافير. حياة هادئة دون أي خلافات. في غرفة مرام ويوسف: يوسف: مرام، مرام، انتي فين؟ مرام: أنا هنا يا حبيبي. يوسف: صاحية بدري يعني؟ مرام: مفيش عادي، صحيت قولت أقعد شوية. الجو جميل. يوسف: تمام. صباحك فل وياسمين. مرام: حبيبي، هننزل ولا إيه؟ يوسف: آه، لما الباقي يصحى هننزل نفطر ونقضي اليوم بره. مرام (بفرحة) تمام. 🌸🌸🌸🌸🌸🌸🌸🌸🌸🌸🌸🌸🌸🌸 عند سليم وهدي: سليم:

أحلى حاجة إن سامية دماغها هديت وسابتها من لعب العيال والانتقام ده. هدي: ربنا يهدي يا رب. سليم: يارب. أحلى حاجة إن رعد بقى عنده عيلة وأولاد. هدي (بابتسامة) الحمد لله. أكتر حاجة كنت خايفة منها إن أميرة متتقبلش جنة، بس بتحبها أكتر من عيالها، ومش بتفرق بينهم أبدًا. سليم: ربنا يهدي الحال ويوفقهم ويرزقهم الذرية الصالحة. هدي (بضحك) هو رعد ناوي يخلف تاني؟ سليم (بضحك) لو تعلمي، عاوز يكمل الدستة. هدي: حرام عليكي!

البنت لسه داخلة في الـ 22. 😂😂😂 🌏🌏🌏🌏🌏🌏🌏🌏🌏🌏🌏🌏🌏 عند رعد، كان صاحي من بدري وقاعد يتفرج على صوره هو وأميرة لما كانوا لابسين سوا نفس اللون. أميرة (جت حضنته من الخلف) رعد بيعمل إيه؟ رعد (بابتسامة وقبل يداها) رعدك بيتفرج على الصور بتاعتنا. أميرة: امممم، بجد؟ طب ياله نلبس. رعد: تمام. المربية جت وهتقعد مع الأولاد، لأننا مش هنعرف نوديهم. هيتعبوا مننا. هناخد جنة. أميرة: تمام. صحي جنة بقى عقبال ما آخد شاور. رعد: تمام.

راح رعد يصحي جنة. رعد: جنة، جنة. جنة (وهي نائمة) أوس، الميس هتزعق. رعد (باستغراب) أوس؟ أوس مين ده؟ جنة، جنة. جنة (وهي نائمة) بعد ما الميس تمشي هنلعب سوا، بس بقى. رعد: قومي يا بنت الـ... جنة: بجد هتتجوزني زي بابي ومامي؟ رعد (بصدمة) هيا حصلت؟ يا بنت أميرة! طب أعمل إيه؟ أغسل عاري بإيدي؟ وقال في نفسه: عار إيه؟ انت اتهبلت؟ بنتك أربع سنين. رعد: جنة، جنة، جنة، جنة. قومي يا غيبوبة. جنة (صحت فجأة وقامت) إيه؟ في إيه؟ مين مات؟

رعد (مسكها من البيجامة) مين أوس ده يا بت؟ جنة: بابي، أوس أوس مين؟ رعد: لا، اصحى كده. براحة. انتي لسه مفوقتيش زي أمك. جنة: أوس ده زميلي في الكلاس يا بابي. في حاجة؟ رعد: لا يا روح أبوكي. روحي البسي، وأنا هشوف أوس هيدفع مهر كام. جنة (باستغراب من كلام رعد) تمام. بعد مرور الوقت، كله جهز. وكانت أميرة لابسة بنطلون أسود وتيشرت أبيض وشوز بنفس اللون.

وياسمين لابسة فستان لبني وطرحة بيضاء، وكانت في قمة الأناقة والجمال، وشوز أبيض. ومرام لابسة فستان أزرق جميل وواسع وخمار يليق بها، وكانت مثل الحورية في الملابس المحتشمة، وشوز أبيض. وجنة لبست شورت جينز وتيشرت باللون الأحمر. رعد: إيه؟ ياله نفطر بقى. أكرم: آه، كلنا موجودين. رعد: تمام. نفطر ونطلع نكمل اليوم بتاعنا. سليم: تمام. راحوا يفطروا. 💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐 المجهول:

نفذ كمان يومين بالضبط، ولو طلبت إنك تخلص عليهم، اعملها. لازم آخد الحق بتاعي. المجهول: تمام. الرجالة جاهزة. ولو حصل حاجة، هنخلص عليهم كلهم، وأهو السمك جعان. المجهول: تمام. (ناس وحشة أوي 😥) 👌👌👌👌👌👌👌👌👌👌👌👌👌👌 بعد ما فطروا وقاموا. رعد: تحبوا نبدأ منين؟ أكرم: والله أنا بقول نطلع نقعد شوية على البحر، وبعدها نعمل diving. يوسف: رأي من رأيه برضه. أميرة: وأنا موافقة. ياسمين: وأنا. مرام: وأنا، بس هعمل diving إزاي ببطني دي؟ ياسمين:

لا ياحلوة، انتي هتقعدي مع ماما. مرام: لا، مليش دعوة. يوسف: ياروحي، أنا هخليكِ تعملي كل اللي انتي عاوزاه يا ذات الخمار، يا حورية قلبي. أميرة: إيه يا عم؟ إحنا موجودين. ياسمين: إيه المحن ده؟ يوسف: انتوا مالكوا؟ أكرم: اتعلمي يا أختي. ياسمين: ياله بقى، بس يا أكرم، هو أنا مش قيلالك بحبك من شهرين؟ أكرم: الطم! من شهرين يا مفتري! أختك أهي، علشان لما الجيران يجوا يحوشوا بينا، مليش دعوة. ياسمين: على فكرة، جو السكاكين لسه موجود.

أكرم: احممم. طب ياله علشان نلحق بقى. رعد: أنا بقول كده برضه. والفندق مش ناقص دم ولون أحمر، خليها في البحر يا ياسمين، محدش هيحس. وأنا أخوكي في ضهرك. وانت يا أكرم، بنتك أنا هربيها. أكرم: يالهوي عليا وعلى سنيني السودة. ياله يا عم، السياح بيبصوا علينا. طلعوا وراحوا على البحر، وكان جو جميل وقعدوا يهزروا ويلعبوا. وأميرة تجري على البحر ورعد بيجري وراها، كأنه يركض خلف ابنته مدللته.

رعد جري ومسكها من خصرها وشالها، وفضل يلف بيها وهيا تضحك. أميرة: ههههههه، كفاية، كفاية. رعد (بضحك) مش ده اللي انتي عاوزاه؟ خلاص بقى، نتمتع. وشالها وفضل يجري بيها على البحر. والناس بتتفرج عليهم وبيستغربوا مين اللي بيعملوا كده، وبيستغربوا أكتر لما يعرفوا إنه صاحب الفندق، إزاي المفروض يكون عاقل وليس مثل الشخص الذي أمامهم. أكرم: تيجي نتجنن شوية؟ ياسمين (بخوف) هتعمل إيه يا مجنون؟ وقامت تجري. مرام: إيه؟ خليك انت عاقل. يوسف:

كان على عيني والله، بس انتي اتخنتي أوي. مرام: قصدك إيه بقى؟ إن إني مش بقيت حلوة، وإنك مبقتش تحبني؟ يوسف: الهرمونات طلعت. تعالي يا قلبي، نتمشى. عن إذنك يا عم. سليم: روح، الله يكون في عونك. وجنة قاعدة تلعب. بعد مدة، رجع رعد وأميرة بيضحكوا، بس كان في ولد معاهم. رعد: مين ده يا جنة؟ جنة: أعمل إيه؟ انت خدت مامي ومشيت، وأكرم خد ياسو، وأكرم خد مرام ومشيوا. أعمل إيه؟ جيت لعبت مع كريم. رعد: يالهوي! بت!

انتي من الصعيد شوية أوس، وشوية كريم. جنة: وفي أحمد ومصطفى ويوسف، بس أوس مش عاوزني ألعب معاهم بقى. أميرة: وانتي بتعملي إيه دلوقتي؟ جنة: بنلعب. كريم: عمو، عمو. رعد: نعم يا حبيبي. كريم: جوزني جنتي. رعد: اجري ياله، العب بعيد ياله. مامي بتناديك. رعد: انتي يا بت! اتهدي بقى، خدتي ولاد مصر كلهم، كفاية. جنة (بلا مبالاة) وأنا مالي؟ هما بيحبوني. رعد: بنتك هتجيبلي جلطة. أميرة: قلب مامي قمورة وتتحب. رعد:

هتموتوني انتوا الاتنين. حسبي الله ونعم الوكيل. ياله علشان نشوف حاجة تانية نعملها. أميرة: ياله. اتجمعوا واتفقوا يعملوا diving، لكن مرام لا بسبب الحمل. يوسف: أنا مش هنزل معاكوا. مرام: لا، روح. أنا هقعد مع أونكل سليم وطنط هدي. يوسف: وأنا هقعد معاكوا عادي. مرام: يا بني، أنا كويسة. وبعدين ما هنكمل اليوم سوا، ياله روحوا بقى. أكرم: خلاص، ياله يا يوسف.

تحركوا وراحوا يجهزوا، ولبسوا وجهزوا وركبوا اليخت. وصلوا نص البحر وبدأوا في القفز. وكان المنظر جميل، والشعب المرجاني والمنظر الجميل والأسماك بألوان مختلفة. خلصوا اليوم، وكان يوم جميل أوي بين البحر و diving. وراحوا قعدوا في كافيه على البحر بليل، وكان يوم ممتع وجميل. أميرة: آآآه، معنتش قادرة، رجلي. ياسمين: وأنا كمان. مرام: عارفين ناقص إيه؟ غزل البنات. أميرة: عندك حق. رعد، هات غزل البنات. رعد:

أجيب منين غزل البنات دلوقتي؟ أكرم: بكرة، بكرة. ياسمين: لا، دلوقتي، لسه بدري. ياله. سليم: طب أنا هطلع وأطمن على الأولاد وأنام بقى. عيا، ياهدي. هدي: تصبحوا على خير يا حبايبي. الجميع: وإنتوا من أهل الخير. ....... مش معقول رعد. أكرم: يامصيبتك يا فوزي. يوسف: مكنش يومك يا حبيبي. 🌷🌷🌷🌷🌷🌷🌷🌷🌷🌷🌷🌷🌷 تفتكروا مين نده على رعد؟ والمجهول بيحطط لأي تاني؟ ومين المجهول؟