رواية اميرة الرعد الفصل السادس 6 - بقلم ندى الشرقاوي

وصلت أميرة الحفلة هي وجنة. نزلت من السيارة بمرافقة الحرس، وفي قمة الثقة والكبرياء، لأن الوقت الحالي يتطلب القوة، فهي أميرة المنشاوي، اسم لا يستهين به أي أحد. بدأت الصحافة تصورها هي وجنة. أحد الصحفيين: هل مستر رعد ما زال في غيبوبة؟ أميرة: السؤال ده هجاوب عليه في الحفلة، أكيد حضرتك هتكون جوه تسمع الإجابة بقى. الصحفي: هو فعلاً حضرتك خلفتي من رعد المنشاوي؟ أميرة: أمال كان عندي انتفاخ.

فسح الحرس الطريق لأميرة ودخلوا، واستقبلهم الجميع أحسن استقبال. أكرم: أهلاً بسنيوريتا. أميرة: أنا ولا جنة؟ أكرم: جنة طبعاً. تعلقّت جنة برقبته وحملها. جنى: حلو فستاني. أكرم: قمر يا روحي. ياسمين: أميرة داخلة زي الأميرات. أميرة: قلبي طبعاً، تاج في القصر. ياسمين: آه بصي بصي، مرام جايه إزاي. دخلت مرام ويوسف، ومرام تعبث مثل الأطفال. مرام: شفت يا يوسف هما شكلهم حلو إزاي وأنا شبه البطيخة.

يوسف بقلة حيلة: يا حبيبتي إنتي حامل، والله هما كانوا زيك بالظبط، وبعدين إنتي جميلة أوي، حتى اسألي جنة. جنى: آه يا طنط، إنتي جميلة خالص. مرام بفرحة مثل الأطفال: بجد؟ جنى: آه، يالا هاتي النونو بقى عشان بقى عندنا بيبيهات كتير أوي في القصر. يوسف: قريب يا روحي. أميرة: بابا هيجي أمته؟ أكرم: المفروض يكون وصل. مدام أميرة. أميرة بابتسامة مصطنعة: مستر معتصم، أهلاً بيك. معتصم

بإعجاب من جمالها وفستانها: أهلاً بيكي، أحب أقول لحضرتك إنك جميلة أوي. أكرم: وإيه تاني يا حنين؟ معتصم: لا يا أكرم، أنا بعبر عن إعجابي بس مش بعاكس. جنى بصوت واطي ليوسف: من عمو الرخم ده. يوسف: بس عيب يا جنة، بس إنتي عندك حق برضه. أميرة: شكرًا لذوقك. معتصم لجنى: مين القمر دي؟ جنى: جنة رعد المنشاوي. معتصم: بجد؟ إنتي عندك بنت كبيرة كده؟ أميرة: آه، عندي أربع أطفال. عن إذنك بقى، الحفلة هتبدأ، يالا يا جماعة. الباقي: يالا.

معتصم بصدمة: دي عندها أربعة؟ ليه دي مكملتش الـ 22 سنة. بدأت الحفلة، كل الناس حضرت، وكبار رجال الأعمال، وسليم المنشاوي، وجنة. سيدة: طبعاً كلنا عارفين إن شركة المنشاوي حققت رقم كبير آخر فترة، وكمان من غير رعد المنشاوي، واشتغلت على مشاريع كتير، والفضل يرجع لمدام أميرة، أصغر سيدة أعمال في الشرق الأوسط، وشركة المنشاوي بقت من الشركات العالمية. والحفلة دي لتكريم أصغر سيدة أعمال وهي أميرة المنشاوي.

صفق الجميع بفرحة لأميرة، وأميرة كانت فرحانة بنجاح اللي حققته. وأحمد كان فرحان لبنته باللي وصلتله. طلعت أميرة وهي فرحانة.

أميرة: طبعاً أنا مبسوطة بلقب أصغر سيدة أعمال. أنا اتغيرت في الفترة الأخيرة وأنا فرحانة بالتغير ده، بس أنا مش سيدة أعمال، أنا طالبة في كلية طب. آه، متستغربوش، أنا طالبة، بس ميضرش إني هفضل في الشركة. وشكراً إني اتعرفت عليكي، والفضل يرجع لأكرم المنشاوي، هو كان شايل الشركة برضه هو وأستاذ يوسف. وأنا كده خلصت ومستعدة لأي سؤال. الصحفي: أستاذة أميرة، حضرتك نفيتي إن رعد المنشاوي في غيبوبة، طب إزاي؟ هو فين؟

أميرة: مين قال إن رعد في غيبوبة؟ الأخبار دي كاذبة. استغربت العيلة، وبالأخص سليم. الصحفي: فين رعد المنشاوي طيب؟ أميرة: ليه؟ السيدة: بعتذر عن قطع الحديث، بس بنحب نقدم اللقب لأصغر سيدة أعمال. أميرة: ميرسي، أنا مش هستلمه، شخص تاني. وفجأة انطفأت الأنوار، وفتحت، ودخل رعد وهو في قمة الوسامة. دخل بثقة، واستغرب الحضور جداً. إزاي بدأت الكاميرات تصور، والصحافة والعائلة في حالة ذهول. طلع رعد لأميرة واحتضنها أمام الجميع.

أميرة: أهو رعد المنشاوي، مين بقا اللي قال إنه في غيبوبة؟ رعد كان مسافر بره مصر للاستراحة والاستمتاع بعيد عن الشغل، وطبعاً الحادثة اللي حصلت كان لازم يفصل عن كل حاجة شوية، وأنا بنفسي كنت بسافر بره مصر. نظر لها رعد بذهول من كلامها. وجاءت كلمة رعد.

رعد: مش عارف أقول إيه بجد، بس أنا عايزة أشكر أميرة على كل اللي عملته بجد، وإنها أحسن زوجة في العالم، وربنا يقدرني وأسعدها. وبارك الله فيها على لقب أصغر سيدة أعمال، وشكراً جداً. ومسك إيد أميرة ونزلوا. جرت جنة عليهم وشالها رعد، وبدأت الكاميرات تصور. سليم: رعد. رعد جري: بابا. وحضنه بشوق كبير أوي واشتياق. سليم: حمد الله على السلامة يا رعد. رعد وهو يقبل يداه: الله يسلمك يا بوي. أكرم: حمد الله على السلامة يا صاحبي.

رعد وهو يحتضنه: الله يسلمك، وهنفخك عشان بتقول لأميرة "ميروو". أكرم: طيب سلام أنا بقى. رعد: تعال يا خواف. يوسف: وحشتني أوي. رعد: وأنا كمان يا جوو. ياسمين بدموع: رعد. رعد وهو يحتضنها بشوق ولهفة: ياسمنتي القمر اللي جابت أجمل تاج على الأرض. ياسمين: وحشتني أوي. رعد: وإنتي كمان يا قلب أخوكي. أكرم بغيرة: كفاية يا حنين. رعد برفع حاجب: عاجبك ولا مش عاجبك؟ أكرم: عاجبني يا ريس. أميرة بعبث: طب إيه؟ أنا مش هتحضن؟

رعد بضحك: لا إزاي. ساب ياسمين وراح لأميرة وشالها وفضل يلف بيها. أميرة: خلاص خلاص، هقع. رعد: تفتكري وإنتي معايا ينفع تقعي؟ أميرة بابتسامة وهي تبص في عينه: لا. أحمد: حمد الله على السلامة يا رعد. رعد: الله يسلمك يا عمي. وفاء: حبيبي، حمد الله على السلامة. رعد: الله يسلمك يا فوفا يا قمر إنتي. أحمد: إنت بتعاكس مراتى؟ رعد: آه. أحمد: طيب. ضحك الجميع عليهم. رعد: طب يالا نطلع على القصر عشان الناس بدأت تبص علينا. الباقي: يالا.

طلعوا من الحفلة وبدأوا يتحركوا. السواق: اتفضلي يا فندم. أميرة: لا، اتفضل إنت. وحدة المفاتيح. وأدتها لرعد. رعد: إيه؟ أميرة: يالا. خد رعد المفتاح وجنة وأميرة ركبوا. أميرة: رجوعك فرحني يا رعدي. رعد وهو يقبل يدها: ديماً فرحانة يا أميرتي. جنى: يانووحي. رعد بغيظ: بس يابت، مروحتيش مع أكرم ليه؟ جنى بعدم فهم: معرفش، أكرم قالي روحي معاهم، محرم. هو يعني إيه محرم؟ رعد بغيظ: ماشي يا أكرم يا بن سامية. واستمر في السواقة.

رعد: أميرة، إيه العربيات السودا دي كلها؟ أميرة: الحراسة يا حبي. رعد: كل ده يا أميرة؟ أميرة: عادي، بينفعوا، نفعوني وقت ضرب النار، وفيردوس معايا. رعد: طيب يا روحي. أميرة: إيه رأيك نطلع كلنا سفرية حلوة؟ رعد: فكرة، أنا وإنتي والولاد. أميرة: والعيلة كلها. رعد: موافق يا قلبي، تحبي نروح فندق شرم الشيخ؟ أميرة باستغراب: فين ده؟ رعد: الطم يا أميرة، إنتي متعرفيش إنتي عندك إيه. أميرة: يا عم وأنا مالي.

رعد: يا عم، أمال بابي راحت فين؟ جنى بتحذير: باااابي. رعد بخوف مصطنع: يا روح بابي. أميرة بضحك: هههه، يا روح بابي، يالا بقى عشان لوكا وحشني. رعد بغيرة: نننعم يا عنيا. أميرة: إيه؟ وانوس ودوسة؟ رعد: وإيه يا أختي، وإيه؟ أميرة: في إيه؟ رعد: لما نوصل. وبعد مرور الوقت، وصل رعد وأميرة القصر، وكانوا الجميع وصلوا. ونزلوا، انس ومالك وفردوس وتاج. رعد: منورين يا جماعة. أكرم: نورك يا غالي، بس قولي مراتك خبتك فين؟

إحنا قلبنا كل مصر كلها. أميرة: عايز تعرف كان فين؟ أكرم: أكيد. أميرة بضحك: كان هنا في القصر. إيه رأيك؟ أكرم ويوسف: 🤪🤨🙄😳😲 يوسف: إيه ده؟ برضه مفهمتش، كان فين؟ أميرة: كان في القصر هنا، وكان في دكتور من بره مصر متابع حالته، وأهو وصل. أميرة: مرحبا دكتور جان، هل سوف تغادر الآن؟ جان: أجل، سوف نغادر الآن. أميرة: حسناً. رعد: أشكرك دكتور جان. جان: لا يوجد شكر، هذا شغلي، والمجهود لمدام أميرة. رعد: مدام رعد المنشاوي، وليست أميرة.

جان بعدم فهم: حسناً. والجميع ضحك عليه. مشي جان والفريق بتاعه. رعد بهدوء: أمي فين؟ يوسف: في المطبخ، ومتعرفيش إنك فوقت أصلاً. رعد: حلو، معايا يا رجالة. أكرم ويوسف: معاك يا ريس. مشي رعد براحة ومعاه يوسف وأكرم. دخل أكرم. أكرم بتمثيل: ياااه، إنتي بتعملي ملوخية، كان رعد بيحبها أوي. بهدوء عند ذكر اسم رعد: ربنا يرجعه بالسلامة. يوسف ورعد: يااااارب. هدى: هو في إيه؟ أنا سمعت صوت ولا بتتهيأ لي؟ رعد: بتتهيأ لك يا هدى.

هدى: آه، ما... رعد: وحشتني يا أمي. هدى وبصت لرعد، هل حقيقة أم أنه تخيل مثل كل ليلة؟ هدى بدموع تنزل بغزارة بدون كلام. قرب رعد وخدها في حضنه، قد إيه كانت وحشاه. هدى مسكت فيه جامد. هدى بدموع: وحشتني يا ابن قلبي. رعد: وإنتي كمان يا ست الكل. هدى وهي بتلمسه في وشه: إنت... إنت كويس؟ في حاجة وجعاك؟ 💔 طمني عليك. رعد وهو يقبل يداها: بخير والله بخير، أهو واقف قدامك زي الحصان. أكرم بفك الجو وتغيير الموضوع: ما كفاية محن بقى.

يوسف: معرفش إيه النكد والمحن اللي داخلين على بعض دول. رعد: هجبكم إنتوا الاتنين من التيشيرت وارميكوا بره. يوسف: طب يالا نطلع بكرمتنا أحسن. أكرم: بقول كده. طلعوا. أكرم: الحق يا عمي، مراتك بتتحضن جوه. سليم بصدمة: إزاي؟ يوسف بلا مبالاة: ابنك متبت فيها جوه، الحقها بقى، مش عارف إيه العيلة. سليم بغيرة: رررعد. رعد من جوه: حبيبي يا حج. أميرة: رعد. رعد: طب عن إذنك يا أمي، أميرة بتنادي. ضحك عليه الجميع وطلعوا قعدوا بره.

صوت تكسير الكاسات والزجاج. المجهول: إزاي رعد ظهر فجأة؟ وكان فين؟ المجهول: منفهمش يا فندم، دا اللي حصل. فجأة دخل الحفلة. فجأة أميرة الوحيدة اللي مش كانت مصدومة. المجهول بصوت عالي: أميرة؟ أميرة؟ أميرة طالعة في البخت؟ في إيه؟ المجهول: هقولك... المجهول: رعد المنشاوي ممكن يطير راسنا؟ ولا أميرة دي بقت جبروت؟ المجهول: هو دا اللي هيحصل. المجهول: حاضر، أنا مراقبين العيلة كلها. المجهول: تمام. في القصر.

رعد شايل فردوس وحضنها ومبتسم. أكرم: إيه يا عم، إنت سايب العيال الغلابة وماسك في فردوس. رعد: دي روحي. وريني تاج يا أكرم. أكرم: لا يا عم، إنت معاك واحدة وأنا معايا واحدة. رعد: هات يا رخ*م. أكرم شال تاج وأداها لرعد: خد، حتة بنتي عاوزها معاك. رعد: ربنا يحميكي يا تاج، قمر. أميرة: إنتوا ناس مختلفة أوي. سليم: ليه؟ أميرة باستغراب: أنا أعرف إن أهل الصعيد بيزعلوا من خلفة البنات، ورعد وأكرم فرحانين أكتر من الولاد.

سليم: عشان الناس اللي بيزعلوا من خلفة البنات دي ناس جاهلة، معندهمش دين. دا الرسول صلى الله عليه وسلم قال: "استوصوا بالنساء خيراً". الجميع: عليه أفضل الصلاة والسلام على رسول الله. سليم: لما رعد اتولد، أنا كنت فرحان إن اسم العيلة هيفضل موجود، وكنت فرحان أول حفيد في عيلة المنشاوي. وبعده جه أكرم، بقت العيلة فيها صبيان بس. جت ياسمين نورت حياتي كلها. البنت يعني حنية، البنت حاجة تانية غير الولد وبس.

أميرة بابتسامة: ربنا يبارك فيهم. سليم: ويبارك في عيالك يا ميرو. رعد: احمم، إيه يا حج، ملاحظ إن "ميروو" بقا على لسانكم كتير. مرام: ميروو، وأميرتي، وحبيبتي بقوا كتير أوي. رعد بغضب: طب اسمع، حد بيقول كده غيري. يوسف: عيب يا كبير، أنا معرفهاش أصلاً. أميرة: المهم. ياسمين: المهم قول. رعد: عايزين نروح الفندق اللي في شرم كمان أسبوع. جنى: أيوه بقى، هو دا الكلام. رعد: أنا قلت للكبار، الصغيرين لا. جنى: نننعم؟ مامي.

أميرة: نعم يا روحي. جنى: إيه الكلام دا؟ أميرة: والله يا جنتي أنا مليش دعوة. جنى: لا والنبي، كنتي واقفة مع الحرس وبتقوليلهم هموتكم لو حد دخل، ودلوقتي مليكيش دعوة. رعد بضحك: خلاص خلاص، أصل إحنا هنطلع عشانك. موافقين ولا أطلع أنا؟ أكرم: أكيد موافق، على حسابك صح؟ يوسف: آه، أكيد على حسابك، يبقى طالع. سليم: وأنا طالع على حسابك. رعد: وأنا طالع، بس على حساب أميرة. أميرة: نعم؟ ليه؟ دا أنا معييش جنيه.

رعد: كدااااابة، أنا عارف الصفقة الأخيرة، إنتي خدتي كام. أميرة بضحك: اللي بخده بيتحول على البنك في حسابي. رعد: حلو، يبقى الجمعة الجاية طالعين شرم. جنى: هيهي هيهي هيهي. سمعوا صوت بكاء مالك. قامت أميرة بسرعة وشالته وفضلت تسكت فيه. أميرة: إيه يا روحي؟ لوكا حبيبي، قلب مامي. رعد بغيرة، فهو يستغرب غيرته، يغير من ابنه: بوسيه أحسن يا أميرة. ضحكوا عليه وعلى غيرته. هدى: إيه يا رعد؟ دا ابنك.

رعد بغيظ: ما هو المصيبة، والواد حلو أوي. أما بصي الهادي دا وبيشاور على أنس نايم في حاله، أما التاني عايز يفضل في حضن أمه، بس دا بعده. جنى: بابي. رعد: عيونه. جنى: ممكن أجي أقعد جنبك إنت وفردوس؟ رعد بابتسامة: جنتي تقعد في أي مكان. ونام فردوس. وشال جنة وقعدها في حضنه. رعد: جنتي تؤمر. أكرم: طيب، نستأذن بقى. رعد: على فين؟ لسه بدري. أكرم: لا معلش، كفاية كده، محتاج أنام. إنت هتنزل الشركة بكرة ولا إيه؟

رعد: لا، أنا مش هنزل غير بعد ما نرجع من شرم، عايز آخد إجازة شوية. يوسف بغيظ: إنت واخد إجازة أكتر من 6 شهور يا مفتري. رعد: عادي، كله فدايا وراحتي أهم. سليم: يعني أميرة اللي هتنزل؟ رعد: لا، إنسوا إن أميرة تنزل، أميرة هتفكر في الجامعة وبس، كفاية كده، ولا إيه؟ أميرة: هو يعني يعني... رعد: يعني إيه؟ وضحكي كده. أميرة: أنا حابة أشتغل في الشركة. رعد: نننعم؟ والجامعة؟

أميرة بطيبة ودلع: ما يا حبيبي أنا هروح الجامعة، بس مليش دعوة، عايزة أنزل الشغل. رعد: طب يومين في الأسبوع. أميرة: ماشي، موافقة. يوسف: طيب يالا، وإحنا كمان. رعد: ليه؟ يوسف: معلش عشان مرام تستريح وكده. أميرة: كله ماشي. ليه؟ سليم: هو أحمد مشي ليه؟ مقعدش؟ أميرة: ماما تعبت شوية وروحوا. هدى: ألف سلامة. واستأذن الجميع وغادروا القصر. أميرة: أمل... أمل. أمل: أيوه يا فندم. أميرة: ممكن تاخدي الولاد تنيميهم في السرير عشان ناموا؟

أمل: حاضر. وجنة؟ أميرة: لا، جنة أنا هدخلها الأوضة بتاعتها. أمل: تمام. طلعت أميرة الجناح. رعد: حلو الجناح ده يا أميرة. حاسة مختلف. أميرة: حلو عشان عيونك شايفاه يا روحي. رعد: حبيبتي، بقولك، إنتي مش شايفة إن الجامعة والشغل كتير؟ أميرة: لا، حلو، وأنا لو تعبت هسيب الشغل. رعد: ماشي، براحتك. أميرة: هغير بسرعة وأجي، لأني عايزة أنام. رعد: تمام. غيرت أميرة ولبست بجامة جميلة عليها ميكي ماوس وطلعت. رعد: طفلة، طفلة يعني.

أميرة: طفلة رعد وبس. رعد: طبعاً. أميرة، إنتي ليه سميتي القصر بقصر الرعد؟ أميرة: معرفش، هو الاسم جه كده. رعد: طب ممكن أميرتي تيجي عشان أحضنها وأنام، لأني هموت وأنام. أميرة مسرعة: بعد الشر. وطلعت على السرير وشدها رعد وحضنها وقبل رأسها وناموا. 🌷🌷🌷🌷🌷🌷🌷🌷🌷🌷🌷🌷🌷🌷🌷 بعد مرور أسبوع في يوم السفر. صحت أميرة بنشاط ودخلت لبست لبس التمرين وطلعت دخلت غرفة التمرين.

وبدأت تتمرن على المشاية وهي بتسمع موسيقى هادية وبتتمرن بسرعة عالية. وفضلت ربع ساعة. صحي رعد من النوم ملقاش أميرة. استغرب، غير ملابسه وطلعت. رعد لأحد الخادمات: أميرة فين؟ الخادمة: أميرة هانم في غرفة التمرين. رعد باستغراب: تمرين؟ الخادمة: آه يا فندم، جمب جناح جنة. مشي رعد وصل الغرفة وفتح الباب، وكانت أميرة بتتمرن بشراسة. رعد مستغرب حياتها الجديدة. رعد: أميرة. أميرة مش سامعة من المزيكا العالية. رعد قرب: أميرة، أميرة.

ولسه بيمسك دراعها، كانت أميرة أسرع منه، وقعته على الأرض. أميرة: رعد. رعد بوجع: كتر خيرك، لسه فاكرة. أميرة تمد إيدها ليه: طب قوم. شدها رعد، وقعت جنبه، وقام اعتلاها (فوقها) رعد: بقيتي جامدة، ويتخاف منك يا أميرتي. أميرة: وده حلو ولا وحش؟ رعد: حلو عشان تكون قوية ومش مستنية حد يحميكي. أميرة وهي بتنهج من كتر التمرين: هنسافر إمتى؟ رعد وهو

يبصلها من فوق لتحت بخبث: والله المفروض نلبس دلوقتي، بس أنا بقول إن الطقم اللي إنتي لبساه ده حلو، وإيه؟ وأنا عايزك تفضلي بيه، ولا إيه رأيك؟ أميرة بحركة سريعة قامت من تحته: لا، أنا بقول نلبس أحسن. وجرت على الجناح. رعد بيجري وراها: خدي هنا يابت. وبدأوا يجهزوا. أميرة لبست بنطلون أسود وتيشيرت بنفس اللون وجاكت نبيتي. ورعد لبس بنطلون أسود وتيشيرت نبيتي، وكان ينسق ملابسه مع أميرة. أميرة: لا، إنت حلو أوي، متنزلش.

رعد: حلو يبقى مننزلش، يالا. أميرة: إنت لما صدقت، يالا ننزل. نزلت أميرة ورعد. وكانت جنة لبسة شورت جينز وتيشيرت يصل لأعلى بطنها. جنى: أنا قمر صح؟ رعد: إنتي حورية من الجنة. أميرة: طيب يالا بقى. عشان أكرم ويوسف وبابا سليم بره. رعد: طيب يالا، عقبال ما أجيب الولاد وأحطهم في العربية. أميرة: تمام. كله حاجة جهزت وهيبدأوا يتحركوا. أكرم: كان لابس شورت وقميص أبيض، وياسمين فستان باللون الأزرق وطرحة باللون الأبيض.

ومرام فستان موف، ويوسف بنطلون جينز وتيشيرت. وجه سليم وهدى. رعد: يالا هنتحرك. أميرة وأكرم ويوسف: تمام. كل واحد ركب عربيته واتحركوا، والحرس وراهم طبعاً. وفي طريقهم لشرم الشيخ، في عربية رعد مشغل أغنية "عارفة أحلى حاجة فيكي إيه". رعد بابتسامة وماسك إيد أميرة: نامي يا أميرتي لو عاوزة. أميرة: لا، هفضل صاحية وهلعب أنا وجنة. رعد: تمام. أميرة: بس وطي شوية صغيرين عشان مالك نايم. رعد: مالك طلع لي في البخت ولا إيه؟

أميرة: اشمعنا مالك؟ ما عندك فردوس وأنس. رعد: رخامة بقى. وكملوا طريقهم إلى شرم، وبعد مرور عدة ساعات وصلوا إلى الفندق، وكان الطريق معاهم حلو ويوم جميل، ونزلوا استراحات سوا وقضوا وقت حلو. هل السعادة هتفضل موجودة دايماً ولا القدر ليه رأي آخر؟