رواية اميرة الرعد الفصل الثالث 3 - بقلم ندى الشرقاوي

حست أميرة بحاجة غريبة واستغربت، لكنها انصدمت. أميرة بصدمة: رعد، إيدك اتحركت؟ أنا حسيت صح، مش تهيؤات. أميرة بفرحة: أنا حسيت والله، أيوه مش بتخيل. دكتور جان! قامت بسرعة تتصل بدكتور جان. أميرة: دكتور جان، اعتذر بسبب هاتفي في الوقت المتأخر. جان: لا يهم سيدتي. أميرة: دكتور، رعد إيده اتحركت، حسيت إن إيده بدأت تتحرك. جان: جيد سيدتي، رعد بيه بدأ يرجع للواقع. في ظرف 12 ساعة بكون في مصر. أميرة: أوكي دكتور جان، إلى اللقاء.

جان: إلى اللقاء. قفلت أميرة وأراحت على السرير وهي مبسوطة وقالت: حبيبي اللي هيرجعلي تاني. إنت سامعني صح؟ قريب أوي هتكون معانا وتشوف إنس ومالك وفردوس وجنتي. مالك شبهك خالص يا رعدي. أنا هروح أنام بقى عشان أروح الشركة الصبح. وقبلت خده وغادرت الجناح. راحت الجناح بتاعها، غيرت ملابسها لبجامة مكونة من شورت قصير وتيشيرت لأعلى بطنها ونامت سريعاً من كتر المجهود.

في يوم جديد، صحيت أميرة من النوم وبدأت يومها بنشاط. صلت فرضها واتجهت إلى غرفة الملابس ولبست بنطلون باللون اللبني وتيشيرت أبيض وجاكت باللون اللبني وصندل ذو كعب عالي. سمعت صوت فردوس بتعيط، طلعت بسرعة وشالتها وعاوزة تسكنها مش عارفة. أميرة: فردوس، بس ياروحي، دوسة مالك بس. وحطت إيدها على وشها. كانت فردوس سخنة أوي. أميرة بصراخ: آآآآمل! امل دخلت بسرعة: في إيه يافندم؟

أميرة: فردوس سخنة أوي، خليكي مع مالك وإنس وجنة، أنا أروح المستشفى. امل: طب أجي معاكي؟ أميرة مسرعة: لا لا، أنا هروح. خدت أميرة فردوس ونزلت بسرعة. أميرة بصوت عالي: افتحوا البوابات بسرعة. ركبت أميرة مع السواق واتجهوا إلى المستشفى ومعاها الحرس. وقفت أمام مستشفى خاصة ودخلت بسرعة. أميرة: دكتورة. جت دكتورة وممرضة وخدوا فردوس وكشفوا عليها. كانت سخنة شوية وأميرة كانت قلقانة أوي وخايفة، أول مرة تتحط في موقف زي كده.

الدكتورة بابتسامة: خير يافندم، مفيش داعي لكل دا، الطفلة كويسة. أميرة براحة: الحمد لله. الدكتورة: هي بس هكتبلها على شوية فيتامينات وهتكون كويسة. أميرة: ماشي، شكراً. نستأذن إحنا. طلعت أميرة ومعاها الحرس ورجعت القصر. في العربية، رن فون أميرة. أميرة: الو. سليم: أميرة، عاملة إيه؟ أميرة: بخير يابابا، وحضرتك؟ سليم: بخير ياحبيبتي، بصي هو في حاجة عاوز أقولهالك. أميرة: اتفضل.

سليم: عمة رعد وبشري عاوزين يجوا يزوروكي، هما دلوقتي عندي في الفيلا ومصممين يجوا. أميرة: يشرفوا، أنا راجعة القصر دلوقتي. سليم باستغراب: كنتي فين؟ أميرة: مفيش حاجة خفيفة كده، فردوس سخنة شوية. سليم بخوف: وهي عاملة إيه دلوقتي؟ أميرة: كويسة الحمد لله. سليم: ماشي يابنتي، إحنا هنيجي كمان ساعتين. أميرة بابتسامة مرهقة: تشرفوا. قفلت أميرة وضمت فردوس لحضنها. مين كان يتخيل إن أميرة تتغير حياتها لكد؟

بس فجأة سمعت أميرة صوت ضرب نار وبدأت فردوس في الصراخ بصوت عالي. نزلت أميرة بسرعة حاطة فردوس تحت الكرسي. وكان في عربيات الحراسة بتحكي عربية اللي متواجدة فيها أميرة. وقف ضرب النار فجأة، العربيات وقفت ونزلوا يطمنوا على أميرة. أميرة: مفيش حاجة، هما مش عاوزين يموتوني، هما عاوزين يخوفوني. الله في سماها لجابهم تحت رجلي. اتحركوا على العربيات يلا. دخلت شالت فردوس وحضنتها: بس يا حبيبة مامي، مفيش حاجة. توقفت فردوس عن البكاء.

أميرة بسرحان: يا ترى عاوزين إيه ولا مين دول؟ لازم أعرف. وعمة رعد جاية ليه؟ أكيد جاية تعمل مشكلة. ولا بشري؟ يا ترى بيخططوا لإيه؟ وصلت أميرة للقصر ونزلت هي وفردوس ودخلت. كانت جنة بتفطر. جريت عليها جنة: مامي، كنتي فين؟ أميرة: فردوس تعبت شوية ودتها للدكتورة ورجعت. جنة: طب آجي أشوفها شوية عشان أشوفها. نزلت أميرة وخلت جنة تشوفها وباستها. جنة: ألف سلامة عليكي يا جنة الفردوس. أميرة ابتسمت على لقب جنة لفردوس.

أميرة: يلا نفطر بقى عشان جدو سليم وتيتا هدي هييجوا كمان شوية ومعاهم ضيوف. جنة: ماشي يلا بينا. جه مالك وإنس. طنط أمل نزلتهم يفطروا سوا. أميرة: ماشي يلا بينا. قعدوا فطروا سوا وجه اتصال لأميرة إنهم على بوابة القصر. قامت أميرة وقالت لأمل تطلع إنس ومالك وفردوس الجناح وتنزلهم كمان شوية. ونفذت أمل الكلام. طلعت أميرة لتكون في استقبالهم. أميرة بابتسامة: نورتونا والله.

دخلت بشري وسلوى وانبهروا من فخامة القصر وجماله ومن لبس أميرة. سلوى: نورك يابنت البندر. أميرة في سرها: يا فتاح يا عليم يا رزاق يا كريم، صبرني يارب. أميرة: نورتي ياعمة. بشري: وإنتي عايشة في البيت ده كله لوحدك؟ أميرة بسخرية: إنتي جاية تقهري عليا ولا تزوريني؟ سليم: مش قصدها ياميرة. أميرة بضحك: عارفة يابابا، اتفضلوا ادخلوا جوه وقعدوا. أميرة: عاملة إيه ياعمة؟ سلوى: نحمد الله، الحمد لله. أميرة: إيه يا بشري؟

مش ناوية تفرحينا بقى؟ أنا اتجوزت وخلفت وإنتي لسه؟ ولا عجزتي؟ بشري بغيظ: لسه مجاش اللي في بالي. أميرة: ربنا معاكي بقى. هدي: فين الولاد يا أميرة؟ أميرة: فوق ياماما. وجنة بتلعب. جنة، جنة! جت جنة وسلمت عليهم. جنة لسلوى وبشري: هاي، أنا جنة. سلوى: تعالي يابنت الغالي. وحضنتها، شبه أمك مي بالظبط. غمضت أميرة عيونها بعصبية وبتحاول تبان طبيعية. جنة: آه، فيا شبه من ماما مي وماما أميرة. اتصدم الجميع من إجابة جنة.

بشري: إنتي تعرفي مي؟ جنة بتلقائية: آه، مامي ورتهالي، كانت حلوة. أميرة: تعالي يا جنة. جريت جنة لحضن أميرة. سلوى: وإنتي ليه مشيتي من الفيلا وجيتي القصر ده؟ أميرة: ترفيه، معلش فلوس جوزي كتير فبصرفها. أميرة: الفيلا صغرت علينا وأنا حابة العيشة في القصر أحلى. والفيلا راحت فين؟ ما هي موجودة. بشري: بس خصلاتك...... أميرة: مالها هدومي؟ إن شاء الله، والله أنا حرة، ألبس أقلع، ده شي ليا أنا وبس. سلوى: إيه الحديت ده؟

أميرة: بسمة، بسمة. بسمة: أيوه يافندم. أميرة: هاتي عصير للهانم. بسمة: حاضر يافندم. سلوى: والقصـر ده رعد اللي جابه قبل ما يعمل الحادث؟ أميرة: لا، أنا اللي اشتريته. بشري: جبتي الفلوس منين إياها؟ أميرة: خير ياعمة، إني جاية تعملي معايا تحقيق ولا تطمني عليا؟ علشان أعرف. سليم: خلاص ياسلوى. سلوى بلوي فمها: وإني قلت إيه؟ مش بطمن على فلوس ولد أخوي. أميرة: فلوس ابن أخوكي معايا، مش مع حد غريب، مع أم ولاده.

بشري: آه، فين الأولاد إياها؟ أميرة: جنتي، اطلعي لأمل قولي لها تنزل إنس ومالك وفردوس. جنة: حاضر يامامي. طلعت جنة. جه تلفون لأميرة. أميرة: مرحبا دكتور جان. جان: نحن في مصر سيدتي. أميرة بفرحة: حقاً؟ جان: حقاً سيدتي. أميرة: سوف أرسل لك اللوكيشن. جان: أمرك سيدتي. أميرة: إلى اللقاء. قفلت أميرة ومدت على الحرس. أميرة: كمان ساعة هيجي ناس، دخلهم الجناح الغربي. الحرس: حاضر يافندم. سليم: ناس مين يا أميرة؟ وكنتي بتكلمي مين؟

سلوى: إيه اللي عم تتكلميه ده؟ وكيف تـجـفـي تتـحـدثـي مع راجل لحالك؟ أميرة: شغل يابابا، شغل مهم أوي، هعرفك بيه كمان شوية في المكتب. سليم: ماشي يابنتي. نزلت أمل بالاولاد. سلوى: وه وه! ولاد مين كل دول؟ أميرة: ولاد رعد المنشاوي. ياعمة، سمي. شالت سلوى مالك. سلوى: شبه رعد جوي جوي. بشري بغيظ: ده مين بقى؟ أميرة: ده مالك يا بشري. بشري: 3 في بطن واحدة. هدي بعصبية: كفاياكي يابشري، عمالة عمالة، كفاياكي. بشري: وإني قلت إيه عاد؟

أميرة: هاتي فردوس يا أمل. شالت أميرة فردوس وسليم شايل إنس. بسمة قدمت العصير. وبعد ساعة جه الحرس. الحرس: أميرة هانم، جان بيه وصل. أميرة: حاضر جايه، عن إذنكوا دقيقة، بابا تعال معايا. سليم: ياله. أميرة: ادخلوا الجناح الغربي، وأنا هاجي كمان عشر دقايق. جمال: حاضر يافندم. في المكتب. أميرة: بابا، رعد معايا هنا في القصر. سليم بصدمة: معايا إزاي؟ أميرة: رعد طلع من المستشفى على القصر ومحدش يعرف ده، حتى الحرس. سليم: وليه كل ده؟

أميرة: هنا أمان ليه. سليم: وجان مين؟ أميرة: دكتور جاي من باريس هيعالج رعد، ورعد بدأ يستوعب ويرجع للواقع. سليم: بجد يا أميرة؟ أميرة: بجد، بس محدش يعرف، ولا حتى أكرم ويوسف. سليم: طب ليه؟ أميرة: معلش. وكمان عربية ضربت عليا نار انهاردة. سليم: ليه؟ إمتى؟ وإيه اللي حصل؟ أميرة: مش مقصود موتي، مقصود تخويفي بس. سليم: في حاجات كتير بتحصل يا أميرة، إنتي مش قدها. أميرة: قدها بإذن الله. ياله عشان نقابل جان.

طلعوا بره وراحوا عند جان. أميرة: مرحبا دكتور جان. جان سرح في جمال أميرة وأنوثتها وجمالها الجذاب. أميرة لاحظت نظراته وقالت: دكتور جان. جان فاق: إيه سنيوريتا؟ أميرة: أميرة المنشاوي، زوجة رعد. جان: تشرفنا. أميرة: سليم بيك، والد رعد. أميرة: حالة رعد إيه دكتور؟ جان: مستر رعد بدأ يستوعب ويرجع للواقع، وده قريب إن شاء الله. أميرة: دكتور جان، هتقيم في القصر؟ جان: أمرك سيدتي.

أميرة: لا، أعيد كلامي مرة أخرى، إذا أحد عرف إن رعد المنشاوي في القصر، سوف أقطع رؤوسكم جميعاً. جان: أمرك سيدتي. أميرة: ياله يابابا. سليم: ياله، بس دقيقة، هو فين رعد؟ أميرة خدت سليم وهي في الجناح الغربي ومشيت في ممر طويل وفتحت باب دخلها على جناح تاني خالص. أميرة: أهو يا عم، حبيبي نايم وسايبني بره مع 4 قرود. راح سليم على رعد وفضل قاعد جنبه.

سليم: معاكي زوجة بـ 100 راجل، كنت بتقولي هوريها أيام سودة وهعمل وأسوي فيها، معاك زوجة جميلة وهتكون سيدة أعمال ناجحة، ربنا يباركلك فيها و4 أولاد، ربنا يخليهم لك وتقوم بالسلامة ياحبيبي. ياله يا ميرو. أميرة بابتسامة: ياله يابابا. طلعوا من الجناح ونزلوا رجعوا القصر تاني. (ملحوظة: الجناح بعيد عن القصر نفسه، وده طلب أميرة إنه يكون بعيد) سلوى: كنتوا فين عاد؟ أميرة: حوار تبع الشغل. بشري بدون نفس: على خير. جنة: مامي.

أميرة: قلبها يا جنتي. جنة: عاوزه أنزل الـ pool. أميرة: بس كده، عيوني. أمل لو سمحتي لبسيها المايوه بتاعها وخلي جمال ينزلها وأربع رجالة حوالين الـ pool وخلي بالك. امل: حاضر من عيوني. بشري: إيه الـ pool ده؟ أميرة: البسين أو حمام السباحة. بشري: لحالها كده؟ أميرة: آه. أميرة: هطلع ألبس حاجة مريحة بدل اللي أنا لبساه ده. البيت بتاعكم، عن إذنكم.

طلعت أميرة غيرت ملابسها لترنج بيتي باللون الأسود وشعرها على هيئة كعكة وشوز أبيض ونزلت. كانوا يوسف ومرام وياسمين وأكرم جم. أميرة: لسه هرن عليكوا. ياسمين: بكاشة. أميرة: بس ياللي حامل بقالك سنة. وجهت كلام لمرام: إنتي لسه بدري عليكي. أكرم: لا، بس حلو الترنج. أميرة: طبعاً يابني، أنا ميرو. بشري: هتولدي إمتى يا ياسمين؟ ياسمين: الأسبوع ده. سلوى: على خير. وإنتي مين يا حلوة؟ مرام: أنا مرات يوسف. سلوى: اتشرفنا.

أميرة: أنا عاوزة أكل الصراحة عشان فرحانة شوية. هدي: تؤمري، عاوزة تاكلي إيه؟ أميرة: عاوزة أكل نجرسكو. ياسمين: حلاوة. أميرة: طبعاً، إنتوا تعرفين إني مش بعمل أي أكل ومش بعرف. رعد كان بيساعدني. بشري: وإيه، رعد كان بيدخل المطبخ؟ أميرة: آه، فيها إيه يعني. ومطبخ سوا؟ هقولك تاني، رعد اللي معايا غير اللي تعرفوه. أميرة: وأغاني؟ مرام: أغاني؟ إيه ده؟ يوسف: إنتي كويسة يا ميرو؟ أميرة: فلة، فرحانة شوية. نزلت جنة وهي لابسة المايوه.

ياسمين: أيوه يا جامد. جنة: حلوة أنا؟ أميرة: قمر ياروحي، يلا العبي وتعالي بس بسرعة، احسبي تقعي. جنة: ماشي يامامي. بشري بخبث: إني عاوزة أقول حاجة. انتبه ليها الجميع. بشري: إني كنت متجوزة رعد وحامل منه. أميرة بضحك: حلوة النكتة دي. سلوى: يا حزني ليه يابتي كده في الدرا يابنتي؟ بشري: آهو اللي حصل، و إني مرته. أميرة: إنتي مش قدي يا شاطرة. إنتي جاية تقولي إنك حامل من جوزي اللي هو في غيبوبة بقاله 5 شهور؟

بشري: إني ورعد اتجوزنا من زمان والحمل نزل على حزني عليه. ياسمين بعصبية: إنتي اتجننتي يابت ولا إيه؟ سليم بعصبية: إنتي بتجيبي العيب على نفسك وهتبوظي سمعتك. أميرة بصوت عالي: كله يسكت. وراحت على بشري مسكتها من شعرها: بقا إنتي يا زبا**لة متجوزة جوزي يا و*** يا قليلة الرباية؟ كنتي متجوزة آه صح. بشري بقوة: آه، وليا فيه وفي فلوسه، يعني العز ده كله ليا فيه. أميرة: جماااال، جماااال. جمال: أمرك ياهانم.

أميرة: في العقد لو متجوزة. طلعت بشري ورقة فيها عقد جواز عرفي. أميرة بسخرية: عرفي؟ عرفتي إن مقامك واط**؟ مكنتش كتبت عليكي ليه على رخ***؟ بس أنا هوريكي إزاي تفكري. أميرة: خد السنيورة على المخزن. سلوى: إيه اللي بتجوليه ده عاد؟ أميرة بصوت كالأفعى: استحملت كتير، كلمة كمان وتروحي المخزن معاها بنتك. غلطت ولازم تتربي. سليم: والعمل؟ أميرة: ابعت هات دكتورة. بشري بخوف: دكتورة ليه؟

أميرة بسخرية: أطمع على ابن جوزني اللي نزل، يمكن يكون مستخبي. يالة جمال خد بشري على المخزن. أميرة: بنتك لعبة في عداد عمرها. يا عالم بقا إيه اللي هيحصل؟ الله في سماها لو طلعت غلط، لأمحينها من وش الأرض. Back بشري: اسمعي مني ياما، إيه رأيك بقى. سلوى بتفكير: فكرة زينة وناخد اللي عاوزينه، ويا عالم رعد هيرجع إمتى. بشري: وإني ظبط كل حاجة وأميرة هبلة وهتصدق. سلوى: عفارم عليكي. Fact

أميرة: عارفة ياعمة لو كان كدب، وأنا متأكدة إنه كدب، بنتك الشــ**ـرفة هتزعل مني. أميرة: فين النجرسكو؟ البت دي زهقتني، بلا نيلة. ياسمين: آه، فين الأكل؟ بت رخمة. طب لو طلع كلامها صح. أميرة: غلط، غلط، رعد عمره ما يعمل كده. مرام: أنا نزلت أغاني كتير. أكرم: وأنا هطلع كل حاجة الجنينة بره. هدي: وأنا هعمل النجرسكو. بعد مرور الوقت، جت دكتورة وكشفت على بشري. الدكتورة: يا مدام، الآنسة كويسة. أميرة بخبث: يعني آنسة مش مدام؟

الدكتورة: آه، آنسة، وأنا متأكدة. أميرة: اتفضلي إنتي يادكتورة. طلعت الدكتورة والرجالة جابوا بشري من المخزن. أميرة: فين الجواز يا آنسة؟ بشري: الدكتورة دي مبتفهمش. أميرة ضربتها بالألم وقالت: ده عشان جبتي سيرة جوزي. وضربتها تاني: ودا عشان بتكذبي. هتمشي من هنا سليمة عشان خاطر جوزي وخالك، بس غوري. جت عربية وخدت سلوى وبشري. سليم: معلش يابنتي، حقك عليا. أميرة بهدوء: ولا يهمك يابابا.

قضوا اليوم سوا مع بعض وأميرة طلعت عشان تنام وكان يوم جميل. بعد مرور أسبوع. نزلت أميرة هتروح الشركة ولبست فستان صيفي يصل لحد الركبة باللون الأسود ويوجد بعض اللون الأبيض. أميرة: أنا عندي اجتماع مهم جداً. أمل خلي بالك من الولاد وجنة هتروح الحضانة وترجع على هنا. امل: ماشي يافندم. اتجاهت أميرة إلى الشركة، وصلت ودخلت، طلعت على غرفة الاجتماعات. أميرة: صباح الخير. الجميع: صباح النور. وبدأوا الاجتماع واشتغلوا في مشروع معتصم.

أميرة: المشروع هيخلص بدري، معلش لازم نسرع شوية، والشركة هتصرف مكافأة لو المشروع تم في معاده. ودلوقتي هنبدأ ونزود ساعات العمل ساعة ونص زيادة. رن فون أميرة. أميرة: دقيقة واحدة. أميرة طلعت من غرفة الاجتماعات. أميرة: مرحبا دكتور جان. جان: خبر مفرح. أميرة: حقاً؟ قل سريعاً. جان: مستر رعد فاق. أميرة بفرحة: حقاً؟ رعد فاق؟ جان: حقاً سيدتي. لاكن يوجد خبر حزين. أميرة: لا يهم أي شيء، المهم إن رعد فاق. جان: ....

أميرة بصدمة: إييييييه؟