رواية اميرة الصعيد الفصل العاشر 10 - بقلم سما حسين

في غرفة ليلى. ليلى بتوتر: الو يا ناهد. ناهد: إيه يا ليلى، عملتي إيه؟ ليلى: مش عارفة أعمل أي حاجة، بس دلوقتي أنا عايزة فيروز تثق فيا عشان أكسبها في صفي، وأهدد أبوها إن أنا هاأذيها عشان أطلع منه بقرشين. فيروز راحت وراها، عشان كانت عايزة تعرف هي بتكلم مين، وسمعتها وسجلت المكالمة كلها، وراحت توريها لزين وهند، عشان هما كانوا بيساعدوا فيروز عشان تكشف ليلى قدام الكل.

زين: كويس أوي إنك عملتي كده، بس انتي متأكدة إن هي ما شافتكيش؟ فيروز: آه متأكدة. هند: طب انتي هتعملي إيه؟ أنا رأيي… زين: أنا رأيي إن انتي تعمليها كأنك مش عارفة حاجة، وتشوفيها بتعمل إيه في البيت، وتسجلي أي مكالمة هي تتكلمها، بس أهم حاجة إن هي ما تشوفكيش. هند: على فكرة أنا كنت هقول كده. زين: انتي يا بنتي تموتي لو مردتيش. هند: أنا بس كنت بقول رأيي. زين: محدش طلب رأيك. هند بعند: ومحدش طلب ردك.

فيروز: أقسم بالله أنا قاعدة مع عيال. زين: صاحبتك هي اللي بدأته. هند: آه أنا اللي بدأت، هتقتلوني يعني؟ زين: ي بنتي اسكتي، أنا عمري ما لقيت بنت عنيدة كده شبهك. هند: ولا هتشوف. زين لفيروز: هي صاحبتك كلامها دبش كده على طول؟ فيروز: للأسف آه. زين: معلش، بس ممكن سؤال؟ فيروز: اتفضل. زين: انتي كنتي بتفكري في إيه لما شفتيها؟

فيروز: هي مجنونة، وأنا كنت بفكر في اليوم اللي هيتقابل فيه اتنين مجانين أعرفهم ويتخانقوا مع بعض، واليوم ده النهاردة، ودلوقتي كملوا، ما أنا قاعدة مع عيال. هند: أصل ابن عمك ده أهبل. زين: ما تلمي نفسك يا بنت انتي. وفضلوا هما الاتنين يتخانقوا، أما فيروز فخلاص قامت وكانت ماشية. زين: انتي رايحة فين؟ فيروز: لما تخلصوا خناق ابقوا كلموني. زين: خلاص خلاص، اقعدي. فيروز: طب دلوقتي هنعمل إيه؟

زين: أنا رأيي إن لازم حد يراقبها برا البيت. فيروز: راقبيها انت. زين: أنا آسف، بس مليش أنا في شغل الجواسيس ده. هند: جواسيس… انت حد قالك إن إحنا عصابة؟ زين: ي بنتي اسكتي، انتي ماحدش عارف يلمك. واتخانقوا تاني. فيروز بعصبية: بس… إحنا لازم نشوف حد يتنيل يراقبها. وفضلوا يفكروا لحد ما هند: بس لقيته. فيروز وزين: مين؟ هند: حازم أخويا. فيروز: مين… ده أهطله؟ هند: إيه يا ست فيروز، ما كان طيب ودمه خفيف. فيروز: بس…

زين: خلاص بقى يا فيروز، مفيش قدامنا حل تاني… بس دلوقتي في مشكلة تانية. هند: هو إنت علطول ما بتنطقش غير المشاكل وكلام زي ال… زين: زي ال إيه؟ هند: زي الزفت، أنا مش بجاملك. زين: ي بنتي انتي ما بتعرفيش تقولي كلمة عدلة أبداً. هند: ليك فيه. فيروز: بس… إيه المشكلة؟ زين: أخو الهانم هيراقبها برا البيت، مين اللي هيراقبها جوه البيت؟ فيروز: أنا طبعاً. زين: ماينفعش. فيروز: ليه؟

زين: انتي بتعامليها وحش، وأكيد عارفة إن انتي شاكة فيها، ف أكيد واخدة حذرها منك، ف لازم يكون حد تاني اللي بيراقبها. هند: سيبوها عليا. فيروز وزين: يعني هتعملي إيه؟ زين: ربنا يستره. هند: ربنا يستر عليك انت. زين: شششششششش، اسكتي يا بت. هند وقفت على التربيزة وقالتله: بت انت بتقولي أنا يابت؟ زين: بشك إنك بنت أصلاً بالتصرفات دي. هند: أيوة أنا بنت وست البنات كمان.

فيروز قاعدة تضحك وهما بيتخانقوا، راحت سيباهم وماشية، وهما لسة مكملين الخناقة. في بيت الحاج سعيد. على العشاء. الباب خبط. زين: هطانه، هروح أفتح. زين فتح الباب ولقي…