رواية اميرة الصعيد الفصل الخامس 5 - بقلم سما حسين

ليلي بخبث: اه يا روحي امك اللي ابوكي رماني في الشارع وبعدك عني. طبعاً ليلي بتكدب على فيروز عشان تاخدها معاها وتخليها في صفها عشان تهدد ابوها بيها عشان يديها فلوس. وفيروز طبعاً طيبة وصدقتها. فيروز بحزن شديد: يعني انتي امي؟ وبعدين قالت لابوها: انت ليه عملت معايا كدا؟ ليه بعدتني عن امي كل المدة دي؟ وبعدين فيروز مشت من البيت وهي زعلانة ومصدومة. الحاج سعيد لليلي: انتي ايه يا شيخة؟ انتي معندكيش قلب؟

ليلي: يعني ايه قلب اصلا؟ الحاج سعيد: ابعدي خليني ادور على بنتي. ليلي: بنتك... بنتك مش طايقاك. عند فيروز. فيروز طلعت من البيت وهي حزينة جدا واغمي عليها بسبب أنه كان عندها انهيار عصبي. زين وابوها وابو زين فضلوا يدوروا على فيروز في كل مكان. عند فيروز. فيروز فاقت لقت نفسها في بيت صحبتها هند. فيروز: ايه ده؟ انا فينه؟ هند: انتي في بيتي يا حبيبتي. متخافيش. فيروز: انا ايه اللي جابني هنا؟

هند: كل الحكاية أن أنا كنت مخنوقة شوية ونزلت اتمشى شوية اشم هوا. فيروز: وبعدين؟ هند: بالصدفة لقيتك واقعة على الارض. اخدتك وجبتك هنا. هند: اعملك حاجة تشربيها؟ فيروز: شكراً. ممكن مية بس. هند: حاضر. اتفضلي المية اهي. فيروز: شكراً. هند: العفو. هند: بصي انتي لو مش عايزة تحكيلي مش مشكلة. المهم انك ترتاحي دلوقتي. فيروز: معلش. انا فعلاً عايزة ارتاح وابقى احكيلك بعدين. هند: خلاص براحتك خالص. هسيبك ترتاحي دلوقتي وبعدين نتكلم.

فيروز: شكراً. عند الحاج سعيد. الحاج سعيد بحزن: روحتي فين يا بنتي؟ بس روحتي فين؟ زين: ماتقلقش ي عمي. انا هدّور عليها تاني لحد ما هلاقيها إن شاء الله. وعموماً انا نازل ادور عليها دلوقتي. الحاج سعيد: معلش ي ابني تعبناك معانا. زين: لا ي عمي ولا تعب ولا حاجة. انت بس ريح اعصابك عشان ما تتعبش. وانا هنزل ادور عليها. الحاج ابراهيم بهمس لزين: ابقي كلمني اول ما اوصل لحاجة. زين: إن شاء الله. بعد اذنكم.

نزل زين يدور عليها لحد الفجر وبردو ما وصلش لحاجة. عند فيروز. فيروز صحت على حوالي الساعة ٥ تصلي الفجر كعادته. لقت صاحبتها صاحية بتذاكر عشان ما كانتش عايزة تنام. فيروز: صباح الخير. هند: صباح النور يا حبيبتي. ايه اللي مصحيكي كدا؟ فيروز: كنت بصلي الفجر. هند: مممم. وبقيت عاملة ايه دلوقتي؟ فيروز: الحمد لله بقيت احسن بكتير. هند: الحمد لله. فيروز: انا حاسة اني مخنوقة شوية.

هند: تعالي نطلع البلكونة شوية. الهوا دلوقتي بيبقى حلو. فيروز: طب يلا بينا. في البلكونة. فيروز وهند قاعدين. هند: مممممممممممم. بصي انا مش قادرة. انا عايزة اعرف ايه اللي حصل معاكي. فيروز بضحك: ما انا عارفاكي حشرية وهتموتي لو معرفتيش. هند: معلش بقا. يلا قولي. فيروز حكتلها على كل اللي حصل. فيروز: انا مش عارفة مين اللي بيكذب عليا فيهم. انا مش عارفة انا هعمل ايه.

هند: متخافيش. انا هنا معاكي وهفضل جنبك لحد ما تعرفي الحقيقة كلها. فيروز: انا مش عارفة اقولك ايه بجد. هند: ايوه كده. اضحكي. بعد كده دخلوا ناموا. في بيت الحاج سعيد. الليلة عدت عليهم بصعوبة ومحدش قدر ينام. الصبح. عند فيروز وهند. صحوا وفطروا هما الاتنين. وفجأة الباب خبط جامد.