رواية اميرتي المجنونة الفصل الأول 1 - بقلم دينا عبدالحميد

امضى ماضي. هتمضي انتي عبيطة يا بنتي؟ امضي على ورقة معرفهاش. مش كفاية إنك تعرفني؟ ما أنا معرفكيش. لما تمضي هتعرفني. بنت انتي عبيطة باين. سباها ومشي. راحت وراه. امضي بدل ما تندمي يا بنتي. ارحمي أهلي. بدل ما أهينك. لا، مهو اسمع بقا يا كابتن. لو ممضيتش بالذوق هتمضي بالعافية. وأي، العافية بتاعتك دي هتعيطي مثلا؟ ولا هتقوليلي مخصماك؟ صلحني. لا، أنا الليفل عندي أعلى من كده بكتير. امضي. طيب، انت شكلك مصر. وده آخر تحذير.

مش ماضي. راحت مصمت وراقعة بالصوت. يااااالوهوي! الحقوني! يا مصيبتي! الناس اتلمت وهي بتعيط. الناس بدأت تتلم وتظهر والرجالة جاية مشمرة مستعدة للضرب. هي: ها، مش ناوي تمضي؟ الشاب: لأ. هي: انت حر. يلهووووى! عاااا! شرفي المغتصب! هاتك الأعراض ومدمر الشرف ومحطم الكرامة! الناس: راجل مالك يا بنتي؟ فيكي إيه؟ هي: أصل... وملحتش تكمل. واحد تاني: عملك إيه السفاح ده؟ هي: مهو... واحدة ست: مهي باينة زي الشمس. انتوا معندكمش نظر؟

هي: يا ستي اسمعيـ... واحدة من بعيد: آه يا اللي مالكش أخلاق ولا عندك رجولة. بقا كده تتغربي بيها. الشاب: اتغرغر بيها! انتي بتقولي إيه يا حاجة؟ انتي هتجنني... الست: يالهووووووى! اتغرر بالبت وبيشتمني! هي الرجالة اتعدمت وربي لأوريك. وراحت راقعة بالصوت. الحقووووى! يا نسوان! بيشتمني عشان اتغرغر بالبت! وبزق ولهوب. متعرفوش النسوان جم منين. واللي بشبشب واللي بمقشة واللي بتعض. واتلموا عليه. دغدغوه. والبنت ميتة ضحك.

الشاب: الحقيني. البنت: 🙄🙄🙄 الشاب: على فكرة بكلمك. البنت: مين؟ الشاب: آه. البنت: حاضر. هعملها جدعنة. ودخلت سلكته منهم وهي ميتة ضحك. الشاب: اقسم بالله انتي معندك دم. البنت: تصدق أنا غلطانة إني وقفت جنبك. شوف يا عمو. اهو بيقول حارة مفهاش راجل. الحريم إيه؟ دفعوا عني. وهوب. الرجالة اتلموا وجم يضربوه. والنسوان بتشجع. جرى الغلبان واستخبى وراها. الحقيني. هتمضي؟ ماشي. مش هتستهبل؟ لا. لا، أنا بقول بلاش. هاشوف حد غيرك يمضي.

ودى تيجي برضوا. طيب. اصبر. هتصرف. بسرعة والنبي. أنا مبقاش فيا حتة سليمة. البنت: حاضر. الرجالة: راجل بيستخبى ورا بنت! هي: هى أصـ... واحد تاني: يخسارة الرجالة. هي: هى عمو مهو... واحد تالت: وربي لاعورك. هي: هى بببببببس! اسمعوني! ادوني فرصة أنطق. ف أي! انتوا مصدقتوا! الناس سكتوا. واحدة ست كبيرة: خير يا بنت. فهميني. البنت: الحكاية وما فيها يا تيتا إن أنا جالي اتصال عن حالة وفاة. الست: ماشي.

البنت: ماشي. هي وبعدين يا عمو. بعيط وبقوله هروح. مش راضي. الراجل: وهو مش راضي ليه؟ البنت: هي أصل يا خالتي إحنا متجوزين جديد. وأنا حامل. والحمل في أوله وتعباني. والسفر غلط عليا. واحد واقف: مش تقولي يا بنتي. كنا هنضربه. الستات: معلش يا ابني ظلمناك. وقعدوه وشربوا عصير وحلفوا ليغدوه الاتنين. وخلصوا ومشوا. الشاب: يا بنت الجنية. هي: امضي. الشاب: هو مش ماضي. هي: تانى. الشاب: هو اه. هي: يالهوووـ...

الشاب: بس بببببببس. بس يا بنت المجنونة. بس. هي: أنا بنت مجنونة؟ الشاب: لا. أنا اللي ابني مجنونة. أما مراتي حبيبتي عاقلة وست العاقلين. هي: أيوه كده. الخوف حلو برضوا. الشاب: لي. هو خوف بعقل. ده أنا مبقاش في جسمي حتة سليمة. اللهي ينتقم منك. بتصنع البراءة بصتلهم وقالت: أنا ده أنا ملاك. ربنا يسمحك. وبعد معاك. هات الورقة خليني امضي وأغور. هي: اتفضل يا شاطر. مضى وأداها الورقة. هي خدتها وشكرته وجريت. الشاب: شوف بنت المجنونة.

*** بعد أسبوعين. في أحد الأحياء الشعبية. في منزل بسيط. وبعدين يا جمال يا ابني؟ بقالك أسبوعين مبتخرجش ومبتدور ع شغل وتعبان؟ جمال: والله يا ماما كنت تعبان. ده أنا كلت علقة لو كلها حرامي يتوب. الأم: بقا بنت تعمل فيك كده؟ جمال: والله يا ست الكل. دي اللي بيقولوا عنها قوية ومفترية. وكمل: بس أي قمر. الأم: دي اللي تنفعك. ربنا يجعلها نصيبك. جمال: لااااا. دي مجنونة. هو انتي مستغنية عني؟

الأم: بس الورقة اللي مضتك عليها كان فيها إيه؟ جمال: والله يا أمي. ورقة بيضاء. الأم: طب أمال صممت على امضتك ليه؟ جمال: وربي هموت وأعرف. الأم: يلهوي. لتكون هتبيعنا أملاكنا. جمال: أملاك إيه بس يا حاجة. إحنا حيلتنا حاجة. هو في غير الشقة اللي مأجرينها ومتاخرين في الدفع. ولو مدفعناش الإيجار هنترمى في الشارع. الأم: أنا أعرف بقا. هما بيقولوا كده. 😂 جمال: هما مين دول اللي بيقولوا؟

الله يحرق التلفزيون واللي اخترعه. بوظ دماغك هو والتركي. الأم: لا. منا غيرت هندي اليومين دول. انت متعرفش. جمال: لا والله معرف. الأم: عظيم. بيمين أبداً. مكنتش متابع. جمال: لا. لو مهتم كنت عرفت. الأم: والله. الفرفوشة رزق يا جماعة. الأم: المهم. هتعمل إيه في إيجار البيت المتأخر ده؟ آخرنا الأسبوع ده. ويطردنا. جمال: هكلمه يستنى لآخر الشهر. وربك يحلها.

الأم: ربنا يفتحها في وشك. ويوقفلك ولاد الحلال. ويبعد عنك ولاد الحرام. قادر يا كريم. يارب. جمال: ياااارب. استاذن أنا يا امي عشان الحق معاد المقابلة. العيال لو جم قبل ما نزل هيفضحونا. وادعيـ... الشباب: جمااااال! يا جمال! يا جمي! جمال: أهم جم. استاذن يا امي. الأم: ربنا يفتحها في وشك. باس إيدها ودمغها ونزل. الشباب: إيه يا سطا؟ كل ده عشان ترد؟ جمال: معلش بقا. مش قادر.

هيثم: طب انجز الله يكرمك. لاحسن بدل ما ألاقيلك شغل. أتطرد أنا بسببك منه. نعيم: صاحب الشغل وبنته هيكونوا موجودين. وبنته دي جد أوي. هيثم: معاك حق. ده لو هي اللي عملت الإنترڤيو. يبقى جمال مرفود. جمال: يا ساتر يارب. إلهي تتشك ف لسانك يا أخي. انت أي بتطسها في وشي كده. نعيم: معلش. أصلها لسه خصماله أسبوع امبارح. هيثم: متفكرنيش. ده أنا هتشل. جمال: وخصمالك ليك؟ هيثم: مفيش. بتتلككن.

نعيم: أقولك. دي دخلت لقيته بيكلم الجو بتاعه وسط الشغل. جمال: مهو حقها. اتقي ربنا في شغلك. *** تعالوا اعرفكم بيهم.

جمال: شاب قمحي فاتح. ملامح رجولية هادية. عيون عسلي صافي. وصوت رخيم وهادي جداً. فيه تقوى وخشوع. وجسم معقول. وهو أبوه ميت وهو لسه صغير. وهو شال أمه وإخواته البنات. رغم إنه أصغر منهم. بس قدر يعلمهم ويجهزهم وجوزهم كمان وهو لسه بيدرس جامعة. واتخرج من كلية بزنس إنجليزي السنة اللي فاتت. واشتغل في كذا شركة قبل كده. بس كان بيسيبهم عشان مبقدرش تعبه. هيثم ونعيم: صحابه من ابتدائي. هيثم: أبيضاني شوية. وعيون خضرة. وبتاع بنات.

أما نعيم: فقمحي ومتدين. وخاطب بنت بيحبها. *** الشباب خلصوا كلام ودخلوا من باب الشركة. خيري بتاع الأمن: انت فين يا نعيم البيه؟ سأل عليك كتير. وكان عايزك. نعيم: سابهم وطار على مكتب المدير. وهيثم أخد جمال وقعده في الريسبشن. وراح يشقط الموظفة الجديدة. جمال: فونه رن. وقام يرد عليه. وهوب بنت ماشية وفأيدها كوباية قهوة لسه من على النار. وراحت خابطة فيه. كبها على إيده. البنت: مش تفتح يا حيوان! جمال: هو أنا اللي حيوان؟

مش انتي مثلا اللي مش بتفتحي؟ سلختيلي إيدي! البنت: مكنتش شافت إن القهوة جت عليه. البنت: إيه ده؟ آسفة. وريني كده. كاميليا. مرهم للحروق بسرعة. واخدت إزازة ميه وفضلت تكب على إيده وتعتذر وتنفخ في إيده. هو كل ده ومصدوم منها وباصص في الأرض وعمال يقولها خلاص. وهي مفيش. المهم خلصت المرهم. وراحت على مكتبها وسابته. وأول ما مشيت. جه هيثم جري. هيثم: يخربيتك! بيضالك في القفص يا ابن المحظوظة! المديرة بنفسها حكتلك مرهم ده!

تتخلد في التاريخ. جمال: تعرف تخرص يا أبو عين زايغة. هيثم: سكت. وجه نعيم جري. جمال: الباشا مستنيك في مكتبه. جمال: طب بينا. دخل جمال وكلمه. وراح يقابل بنته. وهو مستني بره مكتبها. صوتها علي. الصوت: قلتلك ميت مرة مبشغلش ستات. أنا عايزة شاب خريج بزنس. متعرفش؟ يبقى تخرص وتغور من وشي فوراً. وفعلاً خرج شاب. ورنت على السكرتيرة تقولها: دخلي الشاب المتقدم للوظيفة. السكرتيرة: ربنا يسترها معاك يا جمال. أحسن دي شايطة على الآخر.

جمال: يارب. يا نورا. يارب. ودخل. ونورا دي تبقى خطيبة نعيم. صاحب وجار جمال. دخل جمال. وهي بتبص في الـ Cvبتاعه كويس: خريج بتقدير. وتلات شهادات خبرة. ومعاك أربع لغات. وبيشهدولك بالأمانة والاجتهاد. كويس جدا. باقي بس الاختبار العملي. ونشوف قدرتك على الشغل. وبترفع راسها. وجمال واقف عشان تقوله يقعد. جمال بخضة: انتي تاني؟ يخربيتك! بتهببي إيه هنا؟ قومي بسرعة لا المديرة تشوفك يا بنت المجنونة وتخرب بيتك. دي عصبية.