رواية اميرتي الصغيره الفصل الحادي عشر 11 - بقلم طمطم

كنان قام بغضب ونط عليها. كنان بغضب: إيه بقا مش هتتلمي وتبطلي جنانك ده؟ ريم: آآآه أوعي كده، هموت يا بغل. كنان بغضب: كمان بتشتمي؟ طب مش هقوم، شوفي بقا هتعملي إيه. ريم: إنت عارف ماما لما كانت تصحي تلقيني سهرانة على الفون كانت تقولي نامي، نامت عليكي دعوات ماما اتحققت، ههههههه. كنان باستغراب: إنتي إزاي ليكي نفس تهزري وإنتي كده؟ ده إنتي بنت مش طبيعية. ريم بصراخ: أقوم قامت قيمتك يا بعيد، هموت، فاكر نفسك فراشة يالا ولا إيه؟

كنان: ما إنتي لو محترمة مكنش الواحد عمل فيكي كده. ريم بتعيط وتحاول تقوم بس مش عرفت. ريم وهي بتعيط: آآآه قوم بقا، ده مش هزار، أنا عضمي اتكسر، آآآه. كنان: تتربي الأول وأنا أقوم. ريم: آآآه إيه ده؟ يالهوي. كنان: إيه في إيه؟ ريم: يا نهار مش فايت. كنان قام من عليها وقال: في إيه يابت انطق. ريم: عينك ملونة. كنان بغضب: خضيتيني، وإنتي لسه شيفاها دلوقتي؟ يا عم إيه؟ ريم: أممم بس عينك الحلوة دي مش لايقة عليك خالص.

كنان بخبث: أمممم، إنتي بتعاكسيني يا ريم؟ ريم وشها قلب أحمر واتكسفت: لا طبعاً. كنان قرب منها أكتر وقال: بس إنتي عيونك أحلى يا موزتي. ريم وشها خلاص بقى طماطم: طب ابعد طب. كنان أول ما لقاها اتكسفت قام وقال: أنا هروح آخد شاور. ريم بغضب: بارد أبو شكلك. كنان: أجلك تاني ولا إيه؟ شكلك متأدبتيش لسه. ريم بخوف: لا يعم خلاص، ده اتربيت من أول وجديد. ودخل وهو بيضحك عليها. عند إسلام ونرمين:

نرمين صحيت لقت إسلام حضنها جامد زي العيل الصغير اللي ماسك في أمه. راحت تمسح على ضهره بحنان. وبعد شوية إسلام صحي وأول ما شاف نرمين أخدها في حضنه أكتر وقال: "واللهي إنتي اللي مصبراني على كل اللي أنا فيه. نرمين أنا بحبك أوي وبموت فيكي." نرمين بحب: "وأنا كمان بحبك." إسلام بحزن: "أنا عايز أحكيلك يا نرمين بس خايف تلوميني وتأنبيني أكتر ما أنا بتأنب." نرمين

وهي بتمسح على شعره بحنان: "لا مش هأأنبك، ولا أقولك حاجة، اللي حصل حصل، بس فهميني." إسلام بدأ يحكيلها كل اللي حصل. نرمين انصدمت وقامت من حضنه. إسلام بحزن: "شفتي أهو، ده اللي كنت خايف منه." نرمين بصدمة: "أنا إزاي مفكرتش في كده؟ إزاي؟ إسلام باستغراب: "في إيه؟ مش فاهم."

نرمين: "أصل اليوم اللي ريم اختفت فيه كان في نفس اليوم كنان كان قايلي إنه جاي عشان يزورني لأني وحشته، بس مجاش في اليوم ده ومتصلش بيا من ساعتها، بس أنا مهتمتش ومحطتش في بالي عشان ساعتها كنا مشغلين بريم." إسلام بغضب: "يعني هو خطفها الـ *كل*ب؟ عند حنان وأحمد: حنان صحيت وصلت فرضها وقرأت وردها اليومي وراحت عملت فطار. وبعد شويدة أحمد صحي واتبسط جداً أول ما لقاها بتعمله هي بنفسها الفطار. حنان: "صباح الخير."

أحمد: "صباح النور. ليه تعبتي نفسك؟ كان ممكن أفطر في الشركة عادي." حنان: "لا، أنا هعمل الفطار كل يوم وإنت هتفطر هنا كل يوم، بس لو إنت مش حابب كده خلاص." أحمد بسرعة: "لا لا لا، خلاص نفطر بس بشرط." حنان: "إيه هو؟ أحمد بابتسامة: "تفطري معايا." حنان بابتسامة ممثلة: "ماشي، وأنا موافقة." أحمد قعد وبدأوا يفطروا. أحمد: "بصي، أنا هبعتلك فستان عشان كتب الكتاب، وهاجي على الساعة ٥ أو ٦ كده تكوني جاهزة، ماشي؟ حنان: "ماشي."

عند كنان: خلص الشاور بتاعه وطلع من الحمام. ريم: "يا خرجة من باب الحمام وكل خد عليه خوخة خوخة خوووووخة." كنان بضحك شديد على شكلها وطفولتها: "ههههههه، يا ختي عسل." ريم بضحك: "هههههه، لا متدعيش على كده ها." كنان بضحك: "ههههههه، ماشي يا أختي، أنا هروح ألبس." ريم: "إنت هتروح فين؟ كنان: "الشركة اللي بقالي أسبوع مرحتهاش بسبب سيتك." ريم: "حد قالك يا خويا تخطفني؟

كنان سابها ودخل أوضة الهدوم بتاعته، وريم دخلت تاخد شاور. وبعد شوية خلصت. ريم: "إيه ده؟ نسيت الهدوم، أعمل إيه ياربي؟ في ذكرى السمك بتاعتي دي، عموما هو كده كده ماشي، فهاستنى لما يخرج ويمشي." كنان لبس بدلته ورش برفانه الساحر وأخد شنطته وخرج. كنان: "عايزة حاجة يا زفتة قبل ما أمشي؟ ريم وهي في الحمام: "لا شكراً." كنان: "ماشي، باي." ريم: "يلا بايوه." خرج من الأوضة ونزل ونده على سارة وسارة جات.

سارة بسهوكة: "نعم يا كنان بيه." كنان: "شوية كده وتطلعي لريم بالفطار وتخلي بالك منها، ومتطلعش برة الأوضة، مفهوم؟ سارة: "مفهوم يابيه." عند ريم: اتأكدت إنه خلاص مشي وخرجت وهي لابسة البرنس. كنان نسي ياخد الفون بتاعه، راح نزل من العربية تاني وطلع السلم ودخل الأوضة. انصدم. لقي ريم قاعدة على الأرض وماسكة الشنطة اللي فيها هدومها وبتطلع لبسها، وكان شعرها بينقط مياه وكان شكلها غاية في الجمال.