رواية اميرتي الصغيره الفصل الحادي والعشرون 21 - بقلم طمطم

ريم بنوم: يعني أنت مصحيني من النوم عشان تقول لي صباح الخير؟ أبغى أقتل ده. لحين بس استحيك. كنان بغضب: آه من لسانك ده اللي عايز أقطعه. ربنا قصر في طولك وعرضك بلسانك. ريم: حكمة ربنا. اطرُد بقا. كنان: لا يا أختي مش هطرد. بصي، أنا جاي بليل على الساعة ٧ كده تكوني لبستي. عملت مفاجأة. ريم بفرحة وحضنته: بجد؟ طب وريهني دلوقتي، ينوبك ثواب. كنان ضحك وطبع قبلة على خدها: هههه لا بليل يا بطة.

ريم بطفولة: بس مش تتأخر ولا ترجع في كلامك. كنان بحب: ماشي. أوعي بقا عشان أروح الشركة وأكمل. بخبث: ولا عايزني أقعد معاكي؟ إذا كان عليا عادي، تولع الشركة، هقعد معاكي. أنا موافق. ريم بعدت عنه واتكسفت: لا يا عم، على إيه. س... سلام. هههه. كنان بضحك: هههه يلا سلام. ونزل بعد ما أكد على سما تحضر الفطار لريم. وركب عربيته وراح الشركة.

عند إسلام، راح للمستشفى بتاعت مريم يطمن عليها. وكانت نايمة وخرج. راح شغله بتاعه في مستشفاه. وكان الشغل كتير جداً عنده والمرضى كتير. وقعد طول الوقت في المستشفى. وعدى الوقت عادي وجات الساعة ٧ وكنان وصل وأخد ريم وركبها العربية. ريم بفرحة: إيه هي المفاجأة؟ كنان بحب ومسك إيديها: لو قلتلك مش هتبقى مفاجأة. ووصلوا قدام مستشفى. ريم باستغراب: أنت جايبني المستشفى ليه؟

كنان مردش عليها ومسك إيديها ودخلوا جوا. وكان في صحافة كتير عشان كنان. والأمن ورجالة كنان منعوهم من التصوير. وكنان زعق فيهم كلهم ومشوا. هو عمل كده عشان مش عايز حد غيره يشوف ريم. وصلوا قدام أوضة وكنان فتح الباب لريم. ريم بدموع وفرحة: ماما. مريم بفرحة: بنتي ريم حبيبتي. وحشتيني. ريم فضلت تعيط وحضنت مامتها جامد. مريم باستغراب وخوف عليها: مالك يا حبيبتي؟ ريم بدموع وبتسامة: ماما، أنت وحشتيني أووووي. ووحشني شبشبك كمان. هههه.

مريم بحب وضحك: هههه وأنتي كمان يا روح ماما وحشتيني. وكنان بص لريم ومبتسم. مريم أخدت باله منه وقالت: مين ده يا ريم؟ وبتشاور على كنان. ريم حضنت أمها أكتر وخافت جداً أمها تعرف تبعدها عنها أو تضربها زي ما إسلام عمل. قالت بتوتر ودموع: ده... ده... ده... يا ماما. مريم باستغراب: أيوه ده مين يا ريم؟ كنان: أنا جوزها. مريم بغضب: إيه الكلام الفارغ ده؟ أنت مجنون ولا إيه؟ قال جوزها قال.

كنان بغضب: أنتِ يا ست أنتِ، أنا عملتلك احترام بس عشان أنتِ مامت ريم. بس أنا ما يهمنيش، لا كبير ولا صغير. وأنا ما اسمحش إنك تغلطي فيا. ريم بغضب: ولا ولا، متعليش صوتك على أمي عشان ما أعملكش ستيكر في الأرض. مريم بزعيق: ريم، هو في إيه؟ أنا مش فاهمة حاجة. مين ده؟ ريم بتحضنها وتقول: ده أبو الفصادة يا ماما. مريم بعدتها وقالت بصوت عالي: بقولك مين ده يا ريم؟ ما تهزريش. كنان طلع من جيبه

ورقة واداها لمريم وقال: عشان مش مصدقاني، ادي قسيمة الجواز. وريم تبقي مراتي. مريم زقت ريم وقالت بغضب: إيه ده؟ ااايه ده؟ مستحيل. إيه ده يا ررريم؟ ريم بدموع: يا ماما، أنا ماليش ذنب. مش تظلميني. مريم بغضب: أوعي تقولي ماما. أنتِ مش بنتي. أنا معرفكيش. أنتِ مش بنتي. ريم البريئة المؤدبة. أنتِ واحدة رخ*يصة. ريم بدموع وبتمسك إيد أمها: يا ماما، أنتِ بتقولي إيه؟ واللهي أنا مليش دعوة. إسلام عارف كل حاجة. مريم

زقتها وريم وقعت على الأرض: وعايزة تلبسيها في أخوكي يا زبا*لة. امشي اطلعي برااا. امشي غوري. مش عايزة أشوفك. ... اااه اااه قلبي. ريم بصراخ ودموع: ماماااااا يا مامااااا. أنا آسفة. واللهي أنا مليش دعوة. والله. كنان جاب دكتور وأدى مريم حقنة مهدئة ونامت. والدكتور خرج ريم وكنان وقال إنها لازم تستريح عشان كده خطر عليها. كنان بجمود: يلا، مش شفتي أمك. يلا بقا نروح. ريم بدموع: أنت عملت كده ليه؟ أنا عملتلك إيه عشان تعمل فيا كده؟

حرام عليك. كنان: عايزني أكذب يعني ولا إيه؟ مش فاهم. ريم مردتش وفضلت تعيط. كنان شالها بالعافية وركبها العربية. وريم بتعيط. ريم بصت لقت في درج العربية فلوس. ريم بطلت عياط وقالت: يا كنان. كنان بحب: نعم. ريم بخبث: ممكن تنزل تجيب لي إزازة مياه؟ أنا عطشانة. كنان بحنان: ماشي يا روحي. عايزة حاجة تانية؟ ريم بابتسامة خبيثة: لا شكراً.

كنان نزل قدام سوبر ماركت بعد ما قفل العربية على ريم ودخل يجيب لها المياه. ريم أخدت ٢٠ جنيه وحطتها في جيبها. وشوية وكنان جاه. كنان بحب: خدي يا روحي. ريم: شكراً. وكنان ركب ولسه هيدور العربية. ريم رمت إزازة المياه. وقبل ما تنزل، أخدت مفتاح العربية وكنان مكنش واخد باله. ريم قالت بسرعة: استني يا كنان. الإزازة وقعت من... ريم لفت الناحية التانية عند كنان. كنان باستغراب: إيه ده؟ هي الإزازة إزاي وصلت لهنا؟

ريم بضحك: لا ما تاخدش في بالك. ريم قفلت العربية عليه. وبعدها بصت له. ريم بضحك: ههههه شربتها يا كرديا. كنان بغضب: قصدك إيه؟ يلا تعالي اركبي. ريم بضحك وبتوريله المفاتيح بتاعت العربية. كنان بغضب: أقسم بالله العظيم لو ما رجعتيش دلوقتي ومشيتي، هجيبك وساعتها بقا هتعيطي بدل الدموع دم. ريم بضحك: سلام يا كيمو. كنان بغضب وزعيق: رررريم تعالي. ريم ركبت تاكسي وأدته عنوان المكان والسواق مشي. كنان بغضب جحيمي: آه يا ريم ال***.

اتصل بالرجالة بتوعه. عند ريم. ريم قررت إنها هتروح لبيت صاحبتها عشان لو راحت البيت أكيد هيعرفوا. وصاحبتها دي عايشة هي وأختها بس مامتها وباباها متوفين. وهي أكبر من ريم، هي في جامعة. وهي كانت جارة ريم بس عزلوا ونقلوا هنا. وريم كانت بتزرها باستمرار. وصلت ريم وطلعت البيت وخطبطت على شقة صاحبتها. صاحبتها فتحت وريم حضنتها وعيطت. فرحة: ريم، إزاي يا حمارة تيجي في وقت زي ده؟ أنتِ متخلفة. افرض اتخطفتي دلوقتي يا بهيمة.

ريم بدموع: حتى أنتِ يا فرحة مش عايزاني عندك؟ فرحة بسرعة: لا لا، مقصدش. أنا خايفة عليكي. ادخلي تعالي. ريم دخلت وسلمت على أخت فرحة. وهي برضه كانت مستغربة. ريم حكت كل حاجة لصاحبتها. فرحة بغضب: آه يا حمارة. مهو أكيد جابك مرة هيجيبك التانية. كنتي روحتي معاه وخلاص. ريم بدموع: أنا مش عايزة أروح معاه. فرحة بحيرة: واللهي ما عارفة أقولك إيه يا ريم. عند كنان.

الرجالة بتوعه جم وطلعوا من العربية وشافوا في كاميرات المراقبة رقم بتاع التاكسي اللي ريم أخدته. وأمروا ناس يعرفوا مكان التاكسي. وشوية وكنان عرف مكان التاكسي وفوراً راح ورشا بتاع التاكسي وقال مكان ريم. كنان ركب العربية وراح العنوان وهو بيستحلف لريم. وبعد نص ساعة وصلوا. خبط على الباب وفتحت فرحة. فرحة و متنحة وبتبصله باعجاب: نعم حضرتك عايز مين؟

كنان بغضب جحيمي: لا بلاش الحوارت دي. خلي ريم تطلع دلوقتي أحسن. ما أعمل تصرف مش هيعجبك. فرحة بخوف: ر.. ريم مين؟ أنا ما أعرفش حد بالاسم ده. كنان بغضب: لو سمحت خلي ريم تطلع حالا عشان مينفعش الوقفة دي. ولا حتى ينفع أخش فانديها عشان ما أدخلش أنا. فرحة في سرها: آه يا بنت المحظوظة يا ريم. إزاي تهربي يا عبيطة من المز ده؟ ريم كانت سامعة ده كله فا خرجت وقالت: أنا مش همشي معاك.

كنان بيجز على سنانه: تعالي يا ريم يا حبيبتي. عيب كده. مينفعش. ريم بخوف: لا لا لا. فرحة: يا ريم، أنتِ مش شايفة شكله عامل إزاي. رحيله عشان ما يتعصبش عليكي أكتر من كده. ريم سمعت الكلام وراحت لكنان وهي خايفة منه. وكان ماسك إيديها جامد وبييبصلها بغضب وتوعد. وبص لفرحة اللي عينيها بتطلع قلوب وبتتفرج على كنان بإعجاب. كنان بابتسامة مزيفة: إحنا آسفين على الإزعاج. فرحة بابتسامة: لا عادي. ريم دي أختي الصغيرة.

وكنان نزل سلمتين وتأكد إن فرحة قفلت الباب. بعدها بص لريم بعيون نارية. وراح مسك ريم ووقفها على السلم وضربها قلم جامد. ريم كانت هتعيط. كنان حط إيده على بوقها وقال بغضب: هششش. مسمعش نفسك. ده لسه لما نروح يا غالية. ده أنا متغاظ منك. عايزة أشرب من دم*ك دلوقتي. وشالها ودفن وشها في حضنه عشان متعيطش وتطلع صوت. وركبها العربية. وريم هتموت من العياط. كنان بغضب جحيمي: صبرك عليا نروح بس. ده أنا هروقك. عند إسلام.

اتصل واطمن على نرمين. وبعدها دخل لأوضة مامته. وانصدم لما لاقاها بتعيط. جري عليها بسرعة وقال: ماما مالك؟ في إيه؟ مريم بغضب: امشي غور أنت كمان. أنتوا مش عيالي أبداً. إسلام باستغراب: في إيه؟ مريم بغضب: ما قلتليش ليه على أختك والي عملته؟ إسلام: ...... يتبع.