رواية اميرتي الصغيره الفصل السابع 7 - بقلم طمطم

اسلام وعيونه دمعت: ريم ريم بفرحة: الو ياسلم وحشتني اسلام بلهفة: انتي فين ياحبيبتي أنا هجيلك دلوقتي، انتي فين -أزيك يا اسلام اسلام بصدمة وغضب: كنان كنان ببرود: طب شاطر إنك عرفت صوتي يا اسلام يابسيوني اسلام بحدة وغضب: ريم ملهاش دعوة، دي طفلة سيبها في حالها كنان بضحك: هههههه، أسيبها مين ده أنا وهي بنموت في بعض! إيه عايز تفرقنا عن بعض يا اسلام؟ عايز أختك تتألم من بعدي

اسلام بغضب: دي طفلة ملهاش دخل، إياك تلمسها أو تيجي ناحيتها، أنت فاهم؟ كنان ببرود: براحتي... ثم إنت مقلتلناش إن ليك أخت موزة كده اسلام بغضب: اخرس! إياك تجيب سيرتها لورا: ياجل اديني بس العنوان أنا هاجي مش هخلي فيك حتة سليمة

كنان: شوفت بقى إن الزمن دوار وجه دورك تدفع التمن، وإن اللي عملته ده مبيعديش بسهولة، انت غلطت وغلطت مع اللي مبيرحمش، وأنا هكون أحسن منك وأخليك تيجي تشوفها وتقول بعظمة لسانها إنها بتحبني وإنها متقدرش تستغني عني يا اسلام يا بسيوني اسلام بسخرية: هههه، ريم مستحيل تعمل كده وهنشوف كنان ببرود: هنشوف، والعنوان...... اسلام قفل الخط وبسرعة ساق العربية ورايح للعنوان. عند ريم وكنان كنان طلع مسدس ومسك ريم من دراعها بعنف.

كنان قرب منها وقال بصوت جحيمي وعيونه بتطلع شرار: شايفة المسدس ده؟ هقتل بيه أخوكي ومش هتعرفي ترجعي تاني عشان خلاص هيبقى قدام رب كريم، فأنتي اسمعي الكلام والمرة دي مش زي كل مرة هتغلطي غلطة واحدة أخوكي هيكون في خبر كان، سامعة؟ ريم دموعها نازلة شلالات ومش بترد. كنان بصوت عالي أفزعها: بقولك سامعة؟ ريم هزت راسها بنعم.

كنان ببرود: دلوقتي أخوكي هيجي وأنتي هتقوليله إني مخطفتكيش وإني جيتي بإرادتك وإنج بتحبيني من زمان وكمان إني أنا جوزك، فاهمة؟ ريم بدموع وطفولة: لا مش هكذب عليه كده هيزعل مني. كنان مسك وشها بإيده الاتنين وقال: يعني عايزاه يموت خلاص؟ براحتك يا قطة. وديه هتبقى نهايته. وكل ده وأنتي هتكوني موجودة وشايفة وساعتها هيكون مات بسببك. ريم بدموع وشهقات: ل ل لاااا، هسمع الكلام خلاص.

كنان بحدة: تمسحي دموعك دي ومتعيطيش قدامه، ولا تقولي إني أنا اللي خبطك، تقولي واحد خبطني وأول ما فوقت كانت في المستشفى وإنتي اتصلتي بيا، سامعة؟ ريم بقلة حيلة ودموع: حاضر. وخرج وسبها. وبعد شوية كان وصل اسلام. اسلام الحرس دخلوه عشان كنان قايلهم، ودخل بغضب وتوعد للكنان وأيضاً اشتياق لأخته الصغيرة التي لم يراها منذ ثلاثة أيام. كنان أول ما شافه قال بسخرية: نورت، إيه يا عم كل ده تأخير؟ اسلام

بصوت عال ومسكه من لياقته: فييين رررريم؟ كنان شده بغضب وقال: إيدك الو*سخة دي متلمسش أسيادك. اسلام بغضب: بقولك فين ريم؟ كنان: هطلع أجيبها. وبعد دقايق كنان كان نازل وشايل ريم. اسلام كان مصدوم من اللي شافه إن ايديها ورجليها متجبسين. وكنان قعد ريم على الكنبة ووقف وراها وبييبص لريمة بتحذير وحاطط إيده على المسدس اللي في جيبه. اسلام قعد على ركبته قدام ريم وحضنها.

ريم مسكت في حضنه جامد ومكنتش عايزة تسيبه أبداً وكانت حاسة إن دي آخر مرة هتحضن أخوها وكانت ماسكة في حضنه جامد كأنها بتودعه وبتعتذرله على اللي هيحصل بس كل ده خارج إرادتها وكمان عشان خايفة عليه ومش عايزة تخسره أو تكون السبب في نهايته. وبعد دقايق اسلام ابتسم وعيونه كان فيها دموع وقرب من ريم وطبع قبلة على جبينها وقال: هدفع التمن غالي، هو أكيد اللي عمل فيكي كده، أنا هربيهولك ياروحي. وبياخدها في حضنه تاني.

اسلام شوية وبعد عنها وقال: ريم يا حبيبتي يلا عشان نروح يا حياتي، ده ماما كانت هتموت عليكي، يلا ياروحي. ولسه هيشيلها كنان مسك المسدس وريم زقته. اسلام باستغراب: فيه إيه يا ريم؟ ليه عملتي كده؟ ريم بتحاول تتماسك ومتعيطش: ع عشان مش ينفع. اسلام: هو إيه اللي مينفعش؟ إحنا هنروح. ريم: ريم مش عايزة أروح. اسلام بغضب: إنتي بتقولي إيه؟ إنتي هتروحي معايا يعني هتروحي. كنان ببرود: إزاي وتسيب بيت جوزها حبيبها؟

اسلام بصدمة وبص لريم: لا ريم مستحيل تعمل كده. ومسك وشها بإيديه الاتنين وقال: حبيبتي عارف إنه هددك ومخوفك بس أنا جنبك أهو متخفيش، قولي الحقيقة مش هيعملك حاجة طول ما أنا موجود. ريم كانت هتتكلم واقتنعت باللي أخوها قاله بس كنان مسك المسدس تاني وبييبص لريمة. عند حنان صحيت من النوم، اتوضت وصلت فرضها وقرأت وردها اليومي. وبعد كده جات تخرج لقت ورقة متعلقة على باب أوضتها ومكتوب فيها:

صباح الخير يا حنان، في أكل كتير في التلاجة، طلعي اللي إنتي عايزاه ومتتكسفيش، وكمان ياريت تستنيني بالليل ومجيش ألاقيكم نايمة عشان عايز أتكلم معاكي في موضوع مهم... أحمد. حنان: هيكون عايز إيه ده كمان؟ بس هو باين عليه طيب ومش هيعملي حاجة، أنا هستنى بليل وأمري لله. وبعدها دخلت المطبخ وعملت سندوتش ودخلت الأوضة تاني.