رواية اميرتي الصغيره الفصل الثامن 8 - بقلم طمطم

كلامه كله صح وأنا بحبه وهو بيحبني وأنا وهو اتجوزنا. اسلام بعدم تصديق: أنتي كدابة، وهو اللي عامل فيكي كده عشان متعترفيش بالحقيقة. ريم هزت راسها بالا وقالت: لا، ده هو اللي أنقذ حياتي، وكان معايا في المستشفى لما عملت حادثة عربية، وصحبها رماني في المستشفى ومحدش سأل عني غيره. اسلام: أنتي عبيطة؟ هتحبي واحد لمجرد إنه أنقذك؟ عشان تعرفي بس إنك بتحوري.

ريم: لا، أنا بحبه من زمان، والمستشفى جابت رقمه من على موبايلي عشان كانت متصلة بيه آخر مرة. اسلام صفع ريم بقوة لدرجة إن أنفها جاب دم. كنان غضب جداً أما ضربها، وكان هيمسكوا يعجنوا، بس ريم شورتله بإيده بمعني لا، وبصتله بصة ترجي إنه ميضربش أخوها، وفعلاً سمع كلامها.

اسلام بغضب: أنتي قليلة أدب، لما واحدة في سنك تتجوز وتحب، تبقي متربتيش ولا عدي عليكي ريحة التربية. ومن إنها رده انتي مش اختي ولا أعرفك، وهقول لأمي اللي هتموت عليكي في البيت دي إنك خلاص متي في حادثة عربية ودفنوكي. أنتي كسرتيني وخلتي وشي في الأرض، وآخرة أما تتجوزي، تجوزي أكتر واحد أخوكي بيكره. يا خسرة تربيتي فيكي، يا خسرة.

وخرج من القصر كله وهو راجع البيت تاني وهو غضبان من اللي أخته عملته، وإنها خلت واحد بيكرهه كره العمى يفرح فيه. عند كنان وريم. ريم كانت حاطة إيديها على خدها مكان أخوه ضربها، وانفجرت في العياط لأن أخوه عمره ما مد إيده عليها، وكمان مش هتشوفه تاني. أما كنان كان قلبه بيتقطع عليها، وراح عشان يشيلها. ريم بعدت إيده وبتعيط بهيستيريا. كنان بحزن على حالتها: تعالي، هطلعك فوق.

ريم بتعيط وبتعد إيده عنها وترجع لورا لحد ما وصلت لآخر الكنبة. راح كنان جه عشان يمسكها. ريم زقته وبتتكلم وعنيها مليانة دموع: ابعد عني، انت السبب في ده كله، ملكش دعوة بيا، ابعد. كنان شالها غصب عنها وطلع بيها فوق. عند اسلام وصل البيت وأمه ونرمين كانوا مستنيم. نرمين: انت اتأخرت كده ليه؟ قلقنا عليك. اسلام مردش عليها وقرب من أمه وقال بحزن: ماما عايزة أقولك على حاجة. مريم وقلبها كان بيضرب جامد وحست إن الموضوع يخص بنتها.

قالت بلهفة: في إيه؟ اسلام بحزن: ريم ماتت.