رواية اميرتي الصغيره الفصل السابع والعشرون 27 - بقلم طمطم

كنان بصدمة: ريم! ريم كانت واقعة في الأرض ومغمي عليها. كنان شالها بسرعة وحطها على السرير، وجاب برفانه وحط شوية على إيده وبيشممه لريم. ريم بدأت ترمش بعينيها وتفوق. أول ما فتحت عينيها وشافت كنان، عينيها بدأت تلمع وتدمع. كنان شالها وحطها على رجله وحضنها جامد. كنان بحنان: لا يا حبيبتي، ما تعيطيش. ريم مستسلمة خالص وبتعيط. كنان بحب: أنا آسف يا ريم.

ريم بدموع وشهقات: أنا.. أنا مش.. مش مسامحاك عشان.. عشان ضربتني وخلتهم يضحكوا عليا ويعيبوا عليا. كنان: تعرفي إنك طلعتي من هنا وأنا هبيت فيهم من هنا وهزقتهم كلهم والله. ريم بحزن: لا، بتضحك عليا. كنان: لا واللهي، ده أنا أدتهم من المنقّي يا خيار. ريم بدموع: برضه مخصماك ومش هكلمك تاني. كنان: طب عايزة إيه وأنا هعملهولك. ريم بعدت عنه وبصت في عيونه وقالت: تقولي حصل إيه معاك أنت وإسلام خلاك تعمل كده.

كنان بغضب: لا، كله إلا الموضوع ده. ريم زقته وقالت: خلاص، ملكش دعوة بيا وما تكلمنيش أبداً. كنان شدها وقعدها تاني وقال بغضب: ريم، اقعدي. مش عايز أنكد عليكي. ريم بدموع: ليه بتعمل معايا كده؟ كنان بصوت عالي وغضب: عشان بحبك! بحبك! ريم بصدمة: إيه؟ كنان بعشق: أه، بحبك. لا، بعشقك. أنا كلمة بحبك دي عدتها من زمان وأنتي البعيدة ما بتحسيش. أقول إيه بس؟ ريم بزعل: طب اللي بيحب حد بيضرب فيه كده؟ كنان حط إيده

الاتنين على وشها وقال بحب: طب يا ريم، ما أنتي اللي بتغلطي وما بتتعلميش من غلطك وبتكرري ومصممة إنك على طول تزعليني منك وبتخبي عليا، وأنا مبحبش كده. ريم كانت بتبص ليه وبتسمع وبس. كنان بحب: إيه رأيك نفتح صفحة جديدة مع بعض ونبقى صحاب وحبايب وما تخبيش عليا حاجة يا ريم ولا تكدبي عليا. وصدقيني أنا عمري ما هعلي صوتي عليكي. حتّى ها؟ ريم بابتسامة: ماشي. كنان: تعالي بقا أذاكرلك شوية. ريم بغضب طفولي: لا لا، كده هزعل تاني.

كنان بضحك: ههههه. لا في الحكاية دي اتفلقي عادي، هتذاكري يعني هتذاكري. ريم: أوووف. كنان أخدها وجاب الكتب بتاعتها وبيذاكرلها. تحت عند يارا. كانت لمّت حاجتها هي ونسرين. نسرين: اتصلي ببابوكي ولا خالد، خليهم يجوا ياخدونا. يارا طلعت الفون وبتتصل بعم مصطفى. عم مصطفى: الألو؟ يارا بتوتر: الو يا بابا، أنت فين؟ –أنا أهو. أنا وخالد بنشوف لنا بيت عشان نسكن فيه، ولقينا واحد حلو أوي وخدناه خلاص. يارا: طب هو مينفعش نقعد في النهاردة؟

–لا، ليه بتسألي؟ مانتوا قاعدين عند كنان. في إيه؟ يارا بسرعة: أصل كنان طردنا، وكمان الصفقة بتاعتك لاغيها. –إزاي؟ ليه كل ده؟ أكيد إنتي السبب. إنتي وأمك. هبقى في الشارع يا ****. لازم طبعاً يطردكوا. ده إنتوا.. أقول عليكوا إيه يا رب. تكوني مبسوطة إنتي وأمك. العنوان أهو *****. تعالي يا أختي إنتي وأمك تقعدوا على الأرض وتناموا كمان على الأرض لحد ما نشوف لنا صرفة. سلام. يارا راحت هي وأمها وخرجوا من الأقصر. عند كنان وريم.

كنان كان بيشرح. ريم: كنان، كنان. كنان: إيه؟ عايزة تسألي في حاجة؟ حاجة مش فاهمة؟ ريم: لا، بس كانت عايزة أقولك حاجة. كنان بنفاذ صبر: قولي، ما إحنا مش هنخلص. ريم: قول سقف البيت سبع خشبات. عشر مرات من غير ما تتلخبط. كنان بغضب: ريم، بطلي تفاهة. يعني إنتي بتوقفيني عن الشرح عشان تقوليلي كده؟ ريم بملل: عايزة أستريح بقى. أنا تعبت. كنان: تعبتي من إيه يا أختي؟ ده إحنا ما بنكملش خمس دقايق على بعضهم من غير الألش بتاعك.

ريم: صراحة عندك حق. كمل ومش هقاطعك تاني ولا هتكلم في تفاهات تاني. بعد دقيقتين. ريم: يا كناااان. كنان: يا نعم؟ ريم: عينك دي ولا عدسات؟ عدى تلات أيام. ريم خرجت من المستشفى. وكل شوية تسأل على ريم. وإسلام يتوه. وسارة الحرباية رجعت لشغلها تاني. ويارا وأهلها متشحتتين. وخالد يقا يشتغل وساب دراسته ويارا كمان. ومصطفى إعلان إفلاسه في شركته دي كمان. وريم وكنان مفيش تغير.

كنان راح الشركة وريم كانت زهقانة، فنزلت الجنينة تتمشى شوية. –بسسسس، بسسس يا ريم. ريم بصت ناحية الصوت ولقيته مروان بيبص من الفتحة اللي في باب الجنينة. ريم جريت عليه وقعدت قدامه. ريم بفرحة: عامل إيه؟ وحشتني كتير كتير. مروان بخضة: ينهار مش زي بعضه. اللي عمل في وشك كده.. كنان أكيد صح؟