رواية اميري المنقذ الفصل العاشر 10 - بقلم جهاد صلاح

في صباح يوم جديد، استيقظت حور مبكرًا وهي متحمسة جدًا. أحضرت الفطار، ثم أخرجت أفضل فستان لديها، وكان لونه أزرق جميلًا عليها. ذهبت حور لتوقظ والدها. حور: بابا بابا، يلا الساعة 7. محمد: حاضر هقوم. أي النشاط والحيوية دي يا حور؟ حور: متحمسة علشان هيكون أول يوم شغل ليا. محمد: آه حبيبتي، شدي حيلك وخليكِ شاطرة واسمعي الكلام. حور: حاضر يا بابا، بس فين طنط سماح؟ مشوفتهاش النهاردة. محمد: راحت تزور أمها وتقعد معاها شوية.

(في سرها) حور: أحسن، اللهي ما ترجع تاني. تناولت حور ووالدها الفطار، ثم ذهبوا إلى الشركة. في شركة مهران. ملك: يا صباح الجمال، إيه الحلوة والشياكة دي. حور: تسلميلي يا لوكة. ملك: شايفة المكتب اللي هناك ده؟ ده بقى بتاعك. حور: الله، ده حلو قوي، بس مين اللي جايب الورد ده وإيه الهدية دي؟ ملك: روحي شوفي بنفسك. فتحت حور الكارت الذي كان موجودًا، ووجدته من ملك، والهدية كانت عبارة عن سلسلة عليها حرف H.

حور: حلو قوي السلسلة يا لوكة، دي مناسبة إيه بقى؟ ملك: تقدري تقولي بمناسبة أول يوم شغل ليكي. حور: ربنا يخليكي ليا يا أحلى لوكة في الدنيا. ملك: ويخليكي ليا يا أحلى حور. حور: هو البشمهندس أمير لسه مجاش؟ ملك: آه، زمانه قرب يوصل. لم تكمل كلامها، حتى دخل أمير بهيبته ولبسه الأنيق. أمير: صباح الخير. حور وملك: صباح النور. أمير: إيه رأيك يا حور في مكتبك؟ حور: جميل جدًا.

لفت نظر أمير بوكيه الورد والهدية التي على المكتب، وشعر بالغيرة في قلبه. أمير: هو مين اللي جايب الورد والهدية اللي على المكتب دي؟ حور: ملك جابتهم ليا بمناسبة أول يوم شغل ليا. شعر أمير براحة بداخله. أمير: آه، ربنا يخليكم لبعض. المهم، هدخل المكتب وتجيب لي كل الأوراق اللي محتاجة إمضتي. حور: حاضر. ملك: بصي، ده مستند الأوراق اللي محتاجة إمضاء، ادخلي خليه يمضي عليها. حور: حاضر. دق… دق. أمير: اتفضل، ادخل.

حور: حضرتك، دول الأوراق اللي محتاجة إمضاء حضرتك. أمير: ماشي، سيبهم هنا وأنا هرجعهم وأمضي عليهم. بس ممكن طلب؟ حور: اتفضل. أمير: ممكن تعملي لي فنجان قهوة؟ بس خلي بالك من نفسك. حور بابتسامة: حاضر، عن إذن حضرتك. أمير: اتفضلي. خرجت حور، وظل أمير ينظر إلى طيفها. حور: ملك، بصي، هروح أعمل فنجان قهوة للبشمهندس. ملك: طب ما يخلي عم أحمد يعملها. حور: مش عارفة، هو قالي أنا أعملها، فهروح أعملها وخلاص.

ملك بغمزة: تقريبًا البشمهندس بيحب قهوتك. حور: بت، اسكتي خالص ها، أحسن لك.