رواية اميري المنقذ الفصل التاسع 9 - بقلم جهاد صلاح

أمير: بس اهدي، حصل إيه لكل ده؟ هاتي إيديكِ وريني حصل فيها إيه. حور: لا أنا الحمد لله كويسة، هغسل إيدي. أمير: طيب ثواني هجيب مرهم عشان الحرق اللي على إيديكِ. ذهب أمير سريعًا وأحضر المرهم لها وأخذ يديها ليدهن لها، وفي تلك اللحظة وصلت ملك. ملك: إيه ده، مالها حور؟ حور: أنا كويسة، بس القهوة اندلقت على إيدي. ملك: ألف سلامة عليكي يا حبيبتي. أمير: أنا جبت المرهم ده، وحطي منه على طول عشان تخف، وألف سلامة عليكي.

حور: الله يسلم حضرتك، شكرًا جدًا. أمير: الشكر لله. ودخل أمير مكتبه. ملك: إيه يا بنتي اللي خلى القهوة تتكب على إيدك؟ وحكت لها حور عما حدث. ملك: طيب الحمد لله جات سليمة، تعالي كلي معايا. حور: لا أنا الحمد لله، بالهنا والشفا. ملك: تسلميلي. وتناولت ملك فطارها، وظلوا يشتغلوا هي وحور. حور وملك في صوت واحد: يااااااه أخيرًا! ملك: كده يا حبيبتي علمتك كل حاجة تخص الشغل. حور: آه الحمد لله، شكرًا ليكي.

ملك: حبيبتي، متقوليش كده، إحنا أخوات، بس زعلانة لأني احتمال ينقلوني الفرع التاني من الشركة. حور بحزن: لا بقى، أنا ما صدقت ألقى واحدة طيبة وحلوة زيك، خليكي بالله عليكي. ملك بحزن: هقدم طلب إني متنقلش، ويا رب يوافقوا. حور: ياااارب. ملك: يلا بلاش كآبة بقى، إن شاء الله هفضل معاكي. حور: إن شاء الله. ملك: بصي صح، تعالي ندخل للبشمهندس أمير نقوله إنك جاهزة من بكرة للشغل. حور: ماشي. دقا… أمير: اتفضلوا.

ملك: كده يا بشمهندس، أنا فهمت وعلمت حور كل حاجة تخص الشغل. أمير: كويس جدًا، خلاص كده يا حور هتبدأي من بكرة إن شاء الله. حور: آه إن شاء الله. ملك: احم احم، كنت حابة أطلب من حضرتك طلب يا بشمهندس. أمير: اتفضلي. ملك: شكرًا جدًا لحضرتك، بجد مش عارفة أقول إيه. أمير: متقوليش حاجة، كفاية اجتهادك وكفاءتك في الشركة. ملك: تسلملي يا رب. ملك: يلا يا حور نحتفل بره بقى، عن إذنك يا بشمهندس. أمير بابتسامة: اتفضلوا. وخرجوا من المكتب.

ملك بفرحة: هيصة هيصة، أخيرًا هنفضل مع بعض. حور: أنا فرحانة أوي بجد. ملك: الحمد لله، يلا روحي انتي وبكرة إن شاء الله نشوف بعض. حور: حاضر، هتوحشيني يا لوكة. ملك: أكتر يا قلب لوكة.