رواية اميري المنقذ الفصل الخامس عشر 15 - بقلم جهاد صلاح

حور: أي هيا بقي. أمير: لو جات فرصة إنك تكملي تعليمك هتكملي؟ حور: أكيد، بس هيا فين الفرصة بقي؟ أمير: إنتي مش بتقولي إن مرات أبوكي هيا السبب في حرمانك من التعليم، أنا ممكن أخليكي تتعلمي من وراها ومن ورا أبوكي كمان، وأنا واثق إنك لما توصلي لمكانة كويسة أكيد هيفرح بيكي. حور: طب إزاي من وراها؟ وبعدين إزاي مقولش لبابا؟

أمير: بصي، إنتي هتيجي الشركة عادي، بس في الفترة دي هتروحي المدرسة وترجعي على وقت انتهاء الشغل، ومينفعش تقولي لأبوكي لأنه ممكن يقول قدام مراته، أو إنه يرفض نهائي، فمقدمش حل غير إني منقولوش. حور: كلامك صح، بس ممكن تسيبي لبكرة أفكر. أمير: طبعًا خدي راحتك وفكري بحكمة، ولو حابة تروحي روحي. حور: ماشي، هيا ملك هتيجي بكرة؟ أمير: لا بس هتيجي بعده إن شاء الله. حور: إن شاء الله، يلا سلام. أمير: سلام.

وذهبت حور إلى منزلها وهيا تفكر فيما قاله أمير لها. حور لنفسها: أنا لازم أشوف ملك وأتكلم معاها وآخد رأيها في الموضوع ده، أنا هقوله بكرة إني لسه مفكرتش، وأستنى ملك لما ترجع بقى. وعلى الجانب الآخر، ذهب أمير إلى منزله، ليقضي وقت مع أخيه الذي كان بعيدًا عنه لمدة عامين. حسام: إنت جيت يا أمير؟ أمير بفكاهة: لا لسه. حسام: لسه ظريف زي ما إنت. أمير: بقولك إيه خف صداع أنا هموت وأنام. حسام: بدل ما تقعد مع أخوك هتروح تنام.

أمير: والله يابني من الصبح شغل وتعب. حسام: طيب روح اتخمد. أمير: شكرًا يا محترم. في صباح اليوم التالي استيقظت حور وذهبت إلى عملها دون أن تفطر لأنها كانت متحمسة للغاية. وبعد ربع ساعة وصلت حور إلى الشركة. أمير: صباح الخير يا حور. حور: صباح النور. أمير: أي النشاط والحيوية اللي على الصبح دي، بس كويس لأني في شغل كتير عايز يكمل وكمان عازمك على الغدا النهارده، لو ممكن. حور: ماشي، إن شاء الله هخلص كل الشغل. أمير: يلا على خير.

ودخل أمير مكتبه، وظلت حور تعمل وتعمل ونسيت تمامًا إنها لم تتناول شيئًا منذ الصباح. وبعد فترة شعرت بدوخة شديدة من كثرة العمل، وما أدى بها إلى الإغماء. سمع أمير صوت شيء وقع، فخرج سريعًا وإذ به يجد حور ملقاة على الأرض. أمير: ها يا دكتور هيا مالها؟ الدكتور: هبوط وإرهاق بس علشان ما أكلتش حاجة من الصبح. أمير: شكرًا يا دكتور، اتفضل. أمير: كده يا أستاذة حور متكليش حاجة من الصبح ومقولتليش.

حور: والله نسيت لأني كنت مشغولة في الشغل. أمير: طيب مفيش شغل بعد كده من غير أكل، وكمان تعالي أوصلك علشان مينفعش تكملي شغل لازم ترتاحي. حور: ما أنا بقيت كويسة خالص، ملوش لازمة هكمل عادي. أمير بعصبية: أنا قولت كلمتي. وانتهينا. حور: حاضر.