رواية اميري المنقذ الفصل السابع عشر 17 - بقلم جهاد صلاح

وفي اليوم التالي استيقظت حور وحضرت الفطار وصحت والدها علشان يفطر ويروح الشغل. حور: بابا أنا جهزت الفطار، منين ما تحب تأكل وأنا نازلة الشركة. محمد: ماشي حبيبتي مع السلامة. ذهبت حور إلى الشركة، وعندما وصلت. ملك: حبيبي اللي واحشني. حور: وأنتي أكتر، حمدلله على سلامتك يا عمري. ملك: الله يسلمك، عندي ليكي خبر حلو. حور: إيه هو؟ ملك: البشمهندس أمير قال إننا هنشتغل ساعتين بس، فـ إيه رأيك أنا هعزمك على الغدا ونتقعد نتكلم في المطعم. حور: يا فرحة قلبي، موافقة أنا كنت محتاجة أحكيلك على حاجات كتيرة أوي. ملك: إشطا يلا نخلص الشغل وبعدين نتكلم براحتنا. بعد حوالي نص ساعة. دق… دق… دق. ملك: الو. أمير: أيوه يا ملك خلي حور تحضر لي فنجان قهوة معلش. ملك: حاضر. ملك: حور معلش اعملي فنجان قهوة للبشمهندس. حور: حاضر. بعد 5 دقايق. دق….. دق. أمير: اتفضل، تسلم إيدك. حور: شكراً، عن إذنك. وبعد حوالي ساعة ونصف. ملك: كده خلصنا، تعالي نبلغ البشمهندس إننا ماشيين. حور: ماشي يلا. دق…. دق. أمير: اتفضل. ملك: خلصنا الشغل اللي ورانا، نقدر نمشي دلوقتي. أمير: آه، حور صحيح لازم تبلغيني برأيك بكرة علشان أبدأ الإجراءات. حور: حاضر، عن إذن حضرتكم. خرجوا هما الاثنين وفي الطريق إلى المطعم. ملك: بت يا حور، إيه الحوار اللي كان بيتكلم فيه البشمهندس. حور: نوصل بس المطعم وأحكيلك كل حاجة. ملك: ماشي إشطا.