رواية اميري المنقذ الفصل الثامن عشر 18 - بقلم جهاد صلاح

في المطعم. الجرسون: تؤمروا بأيه؟ ملك: اتنين مكرونة اسباجتي بالفراخ. الجرسون: تمام يفندم. ملك: ها يابنتي احكي. حور: بصي يا ستي، لما كنتي انتي تعبانة ومجتيش الشركة. ملك: اوعي تقولي اعترفلك بحبه ولا عملته إيه،… أنا كان قلبي حاسس إني هيحصل حاجة في غيابي. حور: أي شغل الدراما القديمة ده، اهدي أكملك. ملك: سكت ياختي. حور: المهم اتكلم معايا في حوار إني أكمل تعليمي. ملك: بجد؟! طب وأهلك؟

حور: قال إني أفهمهم إني في الشركة، وأروح المدرسة وأروح على موعدي. ملك: وبعدين؟ حور: فقررت أستشيرك. ملك: أنا بشجعك على كده بجد، وأي حاجة أنا هكون في ضهرك إن شاء الله. حور: ربنا يخليكي ليا وميحرمنيش من قلبك وروحك الجميلة أبداً. ملك: حبيبتي انتي أختي أصلاً… الأكل وصل والواحد جعان على الآخر. وبعد ما خلصوا أكل. ملك: حور يلا نتمشى بدل القعدة دي، وإيه رأيك ناكل مشوي ونشرب عصير قصب؟ حور: فكرة حلوة أوي يلا.

وبعد خرجهم من المطعم. رن… رن… ملك: بشمهندس أمير بيرن… حور: بصي إيه رأيك أفتح الاسبيكر وأقوليله إني روحت ومش معاكي ونشوفه عايز يقول إيه؟ ملك: فكرة حلوة يلا. ملك: الو السلام عليكم. أمير: وعليكم السلام، روحتوا؟ ملك: آه حور روحت وأنا قلت أتمشى شوية. أمير: طيب اتكلمت معاكي في حوار المدرسة وكده؟ ملك: آه وبصراحة أنا شجعتها على كده. ملك: هي اتشجعت واكيد بكرة هتكلمك إن شاء الله. أمير: إن شاء الله، شكراً، مع السلامة.

ملك: الشكر لله، سلام. حور: هههههههه. ملك: اخرسي هتودينا في داهية. حور: سكت. ملك: حبيتي قبل كده يا حور؟ حور: ياااااه. ملك: ما تنطقي ياختي آه ولا. حور: لا يختي، عيلة زيي هتحب إمتى أصلاً، هو أنا لاقية وقت أبص حتى على نفسي في المراية، بلا هم. ملك بضحك: فعلاً. حور: بس شكلك حبيتي قبل كده. ملك: بصراحة آه. حور: أمال راح فين. ملك: تعالي نقعد على الكورنيش وأحكيلك. حور: ماشي يلا.