رواية اميري المنقذ الفصل السادس 6 - بقلم جهاد صلاح

تفأجا أمير بأن هيا البنت التي رأها عندما كان يجلس على الشاطئ، ولكن لم يظهر لها هذا لأنها لم تتذكره لأن وقتها هيا كانت بتبكي ولم تركز في ملامحه. حور: احم احم… حضرتك معايا. أمير فاق من شروده: اتفضلي اسمك إيه؟ حور: اسمي حور محمد وده الملف اللي فيه بياناتي. أمير أخذ منها الملف وأخذ يقلب في صفحاته: حور انتي اشتغلتي في أي شركة قبل كده؟ حور: لا حضرتك. أمير: آه ماشي تمام، إن شاء الله تقدري تبدأي شغل من بكرة وملك هتساعدك لحد ما تتعلمي وتعرفي تعتمدي على نفسك. حور: إن شاء الله. شكراً لحضرتك، عن إذن حضرتك. أمير: اتفضلي. حور خرجت لتجد ملك تجلس تنتظرها بالخارج. ملك: ها عملتي إيه؟ حور: الحمد لله اتقبلت وهبدأ من بكرة وإنتي هتساعديني لحد ما أتعلم. ملك: مبروك يا جميلة، يلا روحي وبكرة معادك الساعة 8 إن شاء الله. حور: حاضر. هتوحشيني يا ملوكة. ملك: وإنتي أكتر يا قمر. رجعت حور لمنزلها. سماح: ها يا هانم عملتي إيه يا منيلة؟ حور: الحمد لله اتقبلت. سماح: طيب يختي اخلصي علشان تحضري الغدا. بينما على الجانب ظل أمير يفكر ويقرأ ملف تلك الحورية الجميلة بدقة. عاد محمد والد حور إلى المنزل. محمد: مبروك يا حور سمعت إنك اتقبلتي. حور: الله يبارك فيك يا بابا. سماح: يكش تنفع وتكمل متترفدش. محمد: بعد الشر، إحنا ما صدقنا إنها اتقبلت. وتناولوا الغدا وذهبت حور لتنام في سريرها.