شركة مهران بيه محمد: صباح الخير يا ملك. ملك: صباح النور يا عمو محمد. محمد: دي حور بنتي، اللي هتبقى سكرتيرة ابن مهران بيه. ملك: اه أهلاً بيكي يا قمر، نورتي الشركة. حور: منورة بيكي. محمد: خلاص يا ملك هسيب حور معاكي، وشوفي ابن مهران بيه فاضي إمتى علشان يتفق معاها على الشغل. ملك: حاضر روح أنت متشغلش بالك. محمد: ماشي مع السلامة. ملك: سلام. ملك: تعالي يا حور اقعدي على الكرسي ده. حور: حاضر.
ملك: تعرفي إن اسمك جميل وشكلنا هنبقى صحاب، ولا إيه رأيك؟ حور: طبعاً ده شرف ليا. ملك: تسلميلي، بس قوليلي بقى عندك كام سنة؟ حور: عندي 17 سنة، وأنتي؟ ملك: يا صغنن، أنا بقى عندي 21 سنة. حور: العمر كله ليكي، بقولك طيب ممكن تفهميني هعمل إيه بالظبط في الشغل؟
ملك: بصي، أنتِ هتبقي سكرتيرة ابن مهران بيه صاحب الشركة دي، يعني مثلاً لو في أوراق محتاجة إمضاء توديله يمضيها، وتنظمي مواعيده والاجتماعات وكده، ولازم كل صبح توديله قهوته، بس يا ستي هو ده الشغل. حور: طيب خير إن شاء الله، بس أنا المفروض أقابله إمتى؟ ملك: بصي، هدخل دلوقتي أبلغه بوجودك وأشوف هتدخلي إمتى. حور: ماشي، في انتظارك. ملك: أهلاً بحضرتك، حور بنت الأستاذ محمد السكرتيرة الجديدة، أقولها تدخل إمتى علشان تقابل حضرتك؟
ابن مهران بيه: نص ساعة وأقولك دخليها، أكون أنا خلصت الورق اللي معايا. ملك: تمام، عن إذن حضرتك. ملك: نص ساعة وتدخلي. حور: أنا بصراحة خايفة أوي. حور: خير إن شاء الله. ملك: يا ستي فرفشي كده، وأنا هروح أجيب عصير ونشرب سوا. حور: لا شكراً مفيش داعي. ملك: بطلي هبل يابت، أنا مش زي اختك برضه. حور: أيوه طبعاً، بس.. ملك: مبقاش هجيب العصير وأجيلك. حور: ماشي. بعد 10 دقايق ملك: ها، أنا جيت، اتفضلي العصير يا ستي.
حور: شكراً يا ملك، مش عارفة أقولك إيه على تعبك ده. ملك: متقوليش حاجة. وبعد ربع ساعة ابن مهران بيه: أيوه يا ملك، دخلي البنت اللي عندك. ملك: حالاً هدخلها لحضرتك… حور يلا علشان تدخلي وبلاش توتر واهدي خالص. حور: حاضر. ودخلت حور وعندما رآها هنا كانت المفاجأة…
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!