رواية انا لست ضعيفة الفصل الخامس والعشرون 25 - بقلم هبة أحمد

آدم: ماما هي سبب كل حاجة كويسة إحنا فيها. فرحة: مامّي دي أجمل مامّي في الدنيا. سهام (المذيعة) : وإنتي يا مدام شهد، كلميني عن نفسك. شهد: مفيش حاجة مميزة فيا، أنا عملت حاجة أكتر من الناس. أنا أقل الناس. سهام (المذيعة) : لأ، إنتي بجد أعظم من رجالة كتير. إنتي ست عظيمة، يكفي إنك فتحتي بيوت كتير بالمشغلة اللي عاملاها، وكمان محو الأمية والحضانة وتحفيظ القرآن، وغير تربيتك لأولادك.

شهد: صدقيني أنا معملتش حاجة. أنا كنت مجرد بنت ضعيفة جت هنا عند خالة مامّتها. منهارة، حيلها مهدود. ولولا ماما نبيلة ورحمة وجوزها ماهر وشيماء وجوزها عبده وستها وكل الناس الطيبة اللي هنا، ما كنتش بقيت شهد اللي قاعدة قدامك. سهام (المذيعة) : احكيلي عن حياتك ومين وقف جنبك وإيه اللي خلاكي تسيبى عيلتك وتيجي تعيشي هنا.

شهد: حياتي، كنت زي أي بنت عايشة في منطقة شعبية وكنت محتاجة للأمان وملقتهوش إلا هنا. وكمان الحمد لله ربنا أكرمني في أول مشواري بدكتور ناصر. كان نعم الأخ، ربنا يبارك له في أولاده ويرضى عنه. وكمان مدام سناء، اللي لما كنت تعبانة سهرت بيا واتبرعت بدمها ليا. وكمان دكتور منى صادق، اللي رفضت تاخد مني مليم وتابعت معايا طول شهور الحمل ويوم الولادة. لاقيتها هي ودكتور حاتم منتظريني حبًا فيا مش عشان حاجة. الناس دي هي اللي علمتني إزاي أحب اللي حواليا وإزاي أزرع الخير وأنا عارفة إني هلاقيه في أولادي.

سهام (المذيعة) : ممكن تحكي عن ظروف زواجك من البشمهندس جاسر وهل أنتم منفصلين ولا على خلاف؟ شهد: كان جوازنا جواز تقليدي وعمري ما كان بيني وبين جوزي أي خلاف. كل الحكاية إنه من الناس اللي بتحب شغلها. وبعدين طالما إنه موفر لأولاده معيشة كريمة ومراعي ربنا فينا، لازم يراعي شغله. سهام (المذيعة) : سؤال أخير، إنتي بتحبيه؟ شهد: زي حبي لأولادي وأكتر. عشان هو سبب وجودهم. أعتقد بكده أنا جاوبت على كل شيء. سهام (المذيعة)

: وإنت يا آدم، إيه رأيك في كلام ماما؟ آدم: ماما كلامها حقيقي. هي بتعمل كل حاجة حلوة لكل الناس اللي تعرفهم واللي ما تعرفهمش. تاني يوم تم، أثناء إذاعة الحلقة. خالد: مساء العسل يا حبيبتي. رحاب: يسعد مساءك. أحضر لك العشا؟ خالد: الأولاد ناموا. رحاب: من بدري. خالد: ليلتنا فل بآمر الله. اعملي سندوتشات وتعالي على ما آخد شاور وأجهز عشان عاوز أقولك كلمة سر. رحاب: في السريع ههههههههههه. خالد: لا كده بلاش سندوتشات وتعالي.

رحاب: خد شور الأول. خالد: ماشي. ماسمعش نفسك لحد ما خرج. ماشي. رحاب: بدلع. حاضر يا حبيبي. خالد: بت انتي تعالي، مش عاوز أكل. أنا جعان حاجات تانية. هوووب رن الفون. رحاب: شوف مين الأول. خالد: طنشي. اهو فصل. رن تاني. رحاب: شوف مين الأول. مسك الفون. خالد: دا زفت أخوكي. رحاب: رد، داكيد حاجة مهمة. خالد: خير يا غلس. نادر: افتح التليفزيون على قناة خالد: ليه؟ فيه حفلة رقص؟ روح يا شيخ ربنا ينكد عليك.

نادر: شهد وعيالها على التليفزيون. خالد: شهد مين وعيال مين؟ افتح التليفزيون على قناة . عليا العوض. الليلة انضربت. رحاب: حطت إيدها على بقها. دي شهد وولاد مين دول؟ خالد: أكيد ولاد جاسر. الولد فيه شبه منه جامد. رحاب: دا نسخة منه. خالد مسك الفون وطلب عدة أرقام. خالد: جاسر، انزل مصر على أول طيارة. جاسر: ليه يا حليتها؟ اكنش وحشتك. خالد: مش أنا. دي مراتك وعيالك. جاسر: إنت أهبل يالا؟ ولا شارب حاجة؟ اقفل بدل ما أهزقك.

خالد: شهد ظهرت على التليفزيون ومعاها ولد وبنت، ولادك. جاسر: هههههههه. وإنت عبيط وصدقت؟ وعيالي منين بقا؟ بالمراسلة؟ إنت عليك كلام غريب. خالد: الولد نسخة منك. أنا بعت صورهم ليك على الواتس أب. جاسر: أنا نازل بس عشان أفضح كذبها وأعرف هي كانت بتعمل إيه فين ومع مين. خالد: يا خسارة. إنت زي ما إنت. ماتغيرتش. مع الأسف. اقفل مع نفسك بقا. جاسر: فتح الواتس وقعد يتفرج على الصور وقال: طب إزاي دي كان عندها نزيف؟

بس بصراحة خالد عنده حق. الولد نسخة مني. يارب إلهمني الثواب. وقام بطلب عدة أرقام وجاءه الرد. دكتور عدي: مساء الخير يا واطي. جاسر: عامل إيه يا حبيب قلبي. دكتور عدي: مهو باين بأمارة إنك مبتردش على اتصالي. جاسر: خلي قلبك أبيض، أنا آسف. دكتور عدي: خير يا اسطى؟ أكيد عاوز مصلحة. جاسر: بصراحة آه. دكتور عدي: خير يا بارد. هات آخرك. جاسر: استشارة. هو لو واحد حصل مع مراته

بعنف وجالها نزيف ودخلت المستشفى وبعد كده محصلش حاجة، ممكن تحمل؟ دكتور عدي: أيوه أكيد. لو الدكتور اللي وقف النزيف معملش عملية تنضيف الرحم وكانت في فترة التبويض. جاسر: متأكد؟ دكتور عدي: الولد شبهك. دا نسخة منك. مش بتتكلم عن شهد وعيالها؟ جاسر: أيوه يا صاحبي. دكتور عدي: انزل خد مراتك وعيالك في حضنك. مراتك شكلها ست بمية راجل. أنا شفت الحلقة كلها. جاسر: هاحجز على أول طيارة وجاي. وحجز على أول طيارة ونزل مصر.

مشيرة: نادر، بدموع. ممكن أطلب؟ نادر: هنروح أنا وإنتي وماما وبابا وعمي حسين عند شهد. مشيرة: ربنا يخليك ليا. وإنت عرفت البرنامج منين؟ دا إنت قاعد قدام التليفزيون من المغرب. غريبة يعني. نادر: أنا وبابا وعمي محفوظ وعمي حسين كنا نعرف مكان شهد ومتابعينها من بعيد. مشيرة: معقولة؟ من إمتى وإزاي ما قولتليش؟ نادر: يابت مكنتش عاوز أشغلك عن الدراسة. وبعدين دا طلب بابا. حتى ماما متعرف. مشيرة: وإنتوا عرفتوا منين؟

نادر: من ستي نبيلة وماهر جوز رحمة بنتها. مشيرة: يعني شهد قاعدة عند خالتي نبيلة؟ نادر: أيوه. بقولك إيه، هم العيال ناموا؟ مشيرة: من بدري. هنروح لشهد إمتى؟ نادر: تعالي الأول نحتفل برجوع شهد. مشيرة: نام بقى، عاوزة أنام. نادر: شدها عليه. تعالي نامي. حوطها بإيديه. صبااااااااااح يوم سعيد على الجميع. على الطريق المتوجة للقرية اللي شهد تقطن فيها، هناك ثلاث سيارات تتسابق لـ...