رواية انا لست ضعيفة الفصل الرابع والعشرون 24 - بقلم هبة أحمد

جاسر: انزل يا عريس شوف عروستك خلصت ولا إيه. ماهر وقف يرد على الفون فجأة لقى حد خبط على كتفه. ماهر: إيه ده! إنتِ بتعملي إيه هنا؟ رحمة: أنا جيت مع نادر علشان العروسة تبقى مرات خالد صاحبكم. ماهر: معقول! سبحان الله. دي ولا في الأحلام. رحمة: أيوه والله! يلا نركب. جاسر: هو أنت كمان بتلعب بديلك يا عم ناما؟ ماهر: هههههههه لا يا خويا، ده المدام خالد طلع متزوج بنت خال المدام. جاسر: اتشرفت بيكي، نورتي يا مدام.

رحمة: متشكرة، المكان منور بحضرتك. الكل ركب وراحوا القاعة، كانت زفة جميلة بجد. وجلس ماهر مع رحمة وأقارب رحاب. والحاج حسين أبو شهد ومراته وولاده. فريدة: بت يا مشيرة تعالي. مشيرة: نعم يا خالتي، عاوزة حاجة؟ فريدة: معاكي المفتاح، روحي نضفي المطبخ واعملي الأكل علشان لما تمشي كليتك الصبح. مشيرة: خليني أروح معاكم، أروح إزاي لوحدي؟ فريدة: مليش فية. الحاجة نبيلة: متسيبها تفرح معانا، ولما تروح ابقوا اعملوا اللي وراكم.

فريدة: ملكيش فية، يلا يا بت اخلصي. مشيرة: حاضر يا خالتي. ومشت تبكي وهي خارجة. نادر: مشيرة تعالي، عاوزك. مشيرة: نعم. وبتمسح في دموعها. نادر: مسك إيدها، رايحة فين؟ مشيرة: رايحة أعمل غدا بكرة وأنضف المطبخ. نادر: لا تعالي معايا. مشيرة: سيبني الله يكرمك، مش عاوزة مشاكل. نادر: امشي معايا وانتي ساكتة. وراح عند أبوه والمعلم محفوظ.

نادر: بابا، أنا عاوز أكتب كتابي على مشيرة النهاردة. وانت يا عمي محفوظ اتصرف، مشيرة هتبات الليلة في أوضة رحاب. فريدة: أنا مش موافقة. المعلم محفوظ: إيه رأيك في كلام نادر يا حاج حسين؟ حاج حسين: أصل البت لسة صغيرة. وأنا... المعلم محفوظ: نادر يا ابني، بكرة بعد العصر كتب كتابك على بنت عمتك. دلوقتي خد وطلع فيزا كارت هات ليها دبلة وخاتم وطقم كويس. نادر: تشكر يا عمي، مستورة والحمد لله. فريدة: خلي بالك يا حسين، أنا مش موافقة.

المعلم محفوظ: لما المعلم محفوظ يقول كلمة تمشي على رقبته الكل. فريدة: يلا يا ولاد. ومشت. نادر: عمي محفوظ، الليلة مشيرة هتنام مع ماما وهتروح كليتها. وقسما بالله لو حد اتعرضلها لأكون مخلص عليه. يلا نجيب الشبكة ونتصور. مشيرة بصت لأبوها. الحاج حسين: روحي مع خطيبك يا مشيرة، ألف مبروك. انتهى الفرح وقضوا الليلة عند الحاج مسعد وعملوا هيصة لمشيرة. وفي الصباح ودع الحاج مسعد ومراته الحاجة نبيلة على موعد لزيارته. رحمة: شهووود!

وحشتيني. شهد: حمد لله على السلامة، الفرح حل. رحمة: ده حصل حاجات. وحكت لها على كل حاجة. شهد: أنا فرحت لمشيرة، نادر راجل بمعنى الكلمة. ماهر: أم آدم، أنصحك ترجعي لجاسر، ده بيموت من غيرك. شهد: هو مات في نظري من زمان، أنا رتبت حياتي على عدم وجوده. ماهر: آسف لتدخلي، هامشي أنا. يلا يا رحمة. بعد مرور 11 سنة. شهد: يلا يا فرحة علشان نلحق. لبست يا آدم. فرحة: خلاص يا مامي، أنطي رحمة ظبطتني. شهد: يالهههههوى!

إيه اللي عاملة في نفسك ده؟ فرحة: جميلة صح يا أنطي شوشو. وطلعت لسانها. آدم: إيه رأيك يا ماما مز؟ شهد: آه يادماغي هههههههه، منكم لله بوظتوا تربية ولادي. نروح لرحمة عندها (شهد ويوسف وحبيبة 10 &7 &4 سنوات) رحاب: عندها (شهد وياسين توأم و جاسر 8& 4) أما شيماء: (خليل وحسين وعمر 7 &4&1 سنة) أما مشيرة عندها (شهد و حسين 3& 1سنة) نرجع للواقع.

آدم وفرحة حصلوا على المركز الأول والأول مكرر على مستوى الجمهورية في الشهادة الابتدائية، وكمان المركز الأول في مسابقة القرآن. وفرحة طلعت الأولى في مسابقة الرسم على محافظة وفي مذيعة من قناة فضائية هتعمل مع شهد والأولاد حديث لبرنامج (٠٠٠٠٠٠) ماهر: يلا يا ولاد هنتاخر. آدم: مش مهم، خليهم ينتظروا، أنا وأختي مش أي حد. شهد: عيب، المفروض نحترم كلمتنا ومواعيدنا تكون مظبوطة. فرحة: حاضر يا مامى. آدم: كلامك صح يا ماما.

فرحة: طب أنا نفسي أقابل بابي، أنت وعدتينا لما ننجح صح يا مامى. شهد: إن شاء الله لما يرجع من السفر ها يجي و تفضلوا أنتم مع بابي، ولما يسافر تقعدوا معايا هنا. آدم: بجد يا ماما؟ بس أنا عاوزك تبقي معانا. شهد: ركز في المقابلة دلوقتي، ماشي. وانتي يا فرحة بلاش شقاوة. المذيعة (سهام) : يا آة البلد دي بعيدة بس جواها حلو ونضيف. شهد: نورتوا المحافظة كلها. سهام (المذيعة)

: البلد منورة بيكم. يلا يا شباب ظبطوا الشغل علشان نخلص بدري، ورانا هوا. المعدين: حاضر يا أستاذة. شهد: أستاذة سهام، الولاد معاكي، أما أنا عندي شغل دلوقتي. الأستاذ ماهر معاكم لو حد احتاج حاجة. يلا يا شيماء. وراحت لفصل تحفيظ القرآن. شيماء: كان المفروض تنتظري مع الولاد، مش يمكن ساعتها جاسر يشوفك وترجعوا لبعض. شهد: تصدقي إنك لسة هبلة يا شوشو، ده زمانه معاه عيال وزمانه اتجوز أكتر من عشر مرات بفلوسه.

شيماء: بس بصراحة هو ولد مز آخر حاجة. شهد: من ناحية مز فهو شكله مز، بس جواه حيوان مفترس. شيماء: إنسي يا شهد، واحمدي ربنا بقى عندك عيلة جميلة. ربنا يخلي ولادك. شهد: لولا ماما نبيلة وانتي ورحمة وماهر وعبدة مكنش بقيت أنا كدة. ماهر: أم آدم، تعالي. سهام المذيعة عاوزاكي. شهد: حاضر. تعالي مكاني كمل السورة دي معاهم واقفل الفصل. ماهر: حاضر. شهد: يلا يا شوشو علشان جوزك أكيد عاوزك. وصلت مكان التصوير. شهد: السلام عليكم، خير. سهام

(المذيعة) : الولاد مش عاوزين يردوا على أي سؤال غير وانتي موجودة. شهد: حاضر، هاقعد معاهم. سهام (المذيعة) : طب ظبطي وشك علشان الكاميرا. شهد: لا كدة كويس. سهام (المذيعة) : هنبدأ يا جماعة. المعد: سيري توه وان. سهام (المذيعة) : حلقة النهاردة مع أطفال معجزة بمعنى الكلمة. لقائنا مع التوأم آدم وفرحة الحاصلين على المركز الأول في الشهادة الابتدائية وكمان المركز الأول في تجويد القرآن.

فرحة: لا، فرحة وآدم. أنا أكبر من آدم بخمس دقائق. سهام (المذيعة) : ماشي يا قمر. عرفيني بنفسك. فرحة: أنا اسمي فرحة جاسر محمد. بابي مهندس كبير وصاحب شركة مع جدو، بس هو مسافر على طول. سهام (المذيعة) : يعني مش بتشوفي بابي؟ فرحة: بييجي وأنا نايمة وبيبعت هدايا كتير لينا كلنا، بس أنا عاوزة أقول له وحشتني يا بابي كتير. سهام (المذيعة) : وانت يا آدم مش عاوز تقول حاجة؟ آدم: لا حضرتك، اسألي وأنا أجاوبك. سهام (المذيعة)

: أنت كنت بتذاكر كام ساعة في اليوم؟ آدم: يومنا بيبدأ من أذان الفجر، نصلي مع ماما ونقعد نقرأ قرآن لحد الساعة ستة ونص، نلبس وننزل نفطر، نلاقي عمو ماهر منتظر ياخدنا إحنا وولاده وولد عمو عبدة ونروح المدرسة. وبعد انتهاء اليوم الدراسي نرجع مع عمو ماهر بروضة وناجي نغير ونأكل ونعمل الهوم ورك وننام شوية أو نتفرج على التليفزيون. وبعد كده ننزل عند ماما ناخد الدرس مع الولاد ونراجع شوية وننام. سهام (المذيعة)

: عاوزة أعرف أسباب تفوقك انت واختك. آدم: ماما هي سبب كل حاجة كويسة إحنا فيها. بابا ديما مشغول بشغله وماما هي اللي منظمة حياتنا، وكمان هي علمت أولاد كتير القرآن والرسم. سهام (المذيعة) : هي ماما رسامة؟ آدم: ماما بنحب الرسم، وفرحة واخد المركز الأول في الرسم. فرحة: مامى دي أجمل مامى في الدنيا. سهام (المذيعة) : وانتي يا مدام شهد كلميني عن نفسك.