رواية انا لست ضعيفة الفصل الحادي والعشرون 21 - بقلم هبة أحمد

ماهر: اركبي يا شهد. هانروح. شهد: من امتى أنا بقيت شهد هانم يا أسطى ماهر؟ إيه اللي زاد عليا؟ ماهر: اللي زاد عليكي إنك بقيتي مرات جاسر باشا. شهد: تشكر يا جوز أختي. أنا هشوف أي حد يوصلني، طالما بقيت شهد هانم. رحمة: اركبي يلا يا شهود، خلينا نروح. ماهر ساكت خالص. شهد: أسطى ماهر، ممكن تركن على جنب خمس دقائق بس؟ ماهر: تحت أمرك. وركن. شهد: بص ياسيدي، أنا حصل معايا... وحكت له كل حاجة ودموعها نازلة. ماهر: ينهار أبيض!

بقى فيه ناس مفترية للدرجة دي؟ رحمة: وأكتر، ما انت شايف دعاء أختي. شهد: هو انت تعرف جاسر؟ ماهر: أعز المعرفة. كنت شغال معاه وسبت الشغل. وكمان خالد صاحبه الوحيد، هو أعز أصدقائي. شهد: أوبااااااا! بكده أنا ضعت. وطبعًا هتقول لجاسر إنك تعرف مكاني؟ ماهر: عيب عليكي يا أم آدم. دانتي أمانة في رقبتي. انتي أخت رحمة. شهد: ربنا يستر. انت فعلاً نعم الأخ. رحمة: أقسم بالله لو كنت قلت كلام غير كده كنت اتطلقت النهاردة. ماهر:

(مسك إيد رحمة) بالنسبة لينا، قدامك شهرين وتكوني في بيتي، وإلا هاجي أقعد عندكوا في الأوضة بتاعتك معاكي، ولا إيه يا أم آدم؟ شهد: حقك بجد. كتر خيرك. الحاجة نبيلة: زي النهاردة الشهر الجاي فرحك، وأنا واثقة فيك إنك مش هتكشف ستر شهد. ماهر: عيب يا خالتي. دي أختي وولادها ولادي. شهد: ده العشم. وخد بكرة ميعاد الحوالة. ماهر: حاضر، بكرة هابعتها. شهد: الحوالة باسم خالي وهو بيوصلها لأختي عشان تقدر تكمل تعليمه.

ماهر: ربنا يبارك ليكي في أولادك. يلا وصلنا، طلعي أختك على فوق على طول يا رحمة، وبلاش الفترة التانية، ريحوا النهاردة. رحمة: حاضر. تسلم. منحرمش منك. ماهر: بعشقك يا مراتي. رحمة: امشِ بقى. ماهر: حاضر، انزلوا الأول. يلا. شيماء: لولولولولولى. لولولولولولى. لولولولولولى. ألف مبروك. حمد الله على السلامة. الجيران طلعوا والكل بارك لشهد بابتسامة جميلة من ناس طيبة. شهد: ردت التحية بابتسامة حلوة وطلعت أوضتها هي وأولادها.

شيماء: أنا فرحانة ليكي يا شوشو. ربنا يجعلهم من الخلف الصالح. شهد: اللهم آمين. ويسعدك يا حبيبتي. شيماء: نامي شوية، زمانك تعبانة. شهد: هاخد شور وأغير وبعدين أنام. شيماء: هانزل أحضر ليكي لقمة. شهد: لا، ماليش نفس بجد. جعانة نوم. رحمة: شهد، انتي ريحة فين؟ شهد: هاخد شور بسرعة. رحمة: أنا شغلت قرآن جنب الولاد، خليه كده على طول. شهد: حاضر. هو ماهر مشي؟ رحمة: أيوه. كنت عايزة حاجة؟ شهد: سلامتك، بسأل بس.

الحاجة نبيلة: يلا يا شيماء حضري الأكل. رحمة: ماما، إيه رأيك نعمل سبوع لأولاد شهد الجمعة بعد اللي جاية؟ شهد: هههههه. ومين اللي هيحضره أصلاً؟ إحنا نجيب حاجات حلوة للولاد الشارع واللي في الحضانة. وبعدين أنا يومين وهنزل أدرس للعيال، عشان أنا قصرت معاهم. شيماء: لا والله، ده العيال ما شاء الله حافظين سور كتير من القرآن، وبنت أختي بقت بتعرف ترسم. شهد: الحمد لله. ده من فضل ربنا. نطيييييرررررر للاسكندرية. ***

رحاب بتكلم نادر أخوها على النت. رحاب: هترجع امتى يا حبيبي؟ نادر: قدامي 4 شهور وأنزل وأخطب بقى. رحاب: في حد شاغل بالك؟ نادر: مفيش، لسة هادور. رحاب: إيه رأيك في مشيرة بنت عمتك؟ نادر: مش سكتي، بجد. أنا عايز واحدة أحبها وتفهمني، مش المقفلة دي. رحاب: تصدق هي خسارة فيك. نادر: شهد أختها مظهرتش لسة؟ رحاب: مع الأسف لأ، محدش يعرف عنها حاجة. نادر: حددتي ميعاد الفرح؟ رحاب: لما أعرف انت جاي امتى بالظبط، عشان عايزك جنبي.

نادر: حاضر يا حبيبتي. ناقصك حاجة؟ رحاب: تسلم. أمشي عشان خالد على الفون. نادر: ربنا يسعدك. رحاب: خالد، إزيك؟ أخبارك؟ خالد: بحبك يا قلب خالد. هو اسمي حلو كده؟ رحاب: هههههه. انت صدقت. خالد: بلاش أم الضحكة اللي بتجنيني دي، ارحمني. رحاب: ههههههه. سلامتك. خالد: لا كده أنا ممكن أتهور وأجي آخدك من إيدك وأمشي. رحاب: خالص يا عمنا، اعقل شوية. خالد: مش قادر والله، تعبان من غيرك. رحاب: هانت يا حبيبي. خالد: قولتي إيه؟

قول تاني كده. رحاب: قولت هانت. خالد: اللي بعدها قوليها تاني والنبي. رحاب: ههههههه. خلاص بقى. خالد: أبو أم الكسوف بتاعك اللي هيجنني. رحاب: هتجيب العفش امتى؟ خالد: في أي وقت، انتي فاضية؟ رحاب: ابقى كلم بابا واتفق معاه. على فكرة نادر نازل بعد 4 شهور. خالد: يا مسهل. بقولك اقفلي، الله يرضى عليك، الغتت على الفون. بعشقك. رحاب: مع السلامة.

مرت الأيام بدون أي جديد، إلا أن جاء فرح رحمة وتم في حفلة بسيطة في الشارع وتم على خير، مع رفض دعاء أختها حضور الفرح. وبعد مرور 3 شهور، فون للحاجة نبيلة يرن. الحاجة نبيلة: الوووو، مين معايا؟ الحاج مسعد: أنا مسعد يا خالتي. الحاجة نبيلة: أوعك تكون مسعد ابن أختي. الحاج مسعد: هو بشحمه ولحمه. الحاجة نبيلة: عاملين إيه يا ابني؟ فيك الخير اللي افتكرت خالتك.

الحاج مسعد: أنا عايزك تيجي تحضري فرح رحاب يوم الخميس الجاي، وأوعك تكسفيني. الحاجة نبيلة: مبروك يا ابني، بس أشوف ظروفي. الحاج مسعد: أنا عارف إني مقصر معاكي، والوحيدة اللي كانت بتودك تحية أم شهد. الحاجة نبيلة: الله يرحمها. ولادها كويسين؟ الحاج مسعد: بالله عليكي تيجي يا خالتي. ولاد تحية واحدة في التعليم، والتانية ربنا يعترنا فيها. الحاجة نبيلة: لما أشوف ظروف زوج رحمة إيه الأول. الحاج مسعد: هاتى بناتك وأزوجهم ينوروا.

الحاجة نبيلة: حاضر يا ابني. ألف مبروك. شهد حاطة إيدها على بقها ودموعها نازلة. الحاجة نبيلة: على فكرة أنا هاروح عشان محدش يجي هنا ويشوفك. شهد: ماشي يا ماما. وأنا هاجيب شيماء تنام معايا.