رواية انا لست ضعيفة الفصل العشرون 20 - بقلم هبة أحمد

الحقيني أنا بولد. قامت تجري واتصلت بماهر. ماهر بنوم: الووو مين معايا؟ رحمة: البس وتعالى، شهد بتولد. ماهر: قام يلبس وقال: اجهزوا دقيقة وأكون عندكم. رحمة: ماما، ادّي المفتاح لـ طنط أم محمد عشان شيماء تفتح الحضانة لحد ما نيجي. الحاجة نبيلة: لا خليكي، إنتِ مش هتقدري تتحملي صريخ شهد، هتتعبي. رحمة: مستحيل أسيب أختي لوحدها، هطلع أجيب شنطة لبس الولاد من فوق. الحاجة نبيلة: وهاتي غيار لـ شهد معاكي. رحمة: حاضر يا ماما.

ماهر: بيب بيب، يلا يا جماعة. رحمة: اركبي قدام يا ماما. الحاجة نبيلة: لا عشان أسند بنتي، وإنتي اركبي جنب جوزك وكلمي الدكتورة منى ولا الدكتور ناصر. رحمة: هكلم الدكتور ناصر، زمان الدكتورة منى نايمة. وطلبت رحمة رقم دكتور ناصر. دكتور ناصر: خير يا بنتي، أوعى تكوني بتولدي؟ رحمة: هي فعلاً بتولد ومش عارفة أروح فين. الدكتور ناصر: روحوا مستشفى المركز هتلاقوا كل شيء جاهز. رحمة: حاضر، متشكرة.

دكتور ناصر: شهد دي بنتي، ربنا يقومها بالسلامة. شهد: هاموت يا ماما، الحقيني. رحمة: قربنا نوصل يا حبيبتي، سرّعي شوية يا ماهر. ماهر: مسك إيد رحمة وقال: مش هينفع عشان ما تتبهدلش. الحاجة نبيلة بتمسح عرق شهد: خلاص فاضل شارعين ونوصل. ماهر: قعد يضرب كلاكس، بتاع الأمن فتح الباب. الحاجة نبيلة: حد يلاحقنا، البنت تعبانة. الممرضات اتلمت ولقوا دكتورة منى معاهم.

دكتورة منى: يلا بسرعة على العمليات، خلاص يا شهد. يلا حد ينادي دكتور حاتم. رحمة: ينهار أبيض، دكتور حاتم! يابختك يا شهد، دكتور حاتم أكبر دكتور نسا وتوليد في المحافظة. ماهر: وطّي على ودنها: وإنتي عرفتي منين ياعسل؟ رحمة بخضة: ها، من التليفزيون، وكمان دي معروفة يعني. ماهر: عقبال ما تتابعي معاه. رحمة: أبو شكلك قليل أدب. ماهر: سامعك على فكرة. رحمة بدموع: أنا خايفة عليها أوي، شكلها تعبان.

الحاجة نبيلة: ماهر خد رحمة واتمشوا شوية، لما تقوم بالسلامة هارن عليكم. شهد: الحقونننني، هموت. دكتورة منى: خلاص، العيل على وشك الخروج، اجمدي حبيبتي. شهد: هاموت يا دكتورة، ارحميني. دكتورة منى: خلاص حبيبتي، حاجة بسيطة، قولي يا رب. شهد: يارب. آها آها، الحقونننني. وفجأة سمعوا صوت بكاء طفل صغير. دكتور حاتم: يلا فوقي واجمدي عشان بنتك، فوقي. وخبطها على وشها بشويش. دكتورة منى: خايفة يغمى عليها والبنت تتعب.

دكتور حاتم: هاتوا الجاهز بسرعة وركب ليها نفسي بسرعة. ولحظات وخرجت البنت. دكتور حاتم: يلا بسرعة اخلصوا تنضيف وجهزوا محلول بسرعة، نص ساعة وكل بقاااا تمام. الحاجة نبيلة: رنت على رحمة. جت تجري لقتها قاعدة وعلى كل رجل عيل. رحمة: بسم الله ما شاء الله، ممكن أشيل يا ماما. ماهر: هاتي يا ماما، أأذن في ودنهم. الحاجة نبيلة: خد يابني. خدهم ماهر وأذن في أذنهم وعطاهم لـ رحمة.

دكتورة منى: شهد دلوقتي في أوضة عادية، الحمد لله ولدت طبيعي. الحاجة نبيلة: الحمد لله، تعبانكي معانا يا دكتورة. دكتورة منى: عيب تقولي كده، ربنا أعلم أنا بحب شهد قد إيه، حمد الله على سلامتها. رحمة: وهى تقدر تخرج امتى؟ دكتورة منى: ممكن النهاردة بعد العصر، بس خليكم بكرة عشان هي لازم تكتب العيال بنفسها وتسجلهم في مكتب الصحة وتعمل لهم بصمة كعب وتحليل، يعني حاجة روتينية. الحاجة نبيلة: ماشي يا بنتي، نقدر ندخل عندها؟

دكتورة منى: أيوه، دكتور حاتم خلاها في أوضة لوحدها، اقعدوا براحتكم، عن إذنكم. رحمة: جزاكي ربنا خير يا دكتورة منى، متشكرة. دكتورة منى: ده واجبي. تليفون شهد رن. رحمة: بصت لـ ماهر وقالت: ده دكتور ناصر. ماهر: رد عليه. رحمة: السلام عليكم. دكتور ناصر: وعليكم السلام، حمد الله على سلامتها، هي كويسة؟ رحمة: لسة داخلة عندها الأوضة، بس دكتورة منى طمنتني عليها. دكتور ناصر: تمام، لما تفوق خليها تكلمني.

رحمة: حاضر يا دكتور، مع السلامة. رحمة وماهر راحوا، والحاجة نبيلة فضلت مع شهد، وعدى اليوم. وجه صباح يوم. شهد: ماما، ياماما، فين عيالي؟ الحاجة نبيلة: حمد الله على السلامة، أهم نايمين. شهد: حلوين، ماما، ممكن أشوفهم؟ الحاجة نبيلة: خدي يا ستي، ده آدم بيه. شهد: بسم الله ما شاء الله، جميل. الحاجة نبيلة: أموال لو شوفتي العسل ده، أجمل فرحة في الدنيا. رحمة دخلت وقالت: دي بتاعتي أنا. شهد: امشي يابت، روحي اتجوزي وهاتي عيال.

ماهر بابتسامة: ما إحنا هنحدد الفرح على طول. رحمة: أبو شكلك قليل أدب. ماهر: حمد الله على السلامة، يلا افطروا وأنا برة، غيروا واجهزوا عشان نروح قبل الحر. رحمة: استنى أفطر معاكم. ماهر: خلي أم آدم راحتها. الحاجة نبيلة: خدي يا رحمة، كلي مع جوزك برة. رحمة: حاضر يا ماما. شهد: الحمد لله، فين لبسي يا ماما؟ الحاجة نبيلة: أهو، يلا هساعدك. شهد: خلي رحمة تجيب تصريح الخروج. الحاجة نبيلة: حاضر. ماهر: أنا جبت التصريح، هسخن العربية.

شهد ساندت على رحمة ونزلت، وركبوا وراحوا لكتابة الأولاد. الموظف: خير، عاوزين إيه؟ شهد: عاوزة أطلع شهادتين ميلاد لولادي. الموظف: فين الأب؟ شهد: مسافر، مساك شركة باباه في فرنسا، وادي بطاقتي وبطاقته والقسيمة. الموظف: إنتِ بتقصدي جاسر محمد صاحب شركات (=======) شهد: أيوه، وإيه المشكلة؟ أدي بطاقتي وبطاقتة والقسيمة كمان. الموظف: ممكن خدمة يا هانم؟ شهد: أنا مش هانم، تحت أمر حضرتك.

الموظف: عندي ابني مهندس، لو يمكن البيه يشغله عنده. شهد: حاضر، لما يرجع بالسلامة. الموظف: اتفضلي يا أستاذة سيدة. سيدة: أمرك يا أستاذ. الموظف: خلصي الهانم بسرعة. سيدة: حاضر، ثواني أكون خلصت. شهد: خدي يا ست الكل (فراشة في المكتب) . هاتي حاجة ساقعة لكل اللي في المكتب، والباقي على حسابك. الست الفراشة: ربنا يخليهم ليكي يا بنتي. شهد: يارب. يلا يا جماعة. ماهر: اركبي يا ست شهد. شهد: من إمتى أنا بقيت ست شهد يا أسطى ماهر؟

إيه اللي زاد علبة؟ ماهر: اللي زاد إنك بقيتي مرات جاسر باشا.