رواية انا لست ضعيفة الفصل التاسع عشر 19 - بقلم هبة أحمد

يلا الأكل يا بنات. هو مفيش مكرونة وفراخ يا ستي. رحمة مسكتها من إيدها وفتحت الباب وخرجتها وقالت: امشي روحي عند زهيرة ومش عاوزة أشوف وشك. شيماء: آه آه حرام عليكي، الحقيني يا خالتي رحمة بتضربيني. الحاجة نبيلة: مالك يا رحمة بتضربي البنت الغلبانة دي ليه؟ رحمة لسه بتتلفت، شيماء دخلت وطلعت لسانها ووقفت خلف الحاجة نبيلة. رحمة: تصديقي مش هادخل المكرونة البيت خالص. شيماء: متقدريش، خالتي بتحبني وهتعملي.

نطيييييييير عند فيلا أبو جاسر. الاستاذ محمد: نفسي أفرح بجاسر، هو دلوقت منتبه لشغله، يا ريت يشوف هناء بنت الحاج سعيد صاحبي. شهيرة: هو لسه ما عرفش حاجة عن مراته؟ الاستاذ محمد: لأ، دي زي ما تكون إبرة في كوم قش. شهيرة: أنا هاسافر له، طالما مش عاوز ييجي، وهاحاول أقنعه. الاستاذ محمد: يا ريت، ده حتى خالد صاحبه خطب وكمان كام شهر هيدخل. شهيرة:

والله أنا حزينة على مراته الغلبانة، يا ترى راحت فين، لو كانت جت عندي والله كنت أخدتها حقها. الاستاذ محمد: ربنا يقدم اللي فيه الخير. أنا داخل المكتب أخلص باقي الشغل. شهيرة: وأنا هنزل أنا وسعدية نجيب طلبات البيت. الاستاذ محمد: خدي السواق، بلاش تسوقي انتي. شهيرة: حاضر. عاوز أكل مخصوص أجيبه؟ الاستاذ محمد: لأ العادي، متتأخروش. شهيرة: لسه الساعة سبعة، لسه بدري. *** شهد: بت يا شيماء انتي نايمة كده ليه؟ وإحنا إمتى؟

شيماء بتفرك في عينيها: انتي صحيتي، حمد الله على السلامة. شهد: إيه اللي حصل؟ مش فاكرة حاجة. شيماء: أنا كنت واقفة جنبك لقيتك وقعتي، وحكت لها اللي حصل. شهد وضعت إيدها على بطنها وقالت: ربنا يستر، صح ولادي بخير؟ شيماء: متخافيش، ربنا يكملك بخير. شهد: يارب، آمين. بقولك تعالي نصلي وننزل نعمل أكل، وإلا أنا جعانة جامد. شيماء: يلا يا قطة. اتوضوا وصلوا. شيماء: حرمة. شهد: جمعًا بإذن الله. بقولك هاتي الشنطة اللي في الدولاب من تحت.

شيماء: حاضر، أهه، خدي يا أبلتي. شهد فتحت الشنطة وخرجت منها فستان حرير طبيعي سكري بحمالات بالبدي بتاعه بطرحته وقالت: خدي ده يا حبيبتي، والله ما حد لبسه. شيماء: آخد إيه ده؟ شكله غالي أوي وقماشته مشوفتهاش في أي محل هنا. شهد: فعلاً، هو مستورد، بس ميغلاش عليكي. شيماء بكت وقالت: معقول أنا غالية عليكي للدرجة دي؟ شهد: انتي أختي، ابت، خد الشنطة دي، حطيها فيها، مبروك عليكي. شيماء: منحرمش منك ربنا يخليكي. هالبسه يوم خطوبتي.

شهد: ربنا يفرحك. يلا ننزل نحضر الأكل. شيماء: هنعمه مكرونة باللبن. شهد: تقصدي عزيزية، ماشي. وبصت في التلاجة بس مفيش لبن. شيماء: هاروح أجيب لبن من عند ستي وأجي. شهد: ماشي. رحمة: صباح الفل على العسل. شهد: صباح العنبر حبيبتي، معلش قلقتكم عليا. رحمة: الحمد لله إنك بخير، اصحي ماما تفطر معانا. فين شيماء؟ شهد: هههههههه، راحت تجيب لبن، عاوزة تعمل مكرونة باللبن (عزيزية) رحمة: هههههههه، دي مدمنة مكرونة. شيماء:

خدي يا شهد جبنة قريش ولبن من عند ستي. رحمة: صباح العسل يا سوسة. شيماء: صباح الفل يا بطتي، صحي خالتي. نروووووح اسكندرية عند رحاب. رحاب: صباح الفل يا مشمشة، عاملة إيه؟ مشيرة: تعبانة، معدش قادرة، خالتي فريدة مشغلاني مرمطون ليها ولعيالها. رحاب: طب وعمي حسين مش بيدافع عنكم؟ مشيرة: من يوم ما عرفت بموضوع شهد وبابا، معدش له أي سلطة. ده بتشتمني وبتعايره بشهد. رحاب:

معلش يا حبيبتي، هابقى أجي أساعدك في المطبخ ومراجعة دروسك يومين في الأسبوع. مشيرة: يا ريت. هو أخوكي نادر كويس؟ رحاب: الحمد لله. هو مش بيكلمكم؟ مشيرة: لأ، مكلمنيش من زمان. ابقي سلمي عليه. هدخل من الشارع دا للمدرسة، عاوزة حاجة؟ رحاب: تسلمي يا حبيبتي. رحاب طلبت عدة أرقام. خالد: الوووو، صباح العسل حبيبتي. رحاب: قوم يا كسلان، هتتأخر على الشغل. خالد: بحبك. رحاب: هاقفل. خالد: والله العظيم بعشقك.

رحاب قفلت الفون وضحكت، فونها رن تاني. رحاب: بسرحان، أنا داخلة على المصنع، اقفل بئ. خالد: هاجي النهاردة نخرج شوية. رحاب: مش هينفع. خالد: هينفع، انتي مراتي. بقولك. رحاب: نعم؟ خالد: بعشقك يا مراتي. رحاب: وأنا كمان. وقفلت. خالد: اشطااااااا. ماما ياماما. أم خالد: الفطار جاهز يا حبيبي. هههههههه. خالد: بحبك يا ماما. أم خالد: حاسب لا أصدق، ربنا يسعدك يا ابني. رحاب كويسة؟ خالد: أيوه، بتسلم عليكي. أم خالد:

ربنا يسلمها، سلم عليها. خالد: حاضر. أنا ماشي، الغتت بيرن عليا، الظاهر عاوز حاجة. أم خالد: ربنا يفك كربته ويرجع له مراته. خالد: يارب يا ماما، سلام يا حبيبتي. نزل على السلم. الوووو. جاسر: خير يا بوص. خالد: شهد مظهرتش بروضة؟ جاسر: لأ والله، وأغلبته، وكمان أهلها محدش يعرف عنها حاجة. خالد: ربنا يلم شملكم. جاسر: يارب، ابعتلي أوراق المناقصة أراجعها، وخلي بابا هو اللي يمضي الورق، وحط السعر على آخر لحظة، ماشي؟ خالد:

أوكي يا بوص. حاجة تاني؟ جاسر: شكرًا. وتمر الأيام، لا جديد غير قرب خروج توأم شهد إلى النور، وبالنسبة للحضانة فقد كسبت شهرة جامدة وبقت فترتين، وشيماء اتخطبت. شهد قبل الفجر بساعة: ماما، ياماما، الحقيني، آآآآه. الحاجة نبيلة: إيه يا بنتي، هو حصل؟ شهد: أيوه يا ماما، الحقيني، هاموت، آآآآه. رحمة بنعاس: مالك يا شهد؟ شهد: الحقيني، أنا بولد. رحمة قامت تجري واتصلت بماهر. ماهر بنوم: الوووو، مين معايا؟ رحمة:

البس وتعالى بسرعة، شهد بتولد. ماهر قام يلبس وقال: جهزوا، دقيقة وأكون عندكم. رحمة: ماما، ادى المتاح لطنط أم محمد عشان شيماء تدي العيال لحد ما نيجي. الحاجة نبيلة: لأ...