رواية انا والعملاق الفصل الأول 1 - بقلم فيروزه

واقف عندك كده ليه يادكتور؟ معاد العيادة قرب والناس واقفة تتشكى قدامها. دكتور... سند بابتسامة: نعم يا عوض. عوض بضحك: بعد كل ده وبتقولي نعم يا عوض؟ اللي واخد عقلك يا دكتور؟ سند بابتسامة: ولا حاجة. بقولك، هي بنت مين اللي بتتعارك هناك دي؟ عوض بضحك: اللي بتضرب الراجل دي؟ سند بضحك: هي بتضربه كمان؟ أما أدخل. ابعد كده يا عوض. يا قوي. سند بيعدل هدومه وقرب من الخناقة. سند بابتسامة: مالك يا آنسة؟ مين زعلك بس؟

هي بصوت عالي: أهو حمار كمان داخل في الخناقة. سند بغضب: قصدك على مين حمار يا آنسة؟ هي بغضب: عليك انت يا أمور. غور بقي أحسن أزعلك. سند شمر كمه: تزعلي مين يا حلوة؟ هي سبت اللي كانت بتضربه وقربت من سند. لو راجل مد إيدك عليه. ده لو راجل. وضحكت بخبث. سند بعصبية: هعرفك أنا راجل إزاي يا بت. وقرب منها. هي خافت من شكله وعروق إيدها اللي ظهرت. الجري نص الجدعنة. أجري يا مجدي. وركبت التوكتوك وجريت بيه. وهي ماشية بيه، طلعت لسانها.

لأنا لقاء آخر يا عملاق. سند بابتسامة خبيثة: لأنا لقاء يا قلب العملاق. عوض بضحك: دكتور، بقولك. سند بابتسامة: قول يا قلب الدكتور. عوض بضحك: قلب مين يا دكتور؟ العيادة والناس. سند افتكر وطلع يجري على العيادة. ضربتي مين النهاردة يا بنتي؟ واحد كده يا حجي. ليه يا آخرة صبري. والله يا حجي، قولته الأجرة عشرة جنيه. قالي خمسة بس. بقوله كنت قول من الأول. قالي وهتعملي إيه يعني. قولته طيب خد. وروحت وروحت ضربته. ضربتيه؟

يلا يا آخرة صبري نشوف حال مشكلتك. وبعدين مش قولتي بلاش سواقة تاكسي تاني. والله يا حجي، قولته أسأل وقتي. وبعدين الواد صبحي كان تعبان. قولت اطلع مكانه. طيب غوري اغسلي وشك وتعالي عايزك. أشطة يا حجي. عوض. عوض: نعم يا دكتور. سند بابتسامة: لسه في حالات بره ولا خلاص؟ عوض بضحك: لأ كده جبرت. سند بابتسامة: طيب أنا مروح عشان عندي مشوار مهم. عوض بضحك: ألف مبروك مقدماً. سند بابتسامة: الله يبارك فيك. انتي يا زفتة. نعم يا حجي.

روحي يلا في مكانك. فوريرة. آه ده اللي بأخده منك. بقولك إيه يا حبيبي، هات ورد شيك كده عشان يعجب العروسة. حاضر يا ست الكل. داخل محل الورد. ولقى واحدة واقفة. سند بابتسامة: يا آنسة. يا آنسة. هي مالها مش بترد ليه؟ وقرب منها وخبط على كتفها. هي بصوت عالي لفت ليه: انت بتتحرش بيه؟ وكمان في ملكي؟ ده انت ليلة أمك مش عدية. سند بغضب ماسكها من كتفها: انتي تاني؟ هو انتي إيه عفريتة؟ بتطلعيلي منين انتي يا بت؟ هااا.

هي بهدوء وسهوكة: أنا يا قلبي. الكلمة دي هزت قلب سند. ورخى إيده. هي بصوت عالي: ولاه انتي ياض رد. سند بغضب: عايزة إيه يا زفتة؟ هي: سيبني. سند بابتسامة: أهو سيبتك. هي: عايز إيه؟ سند بابتسامة: عايزك. هي بصوت عالي: نعم يا روح أمك. سند بغضب قرب منها. ومسكها من كتفها: تاني لسانك الطويل تاني. هي بهدوء: آسفة يا باشا. سند بضحك: أنا عايز بوكيه ورد شيك كده. هي بضحك: عيني. عملت البوكيه. وهو ماشي. سند بابتسامة: صحيح اسمك إيه؟

هي: شمس يا عملاق. سند بابتسامة: عملاق في عينك. الله أكبر. شمس بضحك: أحبك وأنت لطيف وخايف على نفسك. سند بابتسامة: بت عيب عينك. شمس بضحك: أشطة يا باشا هغمض. اتاخرت كده ليه يا حبيبي؟ سند بابتسامة: كانت بتختار الورد. طيب يلا يا حبيبي. سند وصل عند العروسة. البارت انتهى بس الحكاية لسه في البداية. واللي جاي أقوى بكتير من اللي فات.