رواية انا والشرير الفصل الثالث 3 - بقلم روما

تتجوزيني يورد! يه أنا كام مرة هقولك بطل تعشمني بحاجات مش هتحصل، أنا قلبي مبقاش فيه مكان للكسر. بصي، أنا مش هقولك إني حبيتك من يوم شوفتك فيه، بس أنا محتاجلك معايا. هتشتغلي معايا والمقابل إنك هتكملي دراستك وحياتك هتتغير، هتعيشي حياة تانية. ولو قررت في يوم إني أمشيكي هديلك مبلغ كبير تعيشي منه، وهفتحلك محل ورد. يورد ظهر عليها الخوف وسألته بتردد: شغل إيه! أي نوعه؟ أنا مممعيش شهادة أشتغل بيها. غمز وقالها:

شغلانة مش محتاجة شهادة، محتاجة ذكاء وأنتي ذكية ما شاء الله. اتنفست بعمق وقالتله: يفندم دي آخر مرة هقولك، أنا محيلتيش حاجة غير شرفي، فلو سمحت ابعد عني وشوفلك واحدة غيري تشغلها معاك. طب وهو أنا جيت ناحية شرفك، أنا هاتجوزك فترة وبعديها هنتطلق. وفي الفترة دي أوعدك مش هقربلك ولا هلمسك، أنا عاوزك بس تمثلي إنك بنت عمي. بنت عمي! مش فاهمة حاجة.

شو يا ستي، بنت عمي دي مامتها أخدتها تعيش معاها برا مصر من 11 سنة. ومن كام شهر جدي كلفني أدور عليها، فلما سافرتلها اكتشفت إنها اتوفت من سنة، وعمي تقريباً بيحتضر. وآخر أمنية ليه إنه يشوف بنته، وأنتي فيكي ملامح منها، لون عيونك وشعرك البني. انحني قدام شفا*يفها وهمس: وشفا'يفك الروز. رجعت لورا بتوتر فكمل كلامه بحماس: وخدودك، ملامحك تشبهلها كتير قوي. إفهمي دي حالة إنسانية، أنتي لو شوفتي حالته هتحزني عليه والله. اتنهدت

يورد بارتياح وقالتله: أنا موافقة، بس إيه اللي يضمنلي إنك متجيش ناحيتي واحنا متجوزين؟ لا من الناحية دي اطمني، أنا ضامن نفسي. غمز وقالها: بس لو أنتي اللي قربتي مني أنا مليش دعوة. بصتله بذهول وقالتله: أكيد مش هاجي ناحيتك، يعني هو أنا حوله! أفهم من كدا إنك وافقتي. اممم. طب تمام، يلا عشان أروح آخدك من الراجل اللي أنتي شغالة عنده. لي! لي إيه! أقصد لي هتقوله يعني.

آه أصل أنا اتفقت معاه إني آخدك مقابل فلوس عشان مي'عمليش مشاكل. وفر فلوسك، لو زي ما أنتا بتقول هتبقى تفتحلي محل ورد وهلاقي مكان أبات فيه، مش هرجع لهم ولا للشارع تاني. طب ولو كنت بكذب عليكي. اتنفست بعمق وقالتله: وقتها ربنا يتولاني يا زوجي على ما تفرج.