رواية انا والشرير الفصل الثاني 2 - بقلم روما

ابيعلك اي ده، بني آدمة هي بهيمة؟ نص مليون، حلو! عيونه لمعت وابتسم ابتسامة بينت أنيابه وقاله: اتنين مليون وحلال عليك. 750 ألف، آخر كلام. مش عاوز يبقى براحتك، هشوفلي غيرها. خلاص يا باشا، حلال عليك. فين الست اللي مشغلاك؟ بان عليه التوتر والفزع وقاله بخوف: ست مين يا بيه؟ أنا صاحب المكان هنا. أنت مباحس ولا إيه؟ ضحك عدي بسخرية وقاله: أنا سمعت من البنت اللي كنت بتضربها إنها ساكنة عند واحدة ست مش راجل.

آه، قصدك على أختي يا بيه؟ متقول كدا. لا دي أختي وأنا وهي واحد. امم، طب عاوز أقعد معاها عشان نتفق على سعر البنت. لا يا بيه، الاتفاق معايا أنا. ملكش دعوة بيها. هي ماسكة شغل البنات بس. معاك تليفون؟ آه يا بيه، معايا. دفس إيده في جيبه وطلع منه فوق باين إنه غالي وقاله: أهو يا بيه. انت سارقه ولا إيه؟ لا يا بيه، والله. حض الله ما بينا وبين الحرام. هه. كتب رقمه وقاله: ده رقمي. لما البنت ترجع، كلمني. ماشي يا بيه.

كانت قاعدة على الرصيف، حاطة إيديها على خدها ومغمضة عينيها لحد ما حست بحد بيقعد جمبها. بصت جمبها بسرعة لقته هو. قامت من مكانها وقالتله: شوف يا بيه، أنا ممكن أكون فقيرة وعلى باب الله، بس ده ميديلكش الحق إنك تمشي ورايا. لو عاوز مني حاجة غير الورد، فأنا محيلتيش غيره وغير شرفي، فابعد عني ينوبك فيا ثواب وسيبني أشوف أكل عيشي. ومتجيش المكان اللي آويني تاني. أنا مش عاوزة مشاكل. الله أعلم هيعملوا فيا إيه لما أرجع لهم.

وقف قصادها وحني ضهره فكان وشه مقابل وشها تماما. بص في عيونها بإبتسامة وقالها: مش عاوزة تكملي تعليمك يا ورد؟ ضحكت بسخرية وإستهزاء بكلامه: أكمل إيه؟ تعليم إيه يا بيه؟ أنا عايشة على قد طبق الفول والفلافل اللي بيأكلهولي. تقولي تعليم. رفع جزعه وقالها: طب إيه رأيك إن أنا طلبتك من الراجل اللي أنت شغالة عنده ده وهاخدك معايا وأخليكي تكملي تعليمك. بصتله ودمعت: بلاش تخليني أحلم يا بيه. الأحلام للي زيي حرام. تتجوزيني يا ورد؟