رواية انا وظابط الفصل الأول 1 - بقلم دعاء تهامي

رايحة فين يختي؟ -هنزل السوبر ماركت أجيب حاجة وأجي. -ربنا يصبرني على ما ابتلى. -أي ي ستي ماما؟ ده أنا هدية في حياتك. -مش عايزها يختي. -طحن خواطر كده. -مش بيأثر فيكي حاجة. -حبيبتي ي نبع الحنان. -امسكي الورقة دي، كتبتلك فيها كام طلب هاتيهم وإنتي جاية. -ماشي، هاتي الفلوس. -أبوكي مديكي امبارح، هاتي منهم. -بس ده مصروفي الخاص. -وإنتي بتجيبي أي حاجة، ما كل حاجة بتاخدي مني. -بس كده ظلم.

-خلاص خليكي، بس مش هتاكلي من المكرونة البشاميل. -لا كله إلا كده، خلاص هجيب، بس لما ييجي بابا هقوله على اللي بتعمليه فيا ي ستي ماما. -طيب يختي. -سلاموزززز. وهيا نازلة على السلالم لقت ولد في حدود 12 سنة، جت من وراه وقالت: بببببخ! -ازيك ي ابن لطفي؟ -حرام عليكي ي رولان، كل مرة تخضيني كده. -بهزر معاك ي تلميذي. -أنا هقول لأبوكي على اللي بيحصل ده. -طب قول، وأنا مش هقولك غير ي واد ي ابن لطفي، الحق أمك بتنور وتطفي.

-ربنا على الظالم. -بتقول حاجة؟ -لا، سلامتك. -ابقى سلم على أمك ي ابن لطفي. طلعت على أول الشارع معرفتش تعدي. -طب وبعدين، مفيش حد واقف أمسك فيه وأعدي، وأنا بخاف أعدي الطريق، طب هفضل كده، توكلنا على الله. لسه هتعدي، كان فيه عربية هتخ*بطها بس وقفت على آخر لحظة. -إنتي متخلفة. -أنا اللي متخلفة ولا إنت ماشي تتمنظر بعربيتك ومش عارف تسوق، وغير كده قليل الذوق، بدل ما تنزل تشوف حصلي حاجة ولا لا، نازل تقلل ذوق معايا.

-أصل شايفة زي القردة قدامي. -قردة في عينك. -وبعدين بطلي رغي، العربية مجتش فيكي. -وإنت مين عشان تقول جت أو ما جتش، وعظامي اللي اتكسرت من الوقعة وهدومي اللي اتبهدلت دي، أنا هروح أشتكي عليك. -بجد، أنا كنت رايح القسم، تعالي. -ليه؟ ظابط؟ إنت دانت شكلك بياع طماطم أو جزار عشان ماشي تدوس على خلق ربنا. -ما أنا ظابط فعلاً. -إنت شكلك س*جين أصلاً. -طب هوريكي. راح ناحية العربية، جاب حاجة ورجع تاني. -امسكي شوفي بنفسك.

مسكت الورقة وبصت فيها وعيونها اتسعت من الصدمة. -هااا، اقري اللي مكتوب. -الظابط شادي المحمدي. -مش كنت بياع طماطم، وإيه كمان؟ -قلبك أبيض ي باشا. -اه، افتكرت، وجزار. -امسك، أنا لازم أمشي فوراً، ماما زمانها قلقانة عليا، وأنا مسامحة في حقي. سابته وطلعت تجري. -يخرب بيت لسانك، مش لايق على شكلك، قمر. روحت البيت، لقت مامتها في المطبخ. -الله، ريحة الأكل تجنن. -جبتي الطلبات، وإيه اللي عمل فيكي كده؟ -كان فيه عربية هتخ*بطني.

-العربية كويسة؟ -إنتي أم إنتِ؟ بدل ما تسألي عليا. -إنتي مش بيأثر فيكي حاجة. -شكراً ي ستي ماما، عايزة آكل. -لا مفيش أكل، أبوكي عازم واحد صحبه وابنه هييجي معاه، زمانهم جايين دلوقتي. -بس أنا جعانة. -وإنتي إمتى بتشبعي؟ روحي اعملي حاجة تنفعك. -خلاص ي ماما، قربت أبقى ممرضة رسمي، يخلص شهر التدريب وأتعين. -ونبي أنا ما خايفة غير على المرضى. -دايماً بتجبري خاطري، أنا جعانة دلوقتي وعايزة آكل، مليش دعوة.

-تعالي ساعديني وإنتي هتنسي جوعك. -اه افتكرت، نسيت حاجة لازم أعملها. لسه بتتكلم، جرس الباب رن. -ما دي عادتك، افتحي الباب طيب. -يووه، الواحد ميعرفش يعمل حاجة في البيت ده. راحت ناحية الباب وفتحت، عيونها اتسعت من الصدمة. آآآآآآآآآآآآآ*