رواية انقذني من حياتي المؤلمه الفصل الرابع 4 - بقلم مياده محمد

زين: مخطوبة ليا....... أنا خطيبها. يندهش الجميع، ويوسف يقوم ليضربه، لكن أباه يمسكه. نور: مش عرفتوا مين اللي خاطبني... اتفضلوا امشوا بقى. عمها: نمشي إيه، واتخطبتوا إمتى... وإزاي. زين: ملكش دعوة. يوسف: مليش دعوة إزاي... أنا مش همشي من هنا يا بوي قبل ما أقتلها. عمها: اقعد يا ولدي وهنشوف الموضوع ده... إزاي ده يا أستاذ تجوزوها من غير علمنا. نور: وأنتم كنتم سألتوا علينا؟ ... اتفضلوا امشوا دلوقتي.

عمها: ماشي، إحنا ماشيين دلوقتي بس هنرجع تاني ناخدك غصب عنك أو برضاكي. يستحسن تفكري في الموضوع ويكون برضاكي. يمشون. الأم: إيه اللي أنتم عملتوه ده يا ابني. نور: هما مشوا والموضوع اتحل. الأم: بس هيعرفوا وهيرجعوا تاني. زين: طب يبقى نعمل خطوبة كده لحد ما الموضوع يتحل. نور: خ... خطوبة. زين: ده الحل الوحيد اللي يبعدهم عنك. الأم: دي فكرة حلوة بصراحة، إيه رأيك يا نور. نور، وهي تنظر لزين: موافقة... لو ده هيبعدهم عني.

الأم: طب تمام يا ابني... هو أنت كنت جاي علشان حاجة مهمة. زين: لأ خالص، ده نور كانت طالبة مني كتاب، فكنت جاي أجيبهولها. الأم: طب كتر خيرك يا ابني. زين: خلاص يا نور، لو حصل أي حاجة تاني كلميني وأنا هاجي، أو لو جم ماشي. نور: حاضر. زين: خلاص يا خالتي، لو احتاجتوا أي حاجة ابقوا كلموني. الأم: أنا هكلم سامية نشوف حوار الخطوبة ده. زين: عن إذنكم. الأم: سلام يا ابني. نور: أنا خايفة أوي يا ماما. الأم: متخافيش، زين هيتصرف.

تعدي الأيام، وتجد نور الموبايل يرن، فترد. نور: ألو... تندهش نور عندما تسمع الصوت. نور: يوسف. يوسف: أيوه يوسف... مالك مستغربة كده إيه. نور: مش مستغربة، عايز إيه يا زفت. يوسف: في واحدة تقول لجوزها المستقبلي زفت... بس مش مهم، طالعة منك عسل. المهم روحي.