رواية انقذني من حياتي المؤلمه الفصل الثاني 2 - بقلم مياده محمد

قاعدين مع مامتها. عمامها طول عمرهم عايشين في البلد ومبينزلوش. بتروح نور من غير ما تسلم عليهم وتقعد وتقول: في حاجة يا ماما؟ هما جايين ليه؟ في حاجة حصلت؟ بيتكلم عمها بنبرة غضب وبيقول: في إيه.. انتي مقولتلهاش ولا إيه؟ نور: مقولتليش إيه. بتتكلم الأم: مقولتلهاش ومش هقولها ومش هيحصل، واعملوا اللي انتوا عايزينه. بترد نور: ممكن حد يرد عليا؟ بيتكلم عمها ويقول:

أنا هقولك يا بنتي.. إحنا جينا من فترة وقولنا لأمك إننا هنيجي علشان نجوزك ليوسف. بيكون زين واقف على الباب وسامع كل حاجة وبيندهش من اللي سمعه. بتتكلم نور: انت بتقول إيه؟ أنا مستحيل أوافق على اللي بيحصل ده، انتوا ماسألتوش علينا من ساعة موت بابا، جايين دلوقتي علشان إيه؟ تجوزوني؟ مستحيل. عمها: البنات عندنا ملهاش كلام في الموضوع ده، برضاكي غصب عنك هتم يعني هتم. نور: أنا مش موافقة واعملوا اللي انتوا عايزينه وبعدين أنا...

بيقطعها عمها: معندناش بنات تفرض رأيها. بيطلع عمها مسدس من جيبه وبيوجهه عليها: هاقتلك.. هاقتلك. في اللحظة دي اللي بيدخل فيها زين اللي جاب آخره وبيخبط على الباب مرة واحدة. بتقوم نور تفتح. نور: زين. زين: مالك خايفة كده ليه؟ نور: عمامي جوه وعايزين يجوزوني ليوسف ابن عمي وأنا مش موافقة. زين: أنا هتصرف متخافيش. نور: ماشي. بيدخل زين من غير ما يسلم على أي حد. زين: إزيك يا خالتو. الأم: إزيك يا حبيبي.

زين: هو في حاجة يا خالتو ولا إيه؟ الأم: لأ مفيش حاجة يا حبيبي. نور: إزاي مفيش؟ لأ فيه. الأم: لأ مفيش يا نور اسكتي. نور: إزاي مفيش يا ماما؟ أنا هقول لزين.. يا زين إن عمامي الأفاضل ماسألوش علينا من ساعة موت بابا وجايين دلوقتي يجوزوني ليوسف ابن عمي الفاضل. زين: إزاي؟ ونور...