رواية انقذتني الفصل الحادي والثلاثون 31 - بقلم يارا احمد

عشق بعدم فهم: سـر.. ثم إيه اللي جرالي حاجة دي؟ ما أنتي زي القطة أهو. نغم بتضحك: لا، كانت حلوة مع الجملة بس.. بتكمل بحزن: عشق، أنا عارفة إنك ممكن تكرهيني، بس أنا مش هكذب أكتر من كده تاني.. بتبص على عيونها: وأنتي ليكي حرية الاختيار إذا هتفضلي تحبيني ولا لأ. عشق بقلق: نغم في إيه!! أنتي بتكلمي كده ليه؟ وإزاي أكرهك؟ أنتي اتجننتي!! نغم بتاخد نفس

وتقول بحزن وهي بتبص لتحت: عشق، أنا كذبت.. أنا مش كنت عمية.. أنا كنت بكذب عليكي لـ 11 سنة. بتضغط وبتشد الغطا بإيدها: أنا عارفة إنك مصدومة وإنك مش هتسامحيني وإنك بتكرهي الكذب، بس أنا كنت عايزة أعتذر.. أنا حاسة إني أحسن كده. بتبص على عشق بتشوف دموعها نزلت. عشق بدموع: يعني كله كذبة؟ كل حياتنا مع بعض كذبة؟ نغم بدموع: لا والله العظيم، لا.. أنا بحبك يا عشق، أنا معنديش غيرك.

دموعها نزلت بغزارة: أنا اعترفت عشان بحبك ومش قادرة أكذب أكتر من كده. عشق، أنا كنت بتوجع وخايفة كل يوم إنك تسيبيني لو عرفتي إني مش عمية. عشق بضيق ودموع: كفاية بقى كفاية.. أنتي جاية تبرري بعد ما كنتي هتروحي فيها عشان تستغلي الوضع وأسامحك صح؟ نغم بوجع: لا يا عشق، أنا مش بفكر كده خالص.

عشق بدموع: شوفي يـ نغم، نحن اللي بينا انتهى. وشكراً إنك كنتي السبب إني أكون مع عيلتي، بس أنا مش عايزة علاقة بتجمعني بيكي. ويا ريت نفضل بنات خالات مش أكتر ونلتزم حدودنا مع بعض. نغم بتعيط جامد وعشق بتخرج وهي معصبة. عشق بتوقف قدام جاسر وتقول بعصبية: أنا لما كنت بسألك عن نغم مقلتليش على موضوع إنها كانت بتمثل عليكي ليه؟ جاسر بهدوء: لأني أجبرتها تمثل عليكي. هي ملهاش ذنب.

عشق بدموع: أنت عارف.. أنا غلطانة إني حاولت أسامحك. كل مرة بتندمني أكتر من اللي قبلها. بتبص على غسان: بس المرة دي أنا هفضل مش عشانك بس، عشان أخويا وأختي. بتبص على جاسر: بس هيفضل كذبك حاجز بينا للأبد. بتروح، وغسان وكيان بيلحقوها. قصي بتنهد: هحل الموضوع وعد. جاسر بيبص عليه وبييهز راسه بهدوء، مع علامة استفهام ليه قصي بيساعدهم. غسان بيمسك إيد عشق وبيجرها لحضنه: كفاية عياط يا عشق، وربنا دموعك بتحرق قلبي.

عشق بعياط وهي بتمسك فيه: غ.. غسان.. نغم كانت أقرب شخص ليا يا غسان، هي كذبت عليا. هم ليه مش بيحسوا بيا؟ هم ليه بيعملوا كده؟ كل ما أثق في حد بندم. غسان، أنا عايزة أروح لماما، أنا عارفة إنها بتحبني أكتر منهم. غسان دموعه نزلت على حال عشق وبقول بألم: متقوليش كده يا عشق. ماما عند ربنا وهي في مكان أحسن قوي. قلبك يا حبيبتي. بيبعدها عن حضنه.

كيان بتاخد عشق في حضنها: خلاص يا عشق، نحن هنفضل جنبك. أنتي مش وحيدة. أنا وغسان وغرام معاك. اهدئي يا عشق، أرجوك بطلي عياط. عشق بتعيط: ا.. أنا عايزة أروح البحر ممكن؟ غسان: آه طبعاً ممكن. يلا. بروحوا البحر وعشق بتفضل قاعدة على الكرسي، وغسان وكيان بيبصوا ليها بحزن. قصي بيدخل غرفة نغم. قصي: أنتي ليه عملتي كده؟ أنتي أذيتها أوي. نغم بتعب: هي هتتأذى وهيزيد ألمها كل يوم لو كذبت عليها يا قصي.

قصي بتصعب عليه نغم: ماشي يا نغم، بس أحسن تبعدي عنها الفترة دي. نغم بتهز راسها بهدوء. بعد يومين عدوا على نغم في المستشفى، وعشق مش كلمتها، وكانت بتحاول تنسى نغم نهائياً. قصي: يلا يا عشق. عشق: يلا فين؟ نحن مكملناش شغل. قصي بمرح: العزومة. عشق: طب سيبنا نكمل الأول. قصي: لا يلا. بيمسك إيدها وبيشدها. عشق بتبعد إيدها: ماشي يلا. بروحوا على البحر، بـ يكون فيه طاولة ومزينة وحواليها أضواء حلوة. عشق بتنبهر وتبص على قصي.

عشق بفرحة: دا علشاني؟ قصي بيهز راسه وهو منزل عيونه لأرض بحزن: شكراً يا قصي. قصي بيبص عليها: بس مش أنا اللي عملت ده. عشق بعدم فهم: قصدك إيه؟ -قصدة إني أنا اللي عملت ده وأنا اللي هقابلك يا عشق. عشق بتبص على مصدر الصوت، بتشوف ست بعمر الأربعينات بس حلوة أوي وعيونها زرقا وشعرها بني وفيه شوية شعر أسود. عشق باستغراب: هي دي مين يا قصي؟ بتبص على قصي المنزل راسه على الأرض بحزن، بدأت تقلق. قصي مالك ساكت، هو في إيه؟

الست بحب: اهدئي يا عشق عشان أفهمك. أنا أمك. عشق بصدمة: أنتي بتقولي إيه؟ غرام بحب: هشرحلك كل حاجة يا حبيبتي، بس أنتي اهدئي واسمعيني.

غرام بتقلها إن لما قصي سمع مامته وهي بتكلم بالفون وقالت إنها كانت بتديها سم بطيء عشان يخلص عليها، وهو كان بيعتبر غرام مامته التانية وبيحبها وبيحترمها أوي. وراح وقالها كل حاجة، وهي قالته إن ما يقول لحد وإنه يتصرفوا هما الاتنين. وهما زيفوا موت غرام عشان عرفوا إن اللعبة كبيرة وكانوا عايزين يعرفوا مين متورط معاها ومين بيساعدها من عيلة الكيلاني. وكشفوا اللعبة بتاعة عبد العزيز ونهاد وفريدة من سنة، وكان لازم يكون عندهم دليل لأنهم دايماً كانوا بيتستروا على عمائلهم، حتى لو اضطروا يقتلوا حد. من وقتها وقصي بيساعدها بالخفاء وكانوا بيراقبوا الكل دايماً.

غرام بتنهد بتعب: أخيراً خلصنا من شرهم. عشق، أنا كنت خايفة ياذوكي، كنت خايفة عليكم أوي. عشق بعياط: م.. ماما.. بتدخل في حضنها. غرام بحب: قلب ماما وروحها أنتي. بتبوسها على راسها: عشق حبيبتي، باباك مش كان قاصد، هو أصلاً ك.. جاسر بهدوء: مش ضروري تتبرري تصرفاتي. غرام بتنصدم من شوفته. غرام بصدمة ودموع: ج.. جاسر.. أنت عرفت إزاي؟ جاسر بقرب منها وبيبتسم وبحط إيدها على قلبه: منه.. هو أكيد هيوقف لما تروحي يا غرام.

بيقرب راسه من راسها: أنا عرفت من لما بعتيلي رسالة امبارح إنقذ عشق. سبت رجالي يدوروا على اللي بعت الرسالة، مع إنه كان صعب، بس رجالي مش بيستسلموا. عشان كده عرفت. بس أنتي ليه واجهتي كل ده لوحدك؟ ليه اتحملتي كل ده؟ كان تقوليلي ساعتها يا غرام. غرام وهي بتعيط: كان لازم أجيب دليل. وأنت هتتهور، أنا مكنتش عايزة أخاطر بحد فيكم. أنا كنت عايزة انتقم منهم على اللي عملوه في بنتي يا جاسر، أنا مكنتش بفكر ساعتها.

جاسر بيمسح دموعها: خلاص يا قلب جاسر، الموضوع وانتهى. بيبص على عشق: أنا آسف يا عشق. عشق بدموع: سامحتك يا بابا. جاسر بيبتسم وبحضنها هما وغرام وقصي. بروح عشق بتشوفه وتلحقه. عشق: قصي. قصي بيبص عليها: نعم. عشق: أنت هتروح فين؟ قصي: أنا عايز أنسى كل حاجة يا عشق، عايز أروح من هنا وأبدأ حياة جديدة بعيد عن كل حاجة قديمة. مش عايز أفتكر أي حاجة خالص. عشق بتبص عليه بشفقة: مكنش ذنبك يا قصي.

قصي بحزن: لا ذنبي، هي في النهاية أمي وهتفضل أمي. عشق بحزن: ماشي، اعمل اللي عايزه. بس أنا عايزة أفكرك إنك مش لوحدك، أنا معاك دايماً. قصي بمرح: آهو وقعتي. عشق بتضحك: لا يـ سيدي مش وقعت، قصدي كـ صحاب مش أكتر. قصي بضحك: ماشي وأنا بتشرف بكده يا سندريلا. عشق عيونها بتلمع: نغم! أكيد نغم زعلانة. بتجري. قصي: طب استنى أوصلك المستشفى بعيدة من هنا. عشق وهي بتجري: لا، بروح لوحدي. دي اللحظة الأسطورية اللي لازم نكون لوحدنا.

قصي بيضحك عليها وهي بتبتسم وتجري لحد ما توصل المستشفى، بتشوف نغم طالعة هي وعدي. بصوا عليها باستغراب وهي جارية باتجاههم. عشق بتحضن نغم. نغم باستغراب: عشق، أنتي اتجننتي؟ بتجري زي المجنونة ليه؟ عشق بغيظ: والله خسارة كل الجري ده. نغم بعدم فهم: مش أنتي زعلانة مني؟ طب فيه إيه؟ وإنتي حضناني ليه؟ عشق بضيق: نغم، هي ناقصة غباوة كمان. عدي بضحك بيبص عليه بغيظ: أصلاً أختك رخمة زيك.

عدي وهو بيضحك: لا يـ ستي، هي أختك وأنتي أولى بيها. عشق برفعة حاجب: أهاا، بقيت أولى لما رجعت غبية. عدي وهو بيضحك: آه، أصلي ذكي وهي أكيد مش هتطلع غير ذكية، ده لو أختي يعني. عشق: لا يـ سيدي، هي أختك، مفيش غيرها. عدي: لا، أختك أنت. عشق: بقلك أختي. نغم بغيظ: أنتو هتفضلوا كده؟ ابعدوا سيبوني في حالي، أنا مش أختك ولا أخته. عشق بتمسك نغم من قفاها: قولتي إيه؟ نغم بألم: قولت إني بحبكم. عشق وعدي بيبصوا على بعض وبيضحكوا.

نغم: طب خلاص، اعملوا نهاية أحلى من ضحكتكم دي ممكن. عشق بتحضن نغم: أنا بحبك أوي أوي يا نغم، وهفضل أحبك مهما عملتي، مش هقدر أبعد عنك. نغم بتبادلها الحضن وتقول بحب: وأنا بموت فيك يا سندريلا.

غرام بترجع البيت، وغسان وغرام وكيان بينصدموا لما يشوفوها، وبتحكيلهم كل اللي حصل، وبيتبسطوا أوي. وكمان أسير بيتبسط من نغم، وبيعاقب عبد العزيز وهارون ونهاد وفريدة أوي بسبب خطفها. مش بيسلمهم للشرطة، وبفضل يحبسهم ويعذبهم لوحده. وقصي بيسافر برا البلد. وعدي بيجمع شركات الكيلاني مع شركته، وبيديرهم بيهتم بموضوع الفنادق. ورعد بيعترف لغرام وبيتجوزوا، أما عشق ونغم كانوا مش بيفترقوا عن بعض. تمت.