رواية انقذتني الفصل الثلاثون 30 - بقلم يارا احمد

كيان بعدم فهم: غيران عليا؟ غسان: ما أنا بحبك، إزاي مش هغار يعني. كيان: نعم، قولت إيه! غسان بضحك: أنا أصلاً كنت بحبك بس معاند نفسي ومش عايز أعترف، بس لما أشوفك قريبة من عدي روحي بتطلع من مكانها. كيان بغيظ: تستاهل، لأني بحس نفس الشعور، والبنات بيغازلو فيك. غسان بمرح: ما أعملك إيه، أنا حلو وأتحب. كيان بغيظ: بس أنت ملكي أنا وبس. غسان بابتسامة: طبعاً. أنا هخرج. كيان بخوف: هتروح فين! أنت مش شايف دراعك!

غسان: اهدئي ي حبيبتي، بقوم. أنتي سيبك هنا مع رعد الصغير لحد ما أرجع. هروح أشوف إيه اللعبة الغبية دي. كيان بتعيط: غسان لا بلاش تروح، أنت مش شايف دراعك، لا أرجوك. غسان بحب: مش هيحصلي حاجة ي كياني. بمسك إيدها وبوديها لرعد الصغير. خد بالك من ماما. رعد: حاضر. غسان يقرب منه، وبيمسح على راسه: حبيبي مش هيحصل حاجة، وعد هرجع لكم سالم. ببعد عن رعد وبدخل عبد الله. عبد الله: غسان بيه، كل حاجة جاهزة. غسان: ماشي يا عبد الله.

عبد الله بيخرج. غسان بيبوس كيان على راسها وبيقول بحب: هرجع، وعد. وغسان المالكي عمره ما خلف بوعد قطعه. كيان بدموع: وأنا هنتظرك، بلاش تتأخر. غسان بمرح: هو في حد بيتأخر لما تقوله مراته كده. ببعد وبروح، وكيان بتفضل تدعي ربنا يسلمه. غسان ببرود: عرفتوا مين اللي عمل كده؟ عبد الله: دول رجالة عيلة الكيلاني يا غسان بيه، بس لسه ما وصلناش لعمل كده. بس كان فيه واحد معاه فون وأنا حددت موقع آخر رقم اتكلم معاه.

غسان بهدوء: أنا عارف مين عمل كل دا. بتصل بأمير. هبعتلك موقع، تعال أنت وبابا عليه. ببعت الموقع. هنخلص اليوم من لعبتكم دي. نغم بفرحة: عشق أنا مبسوطة أوي لأننا خرجنا مع بعض أخيراً، بجد وحشتيني. عشق بتضحك: اهدئي ي نغم وبطلي تشدي إيدي زي الأطفال وتجري، الناس بتبص علينا. نغم بغيظ: يولعو! أصلاً أنا لما أبقى مهندسة هعمل مدينة كاملة ونعيش فيها لوحدنا. عشق بتضحك: يا منك، أنا مجنونة وهتفضلي كده.

في عربية سودا بتطلع قدام نغم وعشق. بخرجو منها ملثمين وبيخدرهم، و نغم وعشق بيغمى عليهم. بندخلهم العربية ويبعدوا بيهم. كيان كانت مع رعد الصغير لحد ما سمعت طلق ناري برا، خافت. كيان بخوف: رعد، أنت خليك هنا، أنا هخرج أشوف فيه إيه. رعد: لا! كيان: مش هيحصلي حاجة. لو دخلو يمكن يقوصوك. انتظر هنا، ماشي. بتخرج والملثمين بيمسكوها. عشق ونغم وكيان بيفوقوا ويبصوا على بعض. كيان بخوف: عشق، نغم، أنتو بتعملو إيه هنا!

نغم بتحكيلها اللي حصل. نغم بهدوء: هنعمل إيه في الورطة دي. بتنفخ بضيق. إحنا هنفضل كده كتير، طب ما تيجي وتقولنا فيه إيه وخاطفنا ليه يا عمو! عشق: نغم، أنتِ بتقولي إيه! أنتِ ضربتي راسك! نغم بضيق: أنا عارفة إنك سامعني، آسفة، قصدي عارفة إنكم سامعني، بس وربنا النهاية مش هتعجبكم. جدو لو لمستوا شعرة مني هيمحيكم من وجه الأرض. -وهو جدك ده يا ترى هيعرف إزاي! بيبصوا على مكان الصوت وبيشوفوا هارون.

نغم بسخرية: معلش، أصل أمثالك مش بيعرفوا. جدو وعمو جاسر لسه. هارون بيقرب من نغم ويمسك قفاها بقوة: لا ي حبيبتي، محدش هيوصل هنا، اطمني. عشق بعصبية: بعد إيدك عن أختي يا حيوان أنت! هارون بيبص عليها وبيطلع سكينة ويقربها من رقبة نغم. هارون ببرود: أحسن تلموا لسانكم وبلاش شتيمة، أصلي مش بحبها. عشق بدموع: نغم، بعد، أنت بتعمل إيه! كيان بعصبية: بعد السكينة يا هارون، أنت اتجننت على الآخر.

نغم بهدوء وابتسامة: أنا بقول إن السكينة دي مش بتيجي جنب العيال زيك. بتقول باستفزاز. ما يطلعوا الكبار ولا هما خايفين ينفضحوا. هارون بيقرب منها السكينة بعصبية وبيجرح رقبتها. نغم بتحس بألم بس بتكون هادية قدامه. عشق بخوف وصراخ: نغم، نغم، سيب أختي، بقولك سيبها، بعد السكينة، بعد عنها. كيان بخوف: نغم، نغم، أنتِ كويسة! نغم ترد. نغم بتنهد: أنا كويسة. هو فاكر اللعبة دي هتخوفني؟

مش قادر يقتلني أصلاً. لو صح كان زماني مت. بس أظهر أول يا عمو عبد العزيز، أصل مش حلوة في حقك تسيب العيال تتصرف. هارون كان هيقرب السكينة تاني بس بيوقفه صوت عبد العزيز. عبد العزيز: كفاية ي هارون، نحن محتاجينها حية. بيبص على نغم. طلعتي ذكية ي بنت أخويا. نغم بتضحك ضحكة سخرية: معلش، أصلي مش شبهك أنت البهائم اللي ماشية معاك دي. يعني، ممكن تخرجوا كلكم عشان أعرف أتكلم براحتي، مش كده ي مرات عمي وعمتو، ولا إيه!

بيخرجوا فريدة ونهاد. نهاد: طلعتي مش سهلة ي بنت أده. عشق وكيان مش فاهمين حاجة. نغم بتضحك: من ذوقك ي مرات عمي. عشق بعدم فهم: نغم، فيه إيه! إيه اللي بيحصل هنا ده!

نغم: هفهمك ي عشقي. ده أنا طلعت أينشتاين، ولا أقولك شيرلوك هولمز أحلى. بتضحك. بعدها بتبص على عمها بكره. أصل دول مجرد زبالة واطية، عندهم الفلوس أهم حاجة ومستعدين يقتلوا أي حد عشان الفلوس ونسبة. لأنه جدو كاتب نص أملاكه باسمي من وأنا عمري 7 سنين. قرروا يقتلوني عشان جدو يعدل الوصية. وحاولوا كم مرة وعمو جاسر اكتشف محاولتهم فبعدني عنهم. فريدة: أنتِ عرفتي كل ده إزاي!

نغم: معلش ي عمتو، أصل ده سر. وبعدين، أنتوا زمانكم هتموتوا على إيد جدو. هقولكم ساعتها. هارون بيقرب السكينة من رقبتها وبعمق الجرح بحده: هتقولي ولا أقتلك هنا. نغم بألم: هو أنت فاكرني هخاف؟ كيان بخوف ودموع: نغم، نغم، هارون بعد، سيبها، هارون. عشق بعياط: نغم، قوليلهم وبلاش تعاندي، نغم أرجوك بلاش تحرقي قلبي. نغم بتبص على عشق اللي بتعيط، ودي أول مرة نغم تشوفها بتعيط. نغم بخوف: عشق، أنتِ بتعيطي ليه! عشق بعياط: أنتِ هبلة!

عايزاني أضحك يعني! أنتِ مش شايفة حالتك! أنا مش هقدر أستحمل أخسرك. انطقي بقى. نغم بتضحك: كل ده علشاني أنا. عشق: أنتِ عايزة تبوظي أعصابي ي نغم. نغم: خلاص ماشي، هقول. اهدئي بس وما تعيطيش. وربنا مش حلوة لما تعيطي. عشق بحده: نغم، ده مش وقت هزارك!

نغم بتبص على عمتها بهدوء: اممم، طب هقولكم عشان عشق بس. أنا عارفة حاجات كتير. بتبص على نهاد. أكتر من ما تتخيلي. فلو حكيت وطلعت من هنا مش هيكون لصالحكم. حتى لو مت أنا، عشق وكيان هيعرفوا. هارون: لا، طمني نفسك. محدش هيخرج من هنا. نهاد بخوف: البنت دي لازم تقتلها ي عبد العزيز، لازم تموته. هارون: وأنا من رأيي ي مرات عمي، دي هتودينا في داهية. فريدة: سيبنا نكتب الأملاك باسمنا أول وبعدها نقتلها.

عبد العزيز: آه، فريدة عندها حق ي هارون. نحن هنخليها توقع، بعدها نقتلهم التلاتة. هارون بيقرب من نغم: وقعي يلا. نغم بسخرية: والله! هارون بعصبية: بقولك إيه ي بنت عمي، بلاش تعصبيني. وقعي قبل ما أقتلها قدامك. بروح جنب عشق وبمد السكين. نغم بهدوء: ااا أنت بتغلط مع بنت جاسر المالكي، فكر مرتين قبل ما تعملها يابن عمي. في النهاية نحن عيلة، ولازم أنصحك يعني. هارون بعصبية: ما عادي نقتلها زي ما قتلنا أمه. نهاد: اخرس ي أهبل.

عشق دموعها بتنزل. عشق بصراخ: أنتو قصدكم إيه! هارون بعصبية: اخرس! كيان بدموع: عشق اهدئي، وأنتِ ي نغم بلاش تستفزيه. نغم بتضحك جامد. عبد العزيز باستغراب: أنتِ اتجننتي! فريدة باستغراب: بتضحكي ليه! نغم وهي بتضحك: يا جماعة مش قادرة. بتوقف ضحك. أصلي بضحك وأنا بشوف صورتكم بلبس السجن ده. طبعاً بعد ما مرات عمي تنعدم لأنها قتلت خالتي غرام. بتكمل بكره. أنا هندمكم كلكم، وده وعد مني.

هارون: بابا، أنا مش هستنى توقيع ولا غيره. هتم بالموضوع ده بعدين. بقرب من نغم السكين وبجرحها جامد. نغم بتقع على الأرض، وكيان وعشق بيعيطوا وبيصرخوا باسمها. فجأة بيسمعوا صوت طلق ناري قوي برا. بيخافوا. وفجأة بيدخل قصي وعدي وغسان وجاسر وأمير ورجالتهم وراهم. عدي بيشوف نغم كده وبيجري عليها. قصي بيفك عشق وكيان. عشق بتجري على عدي وهي بتعيط: عدي، خدها على المستشفى. عدي أسرع أرجوك. أنا مش عايزة أخسرها. عدي بهز راسه وبروح بسرعة.

عشق بتقع على الأرض وقصي بيقرب منها وبيسندها. عشق بتحضنه وهي بتعيط: أنا مش عايزة نغم تروح، يقصي، مش عايزها تروح. قصي: مش هتروح مكان، اهدئي ي عشق. كيان بتجري على غسان وتحضنه وبتعيط: غ... غسان، نغم. غسان بيشدها عليه وبيقول بحزن: إن شاء الله هتبقى أحسن. قصي بيبص على أمه بحزن. نهاد بدموع: قصي، اسمعني، أنا... قصي بيكره: متتبريش حاجة. مش عايز أسمع منك كلمة. نهاد بعياط: بس ي حبيبي، أنا عملت كل ده عشانك.

قصي بعصبية: عملتي كل ده عشاني ولا عشان طمعك! أنا مش طلبت فلوس من قتل الناس. أنا مش بتشرف تكوني أمي أصلاً. جاسر: عشق. عشق بتقرب من جاسر وتدخل في حضنه: ب... بابا، نغم. جاسر بمرح: نغم قطة بسبعة أرواح. بيكمل بحزن. يلا نشوفها. بروحوا المستشفى وعشق مش وقفت عياط. بروحوا وبيشوفوا عدي منتظر في الكرسي ودافن وشه بإيديه وبيعياط. عشق بتقرب منه. عشق بحزن: عدي، نغم هتبقى أحسن، متخافش. عدي بعياط: إزاي مخافش!

دي أختي اللي جوه دي روحي أنا. مش صدقت إنها رجعت ليا وهي عايزة تروح وتسيبني. لا لا، أنا مش بقدر أتحمل. كلهم بيبصوا عليه بحزن. عشق بعياط: وأنت فاكر إنها أختك لوحدك؟ أحب أقولك إنها أختي كمان وأنا روحي وقلبي وكل حياتي متعلقة بنغم. هي عيلتي يا عدي! عدي بألم: لو نغم حصلها حاجة، أنا هحرق الدنيا كلها. هندمهم، مش هسيب حد فيهم عايش. غسان بيقرب منه وبيحط إيده فوق كتف عدي: وأنا هسيبك تعملها، بس ي عدي، أنت كون قوي عشانها، ماشي.

قصي بيقرب منه وبيقول بحزن: أنا عارف إني مش من حقي أقول حاجة بعد اللي عملته أمي، بس ي عدي، بلاش تضعف. عدي: لا، أنت معملتش حاجة يقصي، مش ذنبك. قصي: لا، ذنبي وهيفضل ذنبي. الدكتور بيطلع وبيجروا عليه. الدكتور بابتسامة: الحمد لله على السلامة. بيفرحوا أوي. جاسر بفرحة: يعني نغم بخير! الدكتور بهز راسه: هي قالت إنها عايزة تقابل عشق. هي مين عشق فيكم؟ عشق: أنا. عدي: تعال كمان. عشق: لا، روحي أنتِ، وأنا بدخل بعدك. عدي: لا، يلا.

بيدخلوا بيلقوا نغم ماسكة الفون ورقبتها متضمده. نغم: حبيبتي. نغم بتبتسم وترفع عيونها، بس بتستغرب لما تشوف عدي. نغم باستغراب: عدي؟ أنت مين نداك يا خويا؟ هو الدكتور غلط ولا إيه! عشق بضيق: لا، عدي كان خايف عليكي وأنا دخلته. وبعدين بطلي تكلميه كده، وربنا ما تستاهلي ذرة حب. نغم بتضحك: طب أنا دماغي وجعاني. عدي ولا قصي؟ اختاري واحد. عشق: تؤ تؤ، محدش. أنا بحب نغمي بس.

نغم بتضحك: متلازمة ياء الملكية. المهم ي عشق، مش فرقت لو عدي كان موجود أو لا. أنا بخير ما تخافوش عليا. أنا بس كنت هقولك سر تحسباً يعني. أنقذتني🤍 بقلمي _يارا _احمد باقي بارت واحد وتودعوا الرواية ❤️‍🩹