رواية انقذتني الفصل الخامس عشر 15 - بقلم يارا احمد

أسير: لا عادي، أنا عارف دا.. وأحسن إنك تساعد عدي عشان هو محتاجه. غسان: لا يا جدو، عدي مش محتاجني ولا حاجة.. دي شراكة مؤقتة، عارف إني مش بطيقه.. ووافقت عليها عشانك بس. أسير: ماشي، ماشي.. تعال ننزل. غسان قرب منه وساعده يقوم: جدو، في حاجة؟ أسير: نغم شغالة بالي مش أكتر.. أبوك دا عمره مش هيتفاهم. غسان: دي مش حاجة جديدة، مفيش حد بيتفاهمه. أسير: وانت شكلك طالع لأبوك. غسان ضحك: أظن دا.. نزلوا. غسان قرب

من غرام وجاسر وعشق ونغم: بابا، أنا آسف لأني كلمتك بالطريقة دي.. بس انت كمان استفزيتني بكلامك، أنا بكمل شغلي على أكمل وجهه وانت عارف دا.. عمره غسان ابنك ما ساب حاجة إلا وكملها. جاسر بص عليه: يعني أفهم إيه؟ مفروض إني أعتذر منك؟ غسان: لا طبعًا، إيه اللي بتقوله دا يا بابا؟ بابا، أنا لو زعلتك في حاجة، قولي مباشرة، بلاش نلف وندور بطريقتك دي، ممكن؟ جاسر بهدوء: ماشي، هندخل في الموضوع.. غسان، انت كبرت بقا ولازم تتجوز.

غسان بضيق: تاني رجعنا لنفس الموضوع.. أنا هروح وهبات في المزرعة.. بروح وهو معصب. غرام بتلحقه بسرعة. جاسر بضحك: شفتي يا نغم؟ نغم: دا انت رخيم أوي، إزاي طاوعك قلبك تزعل غسان؟ جاسر بضحك: والله رخيم عشان غسان بتاعك.. ما أنا كنت هجوزهولك. نغم بتضحك: لا مش عايزاه. غرام بتمسك إيده: اهدأ بس، مالك في إيه يا غسان؟ غسان بعصبية: إزاي يعني في إيه؟ مش سامع هو بيقول إيه يا غرام؟ غرام: مالك بس في إيه؟ هو بابا غلط؟

غسان بيجز على سنانه: هو بابا غلط؟ اومال إيه اللي بيقوله دا صح برأيك؟ غرام: ما انت ناقصك إيه؟ كدا كدا هتتجوز. غسان: لا مش هتجوز، ريحيلي دماغي وبلاش تفكري فيا انتي وأبوك، ماشي؟ وبعدين أنا مش فاهم مالكم عايزينيني أتجوز؟ انتوا قولولي مش طايقينك وشوفوا هختفي من حياتكم إزاي. غرام بتضحك وبتحتوي وجهه بين إيدها: حبيبي، عارف إن الموضوع مش كدا.. غسان، أنا وبابا قلقانين عليك، انت يومك كله في الشغل، حياتك كلها شغل في شغل.

غسان بضيق: لا كدب، أنا لما أجي مصر يومي بيكون فيه شغل وانتِ ورعد الصغير. غرام: رعد الصغير؟ مش معقولة، دا أنا نسيت ما أروح أشوفه امبارح. غسان بضيق: شفتي؟ نسيتي ما تروحي تشوفي ابن أخوك وكله بسبب زواجك من الحمار الجوا دا. غرام: الكلام دا عيب على فكرة.. وبعدين أخويا مش شايف ابنه من سنتين بسبب الشغل. غسان بغيظ: بس أنا عارف كل حاجة عنه.. سيبني أروحله، أنا مش فاضي لموضوعك انتي وبابا دا.

غرام بتبعد عنه وبتضحك: والله انت عسل بكل حالاتك، تعرف البنات بتجنن عليك إزاي؟ غسان: لا يا ستي ومش عايز أعرف، ممكن؟ رحيم بضيق: غرام. غرام بتبعد إيدها عن غسان وتبص عليه وتقول بهدوء: نعم. رحيم بغيظ: مش قولتلي إن غسان جاي عندنا؟ غسان كان بيبص على غرام وفهم إن حصلت بينهم مشكلة. غسان: غرامي، أنا هروح، تصبحي على خير. رحيم بضيق: انت بتقولها كدا ليه؟ غسان بيبص على رحيم وبيقول ببرود: أختي وأنا حر. رحيم بسخرية: بنت عمك قصدك.

غسان بيبعد عن غرام ويقرب من رحيم. غسان بيبص على رحيم وبيضربه بوكس: إنت قولت إيه؟ بمسكه ويضربه.. أنا بسكت عن غلطاتك كلها، بس يا رحيم والله العظيم أسمعك تقول إني وغرام مش إخوات تاني، بكون موتك ساعتها.. بيضربه تاني. غرام بتيجي وتوقفه، بيكمل بتحذير وهو بيبص على رحيم..

غسان: وأنا اللي بينا أعظم من إنه يفهمه واحد حقير زيك، بس لو غرام نزل من عيناها دمعة، هحرقك انت وامك وأي حد منكم يضايقها يبقى بيضايقني.. بيكمل بصوت جهوري.. وأظن العالم كله يعرف لما غسان المالكي يضايق، بقلب لشخصيته التانية اللي مش هتعجب حد طبعًا. غرام: غسان، علشاني اهدأ. غسان: هو أنا أصلاً عشانك متحمل فكرة إن الحمار دا جوزك؟

أنا مش عارف حبيتي واحد زي دا إزاي يا غرام.. أنا هروح، دخليه جوه.. بيبص على رحيم بتحذير.. صح، لو مامتك عرفت وقالت كلمة لأختي، يبقى ودعها يا دلوع الماما. بيبص على غرام، بيبوسها على راسها وبيقول بابتسامة حلوة: تصبحي على خير يا غرامي. غرام: وانت من أهله.. بروح. بتبص على رحيم، بتقرب منه علشان تساعده بس بيبعدها. رحيم بعصبية: ابعدي.. كنتي فين لما كان بيضربني؟ ولا علشان بتحبيه أكتر مني؟

غرام بتبعد إيدها وبتدخل جوه ومش بتهتم لكلامه. بتقرب من عشق. عشق بتشوف غرام مضايقة: هو اتخانقتوا انتي وأخوك؟ غرام بتضحك: لا، أنا وغسان مش بنتخانق. عشق: طب مالك؟ انتي كويسة؟ حصل حاجة حد زعجك؟ غرام بابتسامة: يعني انتي بتهتمي؟ عشق: طبعًا بهتم.. مش إحنا أخوات؟ غرام بفرحة: بجد يا عشق؟ عشق بتضحك: آه، أصل أنا عايزة أجرب شعور نغم والدلع شوية. غرام بتحضنها: وأنا هدلعك زي ما عايزة.. هي صحيح، فين نغم؟ عشق: معرفش، اختفت فجأة.

نغم: أمير، أسرعععع! جدو هيدبحني. أمير: وأنا هيدبحوني ويشربوا دمي لو عرفوا إني طاوعتك، انتي رايحة ليه؟ انتي أكيد اتجننتي! نغم: يا سيدي، مصيبتك إنك مجبتش هدية. أمير: أمري لله.. بوصلوا. نغم بتنزل بسرعة وبتشوف فهد وهو بيقفل الدكان. أوفففف، هقوله إيه؟ مش أنا كنت عمية بنظرهم؟ يعني دي أول مرة أشوفه فيه! نغم: احم.. لو سمحت يا أستاذ.. فهد بيبص عليها بصدمة: هو انت عارف فين بيت عم محمد؟ فهد بصدمة: نغم؟ رجعنا لتمثيل؟

نغم بصدمة: فهد! فهد: آه أنا فهد.. بيكمل بفرحة.. انتي شايفني يا نغم؟ أنا بجد مبسوط عشانك. نغم بتبتسم لما تشوف فرحته عشانها: شكراً يا فهد. فهد باعتراض: نغم وفهد مش بينهم شكر. نغم بتضحك: آه.. صح، أنا مستعجلة أوي، هات الهدية وسيبني أروح قبل ما يلاحظوا إني اختفيت، دا جدو هيدبحني. فهد بزعل: هتروحي.. بيدخل إيده في جيبه وبيطلع هدية مغلفة وبيديها لنغم.. معلش، تفتحيها هنا؟

نغم بتمسك الهدية بفرحة: طبعًا.. بتفتحها بتلقى خاتم وعقد مصنوعين من الفضة، بس تصميمهم راقي.. حلوو أوي، بس ليه عقد وخاتم؟ فهد: الخاتم ليكي، والعقد لعشق.. عارف إنك بتحبي تشاركيها في كل حاجة. نغم بتنبسط أوي: بجد، بجد؟ أحلى هدية يا فهد، بجد شكراً. فهد بيبتسم: لا عادي، المهم إنك مبسوطة. نغم: ط.. أمير: نغم، جاسر بيه اتصل فيني، يلا. نغم بخوف: م.. مصيبة.. فهد: شكراً أوي، بجد آسفة، لازم أروح.. بتروح جري.

بتلوح له، بيلوح لها وبتروح. أمير بيسوق بسرعة: هنموت. نغم: يا رب استرها.. بوصلوا. بتجري لجوه، بعد ما تقرب من الباب بتوقف جري وتمشي ببطء وهي خايفة. جاسر بجدية: نغم، تعالي هنا. هموت خلاص، وداعًا يا دنيا. نغم بارتباك: ح.. حاضر. غرام: بابا، نغم كنتي فين؟ نغم: في الحديقة. جاسر بيبص عليها بعصبية: نغم، قدامي على المكتب. نغم بزعل: حاضر.. بروحوا. عمو، أنا.. جاسر بعصبية: مش عايز أسمع صوتك، الظاهر إنك اتطورتي في موضوع الكذب دا.

بيدخلوا. أسير بيبص عليها. أسير بحدة: كنتي فين يا نغم؟ نغم بدموع: روحت لحي الكنا ساكنين فيه أنا وعشق يا جدو. جاسر بضيق: وليه روحتِ؟ نغم: علشان فهد كان عايز يقدم لي هدية.. وهو مش هيعرف ييجي هنا. أسير بعصبية: تقومي انتي زي الهبلة تروحيله؟ نغم، الحركات دي مش بتعملها بنت عيلة الكيلاني. نغم بدموع: بس يا جدو، أنا مقصدش حاجة، صدقني. جاسر: انتي عارفة فهد دا بيشوفك إزاي؟ يمكن يأذيك، أنا مش بستبعد.

نغم بضيق: لا، فهد مش كدا.. هو انت فاكرة واحد من عيلة الكيلاني ولا إيه.. عمو، انت كنت مراقبني وانت عارف فهد كويس، هو مش بيتخطى حدوده معايا، إنما الأستاذ المحترم ابن عمي جا وباس إيدي مع إني أول مرة أشوفه، والله أعلم لو مش التاني بيكرهني كان هيعمل إيه.. وجوز بنتك دلوعة ماما دا سيبه على جنب، دا قصي وهارون أحسن منه، الوحيد اللي طلع ابن يعتمد عليه أخويا للأسف. جاسر وأسير بضحك. جاسر بضحك: طب ليه للأسف؟

نغم: علشان أنا لو اضطريت أتجوز واحد من العيلة، هتجوز واحد من العيال الرخمة دي.. يععع، مستحيل أكون مع قصي ولا هارون، نووو طبعًا. أسير بضحك: ريحي دماغك، انتي مش هتتجوزي. نغم: هاه، بجد؟ طب تمام كدا.. بتكمل ببراءة.. بس يعني غسان حاجة تانية. جاسر بضحك: لا يا ستي، ابني مش عايز يتجوز، واديكِ شفتِ. نغم: ما أنا فهمت دا.. علشان كدا بقول لو عايز يعني.. بس كمان غسان عنده مشكلة، ودا أكبر سبب إني مش هتجوزها. أسير: والله إيه؟

نغم: غسان كل البنات بتحبه لأنه بيرفكت في كل حاجة، ودي حاجة معروفة طبعًا.. أنا مبحبش كدا، عايزة جوزي ليا لوحدي، محدش يبص عليه. جاسر: دي سرحت بعيد أوي. أسير بضحك: فوقي، انتي مش هتتجوزي أصلًا. نغم: طب ماشي، ممكن أنزل تحت. أسير: بس تاني متعمليش حركة زي دي، ماشي؟ تستأذني أول وتطلعي. نغم: أمرك يا جدو.. بتروح. بتنزل. الحفلة بتعدي وبيتهي اليوم، الكل بيكون تعبان وبيروحوا الغرف. نغم: آآآ، يلا نفرح بالهدايا.

عشق: افتحيهم، أنا عايزة أنام. نغم: طب شوفي هدية غرام الأول.. عشق بتبص على نغم وبتكمل بغيظ: أنا شكلي هكره غرام. عشق بتضحك: خلصتي؟ هنام بجد، يلا. نغم بتفتحها بتشوفها دميتين محشوات على شكل أميرات، واحدة سندريلا وواحدة سنو وايت. نغم بصدمة وانبهار: واااااو، عشق شوفي. عشق بتضحك: عجبتك صح.. أنا وغرام اشتريناها مع بعض.

نغم بحب: حلوة أوي.. بتمسك دمية سندريلا وتحضنها.. دي شبهك أوي، طب يلا نشوف قُرة عيني جابلي إيه.. بتحط الدمية جنبها وتفتح هدية غسان، بتشوف عقدين ألماس مكتوب على العقدين أسمائهم هي وعشق، بتقول بصدمة.. مش معقول. عشق: في إيه، مالك؟ .. بتشوفهم بتنصدم.. إيه دا؟ دا ألماس؟ نغم بصدمة: هو أكيد اتجنن.. عشق، مش قادرة أصدق. عشق بتنصدم لما تشوف عقد عليه اسمها، بتاخده: دا عليه اسمي، إيه داااا!!!

أنا لسه مش مستوعبة، هو إزاي بيجيب لنا هدية غالية زي دي؟ طب فهمنا، أنا بنت خالته، بس عشق؟ فيه حاجة غريبة بتحصل. نغم بتقوم: عشق، هروح أجيب نمرته من غرام وأرجع.. بتروح. عشق لسه مصدومة. نغم بتدق على الباب، غرام بتفتح: غرام، هاتي نمرة غسان. غرام: لحقنا معاكسات كمان؟ نغم: هاتيه بدون لماضة، ممكن. غرام: ماشي.. بتمسك فون نغم وتكتب نمرة غسان.. اااه، بلاش يعرف إني.. نغم: ماشي، مش هيعرف.. بتمسك فونها وبتروح. تلقى عشق سرحانة.

نغم: جبته. عشق: هنقول له إيه؟ نغم: هنسأله عن التهريج اللي بيحصل دا. عشق: ماشي يا نغم، بس أنا مش عايزة أكلمه. نغم: ماشي.. بتصل على غسان، بيرد. غسان: الو. نغم: الو غسان.. أنا نغم. غسان: عايزة حاجة؟ نغم: بصراحة عايزة أسألك.. غسان، أنا فتحت الهدية وشوفت.. غسان وهو بيقاطعها: عادي يا نغم، هو مش غالي ولا حاجة، خديه، وبالنسبة لعشق، ارفعي السماعة. نغم بتبص على عشق: ماشي.. بترفع السماعة.. اتفضل. غسان: عشق، اقبليه، ماشي.