رواية انقذتني الفصل السادس عشر 16 - بقلم يارا احمد

عشق لم ترد وتبص لنغم بمعنى أرفضيه. نغم: غسان عشق قالت مش عايزاه. غسان: لو مش عايزاه يبقى تسمعني صوتها. عشق تبص على نغم بمعنى أنها مش هتتكلم. نغم: هي قالت مش عايزة تتكلم. غسان: يبقى كدا هتقبله غصب عنها.. تصبحو على خير.. بقفل. نغم: إيه دا؟؟ انتي ليه مش عايزة تكلميه؟؟ عشق: معرفش أنا من وقفت قدامه مش عايزة أكلمه وصوتي مش عايز يطلع مني.. هرجعه هديته بكرة الصبح يلا ننام. نغم: حاضر.. بتحضن عشق وتنام.

الصبح بينزلوا تحت بعد ما يجهزوا. ونغم بتكون غيرت مدرستها وهتروح مع رهف. نغم: صباح الخير. الكل: صباح النور. أسير: نغم عشق تعالوا افطروا أول. نغم بتبص على عشق. سيرين: يلا يا بنات. نغم وعشق بقعدوا. أسير: افطروا بسرعة والسواق هيوصلك يا نغم، وانتي يا عشق روحي مع عدي. عشق: لا مفيش داعي، باخد تاكسي.

أسير باعتراض: لا طبعًا مفيش تاكسي ولا حاجة، العربيات هنا كتير أوي، لو مش عايزة تروحي مع عدي أنا بكلم لك أي حد من السواقين يروحك، لكن تاكسي لا.. وبعدين هو عدي عمل حاجة؟؟ ببص عليه بتحذير. عدي كان بياكل وبشرق أول ما يسمع كلام جده. بكح: ج.. جدي انت بتقول إيه، انت مش واثق في حفيدك؟؟! عشق: هو مش عمل حاجة بس أنا مبحبش أكون مع ولد لوحدنا. أسير: ماشي يا بنتي هكلم السواق يوصلك. عشق بتبتسم: شكراً لحضرتك.

أسير باعتراض: بلاش حضرتك دي، قولي جدي زيهم. ماشي. عشق بتبتسم: ماشي يا جدي. نغم بتبتسم: نحن شبعنا يلا يا رهف. رهف: يلا. بيخرجوا هي ونغم وعشق. عشق: خدي بالك من نفسك. عشق: ماشي، وانتوا اهتموا ببعض. نغم بتحضن عشق: هو أنا مينفعش أروح معاك؟؟ عشق بتضحك: هنبدأ دلع.. لا مينفعش. نغم: لو حد زعجك قوليلي بعد ما نرجع. ماشي. نغم بتبعد عنها وبتروح هي ورهف. عشق بتروح وتدخل العربية. السواق بيوصلها شركة المالكي. بتنزل وبتدخل.

عشق: عفواً، هو الأستاذ غسان موجود؟؟ موظفة الاستقبال: آه هو غسان بيه موجود، حضرتك عندك موعد؟؟ عشق: ممكن تقوليله إن فيه واحدة اسمها عشق. منت.. رعد: عشق نورتي الشركة، كنت بنتظارك، اتفضلي. عشق: شكراً يا أستاذ رعد. رعد: لا بلاش أستاذ دي، اتفضلي. بروحوا مكتب رعد، بيدخلوا وبيقعد. اتفضلي. عشق بتقعد بتبص حواليها: هو مش موجود. رعد: مين غسان؟؟ لا هو في مكتبه، دا يبقى مكتبي أنا، انتي هتشتغلي معايا بناءً على أوامر عمي جاسر.

عشق: ماشي.. بس هشتغل إيه. رعد: هو انتي بتفهمي في إيه؟؟ عشق: أي حاجة. رعد: ماشي يبقى اشتغلي سكرتيرة ليا، أصلي مش عندي سكرتيرة وكنت بدور على واحدة. عشق: ماشي. رعد بيبتسم: طب اتفضلي على شغلك يا عشق. عشق بتبتسم لما حست إن رعد طيب: حاضر. بتروح وتستلم شغلها. بعدي اليوم. المساء. كيان بنفاذ صبر: غسان الموضوع مش لعبة، أنا جيت علشان أحدد معاك موعد لاجتماع، تيجي تقولي مش فاضي، طب ما تحدده انت وتخلصني!!

غسان برسمية: آنسة كيان، ياريت نلتزم حدود الشغل.. ثم أنا قولت إني مش فاضي بس مش قولت إنه مش هيقام، الاجتماع قائم في موعده وكل حاجة. كيان بعدم فهم: إزاي يعني؟؟ غسان: رعد هو اللي هيتم بكل حاجة عن الشراكة دي وأنا مليش دعوة فيها. كيان بغيظ: طالما انت بتجيب حياتك الشخصية على الشغل ومش عايز تشوف عدي ليه وافقت من البداية؟؟ غسان بيغمض

عيونه بتعب من إصرارها: كيان بس بقا ممكن.. قولت مية مرة عدي مش سبب الشراكة دي وأنا وعدي مفيش بينا حاجة، سيبني في حالي، مش عايزك تدخلي في مشاكلي العائلية ممكن. كيان بتسكت لما تشوف طريقته اتغيرت. كيان: أنا بس عايزكم ترجعوا انت وعدي صحاب زي زمان. غسان بيبص عليها بعصبية بس بيتحكم بنفسه. غسان بهدوء: كيان ممكن تخرجي.. ولو يهمك عدي كتير أوي، صدقيني نحن كدا أحسن، ولا أقولك أنا هخرج انتي ابقي هنا. بروح.

كيان: هتفضل تهرب كدا، بس أنا مش هستسلم. بتلحقه. غسان بيوقف لما يشوف عشق واقفة مع رعد، بيبتسم ويقرب منهم. غسان بابتسامة: عشق عجبك الشغل. عشق بتهز راسها. بتنهد بيأس. مصره إنك مش عايزة تسمعيني صوتك. عشق بتهز راسها تاني. ماشي براحتك. كيان: رعد. رعد: كيان.. إيه جابك؟؟ كيان: فيه اجتماع بكرة الساعة 10ص، ياريت تحطه في جدول مواعيدك. كانت بتتكلم وهي بتبص على غسان بغيظ. غسان بيتجاهل نظراتها: عشق تعالي أوصلك.

رعد: أنا كنت بقولها كدا قبل شويا بس هي قالت إن جدك جايب لها سواق. غسان بيبص عليه بضيق: وانت ليه عايز توصلها. كيان بتنصدم منه. رعد: علشان يمكن متلاقيش تاكسي وأنا أصلاً كنت طالع وهي اتأخرت بسببى. غسان بضيق: أنا بس اللي بوصل عشق فاهم يا رعد. رعد: فاهم يا زعيم فاهم. عشق بتخرج. غسان: يخربيتك يا رعد دا كله بسببك. رعد: أنا؟؟ غسان بيلحقها. كيان بصدمة: إيه اللي بيحصل هنا دا؟؟ هو دا غسان اللي أعرفه ولا واحد تاني.

رعد: يظهر تم تبديله أمس، هو غريب أوي و بيهتم بالبنت دي أوي أوي. غسان بيمسك إيد عشق: عشق لحظة بس متفهمنيش غلط، أنا مش قصدي اللي فهمتيه وربنا. عشق بتتضايق منه وتبعد إيده وتروح. بتشوف العربية وبتدخل. عشق: عمو روح الفيلا بسرعة لو سمحت. بروح. غسان بروح عربيته وبروح فيلا الكيلاني. عشق بتنزل وبتدخل جوا وهي متضايقة أوي. بتروح غرفتها. غسان بيدخل بسرعة، بروح غرفة غرام وبيدق الباب. نغم: عشق إيه؟؟ عشق بضيق: نغم هو مسك إيدي.

نغم: مين؟؟ عدي؟؟ هروح أدبحه وأرجع. عشق: لا مش عدي، غسان. نغم: إزاي يعني مسك إيدك؟؟ عشق بتحكيلها الموضوع. مش فاهمه، هو انتي بجد بتكلمي عن غسان.. غسان المالكي شخصياً يا عشق؟؟ عشق: نغم نحن هنعديها تريقة؟؟ نغم: آسفة متعصبيش مني، بس غسان عمره في حياته ما عملش كدا مع حد.. يمكن يكون من الناس اللي وقعت بحبك. عشق بضيق: نغم انتي جايه تبوظي أعصابي أكتر!!

نغم: آسفة خلاص بطلي تكشير بقا.. بصي هو انتي أصلاً شغلك مع رعد، اتجاهلي غسان لحد ما يرجع عمو وخلاص ماشي. عشق بتتذكر جاسر وكل العملة معاها: ماشي يا نغم.. أنا هتحمله عشان أستاذ جاسر مش أكتر.. بس مش هتكلم معاه أبداً أبداً. نغم: تمام تمام.. يلا يبقى دوري أحكيلك اللي حصل في المدرسة الجديدة. عشق: إيه؟؟ نغم بتقعد جنب عشق: كانوا عايزين يتنمّروا عليا. عشق: إيه مين دول؟؟

نغم: بنات جهلة كدا.. المهم نغم بنتك ما قصرتش وعملت لهم الواجب. عشق بتضحك: إزاي يا فلسفة. نغم بتكمل بحماس لما شافت عشق ضحكت ونسيت موضوع غسان.

نغم بحماس: قولت لرهف امسكي الشنطة ورميتها ليها.. ومسكت إزازة المية اللي في إيدي ورميتها على البنت اللي قالت لهم الأوامر، فهي صرخت وكل المدرسة اتجمعت على صراخها وزمايلها كانوا عايزين يضربوني أنا ورهف، بس أختك مش سنو وايت، بس دا أنا بطلة في الفنون القتالية، عمري ما اتعلمتها، معرفش إزاي بقيت أحس إني خفيفة وبقيت أتحرك بخفة وضربتهم كلهم وبقوا يترجوني ويبوسوا رجلي علشان أسيبهم.. بتكمل وتضحك بفخر.. أكيد أنا وريثة جاكي شان.

عشق بتمسك نغم من قفاها: بت انطقي وقولي الحق. نغم بالم: اا.. ماشي.. لما روحنا لساحة والطلاب اتجمعوا، المديرة جات واتكلمت معاهم، ولما عرفوا إني بنت عيلة الكيلاني الكل اترعب، وما أظن حد يقرب لنا تاني، سيبني بقا. عشق بتضحك وتسيب نغم: وريثة جاكي شان هاه. نغم بطفولية: ما كنت عايزة أضحكك، وأهو نجحت.. صح يا عشق غمضي عيونك العسل السكر دول ممكن. عشق: يا رب استرها. نغم بضيق: نعم!! عشق بتضحك: مفيش. بتغمض عيونها.

نغم بتلبسها العقد اللي جابه فهد. عشق بتفتح عيونها وتبص على العقد.. الله حلو أوي. نغم بتمد إيدها: بصي الخاتم دا. عشق: بجد حلوين.. بس هو أكيد العقد بتاعك. نغم: لا هو بتاعك، أصل اللي جاب الهدية قالي إن العقد ليك والخاتم ليا. عشق: دا مين؟؟ نغم: هتضربيني لو عرفتي. عشق بضيق: مين يا نغم. نغم بتغمض عيونها بتقول بخوف: ف.. فهد. عشق: هاه، حتى الأهبل دا عنده ذوق حلو. نغم بعدم تصديق: مش هتضربيني.

عشق: لا، أنا قولت قبل كدا إنك كبرتي وهتقرري لوحدك. الباب بيدق. غرام: نغم. نغم: اتفضلي يا غرام. غرام بتدخل.. خير. غرام: لا عرفت إن عشق جات قولت أجي أشوف الشغل معاها إزاي، أصله بابا سافر وقال أطمئن على عشق. عشق بابتسامة: حلو أوي. غرام: محدش زعجك صح. عشق بتهز راسها بالنفي: لا أبداً.. رعد لطيف أوي وبيعاملني كويس وباحترام. غرام بابتسامة: ماشي، أنا هروح أطمئنه.. بعد شويا العشا، انزلوا. ماشي. غرام بتروح. كدبتي عليها ليه.

عشق: مش عايزة أعمل مشاكل بينهم، انتي شفتي أمس علاقتهم متوترة، بلاش نزيد التوتر. نغم: ماشي يا عشق. عشق: هروح أتحمم وأرجع علشان ننزل. بتروح بتتحمم وبينزلوا. بيقعوا على طاولة العشا. أسير: نغم رهف، إيه هي المشكلة اللي حصلت في المدرسة. نغم كانت بتاكل، من سمعت كلام جدها سابت الأكل. أسير: خير. نغم: جدي اسمعني أول وتاني اقرا. أسير: ااا بلاش تتحايلي وسيبنا نتكلم بعد الأكل انتي ورهف.

رهف بهمس: هو أنا ما شفت غيرك أكون معاه، ي مصيبة. نغم بتضحك لما تسمعها. أسير: في حاجة من كلامي بتضحك!! نغم بخوف: ل.. لا طبعًا يا جدي. بتبدأ تاكل. أدهم: بابا أنا كنت عايز أخرج عشق ونغم شويا. أسير: لا نغم هتفضل هنا وتدرس، مفيش خروجات تاني. نغم: ليه بس يا جدي؟؟ أدهم: بس يا بابا نغم كانت مش بتشوف. بصت على جدي، ومن تعابيره عرفت إن عمو جاسر حكى له إن دي كدبها.

أسير: مش مشكلتي يا أدهم.. بنتك لازم تتفوق وترفع اسم عيلة الكيلاني.. صحيح يا نغم انتي عايزة تطلعي إيه. نغم بابتسامة: مهندسة يا جدي. فريدة: مهندسة؟؟ نحن عندنا البنات بتقرا طب بس. رحيم: الطب أحسن يا نغم، الهندسة صعبة على البنات. نهاد: آه مش لازم تطلعي مختلفة يعني. أدهم كان هيتكلم بس نغم بتسبقه.

نغم بابتسامة: معلش يعني أنا مش بهتم لرايكم، دي حياتي وأنا حرة.. وصراحة تفكيركم جاهل وسطحي أوي، مش عشان أنا بنت يبقى أسيب حلمي، البنات بيقدروا يكونوا أحسن من الرجال مرات. فريدة: قصدك إيه يعني؟؟ نغم: قصدي إن لو واحد منكم باستثناء جدي طبعًا لو عاش الحياة الصعبة اللي عشناها أنا وعشق كان زمانه انتحر، لأنكم اتعودتوا على الدلع والرفاهية، مش كدا يا خالتو و عمتو. سيرين: نغم اتكلمي أحسن. نغم بتبص على أسير.

أسير: محدش طلب رأيهم يا سيرين، سيبها تعلمهم إن كل واحد يبقى في باله. نغم بتبتسم ونهاد وفريدة بيتغاظوا منها أوي. عشق بتضرب نغم في رجلها وتقول بهمس: رهف هنا راعي لمشاعرها. نغم بتبص على رهف بأسف وبتقول بهمس: أنا آسفة يا رهف. رهف بتقوم: جدي أنا شبعت، عن إذنك تصبحوا على خير. بتروح. فريدة ورحيم بيقوموا وبروحوا. وانقذتني🤍 وبقولكم في بارت تاني النهارده😂