رواية انقذتني الفصل السابع عشر 17 - بقلم يارا احمد

نغم بتنهد بياس: أنا مقصدش. غرام بهمس: متخفيش، رهف هتتفهم. نهاد: يظهر إنك اتعذبتي أوي يا نغم. نغم بتبص عليها: طبعًا يا خالتي. نهاد: بـ... قصي بيدخل، بتقوم وتروح جنبه بسرعة. نهاد: قصي، كنت فين وتليفونك مقفول ليه؟ أنت كويس يا حبيبي؟ قصي بتعب: أنا كويس بس تعبان شوية يا ماما. نهاد: ماشي، ادخل ارتاح. قصي بكون رايح بس بيشوف عشق وبيجمد في مكانه. عشق بتشوفه وبتنصدم. عشق بصدمة: ا... أنت؟

قصي بقرب منها بعصبية، بيمسك إيدها وبيجرها عليه. قصي بعصبية: إنتي بتعملي إيه هنا؟ وإزاي دخلتي واتجرأتي تقعدي مع أسيادك على نفس الطاولة؟ نغم بتقوم بعصبية وبتضربه قلم: متتكلمش أختي كده وسيب إيدها يا حيوان. قصي بيبص على نغم بعصبية، بيبعد عن عشق وكان هيرد لنغم القلم بس بيوقفه صوت جدها. أسير بعصبية خلت الكل يرتجف: قصي، إيدك لو لمست نغم هقتلك هنا. إيه التصرف ده؟ اعتذر من عشق حالاً. قصي بعدم فهم: لمست نغم؟ نغم؟

ببص على أسير، بعدها ببص لنغم بصدمة. قصي: إزاي دي نغم؟ بنت عمو أدهم! ببص على جدي... بس مين دي وإزاي دخلت هنا؟ أنا مش فاهم حاجة يا جدي. أسير: وبعد ما أنت مش فاهم حاجة مالك بتتصرف كده؟ قصي بيجز على أسنانه: جدو، أنت مش عارف البنت دي عملت إيه. أسير: طب قلنا، عملت إيه؟ قصي بيتذكر عشق والعملته في المطعم وبيلبص عليها بعصبية. نغم بضيق: عشق، الحمار ده عملك إيه؟ عشق بهمس وصدمة لسه: ده نفس الواد بتاع المطعم يا نغم.

نغم بتتعصب أوي: أنت إزاي اتصرفت مع عشق كده؟ بتلتفت وراها وتلقى كأس ميه وترميه على رأسه. الكأس بتتكسر في رأس قصي ويبدأ ينزف. كلهم بصدمة. قصي بألم: آآآ... ببص على نغم بعصبية. أسير بعصبية: نغم، أنت اتجننتي؟ نغم بعصبية: هو يستاهل أكتر يا جدو. اعرف إنه أختي خط أحمر. اللي يهينها يستاهل الموت، فاهم يا قصي؟ نهاد بخوف: ح... حبيبي، هات أشوف... بتبص على نغم: أنتي أكيد اتجننتي يا بنت أدهم. نغم

بتمسك إيد عشق وتبص عليها: آه اتجننت. كل واحد منكم يغلط مع عشق دي جزاته. بتروح غرفتها وهي ماسكة إيد عشق وتقفل الباب. نغم بعصبية: أنا هقتلهم واحد واحد. كل واحد سيء في العيلة دي هنهي حياته. عشق بتبص على نغم بعدم تصديق. عشق: نغم، أنت إزاي عملتي كده؟ نغم بعصبية: أنا مستعدة أعمل أكتر. عشق: اهدئي يا نغم، اهدئي. نغم بتحاول تهدّي نفسها وتقول بضيق: أنا آسفة، مقصدش أكلمك كده. عشق: نحن مش في طريقة كلامك، نحن في الهببتيه تحت ده.

نغم بتنفخ بضيق: هو يستاهل أكتر. عارفه حقك عليا، المرة الجاية بتكون السكينة في نص دماغه. عشق بصدمة: إيه... نغم، إيه اللي بتقوليه ده؟ اللي عملتيه ده غلط كبير. نغم: لا، مش غلط. كوني بدافع عنك مش غلط. وبعدين مشفتش ماسك إيدك إزاي؟ لو حد عمل فيهم كده، أقتلهم كلهم. عشق بضيق: نغم، دول أهلك، بلاش تعملي كده معاهم. نغم بضيق: عشق، إنتي كل أهلي.

عشق: لا، أنتِ الظاهر إنك اتجننتي على الآخر. نغم، اللي عملتيه ده غلط وأنا علمتك إنه مينفعش نعمل كده. نغم: أومال أسكت وأنا شايفة هو بيعمل إيه؟ عشق: أومال ده مبرر تعملي كده؟ نغم: آه مبرر. بتبص على إيدها بتشوف دم، بتخاف. عشق: دا إيه؟ نغم: دم. عشق بتبص بصدمة: إزاي جرحتي إيدك؟ بتمسك إيدها بخوف. نغم بتعيط: آآآ، إيدي هتشل، صح؟ أنا عارفة. عشق بتضحك: لا، اهدئي، ده جرح بسيط أوي. أنا مستعدة أعمل كل حاجة عشان عشق تضحك قدامي.

نغم بوجع مصطنع: بسسس، هي بتوجع أوي. عشق: ماشي، اهدئي كده وأنا هسيب الوجع يختفي. نغم بحماس زي الأطفال: عشق، عشق، هي سندريلا قلبت جنية. عشق: أنا كرهت سندريلا من وراك يا نغم، صدقيني. عشق بتضحك وتقرب راسها من راس نغم: على فكرة كده، إنتي الوحيدة اللي بتقلبي مزاجي في ثانية وبتغيريه لأحسن.

بتبص على عيون نغم: أنا معرفش عملت إيه في حياتي عشان تظهري لي يا نغم، بس أنا مبسوطة أوي إني اتعرفت عليك. إنتي عملتي لحياتي معنى، إنتي أهم حد في حياتي وكل عيلتي يا نغم وهتفضلي كده. نغم عيونها بتلمع، بتبتسم. نغم: بجد؟ بجد؟ عشق: عندك شك فيني؟ نغم: لا طبعًا. الباب بيدق، بتكمل بحدة: مين؟ غرام: أنا. نغم: اتفضلي يا غرام. غرام بتدخل وتقعد جنبهم في السرير وتبص على عشق وتمسك إيدها اللي كان ماسكها قصي. غرام بزعل: هي بتوجعك؟

عشق بابتسامة: لا، متخافيش. غرام: أنا آسفة إني مقدرتش أعمل حاجة. عشق: إنتي بتعتذري ليه؟ غرام: لأني واجبي أحميك يا عشق. مش أنا أختك الكبيرة؟ عشق بتبتسم: لا، كفاية إنك بتهتمي. نغم بضيق: إيه ده؟ إزاي يعني أختها الكبيرة؟ بتحضن عشق: مش قولتلك عشق ملكي أنا وبس؟ عشق معندهاش أخوات غيري أنااااا، فاهمة يا غرام؟ غرام وعشق بيضحكوا. غرام بتضحك: ماشي، بس سيبها تتنفس دي شوية وهتموت. نغم بضيق: وإنتي مالك.

بتبعد عن عشق بس بتفضل ماسكة إيدها. نغم: عشق أختي، السندريلا، وسندريلا معندهاش أخوات غيري. غرام برفعة حاجب: مش على أساس إنها معندهاش أخوات أبدًا؟ نغم: كان... قبل ما أدخل على حياتها. غرام بتبص على إيد نغم بتشوف الدم، بتمسكها بخوف: نغم، إيه ده؟ إزاي جرحتي إيدك؟ نغم: اهدئي، هي مش بتوجع أوي. غرام: لسه، مش عقمتيها؟ بتنزل من السرير وبتروح الدولاب وتجيب علبة الإسعافات الأولية وتعقمها وتضمدها. غرام: هي صغيرة بس الجرح عميق.

نغم بألم: آآآ، عشق، هي بتوجع. مكنش ينفع تسيبها بدون تعقيم. مش كنت هموت. غرام بضيق: إزاي يعني؟ إنتي عايزها تلتهب وتوجعك أكتر؟ عشق بتضحك: دي شوية وهتقولك إيدي انشلت. نغم بضيق: آآآ، مش عايزة أكلمك. بتلتفت. عشق: نغم... مش بترد. عشق: نغومة حبيبتي. نغم بضيق: مش حبيبتك ولا حاجة. عشق: والله؟ طب ماشي، أنا أصلًا بحب غرام أكتر. نغم بتبص عليها وتقول بضيق: لا، لا، بتحبيني أنا وبس. إنتي مش بتحبي غرام.

عشق بتضحك وتقرب من نغم: لا، أنا بحب غرام، بس مش أكتر منك. نغم بفرحة: بجد؟ بتبص على غرام وبتطلع لسانها: عشقي بتحبني أكتر منك. بيضحكوا عليها. غرام بتضحك: هتحبني أكتر منك. سيبها تتعود عليا شوية. نغم بضيق: عشق، تعالي نروح من البيت ده. عشق بتضحك: غيورتي الحلوة. نامي يا نغمي، نامي. بتقرب من نغم وتخدها في حضنها، وعشق بتنام لأنها كانت تعبانة من الشغل. نغم: غرام. غرام: ها؟ نغم: أنا لو حصلي حاجة، اهتمي بعشق كويس، ماشي؟

أنا عارفة إني ممكن أروح فيها بالشجاعة اللي عندي دي، بس أنا هفضل أحمي عشق. وانتي اوعديني إنك هتفضلي جنبها. غرام: نغم، إنتي بتقولي إيه؟ انتبهي لكلامك. وبعدين عشق أختي زي ما قولت، مش محتاجة وصية عليها. وإنتي شفتي بابا بيحبها إزاي، وغسان. تتوقعي حد يلمس عشق بالسوء؟ حتى لو جدو أسير، كان هيفكر مرتين قبل ما يعمل كده ويعادي بابا وغسان. نغم: هو إنتو بتحبوا عشق أوي ليه؟ غرام: معرفش. بتقوم: تصبحي على خير. بتروح.

أكيد في سبب وهعرفه لوحدي. بتنام. الصباح. نغم: عشق، يلا فوقي، هنتاخر كده. عشق بتفوق وتقول بنوم: هي الساعة كام؟ بتبص على الساعة وتقوم بسرعة: إنتي ليه مش فوقتيني؟ نغم: قولت أكيد تعبانة. عشق: أومال ليه ما روحتيش المدرسة؟ نغم: عادي، الدروس لسه عليها نص ساعة. عشق: هبلة. لو حصل حاجة واتأخرنا في الطريق، ومسافة أجهز... آآآ، غبية. بتروح الحمام بسرعة وتجهز وينزلوا بسرعة. سيرين: عشق، نغم، الفطار. نغم: ماما، هنتاخر. هي رهف فين؟

رهف: أنا جيت. إنتي كنتي بتعملي إيه كل ده؟ نغم: مش المفروض تيجي تفوقيني؟ رهف: وأنا أعرف إزاي إنكم نايمين؟ عشق: هتفضلوا ترغوا كده؟ رهف ونغم: يلا. سيرين: بس الفطار. نغم: يا ماما، فطار إيه ده؟ غسان هيعمل فطار من عشق لو اتأخرت. عارفة إنه مبحبش التأخير. بتمسك عشق وتجرها بسرعة وبخرجة. نغم: الحقوا قبل ما غسان يدبحك. عشق: ماشي، روحوا. بتروحوا. عشق بتبص، مش بتشوف عربية غير عربيتين، ولا واحدة منهم هي العربية اللي وصلتها امبارح.

فجأة بتحس بإيد سحبتها، وبتشوف قصي ماسكها وفي ضماد على راسه. قصي بضيق: اسمك إيه؟ عشق بضيق: بعد عني. قصي: أنا ممكن أخرج منك كل حاجة بالطريقة اللي مش هتعجبك. بيمسك دراعها جامد. عشق بتصرخ من الألم: هاه، يلا. عشق بألم: عايز باسمي إيه؟ قصي بضيق: قوليله، وبلاش تلفي وتدوري. عشق: اسمي عشق. ممكن تسيبني بقا؟ أنا مش فاضية ألعب معاك. قصي ببعد عنها و بيبتسم: ماشي يا عشق. عدي بقرب منهم. عدي: عشق، في حاجة؟

ببص على قصي بحدة: هو بيضايقك؟ عشق: لا، أنا هروح. عدي: جدو قالي إن السواق أخد إجازة، وأنا هوصلك الأيام دي لأني عندي شغل مع شركات المالك. عشق: بس أنا... عدي: يلا. بمسك إيدها وبركبها العربية ويقفل الباب. ببص على قصي بضيق وبركب وبسوق. عدي: هو كان بيضايقك صح؟ ماما قالتلي على اللي حصل امبارح وقالت آخد بالي منك. لو ضايقك تاني قوليلي، ماشي. عشق: أنا مش محتاجة مساعدة حد. ويا ريت دي تكون آخر مرة تمسك إيدي فيها.

عدي بيبص عليها وبعدين بيبص قدامه. بوصلوا. عدي: وصلنا. بتنزل، بنزل وبندخل بنشوف غسان وكيان ورعد وشريف. غسان بيروح لعشق: صباح الخير. عشق بتتجاهله وتروح لمكتبها. رعد: ادخلوا الاجتماع. بلحق عشق. عدي: هو إيه اللي بيحصل هنا ده؟ كيان بضيق: علمنا علمك. شريف بضحك: شكله الوحش وقع. عدي وكيان بحدة: شريف، انتبه لكلامك. شريف ورعد بيبصوا عليهم باستغراب. رعد: مالكم؟ صراحة، شكل كلام شريف صح.

كيان بضيق: نحن بنتكلم عن غسان. بالله دا شبه واحد يحب؟ عدي بضيق: نحن هنعديها كلام. نحن جايين هنا نشتغل. بروحوا غرفة الاجتماعات. غسان بقرب من عشق: إنتي أكلتي؟ بتبص عليه. غسان: هي النظرة دي إيه بالظبط؟ يعني لأ؟ طب يا ستي هناكل، أنا وإنتي، إيه رأيك؟ عشق بتخد ملفات وتروح غرفة الاجتماعات. غسان بيلحقها. بتدخل وبيدخل وراها. بيشوف عدي والباقي. رعد بسخرية: مش على أساس مش جاي؟ غسان بنفس النبرة: غيرت رأيي. عندك مانع؟

رعد: لا يا سيدي، اتفضل. غسان بيقعد وهو باصص على عشق وهي بتحاول تتجاهله، بس هو بيشرد فيها. غسان... غسان بيفوق من شروده: هاه؟ رعد: ممكن تلتزم حدودك بقا؟ سيب البنت في حالها. عمي وصاني عليها وهي أمانة عندي. غسان بضيق: وإنت شايفني هاذيها؟ بكمل ببرود: يبقى قول لعمك غسان بس اللي بيهتم بعشق، وهو مش هيبعدها عنه سواء كنت مسافر أو كنت موجود. الكل بيتفاجأ منه، وعشق بتبص عليه بصدمة. عدي بعصبية. عدي بقوم بعصبية: غسان، احترم نفسك.

غسان بحدة: عدي، عشق خط أحمر. بلاش تحاول تقرب منها سواء دافع عنها أو صداقة أو أي حاجة. بكمل بتحذير: عشق مش من ألعابك ولا ألعاب عيلة الكيلاني. عشق بتخص عيلة المالك. كلهم بينصدموا، وعدي بيضايق ويقرب من غسان وبيمسكه من لياقة القميص. عدي بعصبية: غسان، بلاش تعصبني.